الموضوع: نصحيييييه الكل مستهين فيها

السلام عليكم عليكم ورحمه الله وبركاته

كيف حالكم جميعا ...

اخواني واخواتي الطلاب انا مابي اثقل عليكم بس ابي اقولكم نصيحه الكل مستهين...

اكثر الطلاب الحين يفكر عمره انه بامريكا خلاص راح يتعلم امنجليزي حتى لو مايعرف وهذا التفكير غلط غلط صحيح انت بامريكا والمكان يساعدك على الممارسه ولكن الجزء الاهم يعتمد على نفسك انت ومجهودك فالعلم مستحيل يجيك وانت مادورته حتى لو انك وين زي اللي يقعد في البيت ويقول بتجيني الفلوس بدون مايتعب عليها ... فمن هالمنطلق انا اقول ياخواني لاتضيعون الفرصه على اعماركم ولاتغلطون فتندمون اتعبوا شوي وراح تستفيدون كثير كل اللي تقدر تسويه واتوقع انه راح يفيد ذاكر يوميا 3 ساعات ولاتقول بذاكر اللي ناخذه في المعهد بس مايجي نصف ساعه المعهد ماراح يعطيك كل شئ وبعدين اذا حبيت انك تكون متميز ذاكر اشياء ماخذتها واحفظ كلمات ومارسها واذا استمريت على هالحاله شهرين بتحس بفرق شاسع وبتحس انك تغيرت 180 درجه ..... اكرر ياطلاب السعوديه قدروا النعمه اللي جتكم غيركم يحلم بها وانتم جتكم بدون ماتخسرون شئ فتذكر ان هناك من ينتظرك وينتظر ماسوف تجنيه من غربتك ومن تعليمك والحكومه الله يجزاها كل الخير ماقصرت معكم فلاتقصرون معها كل اللي تبيه منكم انكم تساعدون في بناء المستقبل ولكي نجاري كبار الدول ولايتم ذكرنا بدول العالم الثالث ... انا ماقلت هالكلام الا من نماذج شفتها وسمعت عنها من ناس الله يهديهم ماخذينها سياحه مو دراسه ....انا مااقول اكبت على عمرك ولاتطلع ولاتتكلم عربي بس خصص 3 ساعات بس يوميا

::: ودمتم في امان الله وحفظه :::

مواضيع عشوائيه ممكن تكون تعجبك اخترناها لك:

• استفسار عن دكتوراه العلاقات الدولية
• دراسة الماجستير جغرافيا أرجوا الدخول
• استفسَار
• كروكي لفندق الفهد كراون والذي ستتم به مقابلات المرشحين
• اختكم ميـــامين محتاجة مساعدتكم امانه لاتردوها
• ياشـــبـــاب هــــل هــــذا الــخــبـــر صــحـيـــح فيه مبتعثين انشاتوللــســعـــوديـ
• بكمل ماجستر بـ آمريكآ وعنـدي اساله
• ممكن لأهل الإمارات كيف اطلب بعثه من الوزارة التعليم
• ماهو القبول المشرط ؟
• مهممم جدا للموظفين المتقدمين على الإبتعاث
• شوفو وش كاتبين في الطلب حقي
• سؤال مهم
• استفسار عاجل لاخي ملبورن
• مساعده فى دراسة اللغه و استفتار عن الفيزا
• الى
• ابغى معلومات عن مدينة أوماها ضروري
• سؤال مختارة من أجوبة موظف وزارة التعليم العالي الأستاذ زامل العثمان
• طلب مساعده من اصحاب الخبرة
• انا واخواني نبي ندرس بنيوجيرسي ساعدوون
• كورس لغة انجليزية في بريطانياارجو المساعدة

تمام كلامك ...
أهم شيء الممارسة و عدم الخجل و الاسترسال في الكلام قدر الامكان
تحيتي لك

والله كلامك يالإمبراطور في محله فيه طلاب أعرفهم في الشهرين إلي فاتت ما استفادوا شيء لأنهم متوقعين إنه مع الوقت راح تنطلق ألسنتهم وهو اصلا ما يحفظ كلمات ولا يبي يعرف كيف يركب جمل ..... لكن هم حسوا بغلطهم وبدوا من ألحين يحفظون كلمات ويحاولون إنهم يستخدمونها في جمل .......... بصراحه كلام الإمبراطور دايم في محله ............ واللللللللله يعطيه العافيه على المجهود :113:

.. احسنت :x1: ...

اخوي الامراطور كلامك عين الصواب والله يوفقك

فيه البعض يطلع لمريكا مو عشان دراسه راغبه في سياحة والله

وياخذها عن العالم وممكن يخدع نفسه انه طالع يدرس وهو طالع سياحه

لا يهتم بجامعه ولا يهتم بـ اخلاقه وصوره بلده ويرجع فاشل لو انه جلس في بده

وراح واحد بداله وخذ شهاده وتعلم لا افضل منه بكثير للدوله وفق الله لميحب ويرضاه

فعلا انك امبراطور...وجبت الضايعه..

الشباب معانا الله يهداهم الواحد ما يذاكر حتى نص ساعه يوميا...

والاسواء انه تلاقيه الصباح يحل الواجب قدام المعلمه...لا وقاعد ينقله من زميله....

وفعلا فيه بعض الشباب ماخذين الموضوع بس وناسه وتغيير جو.....

ترى والله ما كنا نحلم بها هالبعثه...وامريكا مافرقت معها جينا ولا ما جينا...لكن المصلحه في الاول والاخير لك..

اتمنى ان كل الاخوان يقرون هالنصايح وياخذونا على محمل جد...

وشكور اخوي الامبراطور على هالنقطه المهمه......

بيض الله وجهك ياالغالي كلام مميز

من انسان مميز تحياتي وتقديري لك
دائما تاتي بكلام عين العقل

شكرا لكم جميعا واقدر لكم مروركم وردكم الكريم

سلمت يدينك صدقت والله
تحياتي لك

اشكرك اخوي الامبراطور على هالكلااام

وكلامك على دليل على محبة اخوانك السعوديين

والله فعلا فرصه كل من يحلم بهااا


وانا واحد منهم وانشالله خير هالسنه ويقبلونا


والله يوفق الجميع

نقطه ثانيه اود اضافتها لكلام الاخوان...

وهو اهمية الحضور...فهنا الحضور مهم جدا جدا....وممكن يرفع علامتك من c الى a.....

صدقوني الحضور مهم جدا وبعض الطلبه الله يهداهم يعتمد ان انا مستواي كويس وباسوي كويس في الامتحان..

الجامعه اللي انا فيها عندها تبادل ثقافي مع بعض جامعات اليابان وكوريا...والطلبه من هذه الدول نطقهم ومحادثتهم جدا سيئه...ويعانون اشد المعاناه في نطق بعض الحروف...بينما العرب والسعوديين ليس لديهم هذه المشكله...

لكن هؤلا الطلبه يحصلون على معدلات عاليه جدا وينتقلون من مرحله لاخرى بدون مشكله لانهم حريصين على الحضور وعلى اداء الواجبات ...

امنياتي للجميع بالتوفيق و.............................................تحيا تي

مشكور ياخويred Roses على النصائح القيمه

مشكوووووور ويعطيك
العافيه

والله يالامبراطور ان عندي كلام انفجر من قلبي من قريت اللي كتبتة بس وين اقعد اكتبة
والله انك ماقلت الا الصحيح 100%
وانا من الحين راح اغير الحياة كلها
باي ماعندي وقت من الحين راح اسوي اللي قلت علية

طيب شباب اللي عنده برنامج للتعليم اللغة الانجليزية
سواء كان صوت او صور او كلامات اي شي يتعلق بتعليم الانجليزي
يحطة
وانا انتظر
<

ياشباب مااوصيكم على تقوى الله واعلم الله يراك وفي بلدنا هناك من يوصينا على الصلاه ولكن هنا لااحد ولكن يجب عليك ان تناظر الله في جميع امورك واعلم انك ملاقيه وش راح تقول اذا سالك ليه ماتصلي ؟؟؟؟؟؟!!!!!! لان فيه ناس على بالهم راحوا لامريكا مافيه احد يناظرهم والا مااحد يقولهم روحوا صلوا كل واحد مسؤل عن نفسه ولكن اعلم ان الحساب عسير

يررررررررررررررررفع

that is what I' ve been doin....

good man just keep going

leave everything behind you and think about your future and your country's future