الموضوع: المسنتدات المطلوبه لفتح ملف في الملحقيه

:smile002:
في البدايه حبيت أطرح هالموضوع المهم لأن الأستاذ بندر الطويل(مسؤول الملحقيه لأستقبال الطلاب الجدد في المطار) طلب مني أطرح هالموضوع بسبب المشاكل اللي تمر عليهم من نقص في الأوراق مع بعض الطلاب الجدد اللي يسقبلونهم في المطار فقالي نزل هالموضوع عشان يقللون من المشاكل اللي يواجهونها ماودي أطول عليكم بالكلام..
الأوراق المطلوبه:
1-صوره من بطاقة الأحوال..

2-صوره من قرار الأبتعاث..

3-صوره من خطاب قبول الجامعه أو المعهد..

4-عدد (3) صور شخصيه مكشوف الرأس مقاس 4*6

5-صوره من آخر مؤهل علمي دبلوم أو ثانوي..

6-أصل الجواز+I-49

7-أصل I-20

*وبالنسبه للمرافقين يرجى إحظار صوره من بطاقة العائلة


**وإستمارة طالب مبتعث تسحبها عن طريق موقع الملحقيه وتعبيها قبل لا تسافر إذا ماقدرت عادي يعطونك في المطار وحده تعبيها..



وآســـف عــــلــــى الإطـــالـــه..





تــــحـــــيـــــاتـــــي لـلـــجــــمـــــيــــــع..,,,

مواضيع عشوائيه ممكن تكون تعجبك اخترناها لك:

• رابطين يلي يبغى يعرف رقم ملفة في الملحقية و اسماء الطلبة التي تم قبولهم وتم فتح ملف
• تدشين موقع للرد على استفسارات المبتعثين
• المكافأه بعد الزيادة كم تصبح؟
• ممكن مساعدة
• أريد مساعدتكم يأخوان
• وأخيرااا المواعيد الكترونيا في سفارة الرياض
• ياهووووو ياعاااااالم والله محتار؟؟
• تقرير عن سفرتي لسوريا هـ
• هيلب يا طلاب
• البعثه الى لندن
• طلبتكم لا تردوني لكل ما له معرفه في امريكا والدراسه فيها
• لطلاب الماجستير والدكتوراة
• بغيت مساعدتكم الله لا يهنكم
• رحلتي إلى سوريا هـ
• انهيت الكركلم جميع مواد التخصص وانفصلت بسبب المعدل هل فية امكانية اخذ الشهادة؟
• اتمنى من أي احد يساعدني
• ذاهب للدراسة بليدز ارجو من الخبراء ابداء الاراء
• استفسار مهم
• أشهر جامعة أميركية ذات حضور دولي عال
• ياأهل روستون تعالوااا

.. مشكور على المعلومات المهمة ...

بس والله قائمة طويلة ...؟؟ هههه

على العموم يعطيك العافية ...

نعم لازم تكون هذي الاوراق معاكم عشان ما تتاخرون ...


اتمنى التوفيق للجميع

بـــعــــد الــتــــحــــيـــــه..,,,

أخوي جوليانو بالعكس والله مو قائمه طويله بس أهم شئ تكون الأوراق هذي معك..
الله يعافيك حبيب قلبي..




أخوي هــيــبــة مـــلـــك..
حياك الله ويخليك ربي على كلامك الحلو وبعدين ماسويت مجهود يستاهل هالكلام كله..
على العموم الــ i-20 اللي مدبس في الجواز حقك بيفكونه في مطار نيويورك اذا انت رايح على الخطوط السعوديه ويحطون الـ i-20 وجوازك والأستمارات اللي تعبيها في الطياره في ملف وتروح على غرفه يخلصون اوراقك ويرجعون لك جوازك والـi-20 الأصل لاتخاف راح يرجعلك...
أمـابالنسبه للمؤهل العلمي مايحتاج الأصل لأن الوزاره أخذته منك الملحقيه تبغى صوره وإذا ماعطيت الوزاره الأصل جب الأصل معك وعطه للملحقيه..



وتـــحــــيــــاتـــــي لـلـجــمــيــع..,,,

أخوي red_haert
الله يعطيك العافيه
لا انا رحلتي من الرياض- لندن-واشنطن دايركت
هل هي نفس الإجراء؟
بغلبك معاي

[glint]وفقك الله
تحياتي [/glint]

دائما اخوي تجيب معلومات مهمة ويحتاجها كل مبتعث والمفروض الاخوان في المنتدى يحطونك المشرف حق بوابة الابتعاث وهذي صحيحة ماهي مجامله والله يعطيك مليون الف عافية اخوي red_haert

.. صدقت أخوي / ملبورن ..

أخونا / red haert ... على الرغم من ظروف الغربة التي يمر فيها ... ما ينسى إخوانه ...
فله كل الشكر والتقدير والى الأمام ...

تــســـلمــون حبايبي والله كثير علي هالكلام الحلو هذا..
أما بالنسبه للمعلومات وربي ترا حالي حالكم بس بسبب الظروف اللي في الوزاره اللي خلت قرار إبتعاثي
يطول فعشان كذا كل يوم مراجع للوزاره فطبيعي أنك راح تعرف وش الأوراق المطلوبه...




أمـــا بالنسبه لك ياخوي هيبة عادي نفس الإجراءات اللي قلتلك بس بدال ماتختم دخول في نيويورك تغيرت بتختم في واشنطن يعني كلها نفس الحكايه..

مكرر
null

المشاركة الأصلية كتبت بواسطة جنتل الرياض


I-49
من وين اجيبها
؟؟؟؟؟؟؟؟؟؟؟؟؟؟؟؟؟؟؟



قصدك الـ I-94 هذي يعطونك إياها بالطيارة عشان تعبيها
وتسلمها لحقين الجمارك عند وصولك ويتم الختم عليها بأنه صاحب
هذا الجواز تم دخوله للولايات المتحدة الأمريكية بهذا التاريخ ../../....
والجزء الثاني منها تحتفظ فيه بالجواز عشان إذا بغيت تطلع تسلمه حق الجمارك
عشان يتم تسجيل خروج بهذا التاريخ ../../....
وعلى إثره الملحقية تعرف متى وصلت عشان تعرف متى تبدأ بصرف الراتب ..

..

أخوي merely ماقصر جاوبلك بالتفصيل يعطيه العافيه..

مكتوب في كلام الاخ red_haert

I-49 موI-94

او red_haert غلطان في الكتابه

.

مرحبا أخوي ملبورن
معليش ايش الخطوات اللي تقصد حقت البعثه والا ايش؟
اذا حقت البعثه أحد أخوننا الأعضاء متكفل بكتابه الخطوات من الألف إلى الياء
فلا فلا أريد أن اسبق الأحداث واكتب الخطوات لكي يكون هناك تكرار فالموضوعات
[glint] تحايتي[/glint]

الله يعطيك العافية اخوي
وانا بالانتظار

يا خوان لما اوصل واشنطن واخلص اجراءات الملحقية هل يكون محجوز لي طيارة الى الولاية الى ابغى ادرس فيها ومين يسقبلني هناك

أخوي ملبورن
طبعاً يكون محجوز لك من الطيار اللي فالوزاره لأنه فأمر الإركاب مطلوب تحديد ولايه الدراسه
وتنسقها انت على أن يكون مغادرتك من وشنطن بعدها بيومين
واللي يسقبلك في ولايتك جامعتك نفسها ترسلهم ايميل فيه معلومات الرحله وبيردون لك بيكونون في إستقبالك وياخذون عليك مبلغ رمزي
[glint] تحياتي[/glint]

شكراااااا على المعلومات وما قصرت

أخوي ملبورن نعم زي ماتفضلت طال عمرك الملحقيه تدفع للجامعه وتعطيك مرتب شهري 25 من كل نهايه شهر بس اما بالنسبه للسكن مع عائله تدفع من عندك...

نظام العوائل يختلف من ولايه لولايه يعني بعضهم عادي تدفع كل نهايه شهر مع بدايه التعاقد معهم وبعضهم لا تدفع مبلغ مقدم بس اذا قالولك ادفع مقدم قلهم لا انا بجربكم واذا ظبط الوضع وارتحت معكم دفعت لكم من حقك ترا..

الله يعطيك العافية ياخوي red_haert
متى الوزارة تعطيني الضمان المالي هل بعد ماصدق الشهادة من الخارجية

لا مو لازم تصدق الشهاده من الخارجيه مو ضروري ترجمها انت من اي مكتب ترجمه وهو يصدق لك عليها..


أما للضمان المالي انا نزلي بعد ماقدمت طلب على الوزاره التقديم المبدئي يعني اذا وافقوا عليك على طول ينزل على الموقع على الطلب حقك تدخل على النت وتدخل على الطلب حقك وتلقى يقولك ترا نزلنا الضمان المالي لك ابد سو له امر طباعه وهو ينزلك على طول بدون ماتراجع الوزاره..

لا مو لازم تصدق الشهاده من الخارجيه مو ضروري ترجمها انت من اي مكتب ترجمه وهو يصدق لك عليها..


أما للضمان المالي انا نزلي بعد ماقدمت طلب على الوزاره التقديم المبدئي يعني اذا وافقوا عليك على طول ينزل على الموقع على الطلب حقك تدخل على النت وتدخل على الطلب حقك وتلقى يقولك ترا نزلنا الضمان المالي لك ابد سو له امر طباعه وهو ينزلك على طول بدون ماتراجع الوزاره..
يعني متاكد مولازم اروح للخارجيه نفس المكتب اللى اترجم عنده يصدق لي الشهادة
اما بخصوص الضمان المالي كيف اخذ القبول المبدئي على البعثة من الوزارة هل اروح للوزارة نفسها اوبس اعبئ الابلكيشن حق الوزارة على موقعها وارسله لهم طيب لو رسلته لهم كيف اتابع الطلب


هل استطيع ان اراسل الجامعات من غير الضمان المالي


الله يعطيك العافية

أيه نعم متأكد منها انا راسلت جامعه بس مارحت عليها وكنت مصدق شهادتي من المكتب نفسه حق الترجمه عادي ماقالو شئ على الشهاده..


تأخذ القبول المبدئي من الموقع نفسه تقدم الطلب على موقع الوزاره تعبي الأبلكيشن وبعدين يعطونك رقم الطلب والباسورد أحتفظ فيها زين لأن رقم الطلب راح تستخدمه كثير الين ما تطلع قرارك المهم بعدها تابع طلبك زي ماتحب وكل شئ تستخدمه عن طريق الموقع يعني تقدم على الطلب وبعدها بعد يومين اتوقع او ثلاثه تشيك عليه اذا وافقوا عليك ينزلك الضمان المالي تطبعه بس لازم يكون عندك برنامج اكروبات بعدها تراسل الجامعه واذا جاك قبول تروح للوزاره تعطيهم صوره من القبول وتشيك على طلبك بعد كم يوم تلقى خطاب السفاره نزلك بعدها تطبعه وتروح للسفاره واذا طلعتلك الفيزا تروح للوزاره تقدم على القرار وخلاص تنتهي المعاناة مع الوزاره (: ..



أما انك تراسل الجامعه بدون ضمان مالي تقدر بس مو خلاص تراسلهم بدون ضمان لا هم يبون ضمان انك بتسدد لهم طلع كشف حساب من البنك حاول يكون بأسمك أو بأسم الوالد او واحد من اخوانك بس يكون المبلغ فيه قوي شوي بعدها عادي لا تستنى ضمان مالي حق الوزاره...

تــــحــــيــــاتـــــي..,,,

يا شباب راح علينا الوقت
واحنا ما حنا عارفين نرسل عالخاص
المساعده بليززززززززز
تحياتي

مشكور الف شكر للاخ red_haert
والله يعطيك العافية

هلا والله فيك اخويvito12
خذ هذا رقمي جوالي وسامحوني يا مشرفين المنتدى بس لو سامحتوا لا تمسحونها قبل مايرد الاخ vito12
0500989498
لانه من مدينتي ولا يوجد وسيلة عبر الرسائل الخاصة ولا يوجد غير هذه الطريقة

وسامحوني

يا اخ vito12 هل خذت الرقم

مشكووووور اخوي ملبورن واسفين عالازعاج
يعطيك العافيه
تحياتي لك

ريد هارت اخوي ما قصرت ويعطيك العافيه

بس حبيت اسالك انت يوم قدمت على الجامعه قدمت عن طريق الملحقيه ولا انت بنفسك قدمت

ويوم قدمت ايش الاوراق الي طلبتها من الجامعه وايش الاوراق الي لازم تترجم ؟

ارجو الافاااده وشكرا لك

لا انا الملحقيه اللي جابت لي القبول..
اما الأوراق المطلوبه هي :
1- شهادة الثانويه مترجمه طبعاً

2- الضمان المالي

3- ثلاث صور شخصيه مكشوف الرأس

4-وترسل لهم بالفيزا رسوم مبلغ الأبلكيشن اذا بتراسلهم بنفسك

واذا بتخلي الملحقيه تجيب القبول الملحقيه تتكفل بجميع التكاليف..

تـــحـــيــاتـــي...،،،

الله يعطيك العافية اخوي red_haert

والله يوفقك في دراستك

بس ممكن توضحلي ياخوي ماهي الشروط التي تريدها الملحقية للتقديم للجامعات للطالب المبتعث


ماقصر اخوي معانق الدموع وضحها لنا بس احس فيها تعقيد ويمكن تكون تغيرت عن اول

لا هي نفسها الشروط اللي قلتلك عليها واضحه يعني مافيه اكثر من الشروط اللي قلتها الا اذا فيه شرط يعني مو مهم بس المهمه اللي قلتها لكم..

اما من ناحية انها تغيرت شروط الملحقيه لا ماتغيرت

اخوي ملبورن انا اشوفك في كذا موضوع انت تطلب الروابط حقت الجامعات انا ماعرفت قصدك من الشئ هذا ترا انا قايلك والله مستعد اذا تبي قبول انا اجيب لك بس انت ماعليك الا ترسل اوراقك لي اذا تبي انا اعطيك عنواني ترسلها عليه وترا من جد انا ماقلتلك الا هذا الكلام اللي ابي اساعدك ونخدمك يالغالي ترا ماتعرف غلاتك

الله يعطيك العافية اخوي Mr.sa على الكلام الحلو من شخص عسل

وياليت انت كمان اضيفني عندك

تقبل خالص تحياتي اخي العزيز Mr.sa

ويييييييييينك ياخوي red_haert عسى ماشر

اخذت الايميل ولا لسى

معليش اخوي ملبورن سوري على التأخير بس انا مواصل من امس ونمت امس كله واليوم صحيت ورحت للجامعه رحت عشان افتح حساب في البنك وصندوق البريد وشغلات عشان اليوم توها باديه الدراسه لأنه كان فيه سبرينق بريك إجازه ومنطق لي اسبوع مافتحوا قرادتي جايهم بدري المهم..

انا سويتلك إضافه واما من ناحية القبول لاتراسلهم انا اكلملك الجامعه اذا تبي قبول منها..

مادري ايش اقولك اخوي red_haert دائما تحرجني والله اني مستحي منك ياخوي

مشششششششششكور جدا يالغالي على كل شي

وانا بعد شوي رايح مكة وراح ادعيلك ان شاء الله ولجميع الاعضاء

وبالتوفيق ياخوي

وش دعوه يالغالي اخوي ملبورن ترا قدرك غالي عندنا وانا والله ماسويت الا اللي علي اقول اللي اعرفه واللي مريت به وافيد واستفيد..

على العموم توصل بالسلامه وربي يتقبل منك عمرتك ولا تنسانا من الدعاء..


تـــحـــيــــاتــــي لك..،،،

الله يجزيك الجنة ياخوي

بس ممكن تقلي ماهو انسب وقت لك تدخل على الماسنجر

وتقبل تحياتي

ويـــاك انشاء الله..

انسب وقت اللي ادخل فيه دايم هو الساعه 5,45 العصر يعني عندكم الليل يعني مايمديك تدخل اتوقع الوقت هذا لاكن عى العموم انا بعض الاحيان ادخل في الليل الساعه 12 يعني يكون عندكم الساعه 9 الصباح..

أما في الويك اند تلقاني على طول موجود..




تـــحــــيــــاتــــي..،،،

.. لستا ما بدت الدراسة عندك ...؟؟؟
اجل ايش قاعد تسوي طول الفترة الماضية ...؟؟ أكيد إستكشاف ..؟؟ هههه
عطنا آخر إستكشافاتك .. أنا عارف انك ولد فله ..
.. شكرا لك على مساعدة إخوانك ..

وششششششششخص حبوووووووووووووووب

اخوي ريد هيرت ..

الله يوفقك في دراستك ..

هل تنصحني بالجامعه اللي انت فيها .. ؟

اذا تنصحني فيها ياليت تديني اسمها وكم المده اللي انتظرتها للـi20 ?



الله يوفقك ان شاء الله ..

صراحه اخوي الجامعه حلوه مره وتأسست المدينه دينتون على أساس الجامعه يعني الجامعه عمرها 107 سنوات الجامعه قديمه وعريقه واكيد بتكون مفيده وماهي شديده مثل الجامعات القديمه تكون مشدده والمعهد حلو مره يعتبر ثاني اقوى معهد لغه في امريكا لاكن على حسب الجامعه في تخصصات قويه وبعض التخصصات ماهي اصلاً موجوده يعني في الاول والاخير يعتمد على تخصصك..

أسم الجامعه :
University of North Texas

'طبعاً المده..انا القبول جاني عن طريق الملحقيه عشان كذا طول معاي بس عادة اذا راسلت انت الجامعه اسبوعين بالكثير وهو عندك ..


تـــــحــــيـــــاتــــي لك..،،،

تسلم اخوي ..

والله يوفقك ان شاء الله ..

اخوي ريد هارت.....الله يرزقك على حسن نيتك وتعاونك مع الأخوان:101: الصراحه.....راعي فزعه وواجب...كفو يا ولد ديرتي وبالتوفيق:101:....الظاهر انك مع واحد من العيال...في دينتون بس ما اتذكر الجامعه !!

أخوي جوليانو اكيد استكشاف اجل تبيني اجي ديره مااعرفها ولا استكشف فيها شئ طبعي انا الا ستكشاف ( اللقافه ) بالعربي..

والله شوف حبيبي انا بعطيك وين رحت بالمختصر لان صراحه انا ماعندي ذاك التعبير

تسلم ياغالي ترا بعد هالكلام كله بيكبر راسي..
وبعدين ماسوينا شئ حق وواجب..

اذا تعرف اسمه قولي اسمه ممكن انه يكون معاي في نفس الجامعه اذا انا اعرفه ولا لا..، ؟
لأنه في دينتون مافيه الا جامعتين بس.. وكل يوم جمعه يجتمعون السعوديين اللي موجودين في الجامعتين كلها في مكان واحد..

... و الله ان استكشافاتك حلوة ..
فعلا ودي اسوي مثلك .. انت الحين عارف كل شي تقريبا .. باقي عليك تبدأ الدراسة فقط ..
طيب قول لي .. أيش المكان من الاماكن اللي رحتها اعجبك ...؟؟
الله يوفقنا وأياك ..

والله صراحه مثل ماقلت استفدت منها كثير يعني استفدت كيف امشي على قوانينهم وكيف تروح وكيف تجي وتعلم لغه قبل لا تدرس يعني مو ذيك اللغه بس تعرف كيف تطلب من مطعم وكيف تطلب تاكسي والشغلات اللي زي كذا يعني شغلات خفيفه..

صراحه انا اكثر شئ عجبني الداون تاون حق ناشفل والمطعم الهندي اللي في ناشفل (طبعاً هذا في ناشفل)في ولاية تينسي أما في فلوريدا(universal) مدينة الملاهي هذي اكثر شئ عجبني من حلوووووووه مرررره حتى طريقة الترتيب حقها حلو مره طبعاً هي مقسمه قسمين ما اقدر اوصفها لازم تشوفها لانها صراحه ماتوصف.. طبعاً ماننسى المطعم الأيراني في اورلاندو هو اسمه ايراني ولا اللي يشتغلون فيه لبنانيين..

وكل ولايه في امريكا ولها نكهتها الخاصه.... عندك كاليفورنيا اكيد انشاء الله لها زياره خاصه مره بس اول إجازه تجي على كاليفورنيا وابشرو بالصور واكيد لها موضوع خاص بس في انتظار الإجازه..



تـــــحـــــيـــــاتـــــي..،،،

.. اممم ..

ناشفل هذي قريبه مني .. عسى مو غالي السكن ..؟؟
يا الله .. إذا رحنا هناك يصير خير ..
يعطيك العافية حبيب البي ..

اذا تعرف اسمه قولي اسمه ممكن انه يكون معاي في نفس الجامعه اذا انا اعرفه ولا لا..، ؟
لأنه في دينتون مافيه الا جامعتين بس.. وكل يوم جمعه يجتمعون السعوديين اللي موجودين في الجامعتين كلها في مكان واحد..



اسمه عبدالرحمن الدريس...كذا :24:

وراعي ضحك...وترا جسمه كبير ما شاء الله :109:

لاتقوووووووووووووووووووووووووووووووووووووووووووووو ووووووووول...

عبد الرحمن الدريس ماغيررررررررره ياحليلك تدري انه معاي في نفس الكلاس لا وازيدك من الشعر بيت ساكن بجنب شقتي يعني جاري..

ياحليلك والله...

اخوي جوليانو مو بعيده عنك بس انت حدد لي انت في اي مدينه عشان اعرف هي بعيده عنك ولا لا..
بس على الأحرى انها بتكون بالكثير ساعه ونص الى ساعتين اذا انت في آخر الولايه

... و الله يمكن اخر الولاية ... Richomnd 40475

صراحه انا اول مره اسمع فيها هالمدينه في كنتاكي بس على على العموم ترا الاسم هذا اقصد اسم المدينه موجود في بعض الولايات يعني على سبيل المثال فيه مدينه في كاليفورنيا موجوده فيها ريتشموند وفيه مدينه في ولايه فرجينيا نفس الاسم موجود وتحصل كثير مع مدن ثانيه بس هذي للمعلوميه ومالها دخل في الموضوع بس موضوعنا ابشيك ابشوف كم تبعد عنك وبرد لك خبر..
وفيه شئ ثاني كنت ابسألك عنه الرقم هذا هو الـ zip cod ؟

السلام عليكم
هل هذه المستندات خاصة بالمبتعث أم أيضاً للمرافق
شكرا

شكرا لكاتب الموضوع,,,,,,,,,,,يرفع للأهميه,,, وتخفيف الضغط عن الملحقية

لا هذي الأوراق للمبتعث فقط بس اما اذا تبي الأوراق المطلوبه للمرافق:

1- الجواز الأصل+ i-94..

2- الـ i-20..

3- اذا كانت مراقفه مايثبت انه ولي امرها (بطاقة الأحوال أو دفتر العائله)..



تـــــحــــيــــاتــــي لك..،،،

.. أيه هذا رقم zip cod

:109: :109: ههههههههههههههههههههه الله من الدباشه فيه

قله طمط وبصال يسلم عليك....ويبي يعرفني :109:

وبعدين هالدرج علمه وش عنوانه ووش الزيب كود....اسأله وش عنوانك ما يدري...وش الزيب كود ما يدري

قلت له انت بالله وش لون عاااايش ههههههههههه

مشكوور يا بطلنا :101:

أخوي كنق مشكور يالغالي على مرورك ولازم نخفف الظغط على الملحقيه علشان نعينهم انهم يخدمونا افضل

وتحياتي لك..،،،