الموضوع: ممكن المسااعدة في فنادق المارينا و جي بي أر

هلا اختى حياك

اذا تبغين المارينا انصحك بالقرفنر هاوس عندهم غرفه وصاله وغرفتين وصاله وهم قمه في الفخامه وهو افضل فندق هناك

الجي بي ار : انصحك بشقق الواحه اويسس تاور

فخمه كبيره ونضيفه وعلي الممشي

اذا تبغين برج دبي

الادرس داون تاون عنده بعد شقق غرفه وصاله وغرفتين وصاله وهي من اجمل الشقق في دبي
الاسعار من 1700 درهم وااكثر

مشكور مشرفنا وماقصرت

وبصراحة أمس أتصلت على أحد المكاتب السفريات وقالت شقة غرفة وصالة ولا غرفتين وصالة

أصدمتني بالسعر 495 دينار الله أكبر

والمكاتب الأخرى 130 غرفة وصالة بس لشخصين وأحنا 4 يعني المجموع 260 دينار

ما أقدر أحجز على المواقع لأن ما عندي فيزا وأخوي طالب
وشرط مواقع الحجوزات ( لازم أسم المسافر والفيزا بأسمه مو بإسم شخص ثاني )

يعني أخوي تنصحني

فندق Grosvenor House

إن شاءالله ألاقي سعر مناسب

شوفي كلمي عرب لنك علي هذا الرقم 00971501158266
واساليهم عن الاسعار واذا ناسبتك احجزى عن طريقهم لان اسعارهم مناسبه

اسالي عن احمد (شاب سودانى خلوق ومتعاون ) - وخبرينا ايش يصير معاك

انا جيت من دبي الاسبوع الماضي وسكنت فى الممشى ثلاث ليالي رائعه جدا انا سكنت فى فندق امواج روتانا وفيه قريب منه سوفيتيل وفيه الموفنبيك كلها جديده وعلى الممشى واتوقع متقاربه فى الفخامه انصحك تاخذين الارخص منها اهم شئ تتاكدين انها على الممشى (جميرا بيتش ريزيدنس)

اول شي اشكر اخوي سعود بن محمد واخوي الفارس 99 لنصيحتهم للسكن وفعلن وربي روووعه

اختي امل اذا انتي تبغين نصيحتي وربي لك ناصح بحاجه حلوووه وفايف ستار وشي متعوب عليه

اسكني في شقق فندقيه اسمها اوسس بيتش تاور برج الواحه يعني

وخذيته من عرب لينك من الاخ احمد السوداني بسعر 9300 درهم لمدة خمسة ايام ثلاث غرف وصاله وخمس حمامات

وانتم بكرامه والصاله مطله على البحر يعني تفتحين البلكونه على طول تشوفين البحر

وسكننونا في دور 36 والي اخذناه بريميوم لانه هو ثلاث درجات ديلوكس و سوبيريور والبريمويم افضل حاجه عندهم ...

نجي لمميزات الشقه ...

1/ في دور 33 هناك صاله خاصه لاعضاء فئة بريميوم ويفتح من الساعه 8 الصباح الي 8 المساء وهناك جميع ماتطلبينه

من عصيرات وساندويش تعتبر مجانيه ..

2/ بوفيه افطار مجاني يوميا في مطعم ثايم واذا حبيتو ماتنزلون راح يجيبونه لكم في الشقه

3/ كان الاستقبال اكثر من روعه ويوم دخلنا الشقه جابو لنا باقة زهور وفاكهه في الشقه

3/ فيه في الشقه نظام اسمه نظام الترفيه المنزلي ويوجد كتالوج عباره عن اغلفة افلام واي فلم ترغبين فيه تطلبيه

وهم بدورهم راح يعرضونه لكم عن طريق شاشات الموجوده في الشقه

4/ يوميا يتم تزويدنا بمياه صحه كبيره بالعدد الي انت ترغبين فيه ومجانيه

5/ مطبخ متكامل يوجد فيه جميع محتويات المطبخ ويوجد ماكينه لتحظير الكباتشينو

6/ يوميا يتم تزويدكم بجرايد للتصفح

7 / عند دخولكم الشقه يتم تزويدكم بجدول مزود فيه رحلات مجانيه عن طريق الباصات الي تحضر يوديكم ويرجعكم

ومنها يوديكم للامارات مول ودبي مول وبرجمان وفيه كذا سوق ناسيهم وبرضوه اذا خلصتو يرجعونكم وطبعا مزود فيه و

قت المغادره ووقت العوده

8 / يوجد لديهم شاطي خاص في جبل علي ودخوله مجاني بحكم انك ساكنين في هذه الشقق طبعا نفس الطريقه

يودونكم ويرجعونكم

9/ يوجد دي اس ال مجاني

10 / يوميا يتم غسيل او كوي عشر قطع مجاني


هذه اغلب المميزات الي اذكرها عن هذه الشقق وللمعلوميه هذه المميزات فقط لساكني فئة البريميوم

طبعا البريميوم تتكون من غرفتين وصاله وثلاث غرف وصاله واربع غرف وصاله

ومساحة الغرفتين 190 متر

ومساحة الثلاث غرف 240 متر

ومساحة الاربع غرف 340 متر

طبعا الشقق الفندقيه تقع بقلب ممشى التسوق ذا ووك وموقعها يعتبر افضل حاجه وياليت الي يذكر بعض المميزات

الي ذكرتها ولا كتبتها يذكرها لان فيه حاجات نسيتها

وطبعا بكرا عندي التشك اوت وراجع للسعوديه وان شاء الله ارجع بالسلامه انا والعايله واتمنى للجميع دوام الصحه

والعافيه