الموضوع: نـــــآوي الذهـــاب لفرنســــــــــا بأذن الله

بسم الله الرحمن الرحيم

السلام عليكم ورحمة الله وبركاته

اخواني الطيبين اخوكم بأذن الله ناوي يسير فرنسا لشهر العسل

السفر مطــول لكن أنا ما فيني صبر بصراحة أريد أكون مستعد وعرف كل شي من الحين

أهم سؤال في بالي حالياً

الجو في بداية شهر أربعة في فرنســا كيف...؟

وكم تقريباً الميزانية اللي تكفيني داخل فرنسا من غير تذاكر الطيران

طبعاً أنا أبغي أدور أحلى الأماكن بفرنسا من الديزني لاند وكل الأماكن اللي خذت عنها معلومات وافره بالمنتدى ما شاء الله

مواضيع عشوائيه ممكن تكون تعجبك اخترناها لك:

• ابغى مشورتكم
• اقتراحاكم بـ ايام
• استفسار بسيط
• استفسار عن مطار باريس
• نصيحتكم ولكم الشكر
• أستشير الخبراء بخصوص رحلة سياحية لباريس
• مساعدتكمرحلتي الى سويسرا وفرنسا لمدة عشرة ايام
• استفسار عاجل ومهم جداً
• بعد العيد بزور باريس لاول مرره ممكن مساعده
• استفسار هااااااام جدااااا
• باريس الحقيقية
• مدينة نيس
• ابغى اراء الجميع في الفنادق الي حجزتها باسبانيا وفرنسا
• اريد خط سير من فرنسا الي المانيا والنمسا وسويسرا
• احتاج برنامج سياحي بباريس أيام من يوم الخميس
• رحلتي في اوروبا احتاج نصيحتكم
• مساعده بخصوص فندق
• جدول رحلتنا ارجو المساعده
• رايكم في فندق
• مساعدة حول شراء تذاكر ديزني لاند من الانترنت الله لا يحرمكم الاجر

وعليكم السلام ورحمه الله وبركاته
اوربا احلي وقتها في ابريل شهر 4
الصرف يعتمد عليك فيه من يكفيه 50 يورو وفيه 100 وفيه 70 وفيه ناس تصرف 150 يورو للشخص
لسكن انت تحدده احسب الزوين علي 1000 ريال الليله

يزاك الله خير أخوي فيصــل مشكور وما قصرت

إن شاء الله الميزانية بتكفي بحدود 25 ألف لعشر أيام بدون تذاكر الطيران


إن شاء الله ما بتقصرون وياي حزتها وبتساعدوني

يعني 2500 يوميا تكفي سكن وتمسيه
بس 10 ايام في باريس كثيره بنظري احس يكفيها 6 ايام

شورك وهداية الله

بنضبط لـ ستة أيام أو أسبوع وبعدها بنسوي خط ثاني يـــا أمـــا الذهاب لسويسرا أو العودة لتركيا لأني بخاطري أزور هالبلد

تسلم يا فيصل والله يجعله في ميزان حسناتك

وعندي لك همسة

أكيد النشاط بيخف بالمنتدى لأن نحن في وقت إنتشرت فيه مواقع التواصل التويتر والفيس بوك بالإضافة للبلاك بيري والأيفون وخدماتهم

فعالم المنتديات التفاعل قــل بهم بشكل كبير.

طلال انا انسان ما احب التغريدات والفيس بوك كلاسيكي ويمكن مره اكره تويتر
فالمنتدي صدقني باقي
صحيح فيه ناس تسعي ان يكون لها شهره عن طريق المنتدي ومن ثم يسمي نفسه اي شيء خاص بالسفر ولا مسافر نخب أول بس انا جيت عضو وصرت مدير والله الحمد ولا يعرفني احد وبطلع ولا يعرفني احد (اثنين قابلتهم بس واحد سافرت معه والثاني جلسنا سوا مع بعض)
يعني لا نبي اي حاجه الا كلمه جزاك الله خير ورحم الله والديك والله يرزقك
نرجع بعد همستك وهمستي لك

اذا تبي سويسرا
فأنت يا غالي خلي وصولك باريس وعودتك من جنيف
او وصولك جنيف وعودتك من باريس

جنيف 4 ايام بالصيف حلوه وخاصه اذ اخذت سياره ورحت لما حول باريس شء خيال
طبعا الناس تختلف في رغباتها وانت ورغبتك
لذا انصحك بقراءه تقارير كثير

هلا هلا اخوي فيصل
حبيتك والشاهد الله
ادعيلك من كل قلبي عسى الله يرزقك ما تتمنى ويوفقك دنيا وأخرة

يا طويل العمر أنا بغيت أخبرك شي
انا من الإمارات
عمري 24 سنة
طول عمري ما سافرت غير السعودية وعمان وقطر والبحرين اللي زيارتي لها أستغرقت ثلاث ساعات فقط

بصراحة ما طلعت برع أبداً فشوي مرتبك لدرجة كبيرة

أنا إن شاء الله عرسي بشهر ثلاث بنهاته فناوي أسافر وشوف العالم بأحلى أيام حياتي بأذن الله

أحب فرنسا لأني سبق لي درست كورس فرنسي فأحب هالدولة وخاطري أزورها

إن شاء الله ما بتقصر وياي

الله يتمم لك علي خير
احبك الله الذي احببتي فيه
لا ترتبك قراءه التقارير والله توضح لك الكثير يا ما ويا ما ناس سافرت وهي ما عمرها طلعت برا السعوديه اعرفهم والامور طيبه
انت اقرا تقارير بقسم البوابه العامه لان اغلبها جديد ودون ملاحظاتك وابشر

شيخي فيصـــل

إن شاء الله انا ناوي تكون الرحلة لفرنسا خمسةأيــــام

وبعدهـــا بطلع لمكان أخر
في اليوم السادس

شو الأفضل والأجمل لشخص بشهر العسل سويسرا والنمسا وأي منهم الأفضل للسفر من باريس

سمعة أنترلاكن وزيلامسي وغيرهم أريد تساعدني بارك الله فيك

أنا عندي خطة خذتها من أحد الأعضء لخمس أيام بباريس:
اليوم الأول راحه وهو يوم الوصل
اليوم الثاني: ساحة الكونكورد ومتحف اللوفر ومتحف الشمع وميدان الأوبرا

كيف يكون الدخول لهالأماكن هل حجز مصبق ولاتذاكر عاديه

اليوم الثالث:
سوق الأوتليت وديزني لاند

اليوم الرابع :
هضبة مونتمارتر وشارع الشانز ليزيه وقوس النصر وبرج إيفل
اليوم الخامس والأخير
قصر فرسان ومنطقة اللاديفانس ونبغي يكون في هذا اليوم شوبينق
أنا أبغي أكون ملتزم مع هالخطة لأنها جيدة وفيها شرح عن الميترو والتنقل وكل شي
وإذا في شي حلو يا ليت تضيفونه لي


إن شاء الله باليوم السادس أبغي أروح سويسرا بس تساعدوني بالوجهه ولا لازم أنتقل للقسم الخاص بسويسرا

جدولك باقي عليه وقت انا انضحك تقرأ تقارير وشهر اربعه توه
ولا راح نخليك بس ابي تكون لديك معرفه عن المواقع
امممممممممممم سويسرا قريبه وافضل لك

بما انك قاعد ترتب من بدري روح وانت مرتاح ماديا 50 ريال اشوفها كافيه ومريحه لشخصين
روح باريس وديزني لاند والاوت لت وممكن تروح لندن قريبه من باريس عن طريق قطار اليورو ستار اسبوع لندن واسبوع باريس من اجمل مدن العالم باريس ولندن ....
او باريس وسويسرا
تروح باريس ومن باريس لجنيف بالقطار بعدها من جنيف للريف الفرنسي ممكن تروحون بحيره انسي رائعه جدا ومنها لا انترلكن احلا بكثييييير من تركيا من الموبايل

نتريااااااك