الموضوع: لماذا الوقوف بواشنطن

الآخوة مشرفي واعضاء منتديات العرب المسافرون

السلام عليكم ورحمة الله وبركاته

لماذا يطلب من طلاب البعثات الوقوف بوشنطن والجلوس لمدة يوم او يومين
وهل هناك متطلبات يجب احضرها .. وهل الوقوف بوشنطن مهم

شاكر ومقدر للجميع

مواضيع عشوائيه ممكن تكون تعجبك اخترناها لك:

• تم تسجيل طلبك في قائمة المرشحين للمفاضلة
• لأصحاب الخبرة
• فضلا لاامرا
• متى اجازات الملحقيه في رمضان
• الى ملبورن وبقية الاخوة ارجوا المساعده
• الهندسه الكيميائيه في جامعتي سوانزي وتيسايد ارجو المساعده
• قبول لغة مبدئي
• مشكة جامعة سوث فلوريدا تامبا
• الاخ ملبورن أو من يستطيع مساعدتي بخصوص هارو هاوس
• جامعة كالغري أو مكماستر أرجو المساعدة
• سكن الطلبه او السكن عند عايله ؟؟
• تكفون ردو بليز بليز بليز
• استفسار بخصوص دبلوم الشركات
• اللي عنده خبر عن هالمعهد
• اتمنى احد يفيدني
• شرح بالصور لطريقة تعبيئة الاستمارة الجديدة لحاملي الدبلوم و الثانوية
• عاجل لسكان مدينة نوتنجهام
• من يوصل هذا الحديث للمسؤولين في الوزارة مهم جدا بخصوص الموظفين
• ابي رايكم في هالمدينه
• ارجو مساعدتكم حول جامعة ويلز

توقف في واشنطن دي سي عشان تسوي زيارة للملحقية السعودية هناك
وتفتح ملف مبتعث وتسلم أوراقك وتستلم أول راتب لك
وتتعرف على الملحقية وعلى نظامهم وتتعرف على المشرف حقك
الأواق المطلوبة :
http://www.sacm.org/newweb/FileOpening.pdf
هذي إستمارة فتح ملف طالب مبتعث
تعبيها وتجهز أوراقك قبل ما تمشي من المملكة العربية السعودية ..

بالتوفيق ودعواتك

وعليكم السلام ورحمة الله وبركاتة

اجتماع مع القنصل والملحق في كل دفعة جاية ... ويشرحون لك عن حقوقك والامور الي عليك وكيف تتصرف والقوانين والانظمة كاملة الي عليك تتبعها خلال فترة دراستك ... واذا في اي استفسار عندك او في شغلات انت مش فاهمها تسئل الملحق عنها .... لان بعدها يمكن مايشوفونك ... ف لازم تكون عندك خلفية كاملة عن كل الي لك والي عليك ... لان الكلام الي قيل لك في الوزارة تقدر تسمية بديهيات ... اما هناك خلاص بدا الجد ...

بالتوفيق ...

ألآخوة الآعزاء
::..Merely..M a L e K..::

شاكرلكم ردودكم وتفاعلكم وجزاكم الله الف خير

عندي بعض الاستفسارات عن
كيفيت الاستقبال في واشنطن ..هل يحتاج اني اخبرهم قبل ما امشي ولا اذا وصلت اتصل على الملحقية
....او ماذا

واتمنا وضع رقم الملحقيه هناك

واسئل الله لكم التوفيق وان لا يحرمكم الاجر

إذا أنت تبي تسافر على الخطوط الجوية السعودية ما يحتاج تكلمهم لأنهم يستقبلون رحلات الخطوط الجوية السعودية والي خط سيرها :
الرياض - جدة - نيويورك - واشنطن دي سي
وإذا أنت تبي تجي على خطوط ثانية كلمهم أو أرسل لهم فاكس فيه معلومات سفرك :
http://www.sacm.org/newweb/E_Dir_Arabic.htm

بالتوفيق

اخي الغالي Merely
شاكر لك ردك وتوضيحك

جزاك الله خير والله يوفقك دين ودنيا

اتوقع ان الاعضاء قالوا اللي بقوله 00000
اضن انك عرفت ليه

اذا رحت على اي خطوط ثانيه غير السعوديه هل بستقبلني الملحقيه او السفاره من غير اني ارسلهم فاكس او اخبرهم؟؟

طبعا والخطوط مالها شغل لو كنت جاي على سيكل او مشي واذا وصلت المطار ولا شفت احد من الملحقية اتصل عليهم تلفون وجيونك خلال 15 دقيقة انا صارت معي كذا اتصلت على الشباب اللي بالملحقية وماقصرو جاو وطبعا اكيد اذا انت ماتصلت اللي معاك بالرحلة متصلين قبلك فلا تقلق

وطبعا يامنون لك كل شي السكن والمواصلات وكل حاجة و00000000000000000000000 الى ماله نهاية والى اللي تبي

اخي الغالي متهور الاحساء

شاكر لك مرورك وتعليقك وجزاك الله خير
بغيت رقم الملحقيه بوشنطن

مشكورين جميعا

بــعـد التحيــه,,,

أخوي القبطان مايحتاج رقم الملحقيه اذا أنت بتجي على الخطوط السعوديه ماله داعي ترسل فاكس واذا كنت بتجي على خطوط ثانيه أرسل لهم فاكس وبعدين واذا كنت مصمم على الرقم الله يعين وش نسوي مانقدر نرد لك طلب هذ1 رقم الفاكس ارسل لهم بس صورة جوازك وحدد موعد سفرك ووصولك وراح يستقبلونك في المطار:
رقم الفاكس(0012022988863) واكتب في نهاية الورقه عنايه الأخ/ بندر الطويل -أو عبد العزيز الطويل
وعلى فكره سو الأجرءات هذي ورا تمشي امورك مثل الحلاوه..انا ماخذ الكلام هذا منهم شخصياً لأنهم خوالي..
واذا احتجت اي شئ ثاني من عيوني تحت أمرك..

تحياتي.,,,

اخي الغالي red_haert

السلام عليكم ورحمة الله وبركاته
تسلم وتسلم عيونك

كفيت ووفيت وجزاك الله الف خير
والله يوفقك في دينك ودنياك

ياخوان عندي استفسار بسيط مثلا لو كنت مسجل في جامعة في هيوستن وغادرت السعودية على الخطوط السعودية وصلت الى واشنطن واستقبلوني طيب اجلس كم يوم في واشنطن وين اجلس وعلى حساب من وبعدين اسافر على هيوستن بالطائرة على حسابي ولا على حسابهم وطيب بعدين اسكن مع عائلة امريكية ولا اسكن في سكن طلبه

بــــعــــد الـــتــــحــــيــــــه..,,,

وفيه شئ ثاني أخوي القبطان انا أمس كلمت عبد العزيز الطويل وقلتله عن الرد اللي كتبته وقالي ياليتك كتبت للشباب لايحجزون على الفندق لأنهم هم اللي راح يظبطون لك أمور السكن..
فحبيت أعلمك.. واذا احتجت أي شئ حاظرين يالغالي ترا من عيوني لاتستحي (:

تــحــيــاتــي..,,

بــــعــــد الـــتــــحــــيــــــه..,,,

أخوي ملبورن أول شئ متى راح تجي لأمريكا..؟
أنا اعلمك خط سيرك لأمريكا أول شئ بتطلع من الرياض اذا كنت من سكان الرياض ثاني شئ بتنزل في جده حدود ساعه ونص ما ادري العاده يخلونك الى ساعتين بس انا ماطولت في المطار جلست بس ساعه ونص بالكثير( اظاهر ان الكابتن كان متحمس على الرحله لأمريكا) واستمرينا في الجو حدود 12 ساعه و20دقيقه وصلنا..
المهم بعدين توصل لنيويورك الساعه 7.30 صباحاً تجلس فيها حدود أربع الى خمس ساعات..
أنا جلست في المطارحدود عشر ساعات لأنه صارت لنا سالفه في المطار طويله عريضه..
بعدين تطلع على واشنطن تستقبلك الملحقيه يعطونك أوراق أستمارة فتح طالب مبتعث تعبيها وتطلع للفندق طبعاً الفندق على حسابك وخل صوره معك من جوازك عشان يحجزون لك غرفه لأنها بتكون بأسمك الغرفه بس لاتخاف هم راح يودونك فندق رخيص أنا شفته حلو الفندق ورخيص حدود من 100 دولار وشوي المهم تروح الصباح للملحقيه يفتحون لك ملف ويعطونك بطاقة الملحقيه والتأمين كلها في بطاقه وحده والضمان المالي صوره منه والأصل الأصل للجامعه حقتك والصوره تحتفظ فيها ويسلمونك بعد الشيك..
متى تروح لولايتك هذا يعتمد على حجزك من مكتب الطيار اللي في الوزاره هو اللي يحجز لك كم المده اللي تجلس فيها في واشنطن طبعاً ماراح تطول في واشنطن شغلة يوم أو يومين بالكثير وتخلص أمورك في الملحقيه تروح لولايتك إذا خلصت من الملحقيه..
التذاكر على حساب الوزاره هم يعطونك تذكرتين من الرياض الى واشنطن هذي تذكره والتذكره الثانيه من واشنطن الى ولايتك أو مدينتك يعني لهيوستن وتأكد أنك تاخذ التذكرتين معك وانت طالع من الطيار..
وبالتوفيق وتوصل بالسلامه إنشاء الله..

تــــحـــــيـــــاتــــي..,,,

طيب هل استطيع انزل السعودية كل سنة وهل هنالك تذاكر مجانية من الوزارة للطالب المبتعث لزيارة اهله

أخي الغالي red_haert
تسلم يا الغالي .. ما قصرت
اشكر لك حب وحرصك للخير ومساعدت اخوانك

فجزاك الله الف خير وكثر الله من امثالك

بــعــد الــتـــحـــيـــه..,,,

أخوي ملبورن سألتلك بخصوص التذاكر قالي التذاكر تــصــرف كل تسع (9) شهور ذهاب وعوده طبعاً على حساب الملحقيه..

أما بالنسبه للجلوس في السعوديه على حسب السمستر حقك متى يبدا يعني اذا بغيت تجلس شهرين ثلاثه على كيفك المهم ماتبداء الدراسه حقتك وانت في السعوديه.. وشغله ثانيه الملحقيه تعطيك الى ثلاث شهور تكون فيها خارج أمريكا يعني ماتتعدى ثلاث شهور وانت في السعودية وإذا تعديتها يوقفون عنك الراتب..


تـــحــــيــــاتـــي..,,,

تحياتي وتحت أمرك في أي وقت يالغالي
ترانا ماسجلنا في المنتدى هذا اللي نفيد ونستفيد ولا كلامي فيه غلط على العموم حبيب قلبي بالتوفيق لك ولجميع الأعضاء واللي ماخلصت اموره يارب تخلص اموره بأسرع وقت


وتـــــحــــيـــــاتــــــي لـلـجــمــــيـــع..,,,

الله يعطيك العافيه على الكلام العسل

عشان تستلم اول مكافئة وتتعرف على الملحقية
والله يوفقك

السلام عليكم هلا ريد هارت

ماشاء الله عليك تحب الخير للناس وصدقني الناس تحبك

انا طالع إن شاء الله يوم 16 مارس من الرياض - باريس - واشنطن - شيكاجو - سبوكان

باريس أربع ساعات
واشنطن تقريبا يومين
شيكاجو ساعه

باقي 10 أيام على السفر ان شاء الله بكرا أبرسل فاكس للملحقيه بصورة جوازي وصوره من الحجز
وبحط رقم جوالي واسمي

الملحقيه رايح تستقبلني وتوصلني للملحقيه علشان أخلص أوراقي وبعدين توديني فندق قريبا منها ؟ كذا صح ؟

وسمعت يسوون لك فحص طبي ، كم يستغرق وهل أقدر أسويه هنا ؟

الله يعافيك

حبيبي red_haert
ماقصرت والله .. ( وياجعل والديك وخوالك وعمانك كلهم في الجنة )

انا عندي سؤال .. وياليت تساعدني ..
هالحين وصلناهم ( انتم ياالملحقية ).. زين ؟
وخلصنا اجراءات فتح الملف وقضينا من كل شي .. زين ؟
وجينا نبي نروح للولاية الي نبي ندرس فيها .. هل هم بيأمنون لنا السكن ولا شلون ...نطلع من مطار واشنطن على مطار لوس انجلس (مثلا) وكلن يدبر عمره ..
ياليت تدلني في كيف اني ادبر سكن اذا وصلت للولاية الي بدرس فيها ولتكن مثلا كالفورنيا في ( نورثردج ) ..
وهل تكاليف السكن في ولاية الدراسة بتصير علي ولا على الملحقية ؟؟


وشاكرا لك

أخوي عبد الله لا بالنسبه لما تطلع من واشنطن خلاص تتنتهي مسؤولية الملحقيه من ناحية استقبال الطلاب اما اذا طلعت من واشنطن ورحت على ولايتك تدبر امورك انت عاد بالنسبه ترا مافيه اي مشكله في المطار عادي والله ترا سهله اذا كانت رحلتك ترانزيت وايه اكيد كذا رح للمكتب اللي جنب اي بوابه واساله قله اسم المدينه اللي بتروح لها وهو بيقولك اي بوابه بس شوف انتبه لشغله مهمه شيك على رقم البوابه كل عشر دقايق ترا دايم يغيرون البوابه فأنتبه من الشغله هذي وبالنسبه للسكن لا تتكفل في انت..


وتـــحـــيــــاتــــي لك..,,,

الله يعطيك العافية
بس اول مانزل مطارالولاية اللى بادرس فيها وين اروح

أنت اكيد قبل ماتطلع من السعوديه ترسل للجامعه ايميل تعلمهم بخط سيرك وكم بتجلس في واشنطن ومتى بتوصل للمدينه اللي راح تدرس فيها وتقولهم اطلعولي في المطار وهم على طول ابد اول ماتنزل من الطياره تلقاهم مستقبلينك بس انت ارسلهم ايميل قلهم متى بتوصل للمدينه حقتك..



تــحـــياتـــي..,,,

اعتقد والله اعلم انك لازم تزور او تشوف المشرفين اللي في السفارة ويعطونك التوجيهات والنصايح