الموضوع: احتاج مساعدة من مجمع العثمان لا هنتو اخواني و اخواتي في الكويت

السلام عليكم وكل عام والجميع بخير و ينعاد عليكم بصحة وعافية

احتاج مساعدتكم اخواني و اخواتي في الكويت

في محلات اطفال في الدور الاول في مجمع العثمان
تبيع فساتين و بدل اطفال من عمر 10 ومافوق
ماني عارفة كيف اوصل لاسماء المحلات او ارقامهم
في الحقيقة انا اخر مره اخذت رقم كم محل وكنت اشيك قبل لا اروح اذا في بضاعة جديدة
أو لا
ياليت احد يفيدني باسمائهم و اذاممكن ارقامهم او كيف اوصل لهم

و جزاكم الله خير

مواضيع عشوائيه ممكن تكون تعجبك اخترناها لك:

• اكبر سنتر بوينت
• تجربتي معـ تيستي منقوشة
• صور من المرافق السياحية في الكويت
• منتجع السفير جون
• المسؤول عن السياحة بالكويت
• عندي سؤال ياشباب ؟؟
• افيدوني اريد قضاء العيد في الكويت
• ابي اوتيل حلو ياهل الكويت
• بخصوص شقق شرق
• ايش فيها الكويت اماكن حلوة
• من يرد على أستفساراتي؟؟؟؟؟؟؟
• بخصوص مهرجان فبراير
• الكويت كما رأيت
• استفسار للصباحيه
• مول الكويت
• ₪ணжணжஇاسحورنا في مطعم فاكتوري الاسيوي و الحلى من حياكم இжணжண₪
• متى يبدأ مهرجان هلا فبراير
• زيارة للكويت في عيد الاضحى المبارك ارجوا لمساعده
• الله لا يهينكم
• 乂★乂معرض الكتاب و المعرض السوري بأرض المعارض تصويري 乂★乂

الله يعين حبيبتي
كان همي ملابس بناتي بالعيد وااااي الف الاسواق كلها لحد ما الاقي اللي
يدش مزاجي ويكون شي غريب
المهم الحين دورت لج بالنت ما حصلت لج اسفه
وانا خبري بالعثمان من فوق السبع سنين دشيته يمكن مرتين بس
ان شاءالله اصحاب البنيات يعلمونا شنو المحلات
وبسأل لج من العايله بعد ولا يهمج

لقيت لج كم اسم
الاسطورة
مؤيد المير
الجناح الاخضر
......
في محلات حلوة لو تروحين سوق شرق
او البيرق....الافنيوز
في انوتا ...وريفا شغلات حلوة
اعتقد تعجبك ان شاءالله

واذا تبين ماركات انصحك بمحلات
كل لحظة
في الافنيوز ...والمهلب

وفي محلات للاطفال والبنات في مجمع ديسكفري
بالديرة

هذا كلام بنات اخوي وخواتي اللي عندهم بنات بعمر بنتك
ان شاءالله تحصلين اللي تبينه
وسامحينا على القصور

يعطيك العافية يا بعدهم ما قصرتي والله

بالنسبة للماركات موجودة كلها بالسعودية و بالنت وفي كل مكان
بس بضاعة مجمع العثمان مهي موجودة عندنا
بالذات المحل اللي ادور على اسمه
في الحقيقة بضاعتهم كلها ايطالية وخامتها ممتازة و مميزة كثير

الله يعطيك العافية اختي و جزاك الله خير
الف شكر