الموضوع: سعودي يبغى المشوره منكم

السلام عليكم ورحمة الله وبركاته .....
انا انشاء الله نازل ترانزييت بمطار الكويت الدولي الاسبوع القادم انشاء الله من الساعه 3 الظهر الى الساعه 11.40 مساء وقت اقلاع الرحله انشاء الله واعتقد ان هذا وقت طويل جدا ما ادري وش تشورون على اني اطلع وين اروح استاجر او اخذ فندق بالمطار ....
وبغيت اسئل عن السينما وين موقعها ومن متى تبدا العروض .....وابغى مطعم حلوو مره يكون قريب مو بعيد من المطار ..

مواضيع عشوائيه ممكن تكون تعجبك اخترناها لك:

• هلا فبراير
• راح أزور لكويت يوم
• فريج بن عاقوووول
• سؤال عن المكتبات
• استفسار عن
• متى وقت عطلة الكويت ؟؟؟؟؟؟
• رحلتي العجيبة مع نسيم نجد إلى الكويت الحبيبة للصلح مع الباب العالي ذو الطلة المهيبة
• صـور مـن كـــويــــت الـماضـي
• انا بـالكويت وأحتاج مساعدة
• الكويت بالعيد والمسرحيات
• هل شقق بودل قريبه من المجمعات يعني ما نحتاج سياااره للذهاب اقصد مشي
• استفسار عن الدشداشة الكويتية
• مشاريع الوطنية الكويتية تفتتح فندق كورينثيا لندن
• كم تكلفة الدراسة في الكويت وما هي افضل جامعات وزارة التعليم العالي
• لاهل الخبرة بليز ساعدوني
• شاي مغربي
• تساؤلات
• ارجوا المساعده ضروري
• ريتيزالسالمية أم بودل ؟؟
• طريق جديد الرياض الدمام الكويت

اهلا وسهلا عزيزي

والله اخي تقدر تاخذ تاكسي الي المارينا مول وتقضية اربع اوخمس ساعات هناك حيث هناك متعة التسوق ودور السينما والمطاعم والمقاهي ومن ثم تعود الي المطار وتواصل رحلتك وبالتوفيق انشاء الله

الاخ السعودي الكريم حياك الله بين اهلك واخوانك وابيك تعرف انك طلعت من غرفه في بيتكم ودخلت غرفه ثانيه يوم زرتنا

الكويت اخي الحبيب صغيرة يعني ما تحتاج الى مسافه طويله مثل الرياض حتى تقطعها اقولك على سر الرياض كبر الكويت كلها بالضبط
انصحك تاخذ تكسي وتروح مارينا مول فيه سينمات راقيه ومجمع راقي وعلى البحر وفيه المطاعم الكثيرة بس خوفي انك تنسى موعد رحلتك وتروح عليك الطياره
خلني احسبها لك تكسي من المطار الى المارينا بحدوج 3 دينار ومن المارينا للمطار اقل يمكن دينار
تذكره السينما دينارين ونص والعشا ما يتعدي دينارين يعني عشرة دنانير كافيه ويمكن في ظريبه للمطار اذا طلعت ودخلت قيمتها دينارين هذا بالتفصيل الممل ويارب قدرت افيدك

الله يعطيكم الف عافيه اخواني والله اني حسيت اني بين اهلي وانا الحقيقه بينهم ......هذا العشم فيكم

ما يحتاج بيتك ومحلك يالغالي ..
اركب اي تاكسي ..
وان بغيت نمرك حاضرين بس تدلل ..
وروح للمارينا ..

السلام عليكم ورحمة الله وبركاته..
حياك الله ببلدك الثاني:الكويت
اقترح عليك انك تروح للسينما..
طبعا في سينمات كثيره عندنا..
تقدر تشوف الافلام اللي تبيها من موقع السينما الكويتيه:وتختار السينما اللي تبيها:http://www.cinescape.com.kw/arabic_index.php