المشاركة الأصلية كتبت بواسطة ابوسعد96
http://www.arabtravelersforum.com/tr...4/#post4014266
السلام عليكم روحمة الله وبركاته ..
انا قدر الله علي وبروح للفلبين مع 2 من الشباب وكلنااا اول مره نروح للفلبين واكثر المواضيع اللي شفتهااا قلبت راسي وحاستنااا وعشان كذا انا داخل على الله ثم عليكم وابي فزعتكم لانكم احسن وافضل واكوس منتدى سفر بالعالم 
ان شاء الله الرحلة بتكون بـآخر شهر 7 بالافرنجي 
ومدتها 14 يووم . فـ ياليت تجاوبوني على الاستفسارات حقتي
1- افضل نفيز من السفاره هنا ( بالسعوديه ) والا بالمطار اذا وصلنااا ؟
2- طريقة الصرف هنااك نمشي بالدولار افضل والا بالبيسوووو ؟
3- و افضل الفنادق والشاليهاات ( شفقين ع البحرررر تخبرون اهل الشرقيه يصرفونا الله يهديهم مع اننا نحبهم :01xw5: ) هنااك وكيف طريقة التنقل وكيف طريقة الحجز اذا بطلع من ديره لديره ؟
4- المدن والاماااااكن اللي تستحق الزياره بحكم ان رحلتنااا قصيره في حق الفلبين ؟
5- اجوائهم برد والا حررر والا كيف ؟ يعني ناخذ فروه والا لاااا هههههههههه
6-اكلهم ومطاعمهم كيف ووش الافضل ناخذ معنااا عزبـة طبخ والا موب مثل اندونيسيا ؟
7- الافضل في حجز الفنادق من هونـآ والا من هونيك ؟
8- واذا بغنيا نجيب هداياا وش افضل الاسواق اللي فيهاا هدايااا تبيض الوجه ؟ (( شرط اللي بيفيدني بجيب لـه هديه ))
واذا فيه احد يعطينا خطه كامله عن المدن ووين نروح ووين نسكن ووين نجي وصدقوني بندعي لـه
شكرا اوي اوي اوي :7dalc:
هلا أخوي ابو سعد و حياك الله بين أخوانك
شوف طال عمرك
1- اذا المده اقل من 21 يوم ماله داعي تفيز اذا انت متأكد ما راح تجلسون أكثر .. و راح تاخذ فيزا مجانيه من مطار مانيلا
2- حول كل المبالغ الى الدولار لأن سعر صرف الدولار افضل من اليورو و غيره .. و لا تجيب معاك بيسوو الا اللي يكفيكم اول يوم .. يعني تقريبا 100 دولار تحولها بالسعوديه الى بيسو
3- سؤالك الثالث فيه اكثر من استفسار 
لكن اقولك بعون الله اول شي تاخذ لفه على المواضيع المثبته بالمنتدى بخصوص الشاليهات و الفنادق و تختار الأماكن اللي تناسبك .. اما الحجز فيها فأنا أفضل انك تحجز عن طريق النت لمدة 3 أيام لك و لأصحابك او تحجز عن طريق وكالة سياحه و سفر عندكم بالمملكه .. و بعد ما توصلون بالسلامه تاخذون لفه على الفنادق هناك و تختارون اللي يناسبكم سواء بالموقع او السعر ... أما كيفية التنقل من ديره لديره فهي طال عمرك تختلف .. فيه بعضهم لابد من الطياره لأن حدودها مائيه و بعضهم ممكن بالباص او بالتاكسي .. فقط حدد لنا المنطقه و نذكر لك طريقة الوصول اليها .. 4- المناطق اللي انصحكم بزيارتها .. هي كالتالي حسب الأفضليه بوراكاي - بوهول - سيبو .. و مانيلا ايضا عند وصولكم و قبل المغادره لابد تلفون فيها شوي لان فيها أماكن جميله و تستحق الزياره..
5- اترك الفروه بهالموسم لأن شهر يوليو يكون حار بالنهار لحد وقت العصر تقريبا و بعدين يتحسن تدريجيا ( مع مراعاة ان كل منطقه قد تختلف عن الثانيه ) لكن بشكل عام لا تاخذ معاك شتوي ... و الموسم هذا غالبا يكون أمطار موسميه .. 6- المطاعم العربيه و الغربيه والهنديه و الأيرانيه كثيره جدا و فيه كثير في مكاتي و مالاتي و ايضا في بوراكاي . .تقريبا بكل مكان .. لكن الطبخ و النفخ له طعم بالفلبين يعني جهز العزبه أفضل 7- بالنسبه لحجز الفنادق بالذات انا مرات انصدم بتناقض .. بعضهم بالنت أرخص و بعضهم لما تروح لهم شخصيا أرخص .. لكن دور بمواقع الفنادق مثل الموقع هذا مثلا .. http://www.asiahotels.com/
و أيضا شوف مكاتب السياحه عندكم و يمكن تجد عندهم عروض ... و هناك بعض الأخوان عندنا بالمنتدى لديهم أرقام ناس متخصصه بالحجوزات و ممكن اذا تكرموا يزودونك ببعض الأرقام .. 8- بالنسبه للهدايا تجدها بكل مكان .. لكن اذا حاب تكون اشياء جميله و بسيطه و سعرها مناسب .. فأنا أنصحك بمجمع روبنسون اللي في أرميتا.. يكون عندهم نفس الأكشاك او (البسطات) على قولتنا بالكويت و تجد عندهم شغلات انا بصراحه اعجبتني و سعرها جدا مناسب.
و بالنهايه هديتنا طال عمرك سلامتك و رضاك و تقرير مرتب بعد عودتك و أتمنى لكم رحله سعيده بحفظ الله و رعايته
ومدتها 14 يووم . فـ ياليت تجاوبوني على الاستفسارات حقتي
))
رد مع اقتباس
المفضلات