الموضوع: كل من سافر لوس انجلس يتفضل

السلام عليكم
اشكر جميع العاملين والاعضاء على هذي البوابه
ان شاء الله انا وصديقي رايحين بتاريخ 5-7الى 26-7 على الخطوط الكويتيه ولكن للاسف وجهتها فقط نيويورك
واحنا نبي لوس انجلس ولاس فيغاس وسبب اختيار الكويتيه (لي سفره بالسنه بلاش عليها)
كم تستغرق انهاء التفتيش والاجراءات بمطار نيويورك لاختيار الوقت المناسب للرحله الداخليه الى لوس انجلس
او تنصحوني اسكن بنيويورك يوم او يومين
احنا ودنا ناجر سياره ونتجول مابين لوس انجلس ولاس فيغاس ونختار الفندق بنفس اليوم يعني ما ودنا نحجز فنادق من الان واذا رحنا هناك نتحسف لان في مكان افضل ودنا نسكن فيه ان شاءالله فهمتو علي(ملاحظه انا وصديقي لغتنا ضعيفه واول مره نروح امريكا) بس نعيش ) خوفي اذا اجرنا السياره بندفع فلوس السفره كلها على المخالفات
المهم يا اخوان عادي نروح من غير حجز فنادق ولا ما بنحصل فنادق فاضيه او اسعارهم بترتفع
ونبي تخطيط الرحله 5ايام هوليود وين افضل مكان نسكن للشباب يعني ما نبي هدوء!
وبعدين لاس فيغاس 10 ايام 5ايام فندق بلانت هليود و5ايام فندق باريس
وبعدين بنرجع لوس انجلس نقضي المده بفندق او منتجع على البحر (ماهو افضل شاطىء فيه زحمه وحياه)مثل افلامهم )ياليت تفيدوني بمنتجع حلو وكبير ورخيص
هل تكفي 12 الف دولار شامله الفنادق والطيران الداخلي والمصرف ولاس فيغاس والسياره ولو ان شايل هم الباركينق من الحين هل تكفي!
واشكر مشرف البوابه وخبير لوس انجلس استفدت الكثير من مواضيعهم وردودهم على الاعضاء

مواضيع عشوائيه ممكن تكون تعجبك اخترناها لك:

• مخطط رحلتي والخطوط احتاج مشورتكم
• هل تلغى الفيزا الأمريكية اذا لم يتم السفر لمدة 6 أشهر ؟
• سؤال عن الفيزا السياحية تجديد جواز أمريكي
• الغاء الدخول والخروج الخاص بالسعوديين الى امريكا اعتبارامن ابريل
• رحلتي العائلية لعام 2011 م وزيارة نيويورك وكاليفورنيا ولاس فيقس . . .
• زيارتي للسفارةابريل
• اورلاندومشرفنا عزيز وباجي المشرفين
• بخصوص الوزن في الكي ال ام
• موعد
• عندي سفره للامارات بعد الموعداستفسار
• بليززززز يابنت الصقور ردي
• مســــــــــــاعده
• انقذووووووووووووووووني
• أخواني هل هو صحيح أم لا ؟؟؟ أرجوكم
• ترتيب رحلتي في لوس انجلوس
• مساعدتكم يا أهل أمريكا رجاءاً
• هكذا رأيت امريكـاء خلال فترت الأعيـاد و الاحتفالات يومــا في أمريكاء
• سؤال عن الاكل في امريكا حلال ام حرام الفاست فود
• استفسار يفيد الجميع
• فرصة عمل في تكساس وفلوريدا

نصيحتي لك انك تجلس فس نيويوك 3 ليالي تشوفوها بالفعل تستاهل !!

لاس فيقاس كثير عليها 10 ليالي !! 4او 5 بالكثير !! وخلوها في فندق واحد !!

الفنادق المفروض تحجزوها من بدري لان كل ما تحجز بدري تلاقي اسعار ارخص وهناك يمكن ما تلاقي وتناحسوا ويضيع عليكم الوقت في البحث !!

وغير كذا اذا لقيتوا تكون الاسعار اغلى بكثير !!

السيارة ضرورية للتنقل في كاليفورنيا وتدوديكم لاس فيقاس !!

12000$ شاملة ايش بالضبط وللشخص او الاثنين ؟


اتمنى لكم التوفيق

هلا اخوي
انة سكنت في
Hollywood roosevelt hotel
على شارع هوليود انة الصراحة عجبني و راح يعجبك
و فيقاس نفس ماقال اخوي امباكت خلوها فندق واحد
و اي شي تحب تعرفا عن الفندق انة حاضر

[
هلا مشرفنا يشرفني مرورك
12الف مصروفنا الاثنين شامله كل شي ما عدا الطيران الدولي يعني شامله طيران داخلي وفنادق ورحلات ...الخ قابله للزياده الفين او 3

ومن ناحية الفنادق يعني قلنا لاس فيغاس كل واحد غرفه بس لوس انجلس اثنينا بغرفه لانه اسعار فنادقهم غاليه على عكس فيغاس الغرف من 50 الى 100 دولار

ونيويورك والله ودي اقعد فيها بس صاحبي ما يبيها يبي يقعد اكثر وقته بلاس فيغاس لكن بقنعه نقعد فيها يومين على الاقل

وياريت تفيدونا بشاطىء حلو وسياحي نحجز فيه 4 ايام

المبلغ ان شاء الله بيكفيكم ,,

لاكن لاحضوا ان فنادق فيقس تختلف من يوم للثاني واذا ودكم بفنادق على الاسترايب وتكون في القمة لازم تزودوا المبلغ مو 100$ !!

اتمنى لكم التوفيق

Impact:
ان شاء الله واكيد بيكون معانا احتياط بس ياليت تفيدنا باسعار الطيران الداخلي من نيويورك الى لوس انجلوس

http://www.arabtravelersforum.com/user161571/ :
هلا اخوي انزين شلون الطيران بصراحه انا خايف من الكويتيه تعرف ميمعين السكاريب بس سمعت انهم اشترو اسطول يديد بوينغ777 مادري صج ولا لا؟
ومن ناحية الترانزيت اتمنى والله خصوصا اتضايق وايد بالقعده بالطياره ومن ناحية التفتيش سمعت انهم مزاجيين
وياليت تفيدونا بفندق بنيويورك نرتاح فيه يومين ويكون بشارع حلو وكل شي قريب علينا
اما هوليود صراحه ملاحظ اكثر الفنادق فيها 2ستار من مواقع الحجوزات
ويعطيك العافيه على الملعلومات القيمه وبالعكس كل ما تطول علي استفيد اكثر

الطيران يختلف سعره على حسب اليوم والوقت ومتى تاريخ الشراء واذا كان فيه ترانزست في مدينة ولا اثنين ولا دايركت !!

انصحكم تدخلوا على Expedia وتختاروا الوقت واليوم الي يريحكم وتشوفوا خيرات الخطوط وبعدها تختاروا المناسب وتعرفوا سعره !!


بالتوفيق

بالنسبة للطيران الداخلي انصحك بالجت بلو اذا جربته ما تغيره جدا ممتاز
والكويتيه بالاول كان عندي نفس اعتقادك بس المثل يقول ما تعرف قديري لما تجرب غيري صدقني انها احسن من وايد خطوط خصوصا على هذي الرحله اختار ترانزيت لندن وراح تدعيلي
و التفتيش لما تدخل نيويورك وايد سهاله عندي ارحم من تفتيش لندن
و نيويورك تعتبر غاليه بالفنادق شوي اكثر من الولايات الثاني بس احنا دايما نسكن في paramont اهو بنص التايم سكوير
تطلع منه تروح يسار انت بالتايم سكوير و اذا رحت يمين تدخل بشارع كله سوبرماركتات و مطاعم و لازق فيه مطهم ايطالي عنده بيتزا جبن خيالية و الفندق من تحت في كافية دين اند ديلوكا يعني استمتع بحياتك

و هم اذا عندك اي اسئله لا تستحي انا اختك

Impact:
مشرفنا يعطيك الف عافيه على الموقع والله ما قصرت
http://www.arabtravelersforum.com/user161571/ :
هلا اختي بالنسبه للكويتيه ترانزيت لندن يا ساعه ونص يا يوم مادري اذا ساعه ونص ينزلونا من الطياره
وجم تبعد تايم سكوير عن المطار الي تطب فيه الكويتيه JFK لانه قررنا نقعد بنيويورك يومين بس
وادري زودتها شوي بالاسئله

فندق بهوليوود بالقرب من الزحمة والناس والحياة

http://book.bestwestern.com/bestwest...ertyCode=05204

من الشواطئ الجميلة
http://www.beachcalifornia.com/newport.html

http://www.beachcalifornia.com/laguna.html

http://www.beachcalifornia.com/venice.html

http://www.beachcalifornia.com/hbwelcom.htm

http://www.beachcalifornia.com/mdelrey.html

http://www.beachcalifornia.com/mothe...na-delrey.html