الموضوع: زيارتي للكويت من فبراير الى فبراير ثلاث ليالي رائعة

سأوافيكم بتقرير
السكن التسوق الترفيه
انتظروني ..

مواضيع عشوائيه ممكن تكون تعجبك اخترناها لك:

• وين أحصل أماكن لتعلم المكياج في الكويت
• من يعرف أين أستأجر بيت في الكويت بالفرب من الرقعي
• إذا كنت تبحث عن مخيم أو مزرعة أو شالية لتأجير فتفضل بالدخول
• ممكن الإفادة من أحبائي الأعضاء
• ساعدوني وين الجلابيات والاقمشه
• دليل هواتف كويت لووك
• فندق في هونج كونج
• للأسف يافندق النخيل
• مطلوب محلات غرف نوم راقية وتكون مو غاليه
• استفسار صغير من الاخوة الكرام
• ابغى محلات الطرح وغيرها ورحله ع البر
• الئ اهل الذوق اهل الكووووووويت
• ساعدوني بلييز
• ابي رايكم وخصوصا المجرب
• زيآره خآصه
• صرف العملة في الكويت
• أفضل مطعم بخدماته ونظافته وبسعرهالخ
• مالقينا سكن وش الحل
• ممكن توضحوا لي وين يصير شارع فرنسا او باريس
• طلب وبسرعه ابي الليله اسهر بكوفي رومانسي

بداية أعتذر أن التقرير ناااااشف بدون صور

في العام الماضي زرت الكويت يومي 24 و 25 فبراير وكانت روعة الا أنه في يوم 25 واحنا راجعين للفندق الساعة 12 ونص
صادتنا الزحمة على الدائري الخامس عند دوار البدع وجلسنا ساعة ونصف لمسافة 3 كيلو !!

السنة هذي لا قلت خل نسبق الزحمة

قبل زيارة الكويت

استطلعت أحوال الطقس ليوم 14 و 15 و 16 وكانت غائمة و درجات الحرارة نهارا 24 وليلاً 15 درجة

حجزت في فندق ميسوني

الوصول الساعة 2 ظهرا وكانت المفاجأة !!

زحااام غير طبيعي على شارع الخليج العربي وساعة كاملة للوصول للفندق لمسافة تقطعها بالظروف العادية بخمس دقايق

استلمنا الغرفة وتوجهنا بعدها لمطعم فريج صويلح . . ما فيه زحمة تغدينا ورجعنا للفندق نأخذ قسطاً من الراحة

الساعة السادسة توجهنا لمجمع الافنيوز للتسوق والعشاء
بعدها توجهنا لكافيه حليب خانة على الجلسات الخارجية مع رشات المطر الخفيفة لتناول الحليب بالزنجبيل ..
عند الساعة 12 جولة على شارع الخليج العربي
وبعدها نوووووووومة ..... ولا تسمع الا الشخير ، كأنك في غابة خرخخاخشخرخشخخخ
فعاليات اليوم الاول(فندق ميسوني*مطعم فريج صويلح*مجمع الافنيوز*كافيه حليب خانة*جولة الخليج العربي*النوم)

انتظرونا مع اليوم الثاني

حياكم الله في بيتكم الثاني الكويت وان شاء الله استمتعتوا في هالزيارة وبانتظار بقية تقريرك الحافل

اليوم الثاني 15 فبراير
استيقضنا صباحا وانطلقنا لمطعم لونوتر للريوق سعر الشخص 6 ونص شامل المشروب
تجربة رائعة و القعدة رايقة والمكان رومانسية والخدمة فايف ستار
توجهنا بعدها لأرض المعارض (معرض عيد الاستقلال ) يحوي على ملابس وعطورات ومكياج واكسسوارات و العاب وساعات و مكسرات وووووووووو
ثم الغداء بمطعم ميس الغانم
العودة للراحة في الفندق
الساعة الخامسة التوجه لمجمع 360 درجة ثم لسوق شرق للتسوق
ثم التوجه للمباركية للتسوق والعشاء
جولة في شوارع الكويت .. ثم التوجه لكافيه حليب خانة .. والطلب حليب بالزنجبيل ولا أحلى
وسألني موظف الكافيه بالانجليزي : الليلة فيه مباراة ؟ رديت عليه : ليش بالانجليزي !!
قال: الليلة الشارع فاضي ومافيه زباين ؟
رديت عليه : الجو حلو والناس رايحين البر -تصريف على السريع-
بعدها رجعنا للفندق وهاتك يا شخير،
كأنك في غابة الظاهر الزنجبيل له دور ... لزوم نعلم الشيخ بالسالفة
فعاليات اليوم الثاني ( مطعم لونوتر*ارض المعارض*مطعم ميس الغانم* مجمع 360 *سوق شرق*المباركية*جولة *كافيه حليب خانة*النوم )

انتظرونا مع اليوم الثالث

17 فبراير
في الصباح التوجه للسعودية

وصلنا الجمارك والا زحمة أمة لا إله الا الله .. يا الله .... أكره الانتظار ساعتين

انتظروا سلبيات و ايجابيات الرحلة

ايجابيات الرحلة :
*الاجواء غائمة مع رذاذ
*ذرابة أهل الكويت
*تعدد المطاعم
*تعدد الاسواق والمجمعات
السلبيات :
* في المباركية أسعار البضائع تتفاوت من محل لآخر تصل لنصف السعر،لذا إحرص على المرور على اكثر من محل.
*زحممممممممة شارع الخليج العربي وبعض شوارع السالمية !!

حياكم الله في ديرتكم ونورتوا الديره
الله يعطيك العافيه على التقرير الحلو وزيارتكم الخفيفه بس مايصير جذي تقرير ولا صوره لو صوره الفندق راضييين
بالاخير هذي الساعه المباركه ونورتوا الديره

الله يحييك و يسلمك من الشر
و تقرير بدوون صور اكيد ناشف مرات ممل بس شرحك و الاماكن الي جيتوووها 100%