الموضوع: معادة دبلوم لغة انجليزية ارجو الافادة وبالاخص الاستاذ ملبورن

بسم الله الرحمن الرحيم
والصلاة والسلام على اشرف الانبياء والمرسلين... وبعد

اولا . اشكر القائمين على هذا المنتدى الرائع وكل من ساهم وحاول ان يقدم خدمة ولو كانت بسيطة لاعضاء المنتدى وزواره من توجيه وارشاد و اعطاء معلومات قيمة وتقارير رائع ومفيدة.
اسأل الله عز وجل ان يجزاكم عنا كل خير وان يكتب لكم السعادة في الدنيا والاخر ..آميــــن
ثانيا. هذا اول مشاركة لي في هذا المنتدى واتمنى ان اجد ضالتي بردودكم الكريمة.
الموضوع ومافيه : عندي رغبة في دراسه اللغة الانجليزيه في انجلترا واتمنى الاجابه على الاسئله التالية :

ابغى ادرس دورة لغةانجليزية من سنة الى سنتين اي دبلوم وابغى استفيد من هذا الدورة في السعوديه كيييف يعني اذا رجعت للسعودية يتم معادلةهذا الشهادة في كلية المعلمين اوجامعة الملك عبدالعزيز يعني بدل ماادرس في الكلية اربع سنين بكالوريوس ادرس سنتين اوثلاث. يعني يعادلون الشهادة .....
1- هل هذه الفكرة الي في راسي صحيحة ام خاطئة وابغى نصيحتكم الاخوية ؟
2- فين المكان المناسب لأخذ هذه الدوره جامعة اومعهد اوفييينن وكم التكلفة الدراسية فقط ؟
3-ايش الاعتماد الي تطلبة مني كلية المعلمين اوجامعة الملك عبدالعزيز عشان يعادلوون الشهادة .....يعني مااروح وأجيب شهادة وأجي وأتوررط معاهم ؟
4- هل في احد منكم صار معاه هذا الشي او يعرف احد ؟
5- الي معاة شهادة مثل التووفل كم ساعة تعادل في الكلية اوالجامعة ؟


اتمنى من الجميع المشاركة وبالأخص الاخ ملبورن
شكرا لكم...وامنياتي لكم بالنجاح

مواضيع عشوائيه ممكن تكون تعجبك اخترناها لك:

• معهد وخط سير رحلتى
• اخترت المعهد
• انا بحاجة للمساعدة مشان الله ريحولي بالي
• السكن في مدينة شلتنهام ؟
• لحقو عرض الطيران من
• لئن شكرتم لأزيدنكم ولئن كفرتم إن عذابي لشديد
• الدراسه في امريكا بين الحلم والواقع استفسار لماجستير القانون
• ارجو مساعدتكم حول جامعة ويلز
• اريدها رحلة تعليمية وسياحية و تعارف في نفس الوقت بماذا تنصحوني ؟
• مساعدة لاختيار جامعة للطب
• ساعدوني ياجماعه بليز
• محتاج المساعده
• فزعتكــــــــــــــم
• رسمياً قائمة بالجامعات المعتمدة من وزارة التعليم العالي بتاريخ صفر هـ
• لو يخيرونك بين امريكا وكندا وش تختار للدراسة
• اللغة في بريستول
• طالبتكم الله يخليكم انا بورطه
• اريد معهد لغة انجليزية في منطقة اناهيم
• استفسار عن المناطق السياحية و رحلات القروبات للبنان
• الإبتعاث في موعده بإذن الله

اولاً ما احد يدرس لغة انجليزية في برى لمدة سنتين؟؟ وووين سنتين اشدعوة تصرف فلوسك وتضيعها برى عشان تدرس سنتين.. على كذا ادرس سنتين بمعهد في السعودية احسن

دراسة اللغة في دولة تتحدث اللغة الانجليزية تأخذ من الطالب المجتهد والعازم مو اكثر من ست شهور وان زادت فهي سنة بالكثير

ثانياً فلوس دراسة لغة سنتين تعادل فلوس دراسة ماجستير فالأفضل الواحد يغير خطته

ثالثاً.. انت تبي تعادل شهادتك على اي اساس؟؟ هل القصد انك لما ترجع من بريطانيا تبغى تكمل دراسة انجليزي في الممكلة وتاخذ بكالريوس انجليزي؟؟؟ اذا كان هذا قصدك فالقرار خاطئ لأسباب تالية:

1- دراسة اللغة الانجليزية في بريطانيا غالباً ليست بشهادة اكاديمية او نقدر نقول انت هنا يا تدرس لغة عامة او لغة اكاديمية.. ولكن في الدراسة بالمملكة راح تدرس خليط من المواد المتفرقة وهالشي قد يصعب المعادلة
2- فكرة ان الواحد يطلع برى يدرس انجليزي عشان يرجع بلده يكمل على الانجليزي؟؟ فكرة خاطئة وغير صائبة لأنك وش استفدت؟؟ الناس الحين عندها لغة + تخصص قوي + خبرات وقد يكون لديهم اكثر من تخصص.. اما انت راح تكتسب فقط لغة؟ وهالشي مايعطيك اي ميزة لما تجي تتوظف


اذا كنت تبي تطور لغتك وتتعلم لغة ادرس ست شهور مكثف وارجع بلدك سجل بأي جامعة وادرس تخصص جيد ينفعك في مستقبلك او اذا تقدر تواصل تعليمك في بريطانيا او غيرها كمل.. لكن لاتدرس انجليزي وتكمل انجليزي

الله يوفقك ويكتبلك كل خير

اولا شكرا اختي memi على الرد وجزاكي الله خيرا ورحم الله من انجبك ويجعل فالك السعادة دنيا وأخره

بنسبا لكلامك فهو صحيح وعين الصواب . بس انتي مافهمتي وضعي

1- شهادتي الثانوية قديمة ولايمكن قبولي بشكل انتظام في اي جامعة
2-انا ابغى اكون معلم لغة انجليزية يعني في مجال التدريس
3- فكرتي جدا خاطئة لانة رحت جامعة طيبة وقالولي لايمكن انك تجيب دبلوم وتكمل عندنا لانة جامعات السعودية الي يدخلها من البداية لازم يخرج من النهاية يعني مافي من النص.

بس قالولي روح ادرس دبلوم برا وبعدبن تقدر تدخل في برنامج الابتعاث وتكمل بكالوريوس
4- اش معنى لغة عامة ولغة اكاديمية

سؤالي التالي :كيف وكم المدة الي ادرسها في بريطانيا على حسابي الخاص وبعدين ادخل في برنامج الابتعاث عشان اتخرج بكالريوس وبغى اكون مدرس انجليزي اعطيني الخطة الي امشي عليها

يعني مثال :دبلوم في المعهد الفلاني التابع للجامعة الفلاني في المدة الفلانية ثم تذهب للمكان الفلاني وتسجل في برنامج الابتعاث وتكمل في الجامعة الفلانية لمدة ؟ وتخرجك بكالوريوس عشان تأهلك وتكون مدرس لغة انجليزية

والله ياطويل العمر الي نصحك انك تكمل دبلوم وتجي تكمل ابتعاث مانصحك نصيحة جيدة.. لأن الدبلوم صعب جداً تجيب عليه ابتعاث
بعطيك بعض الاسباب

لنفرض انك طلعت بدبلوم انجليزي وجيت بريطانيا تكمل؟ كيف تبيهم يعادلون لك الانجليزي؟ ماراح يتعادل وش يعادلونه في؟ هم كذا كذا يدرسون بالانجليزي يعني هذا متطلب الزامي انك تتحدث اللغة .. وبعض الجامعات تدرس لغة انجليزية كأدب وشعر انجليزي او ترجمة انجليزي / مع لغة اخرى .. فيعني بالاخير دراستك بمعهد لغة وبتاخذ منها دبلوم راح تصعب جدا جدا معادلتها؟؟ لأن اذا بتدخل ادب انجلش او ترجمة انجلش ترى من البداية من اول سنة تاخذ مواد مختلفة تماما تماما عن الي تدرسه بالمعهد ولهالاسباب صعب يعادلون لك شهادة الدبلوم من المعاهد البريطانية العادية

(انا اقولك هالشي لأن انا دارسة ترجمة وصاحبتي دارسة ادب.. ودرست 3 شهور في معهد لغة في بريطانيا ودرست بعد في معهد اكاديمي وعارفة الفرق بين المواد اللي يدرسونا اياها)

ادب انجليزي.. تدرس غالباً شعر ونصوص وروايات انجليزية وتحليل ونقد وكله بالانجلش (هالشي مستحيل تاخذه بالمعاهد العادية البريطانية او غيرها هذا يتدرس بالجامعات)
ترجمة انجليزي.. تدرس مواد عربي مكث (صرف, نحو, بلاغة) وهالمواد مايتم تدريسها برى ولذلك صعب جامعاتنا السعودية تعادلها


جامعاتنا السعودية تبيك تجيها جاهز ومخلص شهادتك


لنفرض انك رحت اخذت الدبلوم وجيت الوزارة تطلب بعثة؟ من شروط التقديم ان الشهادة ماتكون قديمة اي تاريخ التخرج حديث (اذا كان التقديم من البرنامج السنوي الي يفتح مرة وحدة بس فشروطهم النسبة والعمر تاريخ الشهادة)
اما اذا كنت بتقدم من الوزارة وانت غير مستوفي الشروط فانت ادرى بوضعنا لازم واسطة

ثالثاً.. بريطانيا ليست خيار جيد ابداً للي يفكر ينضم للبعثة.. الابتعاث موقف عن بريطانيا وصعب يبعثون اي احد.. اي نعم جت مكرمة قبل شهر ونص بضم كل الموجودين بالبلد والدارسين على حسابهم .. لكن كونك تجي بلد غالي وتغامر انت من البداية الخطة حقتك غير مضبوطة فهذي صعبة


اما بخصوص سؤالك عن اللغة الاكاديمية واللغة العامة... مثلاً بالمعهد اول مانجي بريطانيا يعلمونا كيف نتكلم وكيف نكتب وكيف نستمع ونفهم اما بالمعهد الاكاديمي يبون واحد فاهم اللغة وعارف ولكنهم فقط يعلمونه كيف يكتب تقارير اكاديمية وكيف يعمل برزنتيشن وكيف يستبدل المصطلحات العامة بالأكاديمية
مثلاً بالمعهد يعلمونك كيف تقول (in these days يعني في الايام هذي ) اما في المعهد الاكاديمي يعتبرونها خطأ فلازم تكتب (recently ومعناها في الوقت الراهن , او حديثاً , مؤخراً)
يعني كأنك تدرس اول لغة عربية عامة وبعدين تدرس لغة فصحى

انا نصيحتي لك اذا تبي شي حلو,, ترى جامعات كثير تدرس لغة انجليزية انتساب (وتطلع مدرس) مثل جامعة الملك فيصل عندهم انتساب انجلش,, واعتقد الملك عبدالعزيز بعد.. اذا مرة مرة روح البحرين ادرس بنظام الانتساب او المنتظم

اما بخصوص الشهادة.. دامك بتدفع فلوس مايهم الجامعات تاريخ شهادتك ابداً لأن هي مؤسسات تعليمية ربحية

اتمنى تكون فهمت الي اقصده واذا في خاطرك سؤال تفضل اسأل وان شاء الله اقدر افيدك .. بس من جد دامك ناوي تدريس حرام تضيع فلوسك على معهد وبعدين تدرس جامعة.. حط فلوسك كلها بدراسة في جامعة انتساب او اطلع ست شهور قوي لغتك وبعدين ادخل طوالي اي جامعة وادرس عندها

والمعذرة على التأخير كنت خارج الخدمة لبعض الايام.. والله يوفقك وينور طريقك

حبيت اشكر اختنا والله ما قصرت قالت ووفت

شكرا اختي memi علي الرد وعلى المعلومات القيمة الي راح تفيدني كثيراا انتي ثمرة نافعة للبشر اسأل الله ان ينفع بكي الاسلام والمسلميين وان تكون لكي بصمة رائعة في حياتك وذكرى خالده في اذهاننا بعد مماتك ..بعد عمر طويل ان شاء الله. ماراح نستغني عن توجيهاتك وشكرا اخي فيصل على التعقييب شكرا لله الذي جمعني بكم في هذا المنتدى التعليمي الترفيهي الرائع شكرا للقائمين على هذا المنتدى .


اتمنى لكم التوفيق

السلام عليكم
اخوى I wish success انا مااقدر افيدك بخصوص سؤالك بس اذا سمحت لى حبيت اسئل الاخت Memi عن موضوع يخص الماستر

اخت Memi
لاحظت ان ماشاء الله عندك خلفيه قوي بالنسبه للدراسه الاكاديميه و ان تخصصك هو نفس تخصصى بكالوريوس انقلش فحبيت اسئلك
انا ناويه ان شا ء الله اكمل الماستر وكان عندى خيارات كثيره بالنسبه للتخصصات بس اخر شى صارو تخصصين واحترت بينهم
ترجمه و منجمنت (احتاج اخذ قبله كم ماده فاونديشن)

مدرى اى تخصص فيهم راح يفيدني اكثر من الثاني فى الوظائف الحكوميه
اللى مرددني بالترجمه فكرة ان ممكن اى احد دارس بكالوريس انقلش يكون مؤهل ل انه يترجم يعني حسيت ان الماستر ماراح يضيف لى كثير الا انى اتعمق اككثر فى طرق و نظريات الترجمه
الشى الثاني ان الاشخاص اللى دارسين بكالوريس وماستر بالاداره راح تكون خلفيتهم اقوى منى و احتمال( مدرى اذا صح )الافضليه لهم بالنسبه للوظايف لانهم خبره بالتخصص اكثر
فحبيت اخذ رايك اخت Memi لانى جد محتااااااااره وبديت امل

اى احد يقرا ردي بليز لا يتردد انه يضيف اى نقطه تجي فى باله احتاج حتى لو تفاصيل بسيطه لان راح تفيدني كثير
الف شكرا مقدما

واكرر اعتذاري لك اخوي I wish success

هلا اختي..

اختيار تخصص الماستر يعتمد على رغباتك الشخصية والمجال الي انتي تحسين راح تبدعي فيه

انا شخصياً احب العمل الإداري ولذلك تخصصي في الماستر ادارة

اما بالنسبة لكلامك انك راح تدرسي مواد تأسيس اذا اخترتي منجمنت فهذا غير صحيح اذا كنتي راح تدرسين في بريطانيا لأن بريطانيا من الدول الي ماتشترط ان تخصص الماستر يكون من مسار تخصص البكالريوس.. انا شخصياً مادرست اي مادة اضافية.. على طول بديت الماستر

انتي قلتيها.. اي احد يقدر يشتغل ترجمة حتى بدون شهادة اصلاً المهم الإلمام باللغة.. الا اذا كانت رغبتك تكملين وتتخصصين بالترجمة لأن الترجمة مسارات ومازالت مطلوبة بالحكومة.. اما ااذا لك رغبة اخرى بتنويع التخصصات وعندك شي تحبينه تقدري تختري تخصص اخر.. (مجالات الكومبيوتر, الادارة بأنواعها من تسويق ومحاسبة وغيرها.. إلخ)

اتمنى وضحت الصورة