الموضوع: اول مرة الى باريس مساعدتكم اختي لندنية واخوي فيصل وذوي الخبرة

السلام عليكم ورحمة الله وبركاته

انا ماشيه باذن الله بتاريخ 20 اوغست والعودة 26 اوغست وعندي اسئلة كثيرة اتمنى المساعده :

1- ابي فندق قريب من الشانز ولكن سعره معقول ونظيف واكله ممتاز مايهم لو كانت الغرفة مش فخمه كثير ؟

2- شرايكم احجز من بوكينغ ولا من مكتب سياحه ؟

3- الان لو رحت باريس وحبيت اطلع على سويسرا اقدر ولا لا وكم التكاليف بالطائرة لان القطار بعيد وطويلة المده ومامعنا وقت ؟

4- اللبس انا رايحه بنهاية اوغست فهل اللبس يكون جاكيت خفيف ولا بلوفر ولا ايش ؟

5- شنطة اليد ايش افضل شنطة على الكتف عادي ولا الكروس باق ولا ايش ؟

6- هذا الجدول وتخطيطنا انا وزوجي واتمنى التعديل من ذوي الخبرة :

اليوم الأول : الشانز وقوس النصر (ووشرايكم ارقى لين فوق ولا اكتفي بالتصوير من تحت )
الثاني : ديزني لاند والاوت لت ( وسمعت انه لديزني لاند التذكرة اذا لقسم 61 -ولقسمين 74 تيب وش هالقسمين وعبارة عن ايش الاستديو ؟ وداخل درني لاند لما ادخل بالتذكرة القارب والقطار اللي داخل شامل مع التذكرة ولا كيف )؟

اليوم الثالث : ايفل ونهر السين
الرابع : اللوفر والكونكورد وحديقة لوكسمبورغ

الخامس : هضبة مونامرت


السؤال اللي بعده : المترو افضل اني اقص تذاكر له لمدة 5 ايام لمنطقة 1-2-3 ؟ وديزني لاند ادفع له
ولا اقص تذاكر لثلاث ايام لنفس المناطق وانا ودي بصراحه اركب التور او الباص السياحي فشرايكم اروح فيه لايش والمترو لايش ؟

السؤال ماقبل الاخير : الاوت لت ايش الماركات اللي فيها وتقريبا كم يكفيني اشيل معي وخصوصا بعد ماقريت انه في عمليات نشل وسرقه وكذا ؟

السؤال الاخير واعتذر لكم على الاطاله لو بروح بروكسل نص يوم تستاهل ولا لا بحكم قربها من باريس ولا ماتستاهل العنوه ؟


والله يوفقكم الاسئلة مهمه جدا جدا جدا بالنسبه لي شكرا مقدما للجميع

مواضيع عشوائيه ممكن تكون تعجبك اخترناها لك:

• ×× حدائق و منتزهات فى فرنسا ××
• القطار من باريس الى جنيف
• الخارجية السعودية تحث المواطنين على مغادرة سوريا وعدم السفر إليها
• المساعدة في التخطيط لرحلتي الاوروبيه
• زياره لاول مره لباريس واحتاج مشورتكم
• ساعدوني في اختيار الفنادق تكفون
• ميزانيه مفصله لرباريس لندن
• خط سير باريس لندن برشلونه
• محتاجه مساعده
• رحلتي الأولى إلى أوروبا الفزعة يا أعضاء المنتدى الأرقى في العالم العربي
• ديزني باند باريس و الفاست باس
• تخيلتك من الجمال تتبخترينافاده منكم ليتحقق خيالي
• أول مره راح اسوق في أوربا مع عائلة ممكن تساعدوني
• بسرعة ارجوكم
• محتاج برنامج شهر عسل في فرنسا هل من مساعده؟
• برنامج لشهر العسل لكن يحتاج خبراء في اوروبا
• استشارتكم ون اروح باروبا وبالتحديد باريس
• بليز ساعدوني شهر العسل حق اخوي في باريس
• ارجو المساعده في ترتيب حدول لباريس
• اتمنى من الخبراء واخواني مساعدتي

الحجز اضمن لك من مكتب سياحي والفنادق شوفي بوكينج لكن ارشح لك بست وسترن قريب واسعاره حلوه ونظيف وخدماته جيده والماريوت كمان جيد
بالنسبه للبس خذي كل احتياطتك لان الجو متقلب مره برد ومره مطر ومره شمس
المترو خذي كارد باريس فزت واستفسري عن ديزني وفرساي مره وحده لوطالعه برا باريس
الباص الاصفر يوفر عليك يومين عن المترو لانو ياخذك من الشانز ويرجعك للشانز وصراحه جميل يعطيك لمحه عن اهم الاماكن السياحيه وتقدري تصوري وتنزلي وتبدلي
الاوت لت ممتاز وحلو تروحي ومعك الفيزا وانصحك بفيزه التسوق اريح واسهل والماركات قوتشي وبربري وهالطقه بس الاسعار بطله
الشنطه سوا كانت ان شولدر او كروس انتي حاولي تكوني عمليه اكثر ومش ملفته للنظر وخفيفه
بالنسبه للجدول السياحي :
اول يوم قلتي الشانز طيب باقي اليوم ؟ حاولي تقسمي وقتك كل اليوم بالشانز ملل خلي فطورك بالشانز مثلا والعصر روحي ايفل لين الليل و اطلعي رحله نهريه مع عشا بالليل روووعه
اليوم الثاني ديزني والاوت لت حيكون شوي ضغط لان ديزني كبيره وبتطلعي منها تعبانه تدوري السرير وهي عباره عن استديو يقفل 7م
وبارك يقفل 11 م والفلج فاتحه اذا دفعتي التذاكر خلاص كل شي جوا فري الا الشوبينج والاكل طبعا
الاوت لت مش عارفه كيف بتروحي له لانه يقفل كمان 7 م ولاتروحي ويك اند زززززحمه
واختاري يوم غيم تروحي فيه ديزني احلا واروق
اليوم الثالث قلتي ايفل ونهر السين طيب نقول هالكلام الصباح والعصر وين ؟؟ خلي ثالث يوم مونمارت ونوتردام واللاتيني سانت ميشيل وقسمي فترتين
اليوم الرابع خليه اللوفر صباح مع كونكورد وحديقه ترويلي جنب بعض والمساء خليه حديقه لوكسمبورغ
اليوم الخامس روحي الاوبرا والغاليري لافييت والمسا روحي لاديفانص شوبينج
بكذا غطينا اهم الاماكن بباريس وقسمنا الوقت فترتين من الموبايل

ياعمري يالندنيه

تعبناك معنا الله يجزاك كل خير مرة استفدت من كلامك وبطبعه علشان استفيد اكثر

بس ماقلتي على بروكسل او جنيف ؟

والله يسعدك زي مااسعدني ردك

ربي يوفقك شكرا من قلب ممتن لك

تيب سؤال اختي لندنيه والاوت لت متى اروح له اي يوم ؟ووش احسن ظهر ولاصباح ولا عصر

الاوت لت روحي له الصباح لانه يسكر بدري وانا اشوف لو تروحين له في نفس يوم ديزني لاند لانه المحطه اللي قبل دزني

انا ماشيه باذن الله بتاريخ 20 اوغست والعودة 26 اوغست وعندي اسئلة كثيرة اتمنى المساعده :
الله يسهل لكم
1- ابي فندق قريب من الشانز ولكن سعره معقول ونظيف واكله ممتاز مايهم لو كانت الغرفة مش فخمه كثير ؟
ميزانيتكم كم والعدد
2- شرايكم احجز من بوكينغ ولا من مكتب سياحه ؟
بوكينق طبعا

3- الان لو رحت باريس وحبيت اطلع على سويسرا اقدر ولا لا وكم التكاليف بالطائرة لان القطار بعيد وطويلة المده ومامعنا وقت ؟
كلها 6 ايام ما احس لها داعي الروحه لسويسرا
4- اللبس انا رايحه بنهاية اوغست فهل اللبس يكون جاكيت خفيف ولا بلوفر ولا ايش ؟
جاكيت بالليل وبلوفر بالنهار احتياط
5- شنطة اليد ايش افضل شنطة على الكتف عادي ولا الكروس باق ولا ايش ؟
عند الحريم أبخص
6- هذا الجدول وتخطيطنا انا وزوجي واتمنى التعديل من ذوي الخبرة :

اليوم الأول : الشانز وقوس النصر (ووشرايكم ارقى لين فوق ولا اكتفي بالتصوير من تحت )
معك لياقه ارقوا فوق متي وصولكم اول يوم قليل الاماكن
الثاني : ديزني لاند والاوت لت ( وسمعت انه لديزني لاند التذكرة اذا لقسم 61 -ولقسمين 74 تيب وش هالقسمين وعبارة عن ايش الاستديو ؟ وداخل درني لاند لما ادخل بالتذكرة القارب والقطار اللي داخل شامل مع التذكرة ولا كيف )؟
اذا ويكند لا تروحين ابدا والاوت لوت بيبلك بدري تروحين 8 صاحيه وتكونين هناك 9 تقريبا بس ما يمديككم اوت لوت واستديو وبارك

اليوم الثالث : ايفل ونهر السين
بس
الرابع : اللوفر والكونكورد وحديقة لوكسمبورغ

الخامس : هضبة مونامرت
بس

وين فرساي زين علي الاقل خلوا الاوت لوت يوم واستمتعوا بديزني
السؤال اللي بعده : المترو افضل اني اقص تذاكر له لمدة 5 ايام لمنطقة 1-2-3 ؟ وديزني لاند ادفع له
ولا اقص تذاكر لثلاث ايام لنفس المناطق وانا ودي بصراحه اركب التور او الباص السياحي فشرايكم اروح فيه لايش والمترو لايش ؟
خلاص قصي للباص السياحي حق يوم ولا يومين اوكيه ونرتب الايام بعدين
وتقصين باريس فيزت حقت يومين وديزني لها تذكرتها
او تستخدمون لليومين تذاكر عاديه اوفر
السؤال ماقبل الاخير : الاوت لت ايش الماركات اللي فيها وتقريبا كم يكفيني اشيل معي وخصوصا بعد ماقريت انه في عمليات نشل وسرقه وكذا ؟

السؤال الاخير واعتذر لكم على الاطاله لو بروح بروكسل نص يوم تستاهل ولا لا بحكم قربها من باريس ولا ماتستاهل العنوه ؟
اذا التكت طلعت رخيصه كويس اللي تستاهل بروج

والله يوفقكم الاسئلة مهمه جدا جدا جدا بالنسبه لي ش

مسافرة

الف شكر لك حلو اذا يفتح من الصباح نروح الصباح ان شاء الله

الله يعطيك العافيه

اخوي فيصل انا وزوجي فقط وودي الخمس ليالي تكلفنا 5 الاف وشي

وحجز بوكينغ يقبلونه السفارة الفرنسيه ؟

واشوف بوكينغ اغلبهم بدون فطور وشامل 7% من الضريبه ليه ابي شامل كل شي ومع الفطور كيف ؟

عطني جدول مقترح افضل لاهنت لاني مدري والله كم ساعة ياخذ كل مكان ماكسيمم فانت ادرى انتظر ردك بفارغ الصبر مع الشكر الجزيل لكل معلومه كتبتها لي ولغيري الله يثيبك

اخوي فيصل بروج جميله جدا وشفت صورها لكن كيف اوصلها من باريس وكم ساعة مدة الرحله وكم تكلف حنا شخصين بس

6 ليالي مو خمس ليالي
مساله الوقت يتوقف علي رغباتكم حقيقه صعبه احدد كل مكان كم يأخذ وقت فيه

بخصوص بروج حددوا تاريخكم
http://www.thalys.com/nl/en/destinations/brugge

توزيع الايام سهل خلونا نخلص من حجز السكن وتحديد هل تذهبون الي بروج ام لا وبعدين ترتب الايام علي حسب ايام باريس
دائمااوصي الناس بالفنادق ذي
اولا قريبه من الشانز
ثانيه قريب من محطه
ثالثا تقيمها راائع جدا

http://www.booking.com/hotel/fr/balm...X5&aid=1329869


http://www.booking.com/hotel/fr/la-r...y4&aid=1329869

للعلم فنادق باريس الغرف العاديه صغيره

اربع نجوم ما بين 4600 الي 6 الاف وشويه بالشانز

http://www.booking.com/hotel/fr/brad...30&aid=1329869


http://www.booking.com/hotel/fr/roch...12&aid=1329869


http://www.booking.com/hotel/fr/monn...31&aid=1329869

العفو حبيبتي وبالخدمه
الاوت وديزني مايمدي ديزني يبي لها يوم كامل
والاوت لت حلو من الصباح
قسمي وقتك لان النهار طويل ويمديكم تخلصون الايام السياحيه بفترتين
واي سؤال لاترددين حبيبتي من الموبايل

بروكسل ماعندي فكره
جنيف بالقطار 3-4ساعات ومنها سياره ايجار لانترلكن واكتشفوا المناطق الريفيه هناك من الموبايل

الاخ الكريم .. فيصل

شكرا لك على رحابه صدرك
وفعلا ست ليالي انا غلطت

والفنادق مرة روعه الثاني راح علينا مافي ولا غرفه الاول فيه بس 2 بس حبيت اعرف كيف مشمول 7% من الضريبه وابي شامل للافطار كيف ؟

واعتذر ازعجتك بس لازم بكرة بكرة نحجز الفندق الصباح ياليت ترد علي

ياحبي لك يالندنيه والله ماقصرتي

والله استفدت منك كثير الله يجزاك خير

وياليت تنزلين تقريرك نستفيد منه دام فيه وقت قدامي

والف شكر لك مرة ثانيه ياحبوبه

انتي لو تحددين ميزانيه اكثر فيه فنادق غير
بس دائما خلو افندق للنوم
الضريبه عاديه شامله لا تهتمين فيها
الفطور دائما افضل الفطور خارج الفندق بيكون اروع
افطور بالفندق تدفعون تقريبا 70 ريال للشخص انتم جربوا تحجزون من الفندق وكلموهم ان الفطور مجانا يمكن يضبطونك بخصم ولا شيء
بيكون عارفين حجز بوكينق وحجزهم وشوفوا الحجز من مواقع اخرى اذا السعر يهمك
تفضلو موقع حلو

http://www.hotelscombined.com/

بالنسبه للفطور حيكون من 6-9 am
بدري مره لان الطلعه من الاوتيل حلو تكون ع 10 am
عشان كل شي يفتح هالوقت والنهار طويل مررره بباريس وحلاه الفطور بالشانز لو ساكنين فيه
وعلي فكره اذا وصلتو باريس نسقوا للفطور وعادي الدفع باخر يوم لما تسون تشك اوت من الموبايل

اخوي فيصل أنا الحين حجزت بست ويسترن وقلنا للمكتب اول مايصير في إمكانيه في بالمورال كنسل بست ويسترن وأحجز فيه وفعلا رجعنا دفعنا زياده بس مدري مين افضل بوجهة نظرك رد علي ضروري بالمورال ولا بست ويسترن ولا برادفورد من الموبايل

تعلمين أختي لندائه بس الأوتار لت متى يسكر يوم الثلاثاء والاثنين من الموبايل

اقصد الأوت لت / الايباد يصلح ع كيفه الكلمات عذرا من الموبايل

عزيزتي انا ادور حجز طيران بنفس الموعد حقكم من 20ألأى27 اوغست ولا لقيت الا الأردنية بيزنس بس يقولون مو ذاك الزود

هل تنصحين بمكتب معين تعرفينه

اكتبي اسماء الفنادق بالانجليزي
الاوت لوت بحدود 7

ميرا السلطان

مكتب الطيار كويس وربي يوفقكم من الموبايل

أنا حجزت بست ويسرن اليزيه اللي تقول عنه اخت لندنيه ودفعت

بعدين قلت له لو صار فيه إمكانيه في هذا الفندق بعد ما حطيته لي في هالموضوع حسيت انك أكيد تعرف الافضل وحرصت ع المكتب وفعلا بعد 4 ايام دق علينا وحجزناه ودفعنا اكثر

هذا الفندق.

balmoral



وانا أشاورك من أحسن اللي حجزته اول ولا الاخير



وهل هذا الفندق bradfordelysees



افضل منهم. رد علي بسرعه الله يرضى عليك من الموبايل

بست وسترن اللي قالت عنه اخت لندنيه بنفس الموضوع من الموبايل

الاوتولت يسكر 7 كل المحلات بكل باريس تسكر 7 ويوم الاحد 6 م من الموبايل

balmoral تقييمه ولا اروع وسعره مناسب دائما
واستخيري ربك
لا يعني ان الاخر سيء ولكن الافضل من موقع تريب وصور الاعضاء شوفي
http://www.tripadvisor.com/Hotel_Rev...de_France.html

الله يجزاك خير مرة ضاق صدري خفت والله

واشوى اني مشيت على شورك

والله ارتحت مرة لما قريت وشفت التقييم

ربي يسعدك مثل ماتسعدنا ردودك دائما


والاخت لندنيه والله ماقصرتي ابد

ودي اخذك معي ههههههههههه احس اني بسألك واجد

ربي مايحرمكم الاجر

وباذن الله هناك كل ما رحنا مكان بمشورتكم بندعيلكم

انا قريت رد لاخت لندنيه على احد الاخوان وكان الجدول :


اليوم الاول العصر او المساء بالشانز حلو وترجع بدري وترتاح
قلت ثاني يوم ايفل ورحله نهريه بالنهار ترا بالليل اجمل طيب قسم وقت يومك فترتين وبالمساء وين تروح ؟ خلها هضبه مونمارت
اليوم الثالث اقترح عليك اللوفر والكنكورد وحديقه تويلري كلها جنب بعض لاصقين ببعض ههههه والمساء متحف الشمع قريفن يقفل 6 بعدها خذ لك جوله بالحي اللاتيني وتعشى في مهراجا مطعم هندي خطيرر وحلال
اليوم الرابع كله لفرساي واجد لان فرساي ب3 ساعات تلفه كله الا اذا بتصور وتمخمخ عليه براحتك لكن ممكن بالمساء تروح تشوف ايفل بالليل وتشوف اضواء باريس ع النهر جو جدا رايق خاصه بالليل
اليوم الخامس يوم سبت وتبيه ديزني لاند انصحك ماتروح ويك اند لانك بتكره نفسك من الزحمه واختار يوم غيم تروح لديزني لان شمس اوربا لاتطاق
اليوم السادس انت كاتب اللوفر اقترح خله بالفتره الصباحيه اللاديفانص او الاوبرا اختررواحد منهم لان المنطقتين فيها تسوق والمسائيه يعني من 3 و ورا حديقه لوكسمبرغ حديقه جدا حلوه نوافير و بحيرات وتماثيل وازهار رايقه جدا

فيه اضافات لهذا الجدول علشان ودي اخطط كيف نروح بالمترو لهالاماكن هل فيه مكان حلو ازوره بعد ادخله بالجدول غير الاوت لت

اللوفر يوم الثلاثاء يغلق
الاسواق تغلق الاحد بس لاديفانس والاوت لوت يفتحون تقريبا
فرساي تغلق الاثنين
خلي هالاشياء في بالكم
انصحكم تقرأن كم تقرير وتأخذون فكره عن المواقع وبعدين تحددون ما تبون

ممتاز أنا قريت اكثر من تقرير في منتديات مختلفه

حبيت اسأل برضو هل فيه مكان حلو للشوبينق أسعاره حلوة غير الأوت لت اخبر قريت ان فيه محلات حلوة بدواعيس الشانز هههه بس ضيعت الموضوع


اللي عنده خبرة يقولنا والله يجزاكم خير من الموبايل

دواعيس الشانز غاليه
Le Bon Marché قريب محطه Sèvres Babylone

الف شكر لك بنتعبك معنا بس قريت ان فيه هالشارع ابوكير

يتفرع منه شوارع ثانيه برضوا فيها محلات حلوه احلا من ابو كير


وشارع قريب من اللوفر اسمه رو دي ريفولي

وفي محطه سانت لازاري .. وعلى طوول عل اليمين هنااك فيه محلاات

وشاتليه

وشارع سان جرمان وشارع سامي شل

ساينت اونور

وrue Saint Honore

و24Rue de Sevres

والباستيل

Pegal

الاسواق كثيره وانا اخوك
فيه مووضع بالبوابه العامه اسمه المووسعه الفرنسيه مثبيت فيه مواضيع عن التسوق

شوفي ياستي .. الشانز مجمع le 66 في محل فساتين وداخل المول كم محل
بين الفوكيت و لوي فيتون شارع جورج الخامس ماركات انزلي اخر الشارع في شارع الماركات افينو مونتين
محل مورجان واتش اندام بالشانز فاتح لنص الليل
الاوبرا والغاليررري لافييت مرررره حلو والمنطقه كلها محلات وانتي بالمحطهرشوفي خريطه الاوبرا وراح توضح لك الشوارع المهمه
شارع هوسمان وشارع رويال وشارع سانت هونور يسمونه سانت اونوغي بالفرنسي كله محلات وماركات عالميه غالي ومعقوله الاسعار
ريفولي باخر سانت هونور كله كرستالات وانتيكات وهدايا
ساحه الفوندوم اغلا منطقه بباريس مجوهرات عالميه زي كارتير شوبارد وبلغاري وغيرها لقيت فيها تمساح احلام بعرب ايدول وصورته خخخخخخخخ
الشاتليه و الحي اللاتيني و الباستيل محلات شعبيه ومقاهي ومطاعم ومنطقه حيه ماتنام
لي هالس فيها مول عادي جدا رخيص بس المنطقه كلها افارقه رحت لها ولاحبيت المكان
ابوكير سوق اليهود للجمله ورخيص
تاتي محل رخيص برضو
هذا اللي يحضرني حاليا ولو ذكرت وبرجع وبكتب ثاني ولايهمك * من الموبايل

اللاديفانص منطقه تسوق
باريس مابها مولات كثير والمحلات ع الشوارع اغلبها من الموبايل

http://www.arabtravelersforum.com/travel43000/
شوفي هالرابط من الموبايل

لندنيه لو تاخذ اسبوع ما يكفيها هالاسواق

ياعمري يالندنيه والله كفيتي ووفيتي سيف الاماكن

ربي مايحرمك الاجر يارب

والله ماقصرتي بيض الله وجهك

واخوي فيصل الف شكر لكم تعبتكم معي بهالموضوع

ربي يسعدكم بهالشهر الكريم

دعواتي وامتناني

ما هنا تعب وانا اخوك
اهم شيء تضبطون اموركم