الموضوع: ايام في اورلاندو ؟

السلام عليكم انا رايح شيكاكو اخر الشهر وقرررت اروح اورلاندو ولقصر المده حيث اني سوف اقضي 5 ايام فقط في هذة المدينه الرائعه ارجو منكم نصيحتي بالمنطقه الي اسكن فيها واذا في فندق بعد اكون شاكرلكم واود ان ازور اغلب الاماكن السياحيه في مدينه اورلاندو وان استطعت ان ازور مدينه ميامي

شكرا

مواضيع عشوائيه ممكن تكون تعجبك اخترناها لك:

• طلب بريد الكتروني
• عمل تطوعي يالمستشفيات الامريكية
• بنت الصقور
• طار علقي وجاني الجنون والسبب انتي يالسفارة
• ارجو مساعدتي في تخطيط رحلة العمر :)
• معلومات عن
• رحلة للوس انجلوس من الرياض
• مساعده يااخوان بالرخصه الدوليه بليييييييز
• بخصوص شهر العسل بليييز ضروووري
• سؤال عن
• انا مسافر الى امريكا
• أسئلة سريعة في الأبليكيشن عاجل
• وصلت الفيزا بعد ثلاثة أيام
• خطوط طيران حق لوس أنجلوس ؟؟؟
• الأن طيران الامارات إلى نيويورك مع الاسعار
• البارك ستريت
• الأوراق المطلوبه للفيزا السياحيه الأمريكيه ؟
• هذا اللي صار معاي بالسفاره
• الله يجزاه خير اللي يجاوبني
• السكن مع عائلة في سانتونيواتكساس

أنا كمان بإذن الله نازل شيكاغو آخر الشهر. ع الويك إند الجاي.
أورلاندو نزلت لها الكرسمس اللي راح . مدينة حلووووة من جد, تتعب تقول حلوة. جلست فيها تقريبا 8 أيام وبالصعوبة كفتني :]

صراحة فيها أشياء كثيرة جداً. و5 أيام تكفيك بصعوبة. ما راح تشوف كل شي. وراح أسرد لك الأشياء حسب استمتاعي فيها :
1- اليونيفرسال ستوديوز . وطبعاً فيه جوا 2 parks .. آيلند أوف أدفانتشر و يونيفرسال آيلند أظن. كلها لازم تروحلها. فيها ألعاب خطييييرة مرة. عندك قطارات الموت كلها لازم تركبها, أنواع الفلة . وأحلى واحد اسمه The Rockit .. وعندك من الألعاب الحلوة مرة: بات مان و سمسون خطيرة وشيرك حلوة. وعندك لعبة العاصفة أظن اسمها تويستر. وفيه لعبة الكوارث اسمها ديزاسترز . و أحلى لعبة من فيلم ذا مامي . اسمها ذا مامي ( The Mummy) .. وعندك القطارات كلها لازم تركبها. رهيييييييبة . يمكن 4 او 5 اللي في اليونيفرسال. وغير الألعاب عندي الستي واك . اللي هي مطاعم وكافيهات وتمشية وسينما إلى الساعة 2 بالليل. مرة حلوة.
2- ديزني لاند. أنا طبعاً لما قريت عنها وسألت ما أعجبتني. أحلى شي حديقة الإبكوت. اللي فيها الدول كلها. وفيها ألعاب علمية خطيرة. عن الكرة الأرضية ومراحل العالم والطاقة وتاريخها وتجربة أسرع سيارة في العالم و الفضاء. وألعاب علمية مذهلة. وفوقها عندك الدول اللي تزورها.
3- اذا عندك اهتمام بالفضاء لازم تزور مركز ناسا للفضاء. هو نفسه المركز اللي أرسلو منه الصاروخ للقمر عام 62 . مركز مذهل جداً وخطير. حتى تشوف الصاروخ الحقيقي اللي راح القمر . يحتاج له يوم كامل لحاله . لأنه خارج مدينة أورلاندو . والباصات تطلع بدري من الساعة 8 الصبح تقريبا من اورلاندو
4- السي وورلد . حليو . بس طبعا الديزني واليونيرفسال أحلى بكثير. وفيه لعبة قطار خطيرة جداً . تكون معلق ووجهك وجسمك للأرض. مرة رهيبة. وعندهم كم مسرحية وعروض بحرية وألعاب كويسة. بس لو مضغوط جدولك. يكفيك الديزني واليونيفرسال. اليونيفرسال أحلى يبغالك فيها 3 أيام
5- وت إن وايلد. وهي مدينة ألعاب مائية تابعة لليونيفرسال على ما أظن. حلوة والله وكنت مخطط اروح لها ودافع قيمة التذكرة بس للأسف ما فتحوها طيلة فترة مكوثي ال8 أيام .
6- أكواتيكا . وهي مدينة ألعاب مائية تابعة للسي وورلد. شكلها حليوة .بس كمان كانت مقفلة للبرد
7- بالنسبة للأسواق في أسواق حلوة. أنا رحت بس آوت لت حلو اسمها بريميوم آوت لت. ما عليه فيه ماركات حلوة واسعار رخيصة وسوق مفتوح وصغير. بس مو ذاك الزود. يعني اللي يجي أورلاندو لا يروح اسواق أحسن له
8- بالنسبة للمطاعم والكافيهات والتمشي. احلى شارع ف الديرة اسمه انترناشونال درايف . هذا أحلى شي في الديرة كلها. فيه المطاعم الحلوة وحتى الملاهي أغلبها عليه . وطويل الشارع ونشيط غالباً .
9- بالنسبة للسكن . عندك الانترناشونال درايف أحلى مكان تسكن فيه وفيه فنادق من مختلف الاشكال والاذواق والاسعار . وكل واحد على حسب ميزانيته يسكن. بس هالشارع أحلى مكان تسكن فيه
10- بعض الناس يسأل عن الأكل العربي, والله رحت مرتين لمطاعم عربية. المرة الأولى مطعم اسمه سيدار. لبناني وحلو صراحة. وشغله فخم ومرتب. ومطعم ثاني اسمه شيراز قرل . شغله حليو وعلى قد حاله. بس كان قريب من فندقي.


هذا اللي جا على راسي على عُجالة .
إذا عندكم أي استفسارات أنا جاهز

[ أحس إني كاتب موضوع كامل مو رد . ههههههههههههه ]

نسيت أقولك, 5 أيام ما تكفيك ميامي واورلاندو . أحلى شي تنزل مدينة محددة تخلص فيها وقت محدد وتعطيها وقتها . أما أبو يومين في كل مدينة. مو حلو . وما راح تنبسط صح .

الأخ R-O ما قصّر ..
بس أنا حبيت سي وورلد أكثر من ديزني .. و تقدر تاخذ تذاكر باكيج بأسعار حلوة لسي وورلد و بوش غاردينز حديقة حيوانات رووعة ..
و بالنسبة للأكل .. في عندهم مطاعم هندية حلوة و cheese cake factory في أحد المولات نسيت شو اسمه.. بس بصارحة الشوبينغ عجييييب في أورلاندو ..

جزاكم لله خير على هالردود انا كمان استفدت منها