الموضوع: السلام عليكم ورحمة الله وبركاته

الميزانيه الموجوده حوالي...25000 ريال..
وبتكون في شهر ابريل القادم..

من يخطط لنا بجدول حلووو يا شباب
وجزاكم الله خيرر

مواضيع عشوائيه ممكن تكون تعجبك اخترناها لك:

• حجز تذاكر الحدايق اونلاين والا من المكاتب المنتشره هناك
• فيينا فرجينيا
• هام جدا جدا عن دراسة اللغه
• للطلاب المبتعثين لأمريكا
• احتاج نصحيتكم بخصوص انتقالي الى سياتل للدراسة بنت الصقور
• أربعة أيام في
• هل أستطيع تغيير المعهد بعد دخول أمريكا
• امش حصلت علي الفيزة الامريكية وبعد اسبوع استلم الجواز
• معلومات عن مدينة سان انتونيو
• الي جرب القياده بين الولايات في امريكا يتفضل
• استفسار مهم ياشباب عن الفيزا ؟؟؟
• بلا سبب رفضت وموعدي الثاني السبت القادم هلى من نصائح ؟؟
• الأكل الحلال
• هل جزر الباهاما تحتاج فيزا
• الحمد لله وصل الجواز اليوم والفيزا مجهزه لمدة خمس سنوات بس لي سؤال
• تعريف العمل لرجال الأعمال؟
• حجزت سيارة من شركة في اورلاندو وطلع السعر غير معقول
• لوس انجلوس ايرفاين و سان دييغو لاصحاب الخبره
• بخصوص ميامي ومواقف السيارات
• سؤال للاخت بنت الصقور حول فور

هلا اخوي مشكور عى الرد واسمح لنا على التاخير
حق شهر العسل ...

هلا اخوي alazraq مشكور على المرور واعطائي المعلومات الحلووه..
يعني ابرايك جم الميزانيه المناسبه..

المشاركة الأصلية كتبت بواسطة هازم الاحزان
http://www.arabtravelersforum.com/tr...4/#post3636854

هلا اخوي alazraq مشكور على المرور واعطائي المعلومات الحلووه..
يعني ابرايك جم الميزانيه المناسبه..




أولا هل تقصد إن المبلغ إللي ذكرته هو مصروف جيب أو لكامل مصاريف السفر من تذاكر و سكن و غيره ؟

ثانيا رحلتك كم يوم ؟

السلام عليكم
اعتذر للرد متاخر..

اي نعم المبلغ بيكون لكامل مصاريف السفرر
وجم يوم .؟؟
يعني ابخاطر اسبوعين.... او على قدر اللميزانيه..

وشكراا يا اخووي على الرد
وعندي صديق يعمل في مكتب سفريات قالي انه المبلغ للحجوزات والتذاكر والفنادق بيكون حول 10000 واشووي...
بس بغيت اعرف الاماكن الجميله والاهم البارده في هذا الشهرر..

المشاركة الأصلية كتبت بواسطة waleed8818
http://www.arabtravelersforum.com/tr...3/#post3649773

شهر عسل من المناسب جدا زيارة ولايه فلوريدا ( اورلاندو - تامبا - مايامي - البهاماز ) والمرور على نيويورك اذا طالع على الخطوط السعودية والجلوس بها لعدة ايام ( بالذهاب ) عشان تريح من الرحله . . . .

علما ان البهاماز يحتاج لها تاشيرة تختلف عن تاشيرة امريكا من السفارة البريطانيه او ممكن منحها من عدد من وكلاء السياحه والسفر بمدينه ميامي

والف مبروك مقدما ربي يوفقكم , , ,



الله يبارك فيك...ويوفقك وياي

تكفي بس مع القليل من الحذر
انا قبل ستة اشهر سافرت لامريكا لمدة 13 يوم تقريبا
صرفت 17 الف .. مع السكن والطيران والاكل والشرب

شوف اخوي تقدر ترتب بس لولايه واحده فقط وانا اقولك شلون

السفر من بلادك على واشنطن وترانزيت الى اورلاندو والتذاكر بتطلع عليك ان شاء الله مع البحث والحجز المبكر 3000 دولار يعني 11 الف ريال قطري

السكن عموما في اورلاندو تقريبا رخيص وخياراته كثيره لو بتسكن لنفترض 11 يوم بيطلع عليك بعد البحث والتروي قول إن شاء الله من 1000 الى 1200 دولار
ميامي صراحه غاليه في السكن بس مايمنع انك تخصص يومين لها بالسكن في فندق 3 نجوم والميزانية تقريبا 300 دولار
بعدها سلمك الله ترجع على نفس الخط اللي جيت منه مثلا ميامي - واشنطن - بلدك

المصروف اليومي بما انك توك متزوج تقريبا 200 دولار يوميا

السياره اجارها اليومي إن شاء الله يبتدي من 30 دولار يوميا

لو تحسب المصروفات كاملة راح تطلع تقريبا 7600 دولار تقريباً يعني تقريبا 28000 الف ريال قطري ..

اذا صلحتلك المصروفات والبلاد توكل على ربك وابتدي في الفيزا والحجز وبخصوص الحجز من تذاكر وسكن هذي امورها طيبه وتقدر ترتبها انت بنفسك وعن اقتناع بمساعدة موقع تقييم الفنادق ومواقع حجز الفنادق والتذاكر

سجل عندك
انا اكلمك من اورلاندو الحين حلو
التذاكر على السعودية 6000 ريال سعودي لشخصين وعلى طيران الجت بلو الى اورلاندور بـ 580 دولار لشخصين
الفندق 1600 دولار مع فطور كل يوم وعشى ايام الاثنين الى الخميس لمدة 14 يوم
السيارة استأجرت سيارة موستينج 2010 صراحة روعه بسعر 280 يال يوميا
بس احسب حسابك البنزين حبتين غالي شوي يعني اللتر سعرة ممكن ريالين وبسرعه يخلص
يعني استأجر لك سيارة كورية اكسنت بتحل لك موضوع البنزين اذا انت بتقصد حيل
عندك التذاكر عالم دزني كلفتني انا وزوجتي تقريبا 600 دولار مدتها اسبوع
عندك التذاكر لليونيفيرسال استديو + سي وورلد كلفتني تقريبا 550 دولار لمدة 6 ايام وطبعا يكفي وبزيادة
وكل يوم نصرف 100 دولار اكل وتمشي
وبيني وبينك مسكت الصرف للمدام وقلت لها الصرف عليك وبحاسبك اخر السفرة اذا فيه اوفر زيادة بالصرف
عشان اريح راسي من الدفع والمحاسبة
ولحد الان الأمور تمام
بطاقة الإئتمان مهمة بأمريكا
لازم يكون معك وحده وتكون بأسمك
امريكا حلوة
وخاصه اورلاندو
ناس طيبين ومحترمين ومبتسمين ويحترمون السايح والغريب
فيه مكانات كثر شعر راسك - ياخوفي تطلع اصلع -
وحنا الحين بنص الوقت وخلصنا بس نصف الورلد دزني ونصف اليونيفيرسال استديو
الله يوفقك
واذا تي شي بساعدك قدر الاستطاعه
احرص يكون معك الجوال N86 8mp صراحه القارمن حقه روعه وساعدني كثير وتوجية صوتي وخرائط خاصه لجميع اورلاندو وخدمة خرائط ovi صراحة خدمتني كثيررررر
تحياتي لك
أحس 28000 ريال بالمقاس بس خل معك 2000 ريال ستاند باي (احتياط)
ترى اكلمك بالسعودي
ما اعرف اذا القطري نفس السعودي ولا اغلى ولا ارخص