الموضوع: في خلل في رحلتي منو يساعدني لكم الاجر

السلام عليكم ومساكم الله بالخير
ياريت تطبعون ببصمات آرائكم الرائعة على موضوعي فأنا جدا حائرة
نحن أسرة من 9 أشخاص نود السفر في شهر 8 لمدة 20 يوم تقريباً
رحلتي نظمتها كالآتي
النزول في مطار ميونخ والمكوث فيها ليلة للراحة من عناء السفر
والذهاب إلى انترلاكن والمكوث فيها 9 أيام وزيارة زرمات والعودة إلى انترلاكن
ثم الذهاب إلى النمسا بالتحديد زلامسي لمدة 7 أيام ثم ميونخ لمدة 3 أيام قريب المارين بلانز
المواصلات استئجار سيارة
اشعر أن هناك خلل في الجدول
ولا علم لي بالمناطق القريبة السياحية من انترلاكن يمكن زيارتها والعودة لانترلاكن
يقترح على ابو العيال ان نسكن في انترلاكن ونصف المدة في منطقة سويسرية قريبة من زلامسي
اريد حل ؟!!!! ما أعرف شو الخطة

مواضيع عشوائيه ممكن تكون تعجبك اخترناها لك:

• استفسارات سريعه وبسيطه
• ملاحظاتكم الجدول النهائي رحلتي الى اوروبا
• استفسار بخصوص تأجير سيارة
• أول مرة أسافر خارج المملكة وبروح أوروبا
• تكفووون محتاج فزعتكم
• مو معقولة مافي سكن في سويسرا يناسبني ساعدوني
• اين نسلم السيارة في جنيف ؟
• اقضي ليلتين في لوقانو او يوروب بارك؟؟ انصحوني
• سويسرا لأول مره
• القطار البانورامي في انترلاكن التلفريك
• عدت من سويسرا وابي اشارككم الصور و التقرير
• رحلتي الي سويسرا Switzerland
• مساعدتكم في ترتيب جدول مونترو لاربعة أيام الله يخليكم
• ابي واحد رايق وباله وسيع
• هل يوجد مطاعم عربية او تركية في انترلاكن
• مساعدة لبرنامج السفر سويسرا ميلان
• أول رحلةة لأوروباا ولا استطيع التقرير
• خبراء واعضاء اريد مشاركة الجميع للتخطيط اللرحلة
• القيادة في سويسرا وأنظمة المرور
• أحبتي أريد مخطط عاجل لشهر جون القادم

مساء الخير ،،

من وجهة نظري الجمع بين انترلكن وزيلامسي في سفرة وحدة غلط ،، لأن طبيعتهم وطبيعة ماحولهم تقريباً فيها تقارب لحد كبير ،، وراح تفقد السفرة التنوع المطلوب ..
إلا إذا كان الغرض من السفرة طبيعة وأرياف فقط ،، وهذا شي انتو تقرروه .
.المدة طويلة وحرام مايكون فيها تنويع في طبيعة المناطق والمدن ..


إذا كان لابد من زيارة انترلكن وزيلامسي مع بعض ،، فأفضل يتم إدخال مدن ذات طبيعة مختلفة شوي في الجدول ،،
مثل مدن بحيرة جنيف ( الريفييرا السويسرية ) اللي هي جنيف أو مونترو أو لوزان أو ضواحي جنيف المدن الفرنسية ...


والأفضل تكثيف قراءة المواضيع والتقارير لأن فيها كل اللي ممكن تشغلون فيه برنامج الرحلة ،، والوقت لسا بدري إلى حد ما ..
والأعضاء ما راح يقصرون ...


بالتوفيق ..

رحلة الشتاء شاكرة لك مرورك الله يكتب لك الأجر

لكن شو المقترح اللي تشوفه يعني كيف قصدك تكون الرحلة لو اتسهل علي أكثر أكون شاكرة لك

الأولاد راحو قبل زلامسي وحابين ايروحونها مرة ثانية لان فيها مرح مع جو مع طبيعة
لكن شو وجهة نظرك أن تكون السفرة في سويسرا بس لاني أنا أول مرة أروح سويسرا
ومعاي الوالدة ونميل أكثر للطبيعة لكن معانا الاولاد يحبون الألعاب
ياريت لو مقترح الرحلة تساعدني فيه بحكم خبرتك

نعم بالتأكيد ما ينفع الجمع بين زيلامسي وانترلاكن
وبعدين دام إنكم قد زرتم زيلامسي قبل كذا ليه ما تزورون انترلاكن عوضا عنها وتلغونها من جدولكم ــ التجديد شيء جميل

وبالنسبة للملاهي أنصحكم تزورون ملاهي الأوروبا بارك في رست

المهم سؤالي / هل قطعتم تذاكر الطيران أم لا ؟

على أساس أقترح عليك جدول لرحلتكم؟

خلاص راح الغي زلامسي حسب رايكم
لحد ألحين ما قطعنا التذاكر انتظر أرتب الرحلة قبل ثم التوجه إلى مكتب السفريات
علشان أكون عارفة وين وجهتي ورحلتي بالضبط
شنو مقترح غريق الشوق
واحنا زرنا قبل اليوروب بارك رائعة جدا وحبوها الأولاد لكن أبو الأولاد يقول يمكن مافي مكان قريب من رست يصلح للسياحة
ولأن أحنا عدد الأفراد كثير فقلنا نخلي سكنا في ثلاث محطات فقط علشان الشنط وتضبيطهم لأنه متعب
ولا شنو رايكم أنا انتظر اقتراحكم الكريم

وينكم

شاكرة تفاعلك غريق الشوق
أنا فعلا محتاجة لمساعدتكم لاني مو قادرة أنظم الرحلة محتارة ومشوشة
الله ايبارك لكم في عافيتكم ويغفر لكم وكل من ساعدني يارب
احنا سبق رحنا باريس لكن كانت لنا مشاكل كبيرة في السيارة اللي استأجرناها تفاجأنا بالسيارة
مافيها مكان للحقائب وكانت الاسعار مرتفعة عن ميونخ كما تعودنا
المهم احنا خفنا نروح جنيف وندبهدل مثل فرنسا فلنا بنخلي رحلتنا بين ألمانيا وسويسرا
على أساس إن احنا مارحنا سويسرا وحابين نروح
احنا رحنا ديزني فرنسا واستمتعنا جدا لكن كانت متعتنا اكبر في اليوروب بارك بالنسبة للأولاد طبعاً
المشكلة ما أعرف المدن السياحية القريبة من بعضها واللي تستحق الزيارة واللي المفروض ارتب جدول الرحلة على اساسه
قلنا ناخذ السيارة من ميونخ لان سياراتهم جديدة وأسعارها معقولة ونفس الطلب اللي نقدمه نحصله

الله يكتب لكم الاجر ساعدوني في سير الرحلة

والله قرأت الكثير الكثير من التقارير هذا ما زاد حيرتي
وصرت ما أعرف المدينة اللي تكون مكان سكنا وقريبة من معالم كثيرة
لكن مثل ما تفضلتو إني أحدد المدن وبعدين أشوف رايكم لأن المدن الكثيرة
والذوق متعدد كل حسب ميوله في السفر
الله ايبارك فيكم ولا يحرمنى من آرائكم
سأرتب وأعود إليكم قريبا