الموضوع: إلى العزيز الأمبراطور وكل من لديه المعلومة

أخوي الأمبراطور


صباح الخير


تصدق، ماجاني النوم وكله من المقابلة


عندي إحساس بشغلة مش مضبوطة عندي، الحين الـ I-20 جاي من معهد Els ومذكور فقط دورة أنجليزي


والوزارة معطيني خطاب بأسم جامعة Fit???

يعني ما ذكروا لي أسم المعهد Esl


اليوم الساعة 8 موعدي مع السفارة.


ويمكن يقلون الخطاب موجه للجامعة ، مو موجه للمعهد؟؟؟


أفدني الله يجزاك خير!


تحياتي

مواضيع عشوائيه ممكن تكون تعجبك اخترناها لك:

• عاجل محتار بين امريكا وبريطانيا اعطوني رايكم
• عندي استفسار بخصوص نيوكاسل
• استفسار بخصوص السياحة بعد اللغة
• شهور لغة إنجليزية في بريطانيا ، أبغى أحسن معهد وأحلى مدينة
• تخطيط القوى العامله
• عندي دبلوم واريد اسافر بريطانيا بيخلوني اكمل على الدبلوم ولا يكنسلون؟؟
• استفسار عن البعثة؟؟
• اللغة في بريستول
• سؤال عن موعد المقابلة
• الفيزة مانشستر هو كذا اسمها ؟
• كبر المشروووع وصاروا معي طفلينكيف واي معاهد
• الي معاه فيزلا ومومعاه خطاب السفاره يدخل
• قصه نادر مع الدراسة
• هل هو مجرد حلم
• أسئلة عن الابتعاث
• ادخل واستمتع
• مساعدة من اهل ولاية نورث كارولينا
• ايهم احسن جامعة ريدنق والا دندي؟؟؟؟؟؟؟؟؟؟؟
• طلب مساعدة للدراسة بأوربا أو امريكا
• ما افضل المعاهد للـ ببرمنجهام

الف شكر لك أخوي الأمبراطور



لكن المشكلة في الوزارة أنهم ما يعطون الا للماجستير خطابات للسفارة بأسم معاهد اللغة


والمشكلة الكبرى، أنهم ما راح يعطوني وجه لأنهم فقط يداومون في الفترة المسائية


موعدي قرب، وما أدري وش السوات ، لكن هل أنت طريقتك كانت مثلي أو العكس


تحياتي لك وأسف على إزعاجك في وقت غير مناسب


شكراً

المشاركة الأصلية كتبت بواسطة sasj15


الف شكر لك أخوي الأمبراطور



لكن المشكلة في الوزارة أنهم ما يعطون الا للماجستير خطابات للسفارة بأسم معاهد اللغة


والمشكلة الكبرى، أنهم ما راح يعطوني وجه لأنهم فقط يداومون في الفترة المسائية


موعدي قرب، وما أدري وش السوات ، لكن هل أنت طريقتك كانت مثلي أو العكس


تحياتي لك وأسف على إزعاجك في وقت غير مناسب


شكراً



اول شئ ترا افيه ازعاج ولاشي بالعكس لو اقدر ماانام لين تخلص ماعندي مانع .......

الوزاره يطلعون لك خطاب مكتوب فيه اسم الجامعه والمعهد ... الا اذا كان المعهد تابع للجامعه يعني داخل حرم الجامعه في هذه الحاله راح يكتبون اسم الجامعه فقط في الخطاب...

ولعلمك تراهم يداومون في الفتره الصباحيه بس انت موعدك اليوم الساعه ثمان مايمديك عليهم اقولك توكل على الله ورح للسفاره وانشالله بتتيسر..

اعرف واحد مثلك بالضبط ويوم سوا المقابله وخلص قالوله جب خطاب بكره معدل وسلمه لنا ........


واذا صار معك شي علمني وانا تحت الخدمه .... واذا بغيت اي شي مستعجل هذا ايميلي ارسلي عليه بس ياليت توضح ان الرساله لاني مااستقبل اي رسايل......
[email protected]

الله يعطيك العافية ، وماقصرت


بالنسبة للفيزا الخاصة بك، وش صار عليها، يعني أنت لك مدة مقدم ولا فترة قريبة؟


لأني قريت لك موضوع عن تأخير صدور الفيزا



بالتوفيق عزيزي وأنا بعد ربع ساعة محرك للسفارة


تحياتي

الفيزا لي مقدم عليها اسبوعين والى الحين مادقوا بس يمكن من الضغط الللي عليهم عشان كذا مايدقون

انشالله اروح لهم والقاها طالعه ....... لاتنسونا بدعواتكم ..........



:::: ودمتم سالمين ::::

الله يسهل عليك وتهون أمورك تحياتي


أخوك الفيلسوف15

الله يوفقك يوسهل امرك مالك الا تنتظر اسبوعين ويدقون عليك انشالله ........

قالولك دق علينا طيب على اي رقم هل هو 4883800//4445 ؟؟؟

هو قال لي دق على السنترال،


وقال لي بعد دق على 4884445


لكن ما أدري ليه حريص أني أدق على السنترال أول

بشرني وش صار عليك، رحت ولا لا؟

سويت شيء ، طلع شيء، ولا لا جديد؟


تحياتي لك

ابد رحت لهم وقالولي انتظر بندق عليك لاتستعجل ............ ومااستفدنا شي مااستفدنا الا انهم ضيعوا جوالي.....خخخخخخ

طيب الرقم اللي انت كاتبه ماله تحويله ..........

عطوني ورقه صفراء وحطوا علامه على السيفس لاني ماكنت جايبه وحطوت علامه على انهم بيتصلون عليك في خلال فتره ...... وبعدين موقع تحت

يعني ادق على هالرقم 4883800 وتحويله 4445

هذا الي قاله لي


ويقول تقدر تراجع شباك 5 بعد الفترة الي حدده لي


عسى الله أن يسهلها عليك وعلينا جميعاًً


تحياتي

شف اخوي انتظر ثلاث اسابيع بالضبط واذا مادقوا عليك خلال الفتره ذي يمديك تراجعهم وتسألهم وش السالفه......
عاد انت بلغنا متى مادقوا عليك ....عشان نكون اول المباركين .....(انشالله)


ومره اخرى اشكرك على دعواتك لي بالتوفيق .......واي خدمات ترانا حاضرين....

:::::: وفقك الله انت واعضاءالمنتدى الرائع :::::::

انا نفس وضعك يا sasj15 الخطاب و المعهد و الجامعه بالظبط نفسي ، و راجعت الوزارة عن هالموضوع و قالي الحميضي عادي ما فيه مشكله ، و سألت واحد من العيال الحين في أمريكا عن هالموضوع و قال انا مثلك بالظبط و أخذت فيزا ، ان شاء الله ما تشيل هم ، أنا كملت أسبوع الى الآن وما صار شي ، الله يعين

الله يسهل عليكم وعلينا وعلى الجميع بإذن الله


بالتوفيق أخوي الامبراطور وكذلك أخو أبو لطيفة


تحياتي


شكراً على تواصلكم