الموضوع: بخصوص اغلاق بعض الانشطة

السلام عليكم
انا باذن الله مسافرة الاسبوع القادم
5 ايام سويسرا
5 ايام اسبانيا
بس تفاجأت من موضوع للاخ ميدو ذكر فيه ان اغلب الانشطة اللي كنت محددة اروحلها راح تقفل 22 اكتوبر وجاني احباط صراحة خرب ترتيبي ومو عارفة وين اروح
اتمنى من الجميع مساعدتي في ذكر الانشطة والاماكن المفتوحة والرحلات السياحية في شهر اكتوبر بين 19 الى 24 اكتوبر
ولكم مني جزيل الشكر

مواضيع عشوائيه ممكن تكون تعجبك اخترناها لك:

• افيدوني بخصوص السياره
• أستفسار رقم ساعدوني في شقة في انترلاكن
• مرحباأنا عضوة جديدة وأحتاج مساعدتكم ضروري
• منطقة هاسليبرغ
• خبراء سويسرا احتاج مساعدتكم ضروري
• حجزت شقه في بوكنج لكن فيه شي مافهمته
• آراءكم في مخطط رحلتنا؟؟ جزيتم خيييييرا
• شقق في اروسا السويسرية
• بخصوص السيارة رايكم يالربع
• الشباب باسطين ولا معزلين هذي الفتره
• وين أفضل استﻻم السيارة في سويسرا؟
• كم تبعد شلالات الراين من انترلاكن وهل تستحق الزياره ؟
• اتمنى من الله ثم منكم مساعدتي في سويسرا والرد على اسألتي
• ساعدوني في تخطيط رحلتي لسويسرا في شهر أكتوبر
• السويس باس محطة القطار
• حجز كوخ أو شقة في جريندلوالد
• رايكم يهمني
• في الريف الفرنسي أين مزارع العسل ؟ والجبل الأبيض ؟
• ابي نقطة توقف بين زيلامسي وانترلاكن
• تقرير رحلتي إلى سويسرا في أبريل

طبعا اقصد الانشطة الموجودة في انترلاكن لاني في سويسرا رح اجلس 4ايام في انترلاكن
وماافضل الفنادق اللي تكون قريبة من محطات القطار ويكون قريب منها سوبرماركت او شي من هذا القبيل

عن نفسي كنت ابغ ازور اعلى قمة الي هي بس بحكم معايا طفل قلت
ازور
قمة Schilthorn
مدري هي هذه تتلس



قمة شيلثورن ..ما يمديكم تلعبون بالثلج زي تتلس او قمة اوروبا.


وتتلس مناسبة للأطفال.
Tittlis


وتتلس ليست شيلثورن .


قمة تتلس تطلعونها من قرية انجلبيرج
Engilberg
وتروحون لها بالقطار من انترلكن.




اما شيثرون ..تروحون لها من محطة انترلكن الى محطة لوتربرونن ..ثم بالقطار الى مورين ..ثم بالتلفريك الى قمة شيثرون




القطار البخاري مقفل ..والبلاوسيه مفتوحة .


على العموم ..ممكن تفيدوني بالمدينة اللي قبل انترلكن والمدينة اللي بعد انترلكن .
وفي انتظاركم

مشكور اخ ميدو
بالنسبة للرحلة حجزنا عالخطوط المصرية
والمكتب السياحي بيحجزلنا فندق متروبول اذا كان في امكانية
المدينة اللي قبل انترلاكن جنيف بس ماحنجلس فيها حناخذ قطار لانترلاكن
اليوم حنحجز كل شي واوافيكم بالاخبار من الموبايل

طريقه التنقل بالقطارات ممتعه

وانا عن نفسى جربتها ولا أفكر اجرب سياره

لانى فعلا انا ذاهبه للراحه
وكافى على وانا بدولتى اقود السياره

اركب القطار واستمتع بالطبيعه والشرب الكوفى

ولكن اللي معاهم اطفال وكبار السن طبعا السياره افضل لهم

مشكورة ابلة وسمية
اتمنى من الجميع ارشادي لاهم الاحتياجات او الاغراض اللي لازم تكون معايا
مثلا انا معي طفل هل اقدر اخذ ادوية معايا وكذا
وكيف بالنسبة للحجاب
وكيف فندق كربز للي جربه
ومشكورين مقدما من الموبايل

مشكور استاذي ابو عزيز يعطيك العافية من الموبايل

ياجماعة ابغى اسال عن المسافة بين فندق كربز في انترلاكن وهايدي لاند
واي افضل الشلالات هل الراين ام تروميل باخ
معليش بزعجكم بالاسئلة لين اسافر تحملوني من الموبايل

شلال تروميل باخ قريب جدا من انترلكن..
لكن شلال الراين ..شمااال سويسرا في مدينة شافهاوزن.


وشلال الراين أكبر شلال في اوروبا .


والمسافة بين انترلكن وهايدي لاندد اكثر من ساعتين بالسيارة .
وبالقطار اكثر من ثلاثة ساعات.


وفي عدد الايام القليلة هذه .انصحكم بعدم الذهاب الى هايدي لاند .






مبدئيا..من وجهة نظري.. يكون توزيع المخطط :
الوصول الى انترلكن ..وزيارة مطل هاردر كلم ..او مطل الهيموفلج والزحليقة.
(اذا وصولكم انترلكن بدري طبعا )


اوالتمشي على ضفاف احدى البحيرتين.


اليوم الثاني 20 :
زيارة بحيرة البلاوسيه والاوشن سي والزحليقة





اليوم الثالث 21:
اذا ودكم زيارة شلالات الراين + قضاء بقية اليوم في لوزيرن .




اليوم الرابع 22:
زيارة شلال التروميل باخ وزيارة قمة شيلثورن.






واذا ودكم تضيفون شي ..ممكن .
==================






وخذو راحتكم بالاسئلة ..لا ازعاج ولا هم يحزنون.

مشكور اخ ميدو عالرد
يعطيك الف عافية
كان ودي اروح هايدي لاند لكن المسافة طويلة وانا ماابغى اتنقل مسافات طويلة ابدا لان بعدها بروح اسبانيا وكثرة التنقلات تسبب مشقة وارهاق
انا كان في بالي بعض الاماكن ابغى ازورها وانت ريحتني بتوزيعك ماقصرت بس القمة ايها احلى تتلس ولا شيلثورن
اول يوم مااعتقد بنروح اي مكان اكيد حنكون تعبانين
الاماكن اللي كنت بزورها هذه
الزحليقة
كهف سانت بيتوس
منطقة هاردر كلم
شلالات تروميل باخ
قرية *wengen
او قرية مورين
قمة تتلس او شيلثورن
بلاوسيه
*بحيرة اوشين سي
مصنع الشوكولاتة كالير
مااعتقد كل الاماكن يمدي زيارتها بس اش ترجحللي افضلها
وابغى اسماء بعض المحلات اللي تبيع الشوكولاتة السويسرية وتكون قريبة من انترلاكن
ومشكورين من الموبايل

يعطيك الف الف عافية اخ ميدو والله ماقصرت معي
طيب ابغى اعرف مواعيد القطار بين انترلاكن وجنيف اذا في رابط ارجو وضعه ضروري
ولك مني جزيل الشكر والتقدير من الموبايل

هذا موقع القطارات السويسرية:.
http://www.sbb.ch


مدينة المغادرة geneva
مدينة الوصول في اترلكن المحطة الغربية
Interlaken West


او المحطة الشرقية
Interlaken Ost


مع تعديل التاريخ وموعد المغادرة .


ومشاهدة جدول الرحلات والمسارات .


وبالتوفيق

طيب انا قرات قبل كذا ان قمة اوروبا ماتصلح للاطفال هل صحيح هذا الكلام واريد ان اعرف المسافات بين انترلاكن وكل قمة
ثانيا بالنسبة لحجز القطارات لا يوجد حجز صحيح او لا بالذات اذا كان معايا بطاقة السويس باس مجرد اعرف المواعيد واروح
وهل فندق كربز يوجد به تنظيم للرحلات ام لا
بالنسبة للمسافة بين انترلاكن وبحيرة بلاوسيه واوشن سي كم المسلفة
ايظا لقمة تتلس هل المسافة ساعتين
ايظا بالنسبة للشوكولاتة السويسرية هل استطيع ان اشتريها من المصنع واذا كان يوجد محلات رخيصة لبيع الشوكولاتة في انترلاكن اريد عناوينها وهل صحيح كما قرات مدتها انتهائها قصيرة لااستطيع العودة بها للسعودية
كم اصرف معي فرنك كاش تحسبا لشراء اي شي او احتياج اي شي
اممممم ازعجتك معي اتحملني باقي يومين واسافر من الموبايل

بستشيرك في شغلة
افكر اني اخذ سواق بسيارته ولو عندو لغة عربية افضل بدل التنقلات بالقطارات احسها شغلة
اذا عندك رابط يفيدني حطه
وكم التكلفة لاربع ايام مثلا
اذا جربتها
والف شكر لك ع تجاوبك السريع معي من الموبايل

السائق الخاص في سويسرا تتراوح اسعارهم للساعة الواحدة مابين 100 الى 200 او اكثر فرنك سويسري..
وهذا رابط قديم في المنتدى غير محدث لأرقام سائقين.
http://www.arabtravelersforum.com/travel397898/


واذا بغيت شوري..ما عمري جربتهم ولا راح اجربهم ابدا.
لأني من الناس اللي احب اتمتع بالخصوصية التااااااامة في الرحلة .




والقطارات ممكن اول يوم تشوفها هيدك وشغلة ..لكن من اليوم الثاني والي بعده خلاص بتتعود.


توجد لك رسالة على الخاص.

اشكرك اخ ميدو جزيل الشكر
واريد ان اضع لك مخططي واذا كان به اي خطأ ارجو تصحيحه لان رحلتي ستكون بعد 3 ساعات
يوم 18 هو يوم الوصول لانترلاكن اذا اسعفني الوقت ساذهب لمطل هاردر كلم او ساكتفي بالتمشي حول احد البحيرتين
يوم 19 ساذهب لقمة شيلثورن وايظا تروميل باخ
والسؤال هل المسافة بين انترلاكن الي تروميل باخ هي ساعة
والمسافة ببن انترلاكن والقمة نصف ساعة
وهل هناك باص ينظم تنقلاتنا بين القمة والشلال
يوم 20 مصنع الشوكولاتة بمنطقة بروك بالقرب من مونتروmontrreux وهل زمن الوصول ساعتين ونصف
وهل يمكن التمشي بمنطقة منترو بهذا اليوم يعني بالنسبة لمواعيد القطار بالعودة مايفوتني وعادة متى اخر رحلة عودة للقطارات
يوم 21 بلاوسيه واوشن سي
يوم 22 من الصباح العودة لجنيف للرحيل لملقا باسبانيا
هل الجدول كذا مزبوط من الموبايل

الله يوصلك بالسلامة يا رب..
اليوم الاول تمام.


=============


اليوم الثاني :شلال التروميل باخ ..ثم قمة شيلثورن.


تطلع من محطة القطار الشرقية الى قرية لوتربرونن Lauterbrunnen
..ثم بالقرب من محطة القطار توجد محطة باصات ..وتطلع الباص رقم:
http://fahrplan.sbb.ch/bin/traininfo...urneyEndIdx=5&
الين توصل التروميل باخ.
Trümmelbachfälle


تخلص الشلال .وترجع بالباص نفسه
http://fahrplan.sbb.ch/bin/traininfo...urneyEndIdx=8&


الى محطة ستيخلبيرج
Stechelberg, Schilthornbahn


ومن ثم بالتلفريك الى القمة .


العودة ..ترجع الى لوتربرونن بالباص ..ثم بالقطار من لوتربرونن الى انترلكن الشرقية.


=====================


اليوم الثالث ..نعم الزمن تقريبا ساعتين ونصف..لكن هل ممكن تاخذ القطار البانورامي ؟؟
واخر قطار من مونترو الى انترلكن الساعة 10 ليلا.
يعني بالراااااااحة التمشي في مونترو الجميلة.


=============
اليوم الرابع
البلاوسيه والاوشن سي.



الذهاب من محطة انترلكن الغربية الى محطة قطار فروتينجن
Frutigen
وراح يكون فيه تبديل في قرية شبيتز
Spiez
ثم من محطة الباصات اللي اسمها Frutigen, Bahnhof
الموجودة في محطة القطارات

الذهاب الى محطة باص البلاوسيه Blausee
الباص رقمه BUS 15





يجب اخذ مواعيد الباصات ..مهم جدا .







تخلص من البلاوسيه ..وتروح لمحطة الباصات ..وتطلع الباص رقم 13 والمتجه الى محطة باصات قرية كاندرشتج
http://fahrplan.sbb.ch/bin/stboard.e...arr&time=09:57


ثم تعمل تبديل للباص ..وتطلع الباص رقم http://fahrplan.sbb.ch/bin/traininfo...urneyEndIdx=8&
الى محطة Kandersteg, Talstat. Oeschinen


في العودة :
تطلع الباص رقم http://fahrplan.sbb.ch/bin/traininfo...urneyEndIdx=7&
والمتجه الى محطة باصات كاندرشتج


ثم تروح لمحطة القطار في كاندرشتج
وتطلع الى انترلكن الغربية ..وراح يكون فيه تبديل في قرية شبيتز .






===========
اليوم الخامس


أوكي..وكان الله في عونكم.






وبالتوفيق يا غالي.

الله يسعدك دنيا واخرة ويوفقك وين ماتروح
الله يفتحلك من اوسع ابوابه
بس كنت بتاكد عادي اركب من اي محطة الغربية او الشرقية وهل هي جنب بعض اقدر اختار اي محطة
لان اعتقد فندق كربز اقرب للمحطة الغربية من الموبايل

اللهم امين واياك أخوي ..وييسرلك السفرة باذنه تعالى..
الوصول الى لوتربرونن عن طريق المحطة الشرقية اسهل من المحطة الغربية.
واذا حاب تتأكد ..ممكن تشوفها على موقع القطارات السويسرية.
تلقى لو تروح من المحطة الغربية فيها توقف في وايلدرسويل وتاخذ باص ومدري وشهو .
لكن من المحطة الشرقية ..دايركت بالقطار على لوتربرونن.


والمسافة بين المحطة الشرقية والمحطة الغربية كيلو ونص تقريبا..ثلث ساعة يعني ..على امتداد الشارع الحيوي الهوهويج .
اعتبرها تمشية على الشارع واستكشافه ومشاهدة الكافيهات والمحلات التجارية ومركز المعلومات السياحية.


على فكرة ..يوجد تطبيق على الايفون للقطارات السويسرية الـ sbb.ch
ابحث عنه في المتجر ونزله ..مرررة مهم .




على العموم ..المحطة الشرقية فقط للصعود الى القمة والشلال ..والا الباقي ..تروح من الغربية.


المعذرة ..كنت مستعجل ..ونسيت اوضح لك هذه النقطة .


وتوصل بالسلامة يا رب.
وبالتوفيق ياغالي.

الهي ..وش سويت انا ؟؟.
نسيت اقولك شي مهم .


بطاقة السويس باس ..مدري كيف نسيت ما اقولك عليها.


ما دام انك راح تقعد في سويسرا اربعة ايام ..توجد بطاقة السويس باس ..وهي بطاقة تعطيك حرية التنقل بالقطارات والباصات والبواخر .
بالاضافة الى خصم 50 % على التلفريكات.


وعليها عرض الان ..تاخذ وحدة والثانية مجانا.


انصحك تاخذها من اي محطة قطار ..
swiss saver pass for 4 days


هذا رابط للعمدة للاستزادة مهم جدا
http://www.arabtravelersforum.com/travel62167/


وهذا موقع للسويس باس واماكن الشراء والاسعار:
http://www.myswissalps.com/swisspass.asp?lang=EN


سعرها 250 فرنك سويسري.


ومهم جدا ايضا ..موعد التفعيل.
في حالتك ..لا تفعلها في اول يوم لك في انترلكن ..لأنك ما راح تستفيد منها اذا جيت متأخر .
خليها من اليوم الثاني لك في انترلكن .
ليش؟
عشان في اليوم الخامس اللي رايح فيه لجنيف تستفيد منها ويعتبر اليوم الاخير لك في البطاقة (اليوم الرابع) والقطار يكون مجاني يعني على حس البطاقة في يومها الاخير اللي هو الرابع.


ان شاء الله تكون واضحة .


وبالتوفيق

انا اخذت السويس باس من جدة ومعاها وحدة مجانية ثانية
ولازم افعلها من اول يوم لاني لما اوصل جنيف رح استخدم القطار لانترلاكن
وزوجي يقول تنحسب اكثر من اربع ايام من الموبايل

اخ ميدو من فين احجز مقعد للقولد القطار البانورامي عشان اروح مصنع الشوكولاته من الموبايل

اخ ميدو الله يسعدك اش ممكن اروح بدل مصنع الشوكولاته اذا ماقدرت احجز قولد لاني موعارفة كيف احجز
وين اروح بدل المصنع من الموبايل

ما شاء الله تبارك الرحمن ..جميل جدا..
طيب الاوشن سي فيها زحليقة صيفية ..يعني تطلع بالتلفريك وتنزل بالزحليقة.
هذه لا تفوتها.
واذا طلعت بالتلفريك ..راح تلقى البحيرة بعيدة شويتين ..لكن فيه حنطور يوصل لها.


======================




وريحتني يوم قلتلي اقدر اروحه بالقطار العادي بس ليش يعني اول قلتلي روحو بالبانورامي اش الفرق




هههههههه..الله يسعدك.


القطار البانورامي ميزته مو مقفل زي القطارات العادية ..يجيك قزاز عشان تستمتع اكثر بالطبيعة في اجمل منطقة من انترلكن.






اللي فهمته اني اروح لمونترو بقطار انترلاكن ويست ثم اغير القطار في مونترو واطلع قطار ثاني الى بروك صحيح كذا



اذا رحت بالبانورامي ..راح يكون عندك تبديل في زويسمن ..ثم توصل الى مونترو.
ومن مونترو تطلع الى قرية بروك .


من مونترو الى بروك ..ممكن تلقى باصات سياحية توصلك الى مصنع الشوكولاتة .هذه اسأل عنها .


لأن بالقطار راح تطلع على المخطط هذا ويوجد ثلاث تبديلات:
مونترو Montreux
1 لوزان http://fahrplan.sbb.ch/bin/stboard.e...arr&time=10:40
2 رومونت http://fahrplan.sbb.ch/bin/stboard.e...arr&time=11:15
3 بولي http://fahrplan.sbb.ch/bin/stboard.e...arr&time=11:41
بروك http://fahrplan.sbb.ch/bin/stboard.e...arr&time=11:56


مهم تشوفها على موقع القطارات .




=====================
حل اخر:
ممكن تسأل المكاتب السياحية اللي في شارع الهووهويج ..هل يسيرون رحلات الى مصنع الشوكولاتة ولا لأ؟


===================
لكن لو طلعت بالقطار العادي:
انترلكن
1 بيرن Bern
2 فرايبورغ http://fahrplan.sbb.ch/bin/stboard.e...arr&time=10:55
3 بولي http://fahrplan.sbb.ch/bin/stboard.e...arr&time=11:41
بروك http://fahrplan.sbb.ch/bin/stboard.e...arr&time=11:56





==================================




بالنسبة للقطار العادي رح اشوف مواعيد الذهاب لمونترو عشان اعرف متى اروح بس بالنسبة للمصنع متى يقفل عشان احسب حساباتي وهل اقدر اشتري من المصنع بالفيزا
انا قرات انه يقفل بالويك اند يعني بكرة وبعده مقفل وانا ماعندي غير بكرة وبعده
هل اسم المصنع كلير صحيح




كل يوم فاتح ..حتى في الويكند. الى الساعة 5 (اخر عرض)
April to October: 10am to 6pm (last admission at 5pm)

وبإمكانك الشراء بالفيزا من اي مكان في سويسرا .


واسم المصنع كالير
http://www.cailler.ch/en/maison-cail...opening-hours/
==========================




طيب باسوأ الاحتمالات اذا مارحت مونترو افكر اروح هايدي لاند بس ابغى طريقة الوصول لها




المكاتب السياحية اكيد لهم برامج تسير على هايدي لاند.


وبالنسبة لكيفية الوصول ثلاثة تبديلات :
تطلع من انترلكن الساعة 1000
بيرن http://fahrplan.sbb.ch/bin/stboard.e...arr&time=10:52
زيورخ http://fahrplan.sbb.ch/bin/stboard.e...arr&time=11:58
سارجانز http://fahrplan.sbb.ch/bin/stboard.e...arr&time=13:02
ماينفيلد http://fahrplan.sbb.ch/bin/stboard.e...arr&time=13:21


قرية ماينفيلد هي اللي فيها كوخ هايدي .لكن يبغالك تمشي له شويتين ..لأنه بعيد عن المحطة.


===============================
يوجد مكتب استئجار سيارات في انترلكن اليوروب كار ..ما فكرت تاخذ سيارة ؟؟
اذا ودك تسألهم وتشوف السعر اذا ناسبك ولا لأ ..لمدة يومين ولا ثلاثة .
مجرد اقتراح .


========================
بانسبة للاضافات ..تراها كثيرة .
لكن هل يسعفك الوقت لزيارتها؟


مطل الهاردر كلم harder kulm
شلال الجس باخ Giessbach
مثلا زيارة خوانق نهر الار Aareschlucht .
مطل وزحليقة الهيموفلج Heimwehfluh AG
القطار البخاري في برينز لقمة روثورن Brienzer Rothorn
حديقة الجنقفرو Jungfrau Park
زيارة مدينة ثون THUN


وغيرها.


وبالتوفيق

السلام عليكم
اختفيت فجأة ههههههه
ابشرك انتهت رحلتنا و رجعنا السعودية
كانت رحلة منظمة ومرتبة 90 بالمية
4 ايام انترلاكن
4 ايام ملقا
4 ايام برشلونة
رحلة رائعة
بس يااني كنت بضيع في بروك عند مصنع الشوكولاتة قرية مافيها احد نزلنا بمحطة قبل المحطة اللي بننزل منها بكيلو وهذا الكيلو مشيناه مشي ياالله كرهت المصنع هههه
وهذيك الجهة الناس تتكلم فرنسي حسنا معاهم لينا عرفنا الطريق ... ومشي.......... اتكسرت رجولنا ويوم رجعنا وقفنا عند نفس المحطة اللي نزلنا فيها ع اساس بنرجع منها
انتظرنا كثير مافي احد بالمكان ابدا مافي ناس..
الا من بعيد شفنا وحدة مع اولادها متجهة علينا كانها من السماء جاتنا والحمدلله تتكلم انجلش فقالتلنا دحين بيجي باص يودي الى بوللي والحمدلله جا الباص ووصلنا محطة بوللي كنت بنجن من الخوف من هذيك المنطقة
بروك وبوللي ماحسيت فيها بالامان
بس الحمدلله ربك ستر بس يستاهل المصنع هذا التعب
......
انا اشكرك من اعماق قلبي جزيل الشكر
لولا الله ثم مساعدتك لي كان ضعت بالذات انك كنت توصفلي طريق الذهاب والعودة ابدا ماتعبت بكل رحلاتي وكنت تعطيني اسماء المحطات اللي انزل فيها كنت مرتاحة كثير وعارفة وين اروح ووين اجي
جزاك الله كل خير وجعله بميزان حسناتك
الف شكر من الموبايل

حمد الله على السلامة والله ..
والحمد لله والشكر لله ..والله يجزاكم بالجنة.

==


بيني وبينك الرحلة المميزة لازم يكون فيها أكشن هههههههه.
وكويس انها جات على كذا.




على العموم ..سلامة الاسفار ..وكل عام وانتم في سويسرا .

الله يسلمك
واكرر شكري لك بعد شكر الله
.... جرب روح برشلونة ترى تستاهل بس سويسرا احلى من الموبايل