السلام عليكم ورحمة الله وبركاته
مساء الخير جميعا ً ..
أكتب لكم موضوعي هذا وحبر قلم التسجيل لسى ما نشف
يعني ما كملت عشر دقايق من التسجيل بالمنتدى الرائع جدا جدا جدا .. الخ
وبصراحة أنا ما أقول عن نفسي متابع قديم وبس إلا عضو عاق بصراحة
وأقول هالكلام لأني استفدت فائدة عظيمة من المنتدى وكنت أطبع منه مواضيع للأماكن اللي
أزورها في رحلاتي وبالأخير لا حمدا ً ولا شكورا .. وهذا غلطه مني آسف عليها والله
وأوعدكم مستقبلا ً برد الدين لكم أنتم أهل المعروف ...
المهم .. حتى ما أطول عليكم ..
سافرت إلى الفلبين سابقا ً مرتين والثالثة والرابعة والمليون بالطريق إن شاء الله
وفي السفرات السابقة زرت مانيلا وعدد من الجزر فقررت هالمرة أغير وأخليها رحلة بعيدة عن الشاطئ
فحبيت أسأل عن مناطق فيها أنهار وغابات ومنتجعات حلوة ..
أذكر مره قرأت هنا عن موضوع لإحدى الأخوات وذكرت فيه زيارة لمنطقة فيها منتجع في غابة وفيه
مطعم بالمنتجع وطاولاته على النهر ..
يعني تاكل والماء يجري من تحتك ( الله يخلف علينا ضاع عمرنا في الثمامه
)
حاولت أبحث عن الموضوع ولكن للأسف ما حصلته فياليت أحد يسوي فيني خير وخيركم سابق أكيد
ويقول لي إذا يعرف المكان .. أو أماكن مثله .. يعني غابات وشلالات وأنهار حلوة ... ما يهم المادة أهم
المكان يكون خيال .. وهل جزيرة بالاوان فيها أماكن مثل كذا ؟
وأوعدكم بإذن الله بأحلى تقرير عن الزيارة إن الله كتبها وخاصة إن معنا 3 كاميرا كانون
..
علما ً أن زيارتي ستكون لمدة عشرة أيام .. ويا حللات من خلاها عشر سنوات
فأتوقع زيارتي لخارج مانيلا تكون لمدة ثلاثة أيام أو أربعة بس
أدري طولت في الكلام لكن ما لي إلا الله ثم أنتم
وفي أمان الله
رد مع اقتباس
المفضلات