الموضوع: ابي شقه في انترلاكن

السلام عليكم يا اعضاء هذا الصرح الكبير
زي ماهو واضح في العنوان
ابي شقه في انترلاكن موقع حلو لا بعيده ولا قريبه واهم شي الاطلاله والنظافه
(من تجربه)
واهم شي يكون قريبه من سوبر ماركت لزوم اغراض الطبخ
او مو بعيده حيل لان معي سياره هناك
لاني الصراحه فريت مواقع الحجوزات من بوكينق وغيره واحصل مليان
او الحجز اسبوع واكثر او تكون غاليه
وجلوسي في انترلاكن من 25 سبتمبر لحد 1 اكتوبر
عدد الاشخاص انا وزوجتي الغاليه
والشي الثاني ابي احداثيات اشلالات والبحيرات واحلى قرى ريفيه
بختصار احداثيات توسع الصدر

مواضيع عشوائيه ممكن تكون تعجبك اخترناها لك:

• بخصوص تكاليف السفر ل اشخاص مده يوم تكفون ردو علي
• سويسرا فرنسا ايطاليا المانيا النمسا بولندا تركيا
• استفسار عن الطقس في سويسرا
• ابو عزيز ، دموع الوجد وكل الخبراء تفضلوا لا هنتوا
• شقة في جنيف
• برنامج أيام لوقانو يومين ميلانو
• الي حجز قبل كذا من ايزي جت
• رحلة أبو تركي الاستكشافية تقرير سويسرا
• ميونخ وزيورخ وزلامسي
• هل سويسرا خيار مناسب لرحلة فيها اطفال
• رحلتي بالصيف مع جميع الاحداثيات ميونخ ، قارمش ، انترلاكن ، كابرن ، سالزبورغ ، ميونخ
• اريد المساعده بالتخطيط لرحلتي
• استفسار ماهو افضل حجز السياره من النت او من المطار مباشره ؟
• طلب مساعدة انا بسافر بعطلة الحج لسويسرا ماهو حالة الطقس وكيف الاجواء هل هي خضراء
• خطاء في اسمي في التذكره
• الأنتقال من لوقانو الى انترلاكن بالسيارة
• والله شكلي تورطت وسفرتي الجمعة من يساعدني تكفوون يا احبابي
• مجموعة استفسارات قبل الرحله ب ايام
• يورب كار هيرتز
• ممكن مساعدة في ترتيب الاماكن السياحية بنترلاكن ؟؟

المشاركة الأصلية كتبت بواسطة Swiss Peter
http://www.arabtravelersforum.com/tr...3/#post7208093

اخوي جرب موقع انترهوم واى دوموزيل بتلقى شقق مرررره حلوه بس اغلب هالمواقع يخليك تظطر تحجز اسبوع اقل شي لقيت لك شقه حلوه وانت لك الاختيار اخوي في بيتنبرغ بس الطريق لها صعب شوي وموب بعيده عن انترلاكن واطلالتها حلوه على بحيرة ثون
http://www.interhome.com/english/swi...-25&duration=5
بعد اذن الاعضاء طبعا

وبخصوص المناطق مايقصرون الاخوان انا ماقد زرت سويسرا وان شاء الله بكون متواجد بالوقت اللي انت بتكون فيه وشكرا....

الله يعطيك العافيه على بذل هالجهد بس يالغالي هذي كبيره اربع غرف
وزي ما قلت طريقها مو ذاك الزود
وياليت من عنده بعد كذا شقه ينورنا لاني الصراحه تعبت وانا ادور لي كذا اسبوع كلها فل
ولا احصل غاليه مره
انترلاكن او في منطقه ريفيه حلوه ورايقه بمستوى انترلاكن وامنه حتى لو كوخ صغنون
ابالانتظار مع الاحداثيات يالغالين

المشاركة الأصلية كتبت بواسطة zmanee
http://www.arabtravelersforum.com/tr...1/#post7211031

الله يعطيك العافيه على بذل هالجهد بس يالغالي هذي كبيره اربع غرف
وزي ما قلت طريقها مو ذاك الزود
وياليت من عنده بعد كذا شقه ينورنا لاني الصراحه تعبت وانا ادور لي كذا اسبوع كلها فل
ولا احصل غاليه مره
انترلاكن او في منطقه ريفيه حلوه ورايقه بمستوى انترلاكن وامنه حتى لو كوخ صغنون
ابالانتظار مع الاحداثيات يالغالين



طيب اخوي شرايك بهاذي واعتقد انها مناسبة حيييل لكم وعليها اطلاله للبحيرة رووووعة ولاتنسانا من دعائك

http://www.interhome.com/english/swi...-25&duration=5

المشاركة الأصلية كتبت بواسطة Swiss Peter
http://www.arabtravelersforum.com/tr...1/#post7211051

طيب اخوي شرايك بهاذي واعتقد انها مناسبة حيييل لكم وعليها اطلاله للبحيرة رووووعة ولاتنسانا من دعائك

http://www.interhome.com/english/swi...-25&duration=5



الله يجزاك الف خير والله انك كفو يا شيخ
الصراحه هذي المطلوبه ولك دعاء مني ومن زوجتي الغاليه بالغيب
وتحياتي لك
بس ان شاء الله السفاره النمساويه تقبل حجزي منهم
وان شاء الله طريقه سهل للوصل بالسياره
ولا بعد زدت يوم لانها اعجبتني
من جد الله يعطيك العافيه يالغالي

طيب الحين حبيت استفسر
بالنسبه للسويسرا تقبل التعامل باليورو ولا لازم اخذ فرنك
وعارف والله اني ابلشتك يالغالي

المشاركة الأصلية كتبت بواسطة zmanee
http://www.arabtravelersforum.com/tr...7/#post7213157

طيب الحين حبيت استفسر

بالنسبه للسويسرا تقبل التعامل باليورو ولا لازم اخذ فرنك
وعارف والله اني ابلشتك يالغالي

اى تقبل بس بيحسبون عليك فرق العملة اكثر يعني اغلى من بيع السوق اصرف فرنك هنا من الديرة واستخدم الكريدت كارد بنقاط البيع والاحسن انه يكون كاش معاك وخذ راحتك بالاسئلة تراني مداوم اخر ليل وطفشان ههههههههههه

اجل مداوم
طيب خل اسليك بكم سؤال
الحين من وين اجيب احداثية الشقه الي حجزتها لاني الصراحه ما حصلتها
طبعت الحجز وفريت الورقه ما لقيت احداثيه ولا شي وراسلتهم وردو لي نفس الرساله الي فيها بيانات الحجز
واخذت اسم الشقق وحطيتها في قوقل ايرث وبرضه ما طلعت عورني راسي وانا ادور هالاحداثيه
لان معي سياره ابطلع من النمسا علطول لها علشان كذا كيف اجيب الاحداثيه
والسؤال الثاني
بكرا ان شاء الله ابطلع الفيزه من السفاره النمساويه هل الحين السفاره تقبل الحجز من انترهوم الموقع الي عطيتني
مثل ما يقبلون من موقع بوكينق ولا اسوي لي حجز وهمي من بوكينق لين تطلع الفيزه وبعدها الغي الحجز الوهمي من بوكينق

المشاركة الأصلية كتبت بواسطة zmanee
http://www.arabtravelersforum.com/tr...3/#post7213413

اجل مداوم
طيب خل اسليك بكم سؤال
الحين من وين اجيب احداثية الشقه الي حجزتها لاني الصراحه ما حصلتها
طبعت الحجز وفريت الورقه ما لقيت احداثيه ولا شي وراسلتهم وردو لي نفس الرساله الي فيها بيانات الحجز
واخذت اسم الشقق وحطيتها في قوقل ايرث وبرضه ما طلعت عورني راسي وانا ادور هالاحداثيه
لان معي سياره ابطلع من النمسا علطول لها علشان كذا كيف اجيب الاحداثيه
والله ياطويل العمر انا مثلك احوس لين ما اطلع مكان الاحداثية بس ماعليك لاتحاتي في بالورقه او الفاوتشر اللي ارسلوه لك الكي هولدر (يعني اللي معاه مفتاح الشقه ) وحاطين احداثيات المكان اللي بتواجهه فيه وتاخذ المفتاح بس تأكد لازم يخصمون من فيزتك عشان يتأكد حجزك لو ماخصموا معناها مو اكيد حجزك ولعلمك انا راعي الشقه اللي حجزت عنده كلمته بالجوال وقلتله ماني بجايك الا اخر الليل وقالي حياك باى وقت انا بانتظرك وقالي بيتك ومحلك خخخخخ طبعا بخشم الريال نصيحة اذا جيت تطلع من النمسا حط احداثيات انترلاكن ولا وصلت انترلاكن حط احداثيات كراتيقن القرية اللي فيها شقتك وقله انا بالمكان الفلاني بيجيك وهو مايشوف الدرب وسلامتك
والسؤال الثاني
بكرا ان شاء الله ابطلع الفيزه من السفاره النمساويه هل الحين السفاره تقبل الحجز من انترهوم الموقع الي عطيتني
مثل ما يقبلون من موقع بوكينق ولا اسوي لي حجز وهمي من بوكينق لين تطلع الفيزه وبعدها الغي الحجز الوهمي من بوكينق
انا برأيي انك تحجز من بوكنق حجز وهمي يعني تكنسله عقب الفيزا مثل ماسويت انا ولا وديت لهم حجز انترهوم ولا يحزنون وجبتلك حجز حلو نفس الوقت وبانترلاكن بعد وتكنسله قبل الوصول بيومين يعني بتوصل ان شاء الله وبتدخل اوروبا وتكنسله عقب
http://www.booking.com/hotel/ch/weis...ml?aid=1329869

واى سؤال امررر تدلل...

ابشرك
حاولت لين طلعت الاحداثيه طابقت الخيطه الي في موقعهم على اسم الشارع
في قوقل ايرث وطلعت الفله واضغط عليه ويفتح لي بينات الفله مع الاحداثيه وشبك القارمن ونزلته علطول
الله يعطيك العافيه
بالتكنلوجيا الامور سهالات
وبالنسبه للحجز من اول ما ضغطت بوكينق علطول انخصم المبلغ
والموعد ان شاء الله عند باب الفله
تحياتي لك يالغالي
وسفره سعيده لي ولك ان شاء الله