الموضوع: شاليهات هيلتون الكويت من تصويرى

بسم الله الرحمن الرحيم


السلام عليكم ورحمة الله وبركاته


اليوم ان شاءالله باخذكم معانا برحلتنا الى منتجع كويت هيلتون


















http://www1.hilton.com/en_US/hi/hote...esort/index.dohttp://www1.hilton.com/en_US/hi/hote...esort/index.doP.O. Box 7887 Fahaheel 64009, Mangaf, Kuwait 7887
Tel: 965-222-56222 Fax: 965-222-56292



اقامتنا كانت بشهر يوليو 2011 يعنى تقريبا الشهر الماضى

وراح اذكر ابرز الايجابيات

عشان احاول اكون حقانيه









فى البدايه




كان حجزنا بالمنتجع كمجموعه كبيره ( اكثر من 4عوايل ) وهذى

من عاداتنا الكويتين نحب اليمعه ( الاجتماعات العائليه ) الله لا يغير علينا

وهالنقطه خلتنا نكتشف الفروقات بين الشاليهات الموجوده




انواع الشاليهات فيلا بحمام سباحه سعرها بالليله 600دينار كويتى


وفيلا من غير حمام سباحه تطل عالبحر الليله ب228 بالليله وكلهم فيهم


4 غرفه نوم وحده ماستر فوق بالطابق العلوى والسفلى صاله كبيره


وطاوله طعام ومطبخ وتوابعهم وتكفى ل8 اشخاص كبار وشامله فطور

ل8 اشخاص ,






وحجزنا كان بالشاليهات الغير مطله عالبحر لانها اصغر وانسب بالسعر لنا

اسعار الشاليه بالليله بالنسبه للشاليه السفلى ( الطابق الارضى ) 167دينار

وسعر الشاليه بالليله بالنسبه للشاليه العلوى (الطابق الاول) 144 بالليله

وهذا بالويك اند وهى ايام ( الخميس والجمعه والسبت )


ما فى فرق بينهم من حيث عددالغرف 2 غرفه نوم وحده منهم ماستر ومطبخ


وحمام وصاله كبيره تحتوى على صوفا وكراسى وجانب لطاولة طعام لعدد 4

او 6 اشخاص انت وحظك اما الشاليه العلوى فيه بلكونه كبيره اما الشاليه

السفلى فيه قعده تطل على الحديقه والقصه هذى كلها عشان احاول

اوصل لكم ان الشاليهات تفرق بالاثاث عن بعض مو على اساس السعر

وشامله لفطور ( ريوق ) لعدد 4 اشخاص كبار



السعر بالويك اند ذكرت فوق اما بالويك دي العلوى 135دينار بالليله و165 دينار

بالليله , بحاول اذكر اغلب الملاحظات المهمه اثناء عرض الصور









يالله بسم الله الرحمن الرحيم



















تفضلوا ياهلا مرحبا بايللى زارنا








هالصوره من النت للفيلل المطله عالبحر وهى كبيره ولها 3 مواقف للسيارات اما الشاليه الصغير
فله موقف واحد وممكن يسمحون لك تدخا سياره ثانى حسب الزحمه














ولى عوده باقرب وقت اكمل التقرير

مواضيع عشوائيه ممكن تكون تعجبك اخترناها لك:

• أول رحله لي وجهتها للكويت أرجوا المساعده
• لاندمارك تفتتح مطعم كارلوتشيوز في الكويت
• تحديث الكويتية
• استفسار عن فندق لي رويال الكويت واستفسارات أخرى
• تأشيرة خادمتي للسعودية
• شقة مفروشة لمدة شهور
• حلويات هيل وزعفران
• استفسار بخصوص التخفيضات
• فندق جديــد بالكويت
• இǁ҈ǁ‾−ـ‗ǁ أحلى مناسبه في المركز العلمي ǁ‗ـ−‾ǁ҈ǁஇ
• ديسكفري اول مجمع ترفيهي و تعليمي و تجاري خاص بالطفل
• أفضل موقع او مكتب حجز
• سوق المواعين مستعجل مستعجل
• شقق تراس
• اسواق الكويت وطبيعتها ومواقعها
• صور جديدة لمجمع المهلب وسوق شرق
• فندق هلتون بالكويت
• حجزت في البودل
• الكويت الحبيبة
• سؤال عن الأكوا بارك ؟؟؟

اكمل معاكم اليوم ان شاءالله عشان يصير التقرير متكامل







كنا حاجزين ولمن وصلنا عشان نسوى الشيك ان لقينا مئات بدون مبالغه ناطرين عند الرسبشن بدون مبالغه


عوايل ورجال ونساء واجانب عالم واعداد من البشر بشكل مو طبيعى

صراحه ضاق خلقنا من الفوضى قالوا ان

السستم خربان عطلان


ماادرى فوضى غير طبيعيه وهنى نشوف سلبيه الستف مع التعامل مع اى خلل يصير

عندهم !! المفروض الشيك ان يصير عندهم من الساعه 3 ولان الفوضى والزحمه والمشاكل واغلبها نقاشات

بصوت عالى ( هوشات ) تاخر الكل تقريبا يعنى عالساعه 6 وشوى وصل دورنا للاسف صار عندنا احباط

الهم وعدونا يعوضنا وهذى سلبيه نضيفها لتعاملهم السىء ,




المهم دشينا عالساعه 6 وشوى استلمنا شاليهنا طبعا وايد من الاهل كان حجزهم قبلنا بايام عشان جذيه




لله الحمد اليهال كانوا عندهم وطبوا بحمام السباحه ما نطرونا وهذا خفف علينا ضياع 3 ساعات بالانتظار بالحر



















اخليكم مع الصور شوى نخفف التوتر











وهذا رقم شاليهنا كان علوى















وباعتقادى ما ينفع لايلى عنده اطفال صغار رضع او كبار بالسن لان الدرج واايد وعالى عليهم





وهذى الصاله متواضعه وايد وتفرق من شاليه لشاليه بعضهم القنفات ( الاريكه ) اكثر عددا

وطاولة الطعام عندنا 4 كراسى وعند الغير 6 كراسى وبعض الشاليهات فيه سجاده بالارض ( زوليه)

والبعض ما فيه صراحه ماادرى على اساس توزيع الاثاث عندهم مع ان السعر واحد ومحدد!









الصاله كبيره نوعا ما وشرحه وفيها بلكونه واسعه وقعدتها حلوه













وهالسلم ( الدرج ) يؤدى الى السطح فيه الستلايت وغيره





وهنى جانب من الصاله واستراحه لى

المطبخ وايد متكامل وفيه تقريبا اغلب الاحتياجات للعايله










































































الغساله والنشافه مو موجوده بكل الشاليهات انت وحظك











وعقب ما حطينا اغراضنا المتواضعه










والقهوه العربيه ضروريه بكل وقت

ما شاءالله عليكم بالعافيه ام البدر على اليمعه الحلوة والله لا يغير عليكم ولا على اهل الكويت عامة ......

الوصف متكامل يعطيج العافيه على المجهود ........بس الله يهداهم ليش جذيه اول مرة يصير عندهم حجوزات وايد شنو ........
الظاهر ما عندهم تنسيق .....مع انع مفروض يكونون اكثر تنسيق وترتيب .....

بس احلى شي هالصورة






استراحة المحارب ..........تابعي واحنا متابعينك

فديتج والله والله يونسكم بالعافية المهم اليمعة وراحة البال الواحد شماخذ من الدنيا ,وتسلمين على المجهود في الصور حبوبة وتقوي ورجعي لنا ناطرينج ياام البدر.

الله يعطيج العافيه ام البدر عشتي على هالتقرير الطيب والتفاصيل .. احنا خذينا الشاليه العود بو 8 من غير حمام سباحه بس كان واايد حلو ..

تقهوي وردي لنا ناطرينج

المشاركة الأصلية كتبت بواسطة توبليرون
http://www.arabtravelersforum.com/tr...4/#post5949444

ما شاءالله عليكم بالعافيه ام البدر على اليمعه الحلوة والله لا يغير عليكم ولا على اهل الكويت عامة ......

الوصف متكامل يعطيج العافيه على المجهود ........بس الله يهداهم ليش جذيه اول مرة يصير عندهم حجوزات وايد شنو ........
الظاهر ما عندهم تنسيق .....مع انع مفروض يكونون اكثر تنسيق وترتيب .....

بس احلى شي هالصورة






استراحة المحارب ..........تابعي واحنا متابعينك





ياهلااااااااا ومسهلاااا توتو نورتى الموضوع


اى هذا بين انهم اى خلل يخربطهم فوق بعض وهذا اكبر مشكله صادفتنا بس باجى الاقامه

كانت رائعه وونيسه خصوصا ان احنا كنا مجموعه كبيره بس نتفارق حزه النوم ( وبالشاليهات وين النوم )

المشاركة الأصلية كتبت بواسطة اصول2
http://www.arabtravelersforum.com/tr...6/#post5950126

فديتج والله والله يونسكم بالعافية المهم اليمعة وراحة البال الواحد شماخذ من الدنيا ,وتسلمين على المجهود في الصور حبوبة وتقوي ورجعي لنا ناطرينج ياام البدر.




مشكوره حبيبتى عالدعوه الحلوه ولج المثل ان شاءالله اى والله صدقتى شماخذين معانا

ويشرفنى متابعتج اصول

المشاركة الأصلية كتبت بواسطة q8ya metnaqla
http://www.arabtravelersforum.com/tr...6/#post5950706

الله يعطيج العافيه ام البدر عشتي على هالتقرير الطيب والتفاصيل .. احنا خذينا الشاليه العود بو 8 من غير حمام سباحه بس كان واايد حلو ..

تقهوي وردي لنا ناطرينج




هلا وغلا مشرفتنا الغاليه

الله يعافيج ومشكوره عالمتابعه , الفيلا الكبيره وايد حلوه من حيث الخصوصيه وموقعها عالبحر على طول

ان شاءالله المره اليايه بنحجز فيها بس ليش هالمره كان الاختلاط فيها صعب مع المجموعه ايللى معانا



نور الموضوع بمتابعتج حبيبتى

الله يونسكم بالعافيه ان شاءالله وتردون الزيارة ......واكيد بالشاليهات ماكو نوم بس العصاري الكل يطق روس بس تردين وتصحين مع السوالف ........عليج بالعافيه الفطور والقهوة والتميرات

ماشاء الله اشوف البوابه منوره ام البدر مسويه تقرير

اجزاء حلوه ومتابعين معاج للاخر

بس فعلا الاثاث مستهلك

ام البدر احس انج مدرسه عربي القنفات (الاريكه ) الدريشه (نافذه)ههههههههههههه

بالعافيه على قلوبكم

ويعطيج العافية أم البدر متابعينج

يعطيج العافية

تقرير مميز
بس 600 دينار حق شالية ليلة واحدة لفت نظري موغالي او فيه خطاء بالسعر

متابع معاج

لج كل الود

المشاركة الأصلية كتبت بواسطة deerpy
http://www.arabtravelersforum.com/tr...4/#post5954894

يعطيج العافية

تقرير مميز
بس 600 دينار حق شالية ليلة واحدة لفت نظري موغالي او فيه خطاء بالسعر

متابع معاج

لج كل الود




هلا وغلا ديربى


يشوفنى متابعتكم لى

السعر هذا من الرسبشن نفسه وصح الليله ب600 دينار للفيلا بحمام سباحه خاص فيها ولها مميزات خاصه

وفى فترات بعض الشركات والبنوك تسوى خصومات بحدود 20 بالميه واكثر مثل شركة الkmpc

و kocوبعض الشركات والبنوك

وفغلا السعر جدا مبالغ فيه

ان شاءالله اليوم اكمل التقرير بعد الفطور باذن الرحمن

تسلمين يالغالية شي مرتب ومتعوب عليه ومشكورة على الاهداء لاعضاء منتدى العرب المسافرون.

بعد عمرى اصول ردودج تشجعنى عشان اكمل التقرير باسرع وقت





مع ان التحميل طلع عينى








اذا تذكرون ببداية التقرير تكلمت شوى عن الزحمه ومااستلمنا الشاليه الا عقب تقريبا 3ساعات



طلع كلام بكلام لانهم ما مارضوا يمددون لنا الفتره ايلى ضاعت من خلل منهم بالسستم للاسف وهذا شى محبط



وتعامل الرسبشن اعطيه 4من 10 للاسف كفندق 5

نجوم وما تناقشنا وياهم وايد لان الجو كان ما يساعد

فقررنا ننهى رحلتنا بموعدها




ورحنا الرسبشن نسوى جيك اوت











وخلصت رحلتنا الممتعه









نظام المراقبه عندهم ما بين كل جم شاليه كاميرا وهذا شى وايد مريح

ومطمئن والسكيروتى على طول نشوفهم بكل مكان



الواحد يحس انه بامان ما بين الشاليهات وبالفندق كله عموما







السكيروتى يسلم علينا مودعنا واحنا طالعين








وبجذى اكون خلصت التقرير المتواضع





لاى استفسار انا جاهزه

مازلنا مستمتعين معاج ام البدر

قواج الله

قواج الله ام البدر على الصور الحلوه والمعلومات اللي قلتيها .. ومشكووره على الاهداء الحلو منج ..
وعليكم بالعافيه

المشاركة الأصلية كتبت بواسطة mr.q8
http://www.arabtravelersforum.com/tr...8/#post5957738

مازلنا مستمتعين معاج ام البدر

قواج الله



مشكور طال عمرك مشرفنا الفاضل

اشكر تشجيعكم لى بطلتكم الحلوه علينا بالتقرير الله لا يحرمنا من وجودكم الحلو

المشاركة الأصلية كتبت بواسطة q8ya metnaqla
http://www.arabtravelersforum.com/tr...2/#post5960192

قواج الله ام البدر على الصور الحلوه والمعلومات اللي قلتيها .. ومشكووره على الاهداء الحلو منج ..
وعليكم بالعافيه




تسلمين مشرفتنا الغاليه متنقله


تسلمين عالمتابعه المشجعه الله يعافيج ويخليج

يعطيك العافيه اختي ام البدر .. تقرير حلو

و عليكم بالعافيه

شكرااااا بس التعطيل من فندق الهلتون مووو حلوووه بامرة كلش

يعطيج العافية اختي ام البدر ...تقرير حلة ووافي ونورتينا على شاليهات الهليتون مع ان احنا نروح للبيتزا اكسبرس ....بس ما حجزنا فيه .....بس يبيله روحه للعيال يستانسون .....
بس الريوق شوقنا الفول شكله اينن ....عليكم بالعافيه

المشاركة الأصلية كتبت بواسطة bint elQ8
http://www.arabtravelersforum.com/tr...2/#post5963682

يعطيك العافيه اختي ام البدر .. تقرير حلو

و عليكم بالعافيه

حياج الله بنت الكويت تسلمين عالمرور الله يعافيج






المشاركة الأصلية كتبت بواسطة violetq8
http://www.arabtravelersforum.com/tr...0/#post5965490

شكرااااا بس التعطيل من فندق الهلتون مووو حلوووه بامرة كلش




فويليت الكويت حياك الله , اى والله كلش مو شى وان صارت مو بارادتهم المفروض يعتذرون عالاقل او يوفون

بوعدهم بالتعويض بس عند الله ما يضيع سبحانه







المشاركة الأصلية كتبت بواسطة توبليرون
http://www.arabtravelersforum.com/tr...0/#post5965850

يعطيج العافية اختي ام البدر ...تقرير حلة ووافي ونورتينا على شاليهات الهليتون مع ان احنا نروح للبيتزا اكسبرس ....بس ما حجزنا فيه .....بس يبيله روحه للعيال يستانسون .....
بس الريوق شوقنا الفول شكله اينن ....عليكم بالعافيه



هلا توبليرون

اى وايد وناسه سباحه بالبحر او حمام السباحه وتمشى وقوارى وسيارات صغيره للايجار ورايحين رادين

ستاربكس وفووربتشينو يعنى زهبى البطاقه ولا خلوا البوك عامر لووووول


وممكن يوفرون لكم شوايه ولحم حسب الطلب تشون عشاكم لكن الاسعار شوى مرتفعه فعادى يبوا

اغراضكم واستمتعوا وسوينا تقرير حلو

الله يعافيج ام يوسف منوره وعيدج مبارك يالغاليه

مشكووره ام بدر علي التقرير بسسسسسسسسسس

مايستاهل نجمه و اسعاره غاليه بنسبه لديكور الغرفه و الحمام

المشاركة الأصلية كتبت بواسطة *ام البدر*
http://www.arabtravelersforum.com/tr...4/#post6058704

الله يعافيج ام يوسف منوره وعيدج مبارك يالغاليه



يعافيج ربي يا ام البدر .....تقريرج يشوق على هالشاليهات

ايامج سعيدة ...وتقبل منا ومنكم صالح الاعمال

المشاركة الأصلية كتبت بواسطة q8hero
http://www.arabtravelersforum.com/tr...2/#post6058892

مشكووره ام بدر علي التقرير بسسسسسسسسسس

مايستاهل نجمه و اسعاره غاليه بنسبه لديكور الغرفه و الحمام




هلا كويت هيرو

اهوا السعر من وجهة نظرى مبالغ فيه بالنسبه للاثاث ما يتعدى ال4 نجوم لكن الروم سيرفس والنظافه العامه

ومرافق الشاليهات تسوى بصراحه خصوصا السكيروتى والامان ايللى فيه


وشكراا عالمرور








المشاركة الأصلية كتبت بواسطة توبليرون
http://www.arabtravelersforum.com/tr...6/#post6060016

يعافيج ربي يا ام البدر .....تقريرج يشوق على هالشاليهات

ايامج سعيدة ...وتقبل منا ومنكم صالح الاعمال






هلا وغلا ام يوسف


اميين يا بعد عمرى ما تقصرين

مشكوره ام البدر عالتقرير الحلو..حلوه الشاليهات انا رحت الفندق بس الشاليهات لا ان شاءالله ازورها..ويارب دوم جمعتكم الحلوه ووناستكم...كل عام ونتي بخير

تسلم الايادي أم البـــــــدر
على هالتقرير الراائع
دمت في حفظ الرحمن ...

المشاركة الأصلية كتبت بواسطة حوهرة حرب
http://www.arabtravelersforum.com/tr...8/#post6070318

مشكوره ام البدر عالتقرير الحلو..حلوه الشاليهات انا رحت الفندق بس الشاليهات لا ان شاءالله ازورها..ويارب دوم جمعتكم الحلوه ووناستكم...كل عام ونتي بخير




هلا وغلا جوهره حياج الله ومشكوره عالمرور العطر






المشاركة الأصلية كتبت بواسطة *صوت السهاري*
http://www.arabtravelersforum.com/tr...8/#post6076968

تسلم الايادي أم البـــــــدر
على هالتقرير الراائع
دمت في حفظ الرحمن ...




يااااااااااهلاااااااا مسهلااااا بام عبدالعزيز



حياج الرحمن ببوابة الكويت مشكوره عالمرور العطر

بارك الله فيج ياام بدر *علي التقرير الحلو
الحلو في هل الكويت انهم دائما يتيمعون في الشاليهات ما شاءالله عليهم ياريت لو عندنا جذي في دبي *
الله يهنيكم*
دمتي بود اختج ام جمال*

صور روعه

بارك الله فيكم

المشاركة الأصلية كتبت بواسطة الفلاسية
http://www.arabtravelersforum.com/tr...4/#post6080054

بارك الله فيج ياام بدر *علي التقرير الحلو
الحلو في هل الكويت انهم دائما يتيمعون في الشاليهات ما شاءالله عليهم ياريت لو عندنا جذي في دبي *
الله يهنيكم*
دمتي بود اختج ام جمال*





هلا ومرحبا ام جمال نورتى يالغلا

تسلمين عالمرور الحلو على تعليقج الحلو





المشاركة الأصلية كتبت بواسطة Al Osaimi
http://www.arabtravelersforum.com/tr...4/#post6088264

صور روعه

بارك الله فيكم




حياك الله العصيمي تسلم علة المرور مشرفنا الفاضل

يعطيج العافيه اختي ام البدر ...


وعسى الله لا يفرق يمعتكم ويخليكم لبعض


صور جميله للشاليهات يعطيج العافيه

المشاركة الأصلية كتبت بواسطة كوويتي
http://www.arabtravelersforum.com/tr...2/#post6132002

يعطيج العافيه اختي ام البدر ...


وعسى الله لا يفرق يمعتكم ويخليكم لبعض


صور جميله للشاليهات يعطيج العافيه





حياك الله كويتى اميين يارب مشكور


تسلم عالمرور والتعليق الحلو

خوش تقرير ماشاءالله
يعطيج العافيه

المشاركة الأصلية كتبت بواسطة الماسة الكويت
http://www.arabtravelersforum.com/tr...6/#post6179826

خوش تقرير ماشاءالله
يعطيج العافيه




حيااج الله الماسة الكويت

عساكم دوم متجمعين بالفرح

ما قصرتي على التقرير

ما توقعت الشاليهات بهالمستوى وهي بهالاسعار المرتفعه الخيران وااااايد احسن وارقى بس منو يحصل الحجز

المشاركة الأصلية كتبت بواسطة السفيرة عزيزه
http://www.arabtravelersforum.com/tr...0/#post6211040

عساكم دوم متجمعين بالفرح

ما قصرتي على التقرير

ما توقعت الشاليهات بهالمستوى وهي بهالاسعار المرتفعه الخيران وااااايد احسن وارقى بس منو يحصل الحجز




حيااج الله السفيره عزيزه نورتى

الخيران حلو واكبر من شاليه الهلتون مه بعض الفروقات بس بالنسبه للويك اند يفى بالغرض

واسعاره مناسبه واايد الهلتون ميزته قريب والممشى ماله وايد راقى وحمامات السباحه نظيفه


وعادى اى احد يزوركم مالكم عدد محدد الزياره مفتوحه بدون رسوم لكن الالتزام بعدد السيارات