الموضوع: جامعة ميزوري هل من معلومات

الأخوة الكرام . تحية طيبة .
قمت بمراسلة جامعة ميزوري وتم قبولي ابتداء .... هل من معلومات عن هذه الولاية أو الجامعة .. مشكورين
فوائد :
الضمان المالي مدته ثلاثة أشهر وهو ليس ضمانا ماليا نهائيا .. ستعاني من هذه المشكلة عند المراسلة .
بإمكان طلبة الدراسات العليا الاكتفاء بإحضار قبول من معهد يتبع جامعة تقدم نفس التخصص الذي يرغب مواصلة الدراسة فيه

مواضيع عشوائيه ممكن تكون تعجبك اخترناها لك:

• التقديم على البعثات
• قبول قبول قبول قبول قبول قبول قبول قبول قبول
• استفسار عن السفارة الامريكية ببيروت
• طلبة الدكتوراه فزعتكم ولايهون الباقين
• مدينة توركي معهد kaplan في مدينه torquay
• افضل جامعه
• استفسار
• كروكي لفندق الفهد كراون والذي ستتم به مقابلات المرشحين
• أبي اصير طيار
• ايميل من الوزارة
• اقصر مدة للماجستير
• الخطاب الموجه من الوزارة الى السفارة
• فيتامين واو
• أي نوع تأشيرة أحتاج لدراسة اللغة أسابيع ؟
• عااااااااااااااااجل جدا جدا جدا
• الى كانتبري وشمالية
• مانشستر ولا ليدز
• طلبة معهد في مدينة لندن
• رأيكم بمدينة لي غرين ؟
• جامعة

اخوي انا متخرج من ميزوري بس الحين انا مسافر.انشالله راح اعطيك كل المعلومات المطلوبة يوم الاحد ولا الاثنين
سلام

مرحبا أخوي
عفوا كيف راسلت الجامعة ؟ وش الاوراق الملطوبة ؟؟
انا دخلت الموقع حق الجامعة بس ما عرفت
بليز ساعدني
أبغى أدرس ماجستير محاسبة

شاكر لك

هلا والله ب ال Future Tiger.راح تعرفها اذا رحت هناك
اجل تبي تروح ميزوري ماشالله.الله يوفقك والله.ترا الجامعة تعتبر من ارقي و اقدم الجامعات في امريكا.تآسست في عام 1839.
شوف اخوي انا اتخرجت منها في ديسمبر 2003 و كنت ادرس هندسة ميكانيكة.الجامعة فيها تقريبا 28،000 طالب.فيها نسبة اجانب حلوة.كان فيها نسبة ابو عراب مرة كثيرة كانك في الرياض ولا في دبي.لكن تعرف بعد الاحداث العرب قلو.لكن سمعت انو في شباب عرب واجد جايين علا جامعة ميزوري.يعني هناك ما راح تحس بالغربة.آهلها جدا طيبين.ماعندنا عنصرية صراحة ابدا.الحمدلله ما سارتلي اي مشكلة ولا اي احد من الشباب هناك
المدينة فيها تقريبا 120،000 نسمة.فيها مول كبير مرة.صالتين سينما كبيرة كل صالة فيها تقريبا 14صالة عرض. فيها انواع المحلات و السوبرماركتات.يعني ما تحتاج شي من مدينة ثانية.فيها بقالتين عربتين.فيها مطعمين عربين.3 مطاعم هندية.انواع مطاعم ابو صينة.فيها مركز اسلامي علا كيف كيفك.الجالية العربية هناك مرة ممتازة و مترابطة.فيها مدرسة اسلامية حلوة.المسجد كبير دورين كانك في السعودية.لا بعد في وسط الجامعة و جنب مبني الهندسة.
اذنك تحب الرياضة.ترا في انواع ملاعب الكرة.كونا نلعب كل يوم هناك كانك في السعودية
اجارات السكن مرة حلوة.تحصل شقة حلوة و نظيفة ب 400-500 دولار في الشهر.المدينة ماهي غالية ابدا.يعني حتا امديك توفر فلوس و تسافر في الصيف
جوها لا باس فيه.الحر في الصيف ماهو بطال.لكن البرد شويه قاسي لكن فترة و تتعود عليه.عاد اذا ما جربت الثلج في امريكا وين راح تجربه
عندك المدينة علا بعد ساعة و نص من مدينة سينت لويس و كانساس سيتي.و تقريبا ستة ساعات من شيكاغو.10 ساعات من ديترويت و دينفر.كانك راعي خط اورلاندو تقريبا 15 ساعة.
عندك هاذي الاجابيات لكن السلبية الوحيدة اللي يمكن راح تخوف بعض الناس هي:
الجامعة قوية جدا و سمعتها مرة حلوة علا مستوا امريكا.يعني حتا لو تبي تحول الا جامعات قوية ثانية راح يتساعدو معاك عشانك جاي من ميزوري.شوف اذا انك راعي دراسه و تبي تتعلم صح انا انصحك فيها.صحيح امكن ما راح تتخرج بمعدل عالي زي 3.0 ولا 3.5 لكن راح تطلع فاهم صح.اذا بس تبي تجيب معدل عالي Tulsa ولا FIT.شوف اخوي انا لما بديت الجامعة كونا امكن تقريبا حول 100 ابو عراب.الله تخرجو معاي امكن حول40 .شباب واجد حولو جامعات اسهل.لكن اذا كملت فيها راح تتخرج فاهم و هذا المطلوب.
والله معهد اللغة ما درست فيه.لكن اللي اسمع انو ممتاز مرة.

علا العموم وش تخصصك امكن اقدر افيدك

اهلين يا الطيب
تكفى مساعدتك الله يخليك
انا واحد نصحني فيها ومدري وش اسوي وكيف اقدم عليها
انا تخصصي محاسبة وابغى ادرس ماجستير
وابي اسألك هل الجامعه صعبه والا نظامية ؟؟
الله يعطيك العافيه

مشكور اخوي ... وما قصرت .. تخصصي في القانون .

ماشالله.اجل انشالله راح تنبسط في كلية القانون هناك.المبني حقهم كبر جامعات السعودية.شي والله يفتح النفس.عندهم مكتبة من اقدم المكتبات اذا ماني غلطان.بالتوفيق علا العموم
اذا تبي اي مساعدة ابشر

اخوي "حسب" ترا ماجستير المحاسبة في جامعة ميزوري ترتيبه رقم 16 علا امريكا.مبنئ المحاسبة اجدد مبنئ في الجامعة علا مستوئ عالمي صراحة.شوف هذا اللنك حق المحاسبة
http://business.missouri.edu/48/default.aspx
علا العموم متطلباتهم شوية ماهي سهلة.يبون 670 في اختبار ال GMAT.معدل 3.4 من 4.0 في البكالوريس.جدا صعبين في القبول للطلاب اللي شهادتهم البكالوريس ماهي من ميزوري.لكن انت قدم انت من خسران

طيب ياعالم
مين يساعدني في احضار قبول من اي جامعه وجزاكم الله خير انا مره ضايع
والسؤال هل يعادلو لي الدبلوم من كليه الاتصالات والمعلومات بجده تخرجت بعد مادرست ثلاث سنوات و 91 ساعه
اهم شي ابي جامعه تعادل لي الي درسته وتخصصي حاسب وابي اكمل هندسه حاسب وشكرا لكم

اخوي خالد انت درسة ف ولاية ميزوري

ابغى اسألك عن مدينة سبرينق فيلد هي في ولاية ميزوري


تكفى رد على سررررررررعة