الموضوع: ارجوكم ساعدوني بشهر العسل

السلام عليكم اخواني الاعزاء زواجي بأذن الله بعد شهرين
وانا منشغل بلحيل بتجهيزات البيت والتأثيث ومثلكم عارف الاوضاع
انا اول مره اسافر سويسرا ومابي اي اخطاء عشان مااتفشل مع المدام
وصولي مطار جنيف يوم السبت 27اكتوبر الساعه 11الصباح
وراح اجلس بديفون يوم واحد
ابي ترتبون لي برنامج حلو لجنيف وانسي
يعني عندي يوم كامل السبت والاحد مثلا العصر امشي لاانترلاكن
تحديدا راح احجز بكوخ ببرينز تنصحوني ولابرد؟
راح احجز فيه 5ايام
الوصول الاحد غالبا بنريح لأن من الصباح بنتمشى بالبرنامج اللي بتنصحوني فيه باانسي وجنيف
عندي الاثنين والثلاثاء والاربعاء والخميس
هذولي الايام ابي تعطونن لكل يوم برنامج ارجوكم
تكفون حنا بتكون معانا سياره
بس ابي برنامج مرتب بحييث يبداء من 8الصباح الين المغرب وهكذا بهالايام الاربعه
ارجووكم ارجومكم يااخوان اني مااقدر احك راسي من ضغط الدوام وتجهيزات الزواج
بعدها بنروح يوم لوقانو بيكون من الصباح بنطلع من انترلاكن على لوقانو بنروح الفوكس تاون ونتمشة بالمدينه هل فيه شي حلو وممتع بلوقانو علما اني بسلم السياره بلوقانو وبروح ميلانو بالقطار
هل تفرق الدرجات بالقطار يعني الدرجه الاولى تفرق وكم اسعارهم ؟ وهل احجز من الحين افضل على رحلات القطار؟
بجلس4ايام ميلانو
وراح تكون تريحه وتسوق على خفيف
شرايكم بالمخطط ؟
ارجوووووووووووكم ساعدوني الله يوفقكم دنيا واخره

انترلاكن ابي فيها قمه ثلجيه وحده تكفينا مانبي اكثر من قمه
اخيرا وش تنصحونا ملابس ؟ ناخذ اشياء ثقيله ؟
ناس كثير قالولي اخلي الوجهه لماليزيا لكن فضلت اوروبا اكثر لان المدام سبق وشافت ماليزيا
كيف الاجواء ببرينز صقيع ناراح نتحمل ؟ علما ان طلعاتنا كلها بالنهار بلييل بنرجع مافيه طلعات
شرايكم

مواضيع عشوائيه ممكن تكون تعجبك اخترناها لك:

• مخطط رحلة بين سويسرا وايطاليا وفرنسا ؟؟
• الشتاء والسحر الجميل
• شرايكم بخط السير التالي
• استفسار عن لوزيرن وقمة تيتلس
• رحلتي الاسبوع القادم
• شهر عسل في خمس دول أوروبية
• المسافة بين انترلاكن وقرية ماينفلد
• استفسار ضروري عن لوقانو مااستغني عن آرائكم
• سفري الاسبوع الياي، ممكن الافادة في بعض الاشياء المهمه والضرورية
• وين أفضل إستلام السيارة بمطار جنيف ؟
• احداثبات اهم مناطق انترلاكن و
• ضروري ل آنترلاكن ...
• مطلوب تحديد افضل جهاز جارمن عجل ابي اشتري باسرع وقت
• استفسار الحجز الإلكتروني للقطار الأوروبي ؟؟؟
• طلب مساعدة
• الاماكن السياحية في انترلاكن و جنيف وبعض الاستفسارات
• مطلوب برنامج لمدة ايام في انترلكن
• ارجو المساعده في خط سير ايطاليا فرنسا سويسرا
• دليل سويسرا السياحي
• هل الكاش او البطاقات

وعليكم السلام ورحمة الله وبركاته::.
أخوي..ممكن توضح لنا مرة اخرى بشكل مبسط عدد الايام في كل مدينة؟؟ وهل راح تجلس في لوقانو..ومتى موعد المغادرة.


للمعلومية ..الجو راح يكون بارد ..ولازم تلبسون شي ثقيل جدا اذا كنتم ناويين على مطلات او قمم.


وبالنسبة للبرنامج ..راح يكون بسيط ..لأن اغلب الانشطة السياحية تكون مقفلة من بعد 21 اكتوبر.


http://www.arabtravelersforum.com/tr...b=user_related


وفي انتظارك اخوي.

اسف جدا على اللخبطه وعدم الترتيب
الوصول الى جنيف والساعه11صباحا والسكن بديفون
ومن بكرا العصر ماشي لاانترلكن وبجلس 5ايام
يوم لوقانو
يومين ميلانو
ثم العوده للوطن
شرايك؟
هل5ايام كثيره على انترلكن وهل اضيفها على ديفون افضل ؟
انا كنت ناوي اسكن باانترلاكن بكوخ على بحيره برينز
هل تنصحوني بالسكن بالكوخ ولاافضل اوتيل ؟عشان الاجواء او ماتفرق

بيني وبينك أخوي انا اشوفها كثيرة..
واقترح عليك ..فضلا لا امرا ...انك تخلي ثلاثة ايام في ديفون.
وثلاثة في انترلكن
ويوم في لوقانو
ويومين في ميلان




=============
في ديفون ...يوم لزيارة أنسي والريف الفرنسي.
ويوم لزيارة مونترو ولوزان .
واول يوم على بحيرة جنيف والانشطة اللي على البحيرة .


==========
في انترلكن :
المرور على مصنع الشوكولاتة نستله ...وقلعة جريير...الوصول الى انترلكن والتمشي في السنتر.


اليوم الثاني لزيارة قمة اوروبا...وزيارة قرية جريندلوالد


اليوم الثالث لزيارة بحيرة البلاوسيه ..ثم بالباخرة جولة في بحيرة ثون.




وبإمكانك تخصيص يوم لزيارة لوزيرن او زيارة زيرمات (بدلا من اليوم الثالث)
=================
لوقانو :
سويسرا المصغرة + ويوجد ايضا اوتلت الفوكس تاون بالقرب من لوقانو + حديقة سيفيك.


========================
انصحك بالسكن وسط انترلكن ..او على ضفاف البحيرتين ..لأن الموسم خلص ..وراح تلقى حجوزات متوفرة.
وما دام انها ايام قليلة ..انا ارشح لك الفندق.
والا الخيار لك ..كووخ او شقة او فندق.


=============
استخير الله وشاور ..والله يكتب لك اللي فيه الخير.


وفي انتظار ردك اخوي.

مشاءالله تبارك الله برنامج جميل جدا وبأذن الله سأعتمده لكن عندي بعض الاستفسارات
هل يمكنني ان اضيف على انسي شي ثاني؟لأني يوم وكامل واحس ملل لو اضيف شامونيه مثلا؟
واريد ان ازور مطعم بيت الماعز سمعت انه يبعد عن لوزان نصف ساعه
شي ثاني شلون افرق بين الطرق الزراعيه وغيره بالقارمن
ابي طرق ممتعه وماتكون خطره
الحين نجي لاانترلاكن ابي قمه مانروح له بتلفريك فيه؟
لن قمهه التتلس بتلفريك مكشوف واللي معي تخاف
هل فيه ؟
ومشكوووووووووووره الف شكر على هالبرنامج ماتخيلين شلون فرجتي علي ان شاءالله ابضبط الفنادق
سؤال عن الاسواق بميلانو السبت والاحد متى تفتح ؟
ميلانو اليوم الاولى بزور متجر الانتر والملعب واحتمال تدريبات اللاعبين اذا كان فيه
واتمشى بالدومو والاسواق
اليوم الثاني ودي اروح فينيسيا يمدي؟بالقطار
من الصباح الى العصر مثلا ؟
وارجع بلييل ارتب الاغراض لأن رحلتنا غدا
ولو مدانا الصباح تمشينا بالدومو ايضا

سؤال اخر ابي اسلم السياره بلوقانو بمركز المدينه وين مكانه بالضبط؟

أولا...
أخوي الله يهديك مكتوب ..مميز سويسرا ...وليس مميزة سويسرا ..!!!


ثانيا :
أنسي ..ليست وحدها ..اضفت لك الريف الفرنسي في الرد ..والذي يشمل شامونيه وميجيف وايفيان وايفواغ وغيرها .


القارمن اضبطه على الخطوط السريعة .


بيت الماعز هذه تقرير عنه


http://www.arabtravelersforum.com/travel563906/


تقريبا المحلات والمولات يوم الاحد مقفلة.


وفينيسيا بإمكانك زيارتها من ميلان ليوم كاااامل.


قمة اوروبا مافيها تلفريك ...والمشوار ساعتين صعود وساعتين نزول..وسعر التذكرة تقريبا 170 فرنك.


التلفريك المكشوف غير ..وقمة تتلس غير...ماهم نفسهم. ماحد جاب طاريهم !!


هذه الروابط راح تساعدك..ولا تنسى ان اغلب الانشطة السياحية مقفلة من بعد 21 أكتوبر.





وبإمكانك قراءة الدليل السياحي السويسري
http://www.arabtravelersforum.com/travel51030/

انا انصحك بمشاهدة الانشطة على الخريطة على هذا الرابط

http://www.arabtravelersforum.com/travel569078/

وهذا الموضوع راح يفيدك كثير

http://www.arabtravelersforum.com/travel644994/

وهذا ايضا
http://www.arabtravelersforum.com/travel662292/



وبعض من تقارير الاعضاء

http://www.arabtravelersforum.com/travel108099/

http://www.arabtravelersforum.com/travel55133/

http://www.aboaziz.net/blog/?p=979

)http://www.arabtravelersforum.com/travel626306/

http://www.arabtravelersforum.com/tr...4/#post2747009


http://www.aboaziz.net/blog/?p=396

http://www.aboaziz.net/blog/?p=418


http://www.arabtravelersforum.com/travel687631/

http://www.aboaziz.net/blog/?p=235


http://www.arabtravelersforum.com/travel750149/

هههههههههههههههههه سامحنا تكفى الله يخليك
طيب وش تنصحني بقمه ؟اروح لها وسعرها معقول ؟من غير تلفريكات ههههههههه

وشي ثاني احجز السياره من وين اي شركه ؟ ابستلمها من مطار جنيف واسلمها بلوقانو من 27اكتوبر حتى 2نوفمبر

Booking.com: hotel Brienzersee, Ringgenberg, Switzerland - 239 Guest reviews. Book your hotel now!
هالفندق ابيه لكن ببوكنج نفذت الغرف شسوي؟ هل اقدر اتصل عليهن ويدبرون لي غرفه ولا ماظنيت ؟ مره ابي هالفندق مع بلكونه

اسأل الله ان يوفقك دنيا واخره ويرزقك بالخير

قمة اوروبا هي الفاتحة في وقت سفركم..والا الباقي عليها صيانة ..مثل قمة بيلاتوس.

.
وشركة التأجير ..عندك سيكست او هيرتز


بالنسبة للفندق حاول تشيك عليه من فترة لفترة ..ممكن تلقى احد كنسل .
او احجز في فندق اخر بالقرب منه .

حبيت انبهك لشي وهو الطريق من انترلاكن الى لوغانو جدا صعب جبلي
تطلع جبال وتنزل ومخيف جدا انا رحت منه في 2008 ,كان لحظات مخيفه لانك على اطراف الجبال وتحتك هاويه ,نصحوني السياح ما اروح منه هناك بس ماصدقت وتورطت ,ما انصحك تروح منه اذا مو متعود على كذا طرق
القطار افضل
علما ان هذا الطريق المخيف مدته ساعه وباقي الطريق عادي طريق سريع

المشاركة الأصلية كتبت بواسطة butterfly808
http://www.arabtravelersforum.com/tr...1/#post7197181

حبيت انبهك لشي وهو الطريق من انترلاكن الى لوغانو جدا صعب جبلي
تطلع جبال وتنزل ومخيف جدا انا رحت منه في 2008 ,كان لحظات مخيفه لانك على اطراف الجبال وتحتك هاويه ,نصحوني السياح ما اروح منه هناك بس ماصدقت وتورطت ,ما انصحك تروح منه اذا مو متعود على كذا طرق
القطار افضل
علما ان هذا الطريق المخيف مدته ساعه وباقي الطريق عادي طريق سريع



الحقيقه خوفتني وشكلي بعتمد القطار ويعطيك الف عافيه على التنبيه الله يجعله بموازين حسناتك

اخوي ميدو مشكور على الرابط
وعندي اسئله عن السويس باس هل لو اخذها 4ايام تنفعني باانتقالي من انترلاكن الى لوقانو ؟ ومنها بروح الفوكس تاون وبروح ميلانو يومين السويس باس لها قيمه مع هالمشاوير ؟
غير كذا لمااروح من ميلانو للمطار اعتمد القطار ولاالتكسي ؟ مطاري مالبنسيا وانا بسكن بالدومو والتكسي كم اسعارهم؟

وقمه التتلس تسوى اروح لها ولاماراح استمتع ؟ لأن وقتي برد وهل فيه العاب ؟
ولااوفرها مره ثانيه الى النمسا بالسنين الجايه ؟
ارائك لاهنت

شي اخر الله يخليك
انا بعتد الجدول اللي عطيتني اياه باانترلاكن اي يوم فيهم اقدر اضيف له شلالات الراين؟ ويكون قريب منا ؟

عزيزي ميدو خلني اقولك ايه بالترتيب
باانترلاكن بزور القمه اللي قلت لي عليها واذا السويس بتخصم لي مره بركب الباخره بس هي وين بالضبط؟
وبروح من انترلاكن الى لوقانو بالقطار وبجلس يوم فيها وبزور الفوكس تاون
وبعدها بروح ميلانو واجلس يومين بزور السنسيرو
هل السويس باس بتنفعنا ؟واذا ايه رشح لي اي وحده فيهم ؟
ابلشتك اخوي بس مشكله اللي مايدبر شي

السويس باس فكرتها التنقلات بالباصات والقطارات والبواخر مجانا ..
يعني لطول مدة رحلتك ..راح تحتاج سويس سيفر باس لشخصين لمدة 8 ايام.


..مع اني والله اشوف حرام تكنسل السيارة ..المتعة في القيادة هناك وسط الارياف.


الطريق من انترلكن الى لوقانو ..يوجد خط سريع ...يمر بلوزيرن
او طريق جبلي مختصر.


الطرق الجبلية ليست بذات الخطورة ..الا اذا كنت تخاف من المرتفعات .
لكن كثرة المنعطفات ممكن تقول عنها خطيرة ...لكن ما دام ماشي في مسارك ..مافي اسهل منها .


لكن الامر راجع لك ..اذا كنت تشوف ان القطارات والباصات افضل.


وشلالات الراين ..اذاو دك تزورها ...انصحك تسكن كم يوم في زيورخ ..منها تمشية ومنها تزور شلالات الراين ولوزيرن .
وراح تقفل الشلالات في يوم 7 نوفمبر.


او تضيف يوم لأنترلكن في المخطط السابق ..وتخصصه لزيارة الشلالات و للوزيرن


يعني يصير مخططك :
يومين في جنيف (ديفون شطب عليها اذا ما عندك سيارة )
يومين في زيورخ (يوم للتمشية فيها ..ويوم للشلالات ولوزيرن )
يومين في انترلكن (لزيارة القمة + بحيرة البلاوسيه + رحلات بحرية )
يوم في لوقانو
يومين في ميلانو.


والله بيني وبينك اشوف هذا المخطط في تنقلات كثيرة
====
او هذا المخطط:
يومين في جنيف
أربعة ايام في انترلكن (لزيارة القمة + بحيرة البلاوسيه + رحلات بحرية + شلالات الراين ولوزيرن )
يوم في لوقانو
يومين في ميلانو.



============
والامر راجع لك أخوي .


وبالتوفيق

اخوي ميدو شركه السيارات لما نستأجر ماتاخذ كاش؟حنا نخاف تحجر على مبلغ بالفيزا ومانقدر نتسوق؟

انا ماراح الغي السياره كنت ناوي اسلمها باانترلاكن
يعني راح اكون بدون سياره
لأني خفت من الطريق الجبلي
شرايك انتي يعني هل فيه طريقين ؟وايهم اخف خطوره ؟
لوقانو راح اسكن فيها يوم وميلانو يومين
لوقانو ابي فيها بس الفوكس تاون
يعني لو الغي لوقانو واسكن بميلانو 3ايام واروح للفوكس تاون من ميلانو عادي؟

ومابي اسكن بزيورخ ودي نروح نتمشى فيها ونرجع
يعني اليوم الاول بنجي من ديفون الى انترلاكن
ونمر على مصنع الشوكولاته وقلعه جرير الوصول الى انترلكن والتمشي في السنتر
اللي هو الثلاثاء
اليوم الثاني :اليوم الثالث لزيارة بحيرة البلاوسيه ..ثم بالباخرة جولة في بحيرة ثون
اليوم الثالث :زياره لوزيرن وزيورخ وشلالات الراين
شرايك بالمخطط؟
وهل بحيره اوشن سي مفتوحه ؟
وهل معقوله بيروح كل اليوم من الصباح الين اخر العصر بالباخره وبحيره البلاوسيه مااقدر اضيف شي معهم ؟

علما انه هذا سكني بقرب انترلاكن
[بنفس الكوخ اللي اخذه ابو فيصل بتقريره رحلتي الصيفيه الى الارياف السويسريه
ودي احط الرابط بس مشاراكاتي ماتسمح

اخوي الله يسلمك الطريق السريع افضل ..
انا اشوف ان تنقلاتك بالسيارة افضل ..والطريق الجبلي ليس وعر بالدرجة الشديدة ..لدرجة اني اشوف السيارات الكبيرة حقت التوزيع في الطريق الجبلي هذا وعادي ولا كأنه شي.


ايضا الطريق من جنيف الى مصنع الشوكولاتة ثم الى انترلكن جبلي هو الاخر.


يعني انت راح تكون على مشارف جبال الالب ..وشي طبيعي تشوف الخط متعرج وجبلي وخلافه .
والا القطار هو انسب شي.


ولوقانو ألغيها اذا ما عندك سيارة ..يعني تنقلاتك بالقطار ...واذا عندك سيارة ..زور الفوكس تاون واسكن في لوقانو ومن باكر سلم السيارة وانزل على ميلان.


الاوشن سي للأسف مقفلة .


بالنسبة للأنشطة ..أغلبها راح يكون مقفل ..والتمشيات راح تكون على البحيرات والانهار والقمم المفتوحة ..وزيارة القرى والمدن القريبة.
والاستمتاع هو سيد الموقف.
يعني لو طلعت بالباخرة ..مثلا الى مدينة ثون ..جميلة جدا وراح تقضي نصف اليوم فيها بالراحة .
ممكن تسأل مركز المعلومات السياحية الموجود في كل قرية او مدينة عن اهم الفعاليات او الانشطة الموجودة حال تواجدك في المنطقة .
وبإذن الله راح يفيدوك.


والشاليه ممتاز .


وبالتوفيق أخوي .

اخوي ميدو وش سالفه ال2000يورو ياشيخ مااتفقنااااااااا
خلاص قررت انا 3ايام ديفون
3ايام انترلاكن وتسليم السياره انترلاكن
واطلع بالقطار من انترلاكن لميلانو بالقطار
واجلس 3ايام
يوم الوصول بروح السنسيرو ومتجر الانتر ودوران بساحه الدومو
اليوم الثاني بروح الفوكس تاون من ميلانو
الثالث يااني اجلس بالدومو او اسوي رحله لفينيسيا (شرايك اروح فينيسيا ولااقعد مكاني)؟
طبعا الثلاث ايام الاخيره تنقلاتي بالقطار
بتفيد السويس باس ولالا بميلانو بعد؟
شرايك وانااخوك خلاص عزمت على هالمخطط
شي ثاني انا ميزانيتي 14000
من غير تذاكر وسكن
هالمبلخ باخذ به سياره وبنتمشى وكل ش نسويه من هالمبلغ
وش اسوي لو حجرو على 8000
مايبقى الاسته !!شلون نعيش؟
وهل اذا سلمت السياره على طول يرجعونه لي ؟
لاحول ولاقوه الا بالله وش هاللي صار

قريت للأخ لورد ان السيارات من الجانب الفرنسي ارخص
هل يسمح لي اخذ السياره من الجانب الفرنسي وانا بسلمها باانترلاكن؟

ميدو يابعد قلبي الله يوفقك دنيا واخر اتعبتك كثييييير
انا ساكن بالجبيل الصناعيه هل اقدر ارسل للسفاره الجوازات عبر الدي اتش ال ويرجعونها لي والسالفه سهاله ؟
ولاافضل مكتب ؟
المكتب ريكسون بياخذ على الجواز950يعني 1900

ممكن سؤال

انت بتطلع من سويسرا لميلانو ؟
من وين بالضبط وبأي وسيلة نقل ؟؟

وياليت تعطيني تقريبا كم بتكلفك هالرحلة ولاعليك أمر


يارب أحد يرد علي "(

المشاركة الأصلية كتبت بواسطة الهنوف بنت محمد
http://www.arabtravelersforum.com/tr...1/#post7199671

ممكن سؤال

انت بتطلع من سويسرا لميلانو ؟
من وين بالضبط وبأي وسيلة نقل ؟؟

وياليت تعطيني تقريبا كم بتكلفك هالرحلة ولاعليك أمر


يارب أحد يرد علي "(



والله انا بلش وانااخوك انتظر ميدو يرد علي انا حاط الميزانيه 14000من غير تذاكر وسكن واشوفه كافيه مع السياره الاجار وتعبئه البنزين والاكل طبعا الاكل بيوكن ما ماكدونالدز واخوانه وبكم مطعم من مطاعمهم لأن الاكل غالي
ميلانو تطلعين له من اي جهه تحبيه بسويسرا عن طريق القطار
انا بطلع لها من انترلاكن بالقطار

ماشاءالله

ميزانية جمييييييله

ياليت ترسل لك مخططك بالتفصيل اذا ماعندك مانع مع السكن وكل شي
والله يجزاك خير

والله شكلنا بنكنسل سالفه السياره معقوله 2000يورو؟؟؟؟؟

اخوي ميدو وش سالفه ال2000يورو ياشيخ مااتفقنااااااااا
خلاص قررت انا 3ايام ديفون
3ايام انترلاكن وتسليم السياره انترلاكن
واطلع بالقطار من انترلاكن لميلانو بالقطار
واجلس 3ايام
يوم الوصول بروح السنسيرو ومتجر الانتر ودوران بساحه الدومو
اليوم الثاني بروح الفوكس تاون من ميلانو
الثالث يااني اجلس بالدومو او اسوي رحله لفينيسيا (شرايك اروح فينيسيا ولااقعد مكاني)؟
طبعا الثلاث ايام الاخيره تنقلاتي بالقطار
بتفيد السويس باس ولالا بميلانو بعد؟
شرايك وانااخوك خلاص عزمت على هالمخطط
شي ثاني انا ميزانيتي 14000
من غير تذاكر وسكن
هالمبلخ باخذ به سياره وبنتمشى وكل ش نسويه من هالمبلغ
وش اسوي لو حجرو على 8000
مايبقى الاسته !!شلون نعيش؟
وهل اذا سلمت السياره على طول يرجعونه لي ؟
لاحول ولاقوه الا بالله وش هاللي صار

قريت للأخ لورد ان السيارات من الجانب الفرنسي ارخص
هل يسمح لي اخذ السياره من الجانب الفرنسي وانا بسلمها باانترلاكن؟



أخوي الله يسعدك ..ابو البساسة
.
انا يوم قلت 2000 يورو كانت من شركة سيكست ..والله اعلم كم في الشركات الاخرى.
مثلا اخر سفرة لي ..حجزو على 100 يورو .
وواحد من اصحابي حجزو على 2000 يورو .
يعني في أسوأ الاحوال.


مع ان شركة هيرتز على كلام اخونا المشرف اللورد ما ياخذوا كثير .


وبالنسبة لأنترلكن ..مكتب الايجار الوحيد الموجود فيها هو شركة اليوروب كار.


وبالنسبة للمخطط انصحك خليه كله بالسيارة من جنيف الى لوقانو.


وعشان اكون صريح معاك ..ممكن الحجز على المبلغ ياخذ 24 ساعة ..او يومين او اكثر.


ميزة الجانب الفرنسي انه ارخص من الجانب السويسري...بشرط انك ترجعها في فرنسا...مو ترجعها في سويسرا .
لأن لو رجعتها في سويسرا راح تنحسب عليك انك اخذتها من دولة ..وسلمتها في دولة اخرى ..وهذه عليها ضريبة .


مثلا في مثل حالتك اذا كنت بتسلمها في لوقانو ..الافضل تاخذها من المطار من القسم السويسري.


ويا رجل هونها وهي تهون .


وبالتوفيق

ميدو يابعد قلبي الله يوفقك دنيا واخر اتعبتك كثييييير
انا ساكن بالجبيل الصناعيه هل اقدر ارسل للسفاره الجوازات عبر الدي اتش ال ويرجعونها لي والسالفه سهاله ؟
ولاافضل مكتب ؟
المكتب ريكسون بياخذ على الجواز950يعني 1900



والله اخوي ما عندي خبرة كيف الوضع لأهل الشرقية ..ولا حصل سمعت ان الشنقن تطلع بإنك ترسل الطلب الى الرياض ويخلصونها .
الافضل تتصل عليهم وتتأكد من المعلومة.


المكاتب اكيد غالية ..لكن لو طلعتها بنفسك تقريبا حوالي 700 ريال.


وممكن توجد مكاتب ثانية تاخذ ارخص من السعر هذا !!

نسيت أقولك ..ميزانية 14 ألف تكفي باذن الله...وزيادة ..


بعد اذن صاحب الموضوع ...طبعا:






أخوي ميدو ماشاءالله تبارك الله
الله يجزاك خير على هالمعلومات وياليت تطل في موضوعني وتفيدني بارك الله فيك ..



لا يكون موضوع
http://www.arabtravelersforum.com/tr...b=user_related
؟؟؟؟


================================




والله شكلنا بنكنسل سالفه السياره معقوله 2000يورو؟؟؟؟؟



أخوي اريب ..لا تكنسل ..ممكن تشوف هيرتز ما ياخذو المبلغ هذا...او بدجت ..يعني هذا في أسوأ الاحوال ..الا العادة اقل من كذا بكثييير.


والله انا انصدمت يوم صاحبي قال لي 2000 يورو ..قلت لا يا شيخ ..معقولة تأكد ..قال 2000 يوروووو ..وانا معاي بطاقة بريبيد (محفورة الارقام والاحرف) ..واضطريت احول على البطاقة من الهاتف المصرفي من حسابي.


على العموم ..اذا كانت الفيزا فيها مبلغ محدود ..الافضل تشوفو هيرتز.


لكن السيارة لا احد يكنسلها عشان مبلغ محجوز ..هذه نصيحتي لكم.


وبالتوفيق

ما شاء الله ..افرح يا عم ..السيارة من موقع اليوروب كار من تاريخ 27 اكتوبر الى 2 نوفمبر.الاستلام جنيف المطار القسم السويسري ..والتسليم في وسط انترلكن ..الفرع موجود داخل فندق المتروبول .

http://www.europcar.com


الاستلام :
GENEVA COINTRIN AIRPORT GVA (CH) 10/27/2012, 12:00PM


التسليم :
INTERLAKEN, HOEHEWEG 11/02/2012, 10:00 AM


المهم وقت التسليم يكون قبل وقت الاستلام ..عشان لا ينحسب عليك يوم اضافي.
يعني استلمتها الساعة 12 ..تسلمها الساعة 12 او قبلها ...مع مراعاة توقيت التسليم ودوام العمل للفرع في انترلكن..وهذه هي يوم الجمعة:
من 7 ونص الى 12 ظهرا ..ثم بريك غدا ,.ثم من وحدة ونص الى خمسة ونص.


كود التخفيض :
Contract/Promotion: 44361815


سعر السيارة مع ضريبة الطرق والتأمين العادي ..يعني السعر النهائي:
Total price to pay at station:

SAR 1323,35

(Estimated based on exchange rate)

CHF 329,41

(Guaranteed price)

================================
اها ..جينا للنقطة المهمة ..وهي القطارات.
من انترلكن الى ميلان بالقطار ..ممكن باليوم حوالي عشرة رحلات يوميا ...في نفس التاريخ.


بس شكلك ما غيرت التوقيت .


هذا موقع الخطوط السويسرية
http://www.sbb.ch


وحط الذهاب من محطة انترلكن الغربية:
interlaken West


والوصول ميلانو:
Milano Centrale

الحين نجي للشرح ..شوف عندك المسار رقم 1 و 2 و3 و 4 ...اللي جاي بشكل افقي.
وبالشكل العمودي ..الايه وقت المغادرة ووقت الوصول...البي المدة الزمنية ..السي عدد التغييرات ..الدي السعر بالفرنك.


مثلا ..لو ودك توصل لوقانو من الصبح في اسرع وقت ..خيار رقم 1.


او اذا ودك رحلة بعد الظهر ..في اقصر وقت ..مسار رقم 4


ارخص تذكرة ..مسار رقم 3


مسار رقم 2 ..مرررة ابعد عنه ..غالي وطويل ..يعني ما منه فايدة.


.......................
اهم شي ..انك تنسق موعد تسليم السيارة مع موعد الصعود للقطار.
مثلا لو اخترت مسار رقم واحد ...المكتب يفتح الساعة سبعة ونص.
تسلم السيارة على طووووول ..وتنطلق الى محطة القطار ..قريبة ماهي بعيدة...لأن الرحلة الساعة 0805.


خيار اخر:
تختار مسار رقم اربعة.
تسلم السيارة الساعة 12 او قبلها ..لأن المكتب بيقفل عشان بريك الغدا..وعشانك استلمتها الساعة 12 من مطار جنيف.


ثم على روقااان تروح لمحطة القطار ..لأن قدامك ساعة ونص ..وتجلس في احدى الكافيهات وتستمتع بالاجواء ...ثم تنطلق بمشيئة الله الى ميلانو.


ويالتوفيق

بالنسبه لإستيجار السيارة عن طريق فيزا (تسوق أواللي يسمونها ديبيت/شحن) ولكنها بحروف بارزه مثل الفيزا العاديه الكريددت. هل هي آمنه أوتوهق؟

لأني يوم مريت الراجحي اليوم وقلت له إني ودي أطلع فيزا عادية والسبب ان حروفها بارزه و معتمده لشركات أجار السيارات
رد علي: بإمكانك إنك تصدر بطاقة تسوق وبحروف بارزه إذا كان هذا الي مضيق صدرك.

وش الراي؟

والله الراي عندك ..انا عندي فيزا الراجحي الكريديت ..وشغلي كله عليها ..
اما البطاقات الاخرى ..اذا كانت حروفها وارقامها بارزة ..باذن الله تمشي.


لأن احد الاصحاب طلع سويسرا ومعاه البريبيد حقت الاهلي ماستر كارد ..ومشت اموره معاه..وهي محفورة الارقام والاحرف.


شركات التأجير لا تقبل الا فيزا او ماستر كارد كريديت.
لكن بطاقات البريبيد تمشي عليهم يحسبونها كرديت ..وهي لأ.


وبالتوفيق