بسم الله الرحمن الرحيم
شكر خاص لطيران البحرين
رغم رخص التذكره (530) ريال للشخص الا ان الطائره مريحه والرحله مريحه يعني ماتفرق عن باقي الخطوط مع ملاحظه ان
مدة الرحله اربعين دقيقه فقط
شكر خاص جدا لكل من غياث ومحمد واحمد والبنت (مااعرف اسمها) على خدمتهم المميزه لي يوم جيت احجز في قراند امارات
كلمتهم وانا في فندق قمر الدين طلبت حجز في الفندق وقالي روح للاستقبال واتصل علينا وفعلا اتصلت وكلمو الاستقبال وارسلو لهم فاكس عبيت البيانات وارسلوها لعرب لينك وبعد مااستلمو الفاكس جاني موظف الاستقبال وعطاني المفتاح .....يعني لو ماحسبت التعطيل بسبب عطل الفاكس بالفندق بيكون انتظاري لمدة ربع ساعه فقط
وهذي تحسب لعرب لينك طبعا
شكر خاص لحكومة دبي على مايقدمونه للسائح وانا كنت متوقع ان المطاعم ماتقفل برمضان بسبب كثرة السياح الاجانب لكن الحمدلله يوم شفت الكوفيهات والمطاعم مسكره وماتفتح الا مع اذان المغرب وصل بي الفخر اقصاه
الاقامه في دبي كانت لمدة خمس ليالي ايام منها يومين من رمضان
تكلفة الرحله شامله تذاكر وسكن ومصاريف يوميه بدون تسوق = 4800 ريال
1060 تذاكر
2240 سكن
1500 مصروف يومي بدون تسوق
استخدمت مترو دبي الرائع من المطار للفندق وكلفني 14 درهم بالذهبيه بينما التاكسي قالي 110 درهم
استخدمت المترو للذهاب الى مول الامارات وكلفني عشر دراهم بينما التاكسي يكلف 80 درهم تقريبا رايح جاي
المترو استخدامه سهل جدا مجرد انك تطلب الوجهه وهم يقصون لك التذكره ويوجهونك للقطار اللي تركبه
اول ليله سكنتها في فندق رمادا داون داون دبي بسعر 640 ريال مع الفطور وحصلت عليه عن طريق مكتب سياحي
والفندق كان رائع بالنسبه لسعره وخدمتهم ممتازه والانترنت وايرلس مجاني بالغرفه
طبعا ماصورت الغرفه لان الاخوان بالمنتدى ماقصرو
وهذا تقرير من عرب لينك عنه
http://www.arabtravelersforum.com/travel349506/
ليلتين في فندق قمر الدين بسعر 450 ريال مع الفطور والحجز عن طريق بوكنق
الفندق جيد جدا ويميزه قرب من دبي مول ولكن اللي ماعجبني طريقة تعامل الفندق لانهم يحاسبونك على كل شي
يعني ابي اتصل دولي قالو لي انزل ادفع مقدم بعدين اتصل
يقفلون الميني بار لاني قلت لهم مارح ادفع مقدم له
يعني يانك تدفع والا ممنوع تستخدمه في اشياء تخصك
هذا تقرير عن الفندق من الاخت ام مرايم
http://www.arabtravelersforum.com/travel308546/
ليلتين في فندق قراند امارات بسعر 350 مع الفطور والحجز عن طريق عرب لينك
هذا الفندق اللي ارتحت فيه فعلا لانه ممتاز من كل النواحي
ولاني سكنت فيه في بداية رمضان والغرفه معاها فطور قالو لي بنخلي الفطور سحور تطلب اللي تبي بالغرفه
هذا تقرير عن الفندق من الاخت ام البدر
http://www.arabtravelersforum.com/travel405294/
نجي للصور اللي صورناها وهي من تصوير زوجتي
صوره لبرج دبي من الطائره
صور للنافوره الراقصه التقطت من بلكونة رمادا داون تاون
صوره صباحيه لمنطقة برج دبي
صور متنوعه
صور من مطعم الحلاب في برج دبي
صور من السحور اللي طلبته بالغرفه بدل الفطور وتكلفته حوالي ميتين ريال لو ماكان مجاني
بالنسبه لجو دبي ماحسيت بالحر ابدا لاني دايم في المجمعات ومجمع دبي مول التكييف فيه مااقدر اوصفه والمجمع كل الخدمات اللي تبيها فيها يعني لو تروح من 12 الظهر مارح تطلع الا 12 بليل والانترنت متوفر في كل انحاء المجمع مجانا
صوره بانوراميه من تركيبي
لمشاهدتها بحجمها الطبيعي اضغط
http://www.9o9i.com/upfiles/9nZ21396.jpg
انتهى التقرير
شكرا لكم
رد مع اقتباس
المشاركة الأصلية كتبت بواسطة أم عجرم
المفضلات