الموضوع: يومين في فرنسا أسوأ يومين بحياتي

السلام عليكم

للأسف ولحظي العاثر، وصلت باريس في أسوأ يومين بكل السنة (26 و27 يونيو) .. الشمس ساطعة جدًا والرطوبة عالية .. وزاد الطين بلة أن الفندق الذي سكنت به Ampere Hotel مكيفه معطل!! حر بكل مكان، وباريس بلد غير مهيأ للتكييف! حتى الميترو كنه فرن متحرك!

رحت ديزني لاند باليوم الثاني، وليتني ما رحت .. الحرارة وصلت 37 درجة والشمس نار! ما قدرت اسوي شي غير اني ادخل المحلات اللي فيها تكييف وليته تكييف مثل الناس! صرت مثل الاسفنجة المغمورة بالمويه! وش هالحر! انا هربت من حر الرياض علشان يجيني حر اسوأ منه! عالاقل في الرياض فيه مكيفات بكل مكان!

وبكل خفة وبساطة يقول لي عامل الفندق، معليش بس العامل ما جا يصلح المكيف للأسف! نصاب وكذاب! هم ما يبون يصلحون مكيفاتهم لانها مو مستاهلة بنظرهم علشان هاليومين بالسنة الحر (وأنا وصلت فيهم)

وآخرتها ركبت الميترو الغلط بعد منتصف الليل وضعت قريب من قصر فرساي

ذكرى سيئة بباريس للأسف

تحياتي

مواضيع عشوائيه ممكن تكون تعجبك اخترناها لك:

• سؤال جدأ هام
• احتاج مساعدة عاجلة يا اهل فرنسا
• باص او ميترو
• مطلوب شقق فندقية نظيفه قريبه من الشانزيليزيه
• ماي هني مون باريس انسي
• ô é
• موضوع مفصل عن منتجع ديزني لاند باريس
• ياأهل الخبر ابغا مساعدتكم في تنظيم رحلتي جزاكم الله خير
• كم الوزن المسموح فيه؟؟؟
• رحلة سوريا والأردن في ثلاثين يوما
• أيام في باريس
• الامارات ابوظبي
• اين يباع المانطو خامه ممتازة وسعر جيد
• 15 يوم في فرنسا وهذه اول زياره لدوله اوروبيه
• التكلفه
• استفسار كيف اخرج من مطار باريس و التوجه للمترو
• با غ يس و نيس تحت الدراسة و التدريس يا آخوان
• جدول في باريس
• نصائح هامه فى رأى المتواضع
• موقع ديزني باريس لا يقبل شراء ببطاقة ائتمانية من خارج فرنسا

خخخخخخخخ خيرها بغيرها وان شاء الله تعوضها

ما أظن إني بروح مرة ثانية، بس العلة بالفندق اللي ما ارتحت فيه! وتوني اشوف تقييمات النزلاء بموقع بوكنق، فيه تعليقات من شهور يشتكون من المكيف! يعني انهم متعمدين ما يصلحونه! لا واربع نجوم بعد!

والا سالفة اني تهت بضواحي باريس، هذي بحد ذاتها مغامرة آآخ بس

هههههه ياخي ماتجيك غير المغامرات و التجارب اللي بتستفيد منها
حنا جربنا نفس تحربتك بالضبططط قبل 3 سنوات جلسنا فيها يومين و كان الفندق بضاحيه و ضيعنا سبعطش مره بالميترو
و حالتنا حاله بس ان شاءالله رايحين هالصيف و نغير راينا

ان شاءالله تروح لها مره ثانيه و تغير رايك فيها لان باريس فعلا تستحق الزياره

الله يكون بالعون اخوي عبدالرحمن كله يهون الا الضياع

خيرها بغيرها إن شاء الله والمرات الجاية ركز شوي
حمدا لله على السلامة إن رجعت وإقامة طيبة إذا مازلت

الحمد لله على سلامتك والمرات الجاية ان شاء الله ما في مشاكل
انا شخصيا ذهبت كم مرة في الصيف وصادفت ايام حارة وايام ممطرة وايام بارده

انا لما قرأت العنوان خفت من مصايب اكثر من هذه مثل ضياع الجواز - سرقات - الغاء حجز الفندق

بسيطة يا عبدالرحمن اعطيهم فرصة ثانية

الحمد الله علي السلامة

الله يعوض ايامك بايام اجمل ان شاء الله

أخوي عبدالرحمن

قدر الله وماشاء فعل...والله العنوان يخوف


وبالنسبه...للحر...والضياع... الله يلوم اللي يلومك...

وهذه الحياه تجارب...

هونها وتهون وعلى قوله المثل ( كل طقه بتعليمه)...

أختك أم عبدالعزيز

الحمد لله ع السلامه وان شاء الله ربي يوفقك بسفره لها في وقت مناسب ويكون الجو اكثر من رائع يمحي الذكرى السيئه الي انت شايلها.

اخي الكريم اوروبا كلها تشهد موجات حر كبيرة وزادت عن السنه الماضيه كمان لا تنسى انك انت اخترت فترة الصيف انا سافرت في شهر مايو كان الجو ممتاز بالنهار وبالليل برد والجو عموما في اوروبا متقلب تصادف جميع فصول السنه في يوم واحد عادي جدا

بالنسبة للفندق ممكن تلوم الفندق او تلوم نفسك على الاختيار دايما اختار الفندق المجرب من قبل الاعضاء ولا تعتمد على مميزات الفندق المكتوبة في بوكينج او صفحة الفندق لان بعضها يكون كلام بس حشو على الفاضي كلام تسويقي وجذب لا اقل ولا اكثر

بعدين انت تضايقت من كلام العامل في الفندقلما يقولك العامل اليوم ما جانا

طيب ايش رايك ان فيه عضوة بالمنتدى راحت لفندق وقالوا لها لا عاد تسكنين عندنا هنا لو سمحتي واطلعي برا ايش رايك بالاسلوب هذا وحصل هذا الشيء وفي دوله اوروبيه كبيرة جدا لن اذكر اسمها وانا بنفسي قريت موضوعها في هذا المنتدى

بالنسبة للمترو اخي الكريم فيه يمكن 4 شروحات وافيه من الاعضاء بالصورة وكانك تعيش اللحظة وكانك استخدمت المترو قبل لا تركبه , وكمان فيه مكتب معلومات في كل محطة كان يمديك تروح تكلمهم او على الاقل تعطيهم اسم اقرب محطة للفندق حقك وهم يعلمونك بالتفصيل الممل كيف توصل للمكان اللي تبيه , كمان الشعب الفرنسي طيب ومتعاون و سالتهم كان دلوك

بالنهاية استوقفني رد العضو محظوظ حينما قال لك





انا لما قرأت العنوان خفت من مصايب اكثر من هذه مثل ضياع الجواز - سرقات - الغاء حجز الفندق



بالفعل هذي الاشياء اللي الواحد من حقه يتوتر ويزعل لو صارت معه لا قدر الله اما عن ما تكلمت عنه يعتبر موقف شخصي تتحمله انت بنسبة 99% من ناحية السفر في وقت الصيف واختيار الفندق الذي لم يحالفك الحظ فيه وايضا ركوبك للمترو وعدم المامك فيه بما يكفي

لا اريد ان اكون قاسي عليك لكن ليتها اكبر المصايب وانا اخوك المصايب الكارثية قالها العضو محظوظ





انا لما قرأت العنوان خفت من مصايب اكثر من هذه مثل ضياع الجواز - سرقات - الغاء حجز الفندق



بالنسبة لي اشوفها امور طبيعيه لا تقلل ابدا من جمال فرنسا

مشكلة الاعضاء تلقاه يا انه يخلي الدوله اللي راح لها افضل دوله بالعالم لو انها ما تسوى ويقدر يخليها احسن واجمل واروع دوله بالعالم لو انها دوله نسبة المتعه السياحيه فيها لا تتعدى 40 %

نذكر محاسن ومساويء الدوله بدون ما نرفع بالدوله ولا ننزل فيها كذا يكون الحكم العادل

شكرا لك ,,

و الله جو باريس ما عرفنا له النهار حر و شمس و بالليل برد .....

حاسه بشعورك اخي الكريم لاني في نهاية 4 من هاذي السنه زرت كذا دوله وعلى حظي يوم رحت انترلاكن كانت الشمس قووويه موت بغيت اطيح قلت لزوجي مانبي نقعد فيها كلش ماعجبتني .. مع اني يوم زرتها في عز الشتاء وعز ماهي مغطيه بالثلوج حبيتها اكثر .. سبحان الله الجو يخليك تحب المكان او تكرهه

السلام عليكم و رحمة الله و بركاته

مدة زيارتك لباريس يومين فقط؟؟ انا عن نفسي اول يومين كرهت باريس
ربما كان لازم تطول مدة الزيارة عشان تفهم باريس و تحبها أكثر
انصحك تعطيها فرصة ثانية و تزورها مجدداً في غير الصيف.. على الأقل 10 أيام
و بالنسبة للمكيفات انا عانيت من نفس مشكلتك كل الفنادق مكيفاتها سيئة
اعتقد ربما لأن باريس مبانيها قديمة جداً

لك مني اطيب تحية.

جد قدر الله وماشاء فعل زين انها جات على كذا فعلا العنوان يخوف

أهم شي انك بخير

وان شاء الله تعيدها بظروف احسن

مساكم الله بالخير الجميع انا رايح 16-19 باريس يمكن امدد ,,
بالنسه للضياع عادي الواحد يأخذها استكشاف مكان غير اللي
يبيه .. للعلم انا متردد أستأجر سياره إلا لا ,,
شرايكم يا أخوان وأخوات هل تسوي السياره في باريـس
لاني طلع لألمانيا .....

يا إخوان أنا الحين بكندا .. تخيلوا كندا! واكتب لكم والعرق يسعبل من على جبيني الطاهر

بصراحة ما كانت كذا أوروبا وكندا في السابق! وش اللي صار؟ والمشكلة انهم مو متعودين على المكيفات مثلنا إذا جانا برد قارس في الشتا ومو مستعدين للتدفئة ..

واللي قال حسبنا ان جوازك ضاع، والله كان بيضيع وانا اخوك! يوم وصلت لندن وانا قمة في التعب، واركب التاكسي وأنسى الجاكيت اللي فيه الجواز على كراسي المطار! بنص الطريق تذكرت، قلت للشايب راعي التاكسي بسرعة ارجع!! الجاكيت الله لا يرده مابيه بس الجواز! مصيبة! قال لي طيب طيب الحين برجعك، رجعني وكنا ماشين نص المسافة،له وهاتك يا ركض لين وصلت كراسي المطار و .. الحمدلله حصلته بس هالغلطة كلفتني 40 جنيها إحم .. لا وفوق كذا يعاتبني الشايب البريطاني اللي اخذ بقشيش 5 جنيه غصب

اما سالفة الضياع في فرنسا، يا إخوان لو ضعت بعد الظهر اوكي، بس تأملوا متى ضعت، بنص الليل! وليه ضعت من الاساس! السبب اني رحت برج ايفل متأخر بالليل، وصلت الساعة 11 ونص ادري اني متأخر بس المواصلات هي السبب .. وآخذ كم صورة مع البرج وبسرعة ارجع محطة الرير قبل لا تصير الساعة 12 مثلما وصاني اخوكم فيصل (




مرت المحطات وانا اتابعها وأقرأ اسماءها وبعد التحقق اكتشفت بأني ركبت الميترو الخطأ! وأنني متجه آلى احد ضواحي باريس البعيدة اعتقد إلى قصر فرساي. فنزلت بسرعة بأقرب محطة وسألت العامل هناك كيف اصل لوجهتي وأنا اريه الخريطة ومكان فندقي??? قال لي انت وين ووجهتك وين وشوف الوقت كم يا ابني!! ثم بعدها اخبرني بأنه علي الذهاب إلى محطة اخرى قريبة لكي الحق بميترو الساعة الواحدة. سألته عن تاكسي يمكن اخذه فقال لي لن تجد. فخرجت من المحطة حيث ارشدني العامل وظللت امشي بخط مستقيم في مكان موحش بين الاحياء المظلمة ولا يوجد بها إنسي. لم ادري ماذا سأفعل ولم اعرف اذا كان هذا الطريق الصحيح اصلا ام لا. فمررت على شابين فرنسيين يتكلمان فسألتهما اين المحطة واخبرتهما عن وجهتي بالخريطة التي احملها فقال لي احدهما فلان صديقي سيأخذك إليها فهي في طريقه. ذهبت مع الآخر ومشينا طويلا ولم يكن هناك اي شخص نهائيا! على الرغم من انني خفت ان يكون هذا الشاب مجرم خطير قد يأخذني إلى مكان آخر ويسرق محفظتي ويقتلني. ولكن بدت عليه ملامح الطيبة. فاستسلمت لقدري وذهبت معه وفعلا اوصلني للمحطة ولكن لم نعرف متى سيأتي الميترو فنحن بعد منتصف الليل. وحاول جدا مساعدتي وأخبرته بأنني اريد تاكسي إذا كان هناك رقم معين نتصل به. لم يعرف وحاول أن يبحث في المحطة عن ارقام للتاكسي. ولكنه لم يجد. ونحن في الخارج بجانب المحطة إلا والنور يشع بنهاية النفق. هناك تاكسي قادم!! اشرت إليه بيدي بسرعة فجاء نحونا وكان سائقه ملتحي وتبدو عليه ملامح عربية. اعطيته عنوان الفندق وركبت معه بعد أن صافحت الفرنسي بحرارة وشكرته للغاية. ورجعت إلى الفندق مع السائق الذي عرفت بأنه تونسي وتكلمت معه بالعربية. إلى ان وصلت الفندق بعد طريق طويل جدا.



والمشكلة إني لو اخذت الميترو، ما ينفع واحد بس، لازم اكثر من واحد، وكل واحد يبغاله ساعة او اكثر علشان يجي، يعني ما بوصل الفجر وعندي رحلة بكرا!

وعلى فكرة، التاكسي في فرنسا أرخص بكثير من بريطانيا، ولو اني كنت عارف هالشي ما استخدمت الميترو ابدا ..

وفوق كل هذا، ما انسى ابتسامة الحرمة حقت الريسبشن اول ما وصلت الفندق وانا مستوي زيادة، وتقول "انت محظوظ" علشان كان اول يوم تشرق فيه الشمس من فترة .. يا إني محظوظ

ادعولي انا مريض اول ما وصلت كندا بسبب تغيير الجو ..

اخوكم عبدالرحمن

ههههههه أهم شي انك محظوظ

والله سالفتك سالفة ياخوي وانا مجربة هالمواقف والشعور هذا بالسفر أكيد يتعكر مزاجك بس لازم تطوف وتتفاءل

وان شاء الله الغد أفضل من الأمس..ماكل ما يتمنى المرء من سفرات يدركها تأتي الرياح بما لا تشتهي السفن

ويكفي انك محظوظ

الحمدالله على كل حال والله كريم ان شاء الله

اليوم الجو رائع بس الايام الماضيه الجو مشمس بس مع هوا .. في الليل الجو بارد

الاوتيل اذا كانت تجربتك فيه سيئه انطباعك عن البلد يكون سيء ايضا .. الله يعوضك

بسفره اجمل يارب . عموما باريس ماعليها حسافه ..

حمدلله علي السلامه وما تشوف الشر
اشوا ان موجه الحر ما كانت بس في فرنسا ورضيت عليها
عاد سالفه المترو وصار خطأ بالله عليك وش أسوي أنا لا تلومني يرحم والديك لأنك محظوظ بالجو المشمس خخخخخخخخخخخ

تقوم بالسلامه ان شاءالله
والحمدلله لقيت الجواز

انا حاجز على نفس الفندق من تاريخ 17 يوليو و لغاية 26 ....الله يستر خلوني الحق اغير الفندق قبل لا اتبهدل
تجارب النس ...لناس فوائد
الله لا هانك

هذآآ السففففر ....ممكن تمر عليك مواااقف تخليك تكره الديره بكبرهااا .....وهذا غلط .... كان يوم ضعت ابتسمت ههههههه تفاءل عادي .... كلنا تصير لنا مواااقف ونطوووفها بأكشششششن ليش نعكر جوووو سفرتنا @@


تحيااتي

أخوي عبدالرحمن
روح حلل سكر لا يكون طاخك ونت متدري
ماقدامك غير العافية أن شاء الله
والله يعنديلك مزرعة صغير " بستان" يرد الروح أذا شغلنا رذاذ الموية والمكيف الصحراوي بجنب الدكة الخارجية بين المزروعات يجيك هوها بكل لطف ونسيم عليل
تدغدغ صدرك
كنك في جبل لبنان برمانا
دمت بود

فعلا أنت محظوظ أخوي عبدالرحمن

بأن الله حفظك من كل شر رغم هالضياع بآخر الليل

وخيرها بغيرها....

هههههههههه والله الدنيا حظوظ احنا اول 3 ايام تقريبا كانت بارده لدرجه تلبس جاكيت بالصبح .. ثم قلب الجو صيفي ..
وطلعنا من باريس تقريبا يوم 28 يونيو ..

ورحنا لندن ونفس السياناريو تكرر اول يومين برد ثم يعتدل الجو ..

تعوضها بغيرها ان شاء الله

حالك من حالنا استغفرالله انا في سويسرا استغفرالله كرهتها من كل قلبي حر موووت واغلب الفنادق نفتر عليهم لي الليل مافي تكييف استغفرالله
هذي سويسرا اللي يتكلمون عنها .. استغفرالله الجو كلش حار جو الكويت احسن لان التكييف متوفر في كل مكان
الحرارة بالثلاثينات لالالا ما استمتعت الصراحه ..
والريحه الخايسه تفوح بكل مكان تشوف الطبيعه حلوه تجنن بس لاتشم الروايح وانتوا بكرامه ريحة الحيوانات تفوح مع الحر كاني امشي بجانب يواخير مو في ربوع سويسرا

انتم رايحين بوقت سكان هالمدن ينحاشون منها

معووووووووض خيرررررررر