السلام عليكم ورحمه الله
تحيه طيبه للجميع
ابيات راقت لي لأبن العم للشاعر فراج الدوسري
يالربع لا تشرهووون علي والله من حبي للشعر اني ما عاد اتكلم الا بالشعر
حتى امي الغاليه اذا وصتني بشي والله ما ارد عليهااا الا بالشعر
عشان كذا تحملوناا شوي
يابحر من للغريب اللي طوته همومه ؟!
...................................فرّ من ضوضاء المدينة فآخر العصريّة
يابحر جالك سجين آهاتـه المكتومـة
...................................كلما وقّـف أمامـك حـسّ بالحريّـة
يابحر بالك مثل بعض العبـاد تلومـه
...................................خلّه يْفضفض عليك السيـره الذاتيّـة
الغريب اللي تغرّب عن ضناه وقومـه
...................................عزتي له كلمـا هبّـت لـه الشرقيّـة
واحدٍ من ضيقته ضاقت عليه هدومـه
...................................الدقيقة من ثقل وقتـه سنـة هجريّـة
الزمان يسوق من فوقه سواد غيومـه
...................................خايفٍ يغتـال كـلّ أحلامـه الورديّـة
والعباير حشرجت بالصوت في حلقومه
...................................لو نطق كلمة : تفيض العبره المخفيّة
لكن بدمع الحزن شحّت عليه عزومـه
...................................وارتفع راسه وصدّ وفي ضميره كيّـة
واتجه للقبلة وصلّى تحـت ديمومـة..
...................................ركعتينٍ خاشعـة وأجـواء روحانيّـة
ثم عـوّد للمدينـة ماشعـر بهمومـه
...................................مامعه غير الشعر وأحلامـه الورديّـة
رد مع اقتباس
المفضلات