الموضوع: استفسار بخصوص المناطق والطيران تكفون محتاج لكم

السلام عليكم
يعطيكم العافية

انا في بالي أروح بريطانيا لغة سواء بالالتحاق بمعهد او السكن عند عائلة بدون معهد واعيش حياتي اليومية بمحيط خالي من اللغة العربية واتعلم الانجليزي نفس الخدم اييون ما يعرفون عربي ويطلعون فاهمين كل كلمة
المهم ..
الخطة اللي في بالي أني اسكن في Bournemouth شرايكم بالمنطقة من ناحية الامن والغلاء والاماكن وطبيعة الناس ؟

واجهتني مشكلة وهي ان الطيران يا غالي يعني 2000 دولار تقريبا او ان يكون 1200 دولار بس ترانزيت 15 ساعة
شنو الحل ؟!

لقيت رحلة وحدة رخيصة وما فيها ترانزيت مدته طويلة بس تنزل في مطار Southampton هل أني انزل بهذا المطار وآخذ تكسي لي Bournemouth فكرة مقبولة ولا فيها غيرها ؟


وحبيت أسالكم

شنو المناطق اللي تنصحوني أسكن فيها عند عائلة وشنو اسم المطار اللي انزل فيه حق كل منطقة لأن في مناطق ماني عارف اسامي مطاراتهم ؟
مع مراعاة ( سعر المعيشة - امان يعني لو بطلع بروحي ما احاتي )
وإذا بحجز شنو أحسن الطرق مكتب سفريات ولا مواقع ؟ واتمنى تعطوني موقع مضمون وموثوق فيه واللي عنده موقع للعائلات مضمون يعطيني اياه ولا عليكم امر

اخوكم محتاج لكم لا تردوني


---

مواضيع عشوائيه ممكن تكون تعجبك اخترناها لك:

• استفسار عن متطلبات جامعة كامبردج
• ابي فزعتكم بخصوص الماستر
• ارغب في تعلم اللغة الانجليزية بدون دراسة
• ياناس وين القى الاستمارة
• سؤال لكل الدمشقيـين
• أيهما أفضل اكسفورد بروكس أو نيوكاسل ماستر تربية
• الاقلاع يوم الاربعامارس باليلمين معي ؟؟؟؟
• برنامج نقطة ضوء ومعلومات جديدة عن برنامج الإبتعاث الدفعة الثانية
• ابي منطقة ريفيه قريبه من لندن
• مطلوب عائلة في بورموث اخوكم مزنوق
• الى الأخت بنت الصقور الرجاء الرد بحكم خبرتك
• كيف طريقــــة حجــــــــز المواعيـــد في السفاره على الموقع الجديد
• الى الشباب
• تخصصات الماستر لخريجي الكيمياء
• اريد معلومات عن
• تكفون طالبكم من يساعدني
• ابغى اعرف كم مدة الفيزا لطالب f1
• موعد السفارة يوم الاثنين
• كوستـآ ميســـآ ـأورنج كــــــــــآونتي كـآليفورنيـــآ
• جامعة كــــــارنـــفـــلد

شدعوة محد يعرف جواب واحد على الأقل !!

بورمث ما فيها كلام مدينة هادئة وجميلة واهلها متعودين على السياح ،،، بالنسبة للطيران اشوف ان المدة طويلة مع الترانزيت ،،،، يعني انت من وين بتسافر؟ من السعودية تقريبا حوالي 6 ساعات .

لو رحت عن طريق Southampton احسن لك تاخذ باص عشانه ارخص

لكن اللي اعرفه انه من الطيران يروح لمدينتين هناك فقط لندن ( مطار هيثرو ) والمطار اللي بمانشستر .

أما المطارات الثانية فما ادري عنها . يعني مثلا بورمث فيها مطار ينقل لاسبانيا ودول اوربا لكن ما يروح لدول عربية .

إذا انت رايح تدرس فالافضل ان المدرسة تختار لك العائلة ولو لم ترتاح تطلب منهم التغيير ،،،

بالنسبة الدعوى امان لكن افضل ( اوفضل ) عدم الخروج ليلا نهائيا ،،، وهذا ما امشي عليه .

انت تسال عن افضل المكاتب للذهاب والتنسيق ،،، انت من وين عشان نقدر نخدمك .

يعطيك العافية اخوي على التجاوب الطيب مع موضوعي

أنا من الكويت ولقيت خطة بخصوص الطيران اني انزل هيثرو واروح بورمث عن طريق انترناشونال اكسبرس ( باص الحملات )
التذكرة بدون طيران داخلي تفرق نص السعر بالإضافة اللي التجول داخل بريطانية ورؤية المناظر

وشرايكم لو اني بس اقعد عند عايلة بدون معهد ؟

رأي انك تدرس ولو فترة بسيطة يعني اقل مدة في اليوم لأن النهار طويل وصدقني بتحس بالممل إن لم تدرس

أيضا العائلة لن تكون موجودة طوال اليوم معك .

إن لم تدرس فأفضل ان تذهب وتبحث عن مدرسين او مدرسات خصوصيات ،،، ولكن اسعارهم غاليه يعني اقل شيء تلقاه ب 15 بوند بالساعة .

إذا كنت رايح وتبي تتغرب افضل ( اوفضل ) ان تدرس منها شهادة وقضاء وقت ممتع مع الطلاب وبعد ما تخلص عندك النهار كله .

مثلا تدرس من الساعة 9 وتخلص 12 .... ما اشوفها مدة طويلة . بعدها رح للي تبي .

يعطيك العافية أخوي ....

بصراحة أنا كنت شايف ef وكان 1500 دولار تقريبا 4 اسابيع ( في واحد مادحة لي )

طلع محد يمدحه كلش

اللي صار اني انصدمت فقلت المبلغ اللي معاي ما يكفيني أقعد 3 اشهر عند عايلة ومعهد فقلت عايلة بدون دراسة واتعلم

من الممارسة ولا اروح شهر واقط كل اللي بجيبي

طلعت المعاهد وايد ارخص من ef