ابشركم خلصت 50 % من المشوار
وباقي 50 % 
يوم الثلاثاء الماضي 3/11 /2009 كان موعدي في السفارة الامريكية
رحت لهم الساعة 8.30 وكان موعدي الساعة 9 صباحا ....
المهم السرى اللي برى السفارة كان طويل وجلست في السرى حوالي ساعة ونصف
وتوقعت ان الموضوع فيه مشكلة يوم جاء دوري عند الشباك طلب مني ورقة الموعد
عطيته اياها شيك على القائمة اللي عنده بعدين قالي تفضل ؟؟؟؟؟؟؟؟؟؟
طيب ليش الزحمه والتأخير والموضوع سهل ؟؟؟؟؟؟؟؟؟؟؟؟
المهم دخلت وفتشوني ودخلت الصالة واخذت رقم وجلست انتظر حوالي ساعة ونصف برضه
على ما وصلني الدور المهم رحت للشباك وعطيت الموظف اوراقي وهي كالتالي :
- تعريف من العمل باللغة الانجليزية
- كشف حساب لمدة ثلاثة اشهر باللغة الانجليزية
- ورقة التسديد في بنك سامبا
- صورة من الجواز
- الجواز
- صورة شخصية
- النموذج رقم 156
طبعا انا مقدم على فيزا سياحية
المهم ما كنت ادري عن النموذج 157 قالي الموظف وينه ؟؟ قلت والله محد قالي !!!!!!
المهم عطاني نموذج 157 وقالي املاء البيانات اللي فيه وارجع لي
ملأت النموذج ورجعت للموظف وعطيته الاوراق قالي رح للصالة الثانية وانتظر رقمك وراح ينادون عليك
رحت للصالة الثانية وانتظرت حوالي ربع ساعة وطلع رقمي ورحت للشباك وبصمت بعدين قالي انتظر وراح
ينادونك للمقابلة ..... وفعلا رحت وانتظرت وبعد حوالي 10 دقائق طلع رقمي ورحت للشباك وقابلت الموظف
وسألني عن سبب ذهابي لامريكا وهل فيه شخص اعرفه وابي اروح له ووينه فيه وسألني عن عملي وراتبي
وطبعا كل هالاسئلة اساسا في الموذج اللي عنده وفي الاوراق اللي عنده المهم انه قال خلاص تمت الموافقة
وعطاني كرت اصفر وقالي راح تستلم الجواز خلال اسبوعين او ثلاثة
رحت لفيدكس وملأت نموذج عندهم وعطيتهم الكرت الاصفر وعطاني ايصال وقالي وين تحب تستلمه من اي فرع
ودفعت لهم 65 ريال
طبعا فيه سؤال هل فعلا انتهت السالفة والا ممكن يمرمطوني ؟؟؟؟
المشكلة ان الجواز عندهم وبكذا راح اتعطل لو تأخر الجواز لو حبيت اسافر وخصوصا ان عطلت عيد الاضحى قريبه
فأرجوا من الاخوان اللي عندهم خبره في الموضوع يفيدوننا
مواضيع عشوائيه ممكن تكون تعجبك اخترناها لك:
رد مع اقتباس
المفضلات