الموضوع: بستاجر سياره في امريكا فزعتكم

ياشباب والله اني محتار وكذا واحد عطاني نصيحه بس ابي نصيحتكم
انا بستاجر سياره في سان دييغو وبطلع فيها لسان فرنسسكو ولوس انجلس ولاس فيقس 15 يوم وابي سياره حليوه بس ماتكون صغيره ابيها لشخصين دخلت البرايس لاين بس ماوضح لي اي سياره يعني على عماها ولقيت بريميم وفل سايز وستاندر ومدري وش اختار فيها بعدين لو احذتها هل بقدر اطلع فيها لاي ديره وشرط الكيلوات مفتوحه مو مثل عندنا
سوالي لو البرايس لاين كويس قولو لي علشان اتوكل على الله واذا عندكم موقع ثاني استاجر منه سياره وتكون سعرها معقول وابي اي نوع تنصحون به
ملاحظه معنا شناط كثيره مابي سبور

مواضيع عشوائيه ممكن تكون تعجبك اخترناها لك:

• هل هناك أماكن توفر تذاكر رخيصه للمدن الترفيهيه
• وصلت الفيزا
• هام وارجو المساعدة
• الاخ امباكت تم رفض طلبي
• تجربتي مع مقاعد الأطفال للسيارة في اورلاندو
• استفسار بخصوص
• معلومات عن
• هل في حل
• انا شاب من سوريا اريد الحصول على الفيزا الامريكية كيف ؟ وكم ثمنها ؟؟؟؟
• الافاده لوجة الله
• بالنسبة لمقاسات الشنط على الطائرات الامريكيه
• اورلاندو بليزززز
• عندي نخطط سفر لأمريكا وابي اقتراحاتكم ونصايحكم
• استخدام الجواز الأمريكي فزعتكم
• ضروري السيفيس
• اقدر اطلع فيزا بريطانيه خلال وجودي بامريكا؟
• أخي والأخوة الأعضاء بعض المساعدة منكم
• شنوا احلي سياتل او سانديغوا او لوس انجلس ؟
• وصول واشنطن اليوم الاغراض الاميقريشن
• ابي رأيكم في مخطط رحلتي واقتراحاتكم تهمني

مادري عن باقي الاخوان بس انا افضل احجز من المطار .. مثلا إذا انت بتوصل سان ديغو شوف الشركات الموجوده في المطار و احجز من الموقع و اختار نوع السياره بريميم أو فل ..الخ و لما توصل هناك تعطيهم رقم الحجز و راح يوريك السيارات من كل فئة و انت اختار و راح يشرحلك نظام المايلز و التأمين ... الموضوع بسيط جدا ...

آسفه على المداخله أخ موظف بس عندي سؤال لبنت الصقور الله يجازيها خير

هل كل الشركات تطلب رخصه دوليه؟ وإذا نعم كيف نحصل عليها لأن ماعندنا فكره عن هالموضوع آنه وزوجي.

المشاركة الأصلية كتبت بواسطة sarah24_76
http://www.arabtravelersforum.com/tr...7/#post3411999

آسفه على المداخله أخ موظف بس عندي سؤال لبنت الصقور الله يجازيها خير

هل كل الشركات تطلب رخصه دوليه؟ وإذا نعم كيف نحصل عليها لأن ماعندنا فكره عن هالموضوع آنه وزوجي.




اختي الكريمة ممكن تحصلي على الرخصة من بعض مكاتب الاسياحية

تسويها لكم بس هناك بعض الشركات ماتهتم لها مثل الرخصة الاساسية

من دولتكم وخاصة الجديدة المترجمة

وتقبلي تحياتي

أهم شي في الرخصة يكون الأسم بالانجليزي و الصورة و تاريخ الميلاد ... إذا كانت المعلومات موجودة بالانجليزي تمام ...

احد يتكرم ويشرح لنا طريقة التأمين يعني لو صار حادث اصطدام لاسمح الله
ايش هو اسم التأمين اللي لو اخذته ما اتحمل اي تكاليف
شكرا لكم

الله يعطيكم العافيه وماقصرتو بس انا اللي سمعته لو استاجر من المطار بيكون السعر اغلى بكثير على ماعتقد لكن ماني متاكد
وبالنسبه للتامين بعد لو تفيدوني انا والشباب اكون شاكر

مرحبا اخوي موظف وبالموجودين جميعا ...

انا راح اجاوبك عن الاشياء اللي اعرفها ... اولا عند الايجار خل معك رخصتك الحالية اذا كان فيها اسمك وباقي المعلومات بالانجليزي بالاضافة الى الرخصة الدولية كاحتياط وتقدر تطلعها من اي مكتب سياحي ... هذي الاشياء اللي يحتاجونها لايجار السيارة ...

ثانيا بالنسبة للتأمين فهو غير اجباري لكن حط في بالك ان اي شي يسير في السيارة راح تتحمله انت عشان كذا افضل انك تأمن وتسوق وانت مرتاح ... وهناك ثلاثة اشياء تختارها للتأمين وتقدر تختارها كلها او بعضها او ولاشي وهي كالتالي:
1- loss damage waiver وهذا هو اهم واحد والمقصود منه اذا السيارة انسرقت او جاها خدش او الزجاج انكسر او الحوادث لا قدر الله اذا الخطأ مو عليك فما عليك اي شي هم يتحملون كل شي.
2- liability insurance supplement وهذا انا اشوفه ايضا مهم وهو يغطي لا قدر الله الحوادث حتى اذا كنت انت المخطأ فلا تتحمل اي شي لا سيارتك ولا سيارة غيرك فهذا التأمين يغطي الحوادث لجميع الاطراف.
3- Personal Accident Insurance / Personal Effects Coverage هذا التأمين اللي عاد يرجعلك انت وهو يغطي اذا كان عندك اغراض بالسيارة وانسرقت او لا قدر الله اذا ما عندك تأمين صحي وصار حادث وفيه اصابات فهو يتحملها طبعا في حد معين للمبلغ.

بعد ما عرفنا انواع التأمين الحين لازم نعرف كم راح يكلفنا ... حط في بالك ان التأمين قد يكلفك اكثر من قيمة ايجار السيارة واسعارها كالتالي:
بالنسبة للأول يختلف من سيارة الى سيارة بس غالبا 15دولار في اليوم والثاني 12.95 دولار في اليوم والثالث 5.95 دولار في اليوم.

واذا تبي تستأجر انا انصح انك تستأجر من المطار لان كل السيارات تكون كثيرة وانواعها مختلفة .. صح راح يكون المطار اغلى بس صدقني الفرق ما يسوى يعني اللي راح تدفعه للتاكسي من المطار الى مكتب الايجار هو نفس فرق المبلغ تقريبا ...

ولاحظت انك تبي سيارة انت عارفها .. اغلب مكاتب الايجار تقولك اذا جيت تستأجر من مواقع النت عندنا هي السيارة او سيارة تشبه لها ... بس في موقع هيرتز لايجار السيارات فيه فئات تقدر تختار السيارة اللي تبيها بالضبط مثل فل سايز تقدر تختار كامري وانا انصح فيها اذا انت راعي خطوط والميزة اللي عندهم انه ما فيه حدود للمايلات وتقدر تختار اذا تبي نافيقاشن ... انا جربت من موقع هيرتز اخترت كامري لمدة 15 يوم من مطار لوس انجليس مع التأمين الاول والثاني ومفتوح المايلات 752 دولار وتقدر تروح فيها لاي ولاية في امريكا ... صراحة سعر ممتاز للي يبي راحة البال ويسوق وهو مرتاح بأذن الله ...

اتمنى اني جاوبت على استفساراتك واستفسارات كل الموجودين واسف اذا ما وضحت او نسيت شي.

sapd
يعطيك العافيه ياكنق ونخدمك بالافراح ان شالله

sapd كفيت ووفيت الله يجزاك خير كنت راح أسأل نفس سؤال اخونا موظف لكن فعلا انته ما قصرت شرح وافي
يا الغالي