السلام عليكم
انا الحين في بورمث وتحديدا في شار ع الشارمنستر الاجواء جميلة جدا والامور ابشكم زينه .
انا شفت كم سؤال اللي يبغى مدارس للصغار ،،،
فيه في نفس المدرسة اللي ادرس فيها كابتل سكول ،، طلاب من عمر عشر سنوات تقريبا وحتى 16 ويكونون في فصول لوحدهم . ويشرف عليهم معلمين خاصين . وينظمون لهم برامج خاصة بهم رياضية ورحلات وغيره .
ابقول لكم وش صار لنا انا واثنين من الشباب ،،،،
سجلنا في كابتل سكول ويوم وصلت لندن ،،، كنت ناوي نجلس فيها يومين حتى يجي يوم الاحد ونروح للعائلة ،،،
عاد انا ما شفت الايميل الا يوم السبت وش هالمفاجأة ،،، صراحة تحطيم ،،، لقيت انهم حاطينا في عائلة واحدة
بالعربي عطونا بيت لحالنا وكل واحد له غرفه فيها سرير ودالوب ،،، البيت فيه مطبخ وثلاجة وعسالة
ايضا صالة مطلة على حديقة .
وعطونا كل واحد مفتاح ،،،
بصراحة في البداية ضاق صدري وقلنا ما نبي مع بعض وحنا جايين نتعلم انجليزي ونبغى نسولف مع العائلة
المهم قالوا ما فيه عندنا عوايل ،،، وحنا الحين مزحومين مرررررررررررة
بصراحة مع مرور اليوم الثالث ،،، حسينا ان الامور احسن وانا ببيت واحد اوسع صدر واريح من ناحية الصلاة والرجوع المتاخر نوعا ما للبيت ،،، وما فيه احد يسألك ليه تأخرت وغيره .
اللي ودي اضيفه بعد ،،، ان العائلة اللي لهم البيت قالوا تعالوا كل يوم تعشوا عندنا ،،،
يوم جينا اليوم الاول وحطوا العشاء ،،، كان فيه في بيتهم ثلاث طلاب ،،، بنتين وولد ،،، الولد عمرة 10 تقريبا من فرنسا يا حليله كتكوت ،،، وبنت من البرازيل عمرها يمكن 11 وبنت ثانية من اسبانيا عمرها 16 .
عاد عرفت ان المدرسة تنظم ارسال الطلاب حتى عند العوائل ...
لكن بصراحة تعامل مدير المدرسة غير جيد ،،، يعني ما يسمح احيانا بالمناقشة وشايف نفسه على غير سنع
طبعا انا حبيت اكتب لكم بعض الاخبار عن المدرسة وما ودي امدح والا اسب ،، المدرسة ما فيها عرب كثير لكن زي ما قلت لكم ان المدير وبعض العاملين فيها نفوسهم بخشومهم ...
يا شباب ويا شابات انتبهوا للي يرسلون اولادهم هناك ،،،، تصدقون في نفس المدرسة في شاب سعودي عمرة 15 او 16 تقريبا قاعد يسولف مع بنات ومع السوالف كان يخمخمهن ،،، ( يعني يعانق ) عاد مدري فهمتوا والا لا ،،، يعني hug
اقول لكم يعانقهن في ساحة المدرسة ويضحك ،، والله اني انقهرت عليه ،، وما اقول إلا ذنبك على اللي ارسلك يا وليدي ،،، الله يصحله بس
المشكلة بعد ما خلص فيه واحد من اللي يعملون بالمدرسة قام يشيله ويحطه وكانه ولده ،،، اه بس يالقهر .
لكن لا بد اني راح امسكه واكلمه واللي يصير يصير .
تكفون انتبهو لعيالكم تراهم امانة .
استودكم اللهمواضيع عشوائيه ممكن تكون تعجبك اخترناها لك:
- مساعده قبول ماستر كيميا مشروط
- تكفون يا اهل الخبره دلوني ويش اسوي؟؟؟؟؟؟؟؟؟
- متى موسم الثلوج في لندن وكم استفسار
- إنهاء ابتعاث الطلاب غير المواظبين والمخالفين لـحد الساعات هــــــــــــــــــــام
- استفسار عاااااااااااااااااااااجل ارجو الدخول ابي فزعتكم
- دراسة بكالوريوس المحاسبة
- استفسار هام يا اصحاب الخبرة
- استفسار
- الفزعه ياشباب
- دورة أربع شهور لغة انجليزية لكن وين ؟؟
- استفسار بيفيد مستقبل ولدي الله يصلح لكم عيالك
- محتار واحتاج مساعدتكم وباسرع وقت
- ماهي مصاريف الدراسة باورلاندوا
- هل من مساعد
- الوزارة أفرحتنا وأسعدتنا ثم بعد ذلك أزعجتنا
- القائمة الجديدة للجامعات المغلقه
- فزعتكم شباب بروح ادرس لغه ببريطانيه ومحتار ايمنطقه من هذول اروح
- الرجآآء الدخووول
- إستخراج الفيزاا و السفر
- ثلوجـ سوريــ ـــــا
رد مع اقتباس
المفضلات