الموضوع: تعتقدون اقدر ازور هذي المناطق كلها مره وحده ؟

السلام عليكم ورحمه الله وبركاته


اخواني الاعزاء


بصراحه عندي حلم مثل كل الناس اتوقع واهو زيارة امريكا


بس اول شي اخاف من الطريج بالطيارة يكون وايد بعيد الا صج من الكويت الي نيويورك شكثر بالطيارة ؟ دايركت


والشي الثاني راح يكون معاي بنتي وولدي 3 سنوات وسنه



وابي اروح اول شي نيويورك حلممممممممممممممم هالمدينة بالنسبة لي


وبعدها اورلاندووو وميامي والي عرفته انهم حيل قراب من بعض ؟ بس اقدر ااجر سيارة من مطار اورلاندو وارجها في ميامي الا صج في مطار في ميامي صح ؟؟؟؟ وجم تامين السيارة وعلى حسب نوعهااا يعني شلون نظام الاجار عندهم ؟ يومي اسبوعي شنوووو ؟





وبعدهاااا ابي لوس انجلوس وابي لاس فيغاس



شرايك يصير انا ادري وحده شرق ووحده غرب وحده شمال ؟ بس ابي احرص على اهم المناطق تكفا يالربع ساعدوني



بس لا تسالوني من السفر وشكثر المده لاني مادري


بس مو قبل مايو10


وصج في شي


الحين شلون الجو في مايووو


والصيف

وسبتمبر

اي وقت تفضلون لزيارة امريكا


انا احس انه يا شهر 5 او شهر 9


الصيف يكون حر وزحمههههههه صح كلامي ولا غلط ؟؟؟؟



وفي شي بعد المصروف جم تتوقعون يعني اكل وتمشي و حدايق دزني وكافيهات وسيارة كم يكفي لمده 25 يوم الي شهر


بامريكا


غير السوق الصح والتذاكر والفنادق هذول خلووو حسبتهم علي



ومشكورين مرة ثانية وما قصرتوووو



وسمحولي على الاطواله


وبيني وبينكم في بعد اسئله بس ما نخلص هذول اول

مواضيع عشوائيه ممكن تكون تعجبك اخترناها لك:

• عاجلرحلة فحوصات الى هيوستن ماهي مسارات الخطوط التي تنصحون بها
• الترانزيت فى هيثرو لندن
• انا اسف جدا ممكن مساعده
• طباعة الفورم
• استفسار لو تسمحون وخصوصأ خبيرنا
• مساعدة في معرفة الراتب الشهري
• مساعدة عاجلة من اهل الخبرة رجاءً
• اذا ماعليكم امر ساعدوني
• مهم جداً السكن في اورلاندوا
• استفسار للاخ امباكت بليييييز
• اصحاب الخبرة في كلفورنيا دخول تكفون
• لابد من ختم الجواز عند الخروج لكل من ختم عند الدخول
• من مطار جده الى اوهايو؟؟؟
• اريد رأيكم والرد على بعض اسئلتي
• استفسار بسيط لو تكرمتو
• سؤال بسيط اتمنى احصل اجابه عليه
• سؤااااال مهم جدا
• الى عشاق نيويورك وسكانها بــلــيـــز
• اتصل باهلك في السعودية باقل من سنت للدقيقة
• وين نسكن في سانتا مونيكا

الأخت الفاضلة أسئلتك كثيرة جداً ولكنك لم تقرري أي شئ بعد.
عموماً إجابة عامة على سؤالك العام كل شئ في الدنيا وبالذات في أمريكا ممكن.
يعني ممكن تزوري كل الأماكن اللي أنت إتكلمت عنها بس المدة أد إية، عشر أيام ممكن تكفيكي (بس هتبقى نظام سلامو عليكم/وعليكم السلام)، وسنة أيضاً ممكن تكفيك.
إستئجار سيارة من أورلاندو وإرجاعها في ميامي ممكن بس هيكلفك طبعاً.
عسى أن أكون قد أفدتك.

شكرا حزيلا اخي الفاضل


يمكن حضرتك ما قريت سوالي عدل انا حددت المده من 25 يوم الى شهر


وكلامك عدل انا بعدي ما قررت عدل عدل


كل مرة اقول السفر اليايه امريكا بس سبحان الله تتلخبط الامور وما تم


عشان جذي ابي اكون فكره شامله في حال قررنا فجاه

لان بعيد الشر عنكم انا وزوجي نشتغل بقطاع خاص فدايم االاجازه اما فجاه او يقطعونها لنا يعني اسبوعين اسبوعين خلال السنه


ما ناخذ شهر كامل


فعشان جذي قاعده اجمع معلومات حق المفاجاه اليايه


وشكرا واسفه على الاطاله

واكيد استفدت من اجابتك اخي الكريم

أسف أخت أم ريان على إساءة الفهم، ربما كان السبب عدم إلمامي باللهجة الخليجية.

ولا يهمك اخوي

أم ريان ولا يصير خاطرج الا طيب المسأله جدا سهله ولا فيها أي صعوبه وأسئلتج كلها سهله الإجابه راح تلاقين كل الإجابات على أسئلتج بتقريري لو تتصفحين التقرير وتقرينه راح تلاقين كل الأجوبه اللي تبينه وهذا رابط التقرير

http://www.arabtravelersforum.com/travel295384/


بس انا بصير طيب وأجاوبج هم

1- طبعا المسافه بين الكويت وأمريكا بعيده بالطياره دايركت تقريبا من 13 الى 14 ساعه

2- ولا تحاتين الأطفال تره عادي وايد ناس سافروا أمريكا ومعاهم أطفال بعمر أولادج الله يحفظهم والأمور تسهلت

3- أورلاندو وميامي متواجدين بولاية وحده والمسافه بينهم بالسيره تقريبا 4 ساعات والطريق سهل وجميل وفي خدمات

4- بالنسبه لإستأجار السياره طبعا عادي تقدرين تحجزين السياره من أي مطار وترجعينه الى أي مطار والأيجار بأمريكا يكون يومي بالنسبه للسياره وطبعا أغلب الشركات يعطونج السعر شامل التأمين

5- بالنسبه للجهه الغربيه لوس انجلوس ولاس فيغاس فتقدرون تنتقلون من لوس انجلوس الى لاس فيغاس أو العكس بالسياره المسافه مو بعيده وايد تقريبا 5 ساعات اذا ما خاب ضني

6- طبعا كل شئ يصير بالدنيا اذا الواحد خطط صح ورتب حق كل شئ عدل يعني تقدرين تروحين أمريكا وتروحين للمناطق اللي في بالج سواء انج جامع مناطق من الشرق والغرب عادي وسهل جدا

7- شهر 5 انا أتوقع انه شهر ممتاز الأسعار معقوله انا سافرت أمريكا بشهر 5 والجو كان ممتاز والزحمه مو وايد

8- بالنسبه للسفر في الصيف انا طبعا ما أفضله لانه زحمه والناس مليانين والأسعار ترتفع

9- بالنسبه للتكاليف تقدرين تستعينين بتقريري وتشوفين الأسعار وتحسبين الشغلات اللي انتي تبينها وتشوفين جم بتكلفج تقريبا

ان شاءلله قدرت أفيدج بأي معلومه ولو كانت بسيطه وان شاء الله ما راح نقصر وياج وسامحيني على القصور اتمنى لكم التوفيق يارب وتقبلي تحياتي

the-wise-man

يزاك الله خير اخوي وما قصرت وان شاء الله لي عوده بعد ما اقرا تقريرك كله


وانا مثلك ما احب السفر بالصيف

زحمه وضيقه

the-wise-man



السلام عليكم

اخوي عقب ما قريت تقريرك اعدت النظر الصراحه المسافه بين الولايات جدا بعديه

يعني 5 ساعات بالطيارة ويهال ممكن احذف نفسي منها انا لا ما راحت اتحمل جذي

فبخيها نيويورك واورلاندووو واذا رحت هناك وشفت عندي فائض وقت وما يننوني اروح ميامي بالسيارة مع انك ما كنت متحمس لها بالتقرير

الي صج ودي اروح لها بعد تقريرك لوس انجلوس واي خيال الحين اهي الحلم الثاني عقب نيويورك طبعااا


شرايك

وعليكم السلام اختي ام ريان هلا والله فيج بالنسبه للأعيال انتي أبخص فيهم مني أنا فإذا راح تينين منهم لا تروحين وايد أماكن شوفي انا أعطيج رأي روحي نيويورك وأورلاندو وميامي

وخلي لوس انجلوس ولاس فيغاس والمناطق اللي بالجهه الغربيه ويا بعض في سفره ثانيه أحسن لج لأنه أنا أدري انج راح تتعبين ويا الأطفال اشويه تقدرين تزورين شلالات نياجرا من نيويورك عن طريق الرحلات اللي تصير بالباصات السياحيه هم فكره حلوه وهذي انا انصحك فيها لانه الناس تقول ممتعه جدا بس للأسف ما صارت لي الفرصه اني أروحلها ان شاء الله بالمرات اليايه

وهذا الرابط راح يفيدج لشلالات نياجرا

http://www.arabtravelersforum.com/travel195603/


يعني التقسيمه الجديده للمخطط هذي كالآتي


6 أيام نيويورك

الله يعطيك الف عافية ويرزقك الذريه الصالحه الي تخلي عمدك خبرة بالاطفالل قول امين


الحين بسالك اولاندو فيها دزني الي اهو الهف من الزيارة وكانه كاليفورنيا بعد فيها


انت شرايك وين تنصح اروح فلوريدا ولا كليفورنيا ؟؟؟؟؟؟


اي وبالنسبه للسيارة من خلال تقريرك لاحظت انه في باصات في بعض الفناددق توديكم لحدايق دزني


زين وغير دزني عادي اخذ نكاسي او اروح مع شركات السياحية شرايك


لانه انا معاي اطفال مثل ماقتلك ماراح اتنقل وايد يعني يادوب مشاور واحد خلال اليوم واذا صار مجال لطعه ثانية تكون لدزني داون تاون

فالنسبة للسيارة اذا مابي اروح كاليفورنيا احسن اهي فيها مترو وهالسوالف ؟؟؟