اساله عن امريكا وعن الاسكا

**ahmedgaper** · 02-03-2015, 09:56 AM

مرحبات اكبار على اهل امريكا وخبراء امريكا اشلونكم
حيبت اسالكم في احد راح الاسكا القطب الشمالي؟
وبسالكم عن نيو يوورك تسوى اروحها ولا لا علما اني بروح اورلاندو وفيجس ولوس انجلوس
ويمكن سندييقو بس طاري علي القطب الشمالي @@ ما ادري ليش
ابي بعد اذا احد عنده فكره ابي منطقه يكون فيها ثلجججججج ( تدرون خليجيين يدورووون ثلج) ملينا من الغبار
في شهر ديسمبر

مواضيع عشوائيه ممكن تكون تعجبك اخترناها لك:

**ahmed3** · 02-03-2015, 09:56 AM

ما عندي اي فكره عن الاسكا والمدن الشماليه أغلبيتها فيها ثلج بالشتاء بس الثلج اللي عندهم تره ما ينبغى يعني ما تقدرون تطلعون من كمية الثلوج والبرد القارص فحطوا بالكم من هالموضوع اما بالنسبه لنيويورك فمن المدن اللي حرام ما تروحين لها لانها صج مدينه ولا أروع وفيها وايد أماكن سياحيه تستحق الزياره واذا ما رحتوا نيويورك جنكم مو رايحين أمريكا

وبالتوفيق ان شاء الله

**alifun** · 02-03-2015, 09:56 AM

طبعا في شهر ديسمبر الاسكا بتكون موت برد. خويي راح لها يقول ان الاسكا عندهم الصيف فقط 3 اشهور و في الصيف النهار طويل يقولي تقريبا الليل بس 3 ساعات. بالاضافه ان الانشطة السياحيه في الاسكا غاليه جدا جدا جدا.

وفي رحلات بالباخره تطلع من سياتل او كندا "فانكوفر" لو تحب الكروز.

اما نيويورك تستاهل الزياره و بشهر ديسمبر تكون المدينه متزينه بالانوار علشان الكريسماس.

**ahmed1** · 02-03-2015, 09:56 AM

أخي العزيز

ألاسكا من أجمل الأماكن اللي زرتها بحياتي و لو أن الرحلة كانت سريعة لأنها كروز

بس قلت لازم أزورها مرة ثانية زيارة مطولة

ممكن تمر على تقريري في التوقيع و تشوف عينة بنفسك

بس هذي كان في الصيف و أكيد البرد بيكون قاتل في الشتا

أتمنى لك رحلة موفقة

مع ودي
أم عالية