الموضوع: انا رايحه امريكا وناااااااسه

السلام عليكم جميعا

اشلونكم شباب وبنات عندي جم استفسار ؟

1 عندي فيزة امريكا بس في الجواز المنتهي فا هل اقدر اخذ الجوازين معاي المنتهي ويا اليديد

2 ابي اعرف اي نوع من البانزين ينحط في السياره اذا اجرنا
3 الطرق في امريكه صعبه ولا عاديه للعلم اول مره اسوق برا الكويت يعني دوله غربيه مو عربيه (عندي نفيقيتر)
4 اذا ابي اخذ كل افلوسي كاش اقدر اددشههم ولا في قانون يمنع هالشي لاني ما ابي استعمل الكروت لانه في عندهم جارج يعني 6% يعني 1000 فيها 60 دينار
5 اذا عندي نفيقيتر وخذيت االحداثيات مالت الاماكن الي ابي ازورها هل في اوبشن استعمله حق اختصر الطريق اذا كان مطول؟
6 ابي اعرف شنو القوانين الغريبه عندهم عشان الواحد لا يكون متخطي القوانين
7 متى انسب وقت ابتدي احجز ابي اروح في ديسمبر
8 هالشهر الي انا رايحه فيه الكريسماس فا هال الاماكن راح اتكون مزحومه ولا لا ؟لاني سمعت انه الكريسماس عادتا يطلعون برا الولايه الامريكان
9 ابي اعرف اذا انطر فترة عروض تنزل حق الحجوزات ولا احجز واتوكل على الله
10 لمن طلعت فيزة امريكا كان قبل سنه تقريبا او اكثر واطلبو علينا تامين صحي هل الحين اذا رحنا نحتاج انجدد التامين ولا الاولي ساري المفعول؟

واذا عندكم نصايح ياريت اتفيدوني يا جماعه

انا ناويتها على اول 12 باذن الله طبعا هاذا حلم حياتي ما اتخيلون اشكثر انا مستانسه :0oz5j::0oz5j::0oz5j:
الله يخليلي ابو عيالي الي حققلي احلامي النوقي

مواضيع عشوائيه ممكن تكون تعجبك اخترناها لك:

• افيدوني حول امريكا
• هل الفيزا الامريكيه تتدخلك كندا
• تغير وقت الرحلات الداخلية
• ارجو المساعدة منكم اخواني و خاصة الاستاذ امباكت
• من البوم رحلتي صيف
• انا فى حيرة بين السفر او لا
• محتاج مساعدة عاجله
• أجيبوني جزاكم الله خيرا
• يا اهل الخبر دنفر
• استفسار بخصوص عياده بولاية منفس
• المساعدة لإيجاد خطوط طيران محلي اقتصادي
• هل يفضل تحويل رصيدي إلى دولات قبل الذهاب إلى أمريكا
• تحذير من مطعم اوليفز قاردن وغيره
• العسكريين
• ولاية كولورادو اختارها يا شباب دراسه
• الجوال في امريكا
• رأيكم يا أخوان في الرحلة وابغا مساعدتكم
• خط سير من واشنطن دي سي
• عجبني الموقع فقررت السفر
• مساعدة في اختيار فنادق

وعليكم السلام ورحمة الله وبركاته ..


حياك الله ..راح أجاوب على الي أعرفه والباقي البركه بالأعضاء ..







عندي فيزة امريكا بس في الجواز المنتهي فا هل اقدر اخذ الجوازين معاي المنتهي ويا اليديد



نعم خذي كل الأثنين سوا ..







الطرق في امريكه صعبه ولا عاديه للعلم اول مره اسوق برا الكويت يعني دوله غربيه مو عربيه (عندي نفيقيتر



أحلى ما في أمريكا القياده فيها سهوله ووضوح تام ومن الممكن يدل الشخص المكان من دون gps ..







اذا ابي اخذ كل افلوسي كاش اقدر اددشههم ولا في قانون يمنع هالشي لاني ما ابي استعمل الكروت لانه في عندهم جارج يعني 6% يعني 1000 فيها 60 دينار



الكاش المسموح 10000 دولار فقط ..







اذا عندي نفيقيتر وخذيت االحداثيات مالت الاماكن الي ابي ازورها هل في اوبشن استعمله حق اختصر الطريق اذا كان مطول؟



في الغالب الجهاز يعطيك الطريق المختصر وترا مرات يخبط أنت وحظك ..







ابي اعرف شنو القوانين الغريبه عندهم عشان الواحد لا يكون متخطي القوانين



أي نوع من القوانين ؟؟ تقصدين القياده ..عدم السرعه .. وضع حزام الآمان .. وطبعاً الألتزام بقواعد المرور ..أما قوانين ثانيه
وبالأخص لسائح ما فيه ..







متى انسب وقت ابتدي احجز ابي اروح في ديسمبر



[color="darkorange"][b]من الآن حتى يكون البحث على سنع .. لكن أنت ما حددتي الوجهه هل الغرب كاليفورنيا وفيغاس ولا الشرق نيويورك




لمن طلعت فيزة امريكا كان قبل سنه تقريبا او اكثر واطلبو علينا تامين صحي هل الحين اذا رحنا نحتاج انجدد التامين ولا الاولي ساري المفعول؟



الفيزا وأنتم حاصلين عليها يعني أموركم تمام ما فيه أي شيء يتجدد ..


حددي الوجهه و الردود بتكون جاهزه لك ..

بالنسبه للبنزين النوع الوسط و الله ما أتذكر إسمه لكن سعره مناسب و يآخذ فتره

بالنسبه للحجوزات في صديق لي أمريكي دائما يمدح في خطوط الـ bmi
يقول رخيصه
و آخرها أمس يقول لي حاجز في الكريسمس الرياض سان أنتونيو بـ 600 دولار فقط ذهاب إياب

الرخصه تكون دوليه أفضل لك ..
في الحاله هذي يتجاوزون عنك لو أخطأتي و تجاوزتي النظام بأشياء بسيطه
أتذكر لما كانت معاي الرخصه الدوليه اعمل نفسي ما أفهم شيء و اقول إنترناشيونال سير آم سوري و اجلس ارددها عليه 5 مرات إلى أن تطلع روحه هههههههههه .. و بعد كذا يجلس يتكلم معي و يحذرني و كمان أعمل نفسي ما افهم شيء بس اردد آم سوري .. إنترناشيونال .. خخخخخ
في الأخير يقول لي go just go و هو متنرفز ..


لما طلعت على فرجينيا ضاعت الرخصه الدوليه و كنت مطلع رخصه قياده امريكية .. و الله يا أنا أخذت قسائم إلى أن شاب رآسي .. ما يرحمونك في النظام و أهم شيء تأكدي من إضاءات السيارة كاملة حتى لوحة السيارة الخلفية يكون فيها إضاءة تأكدي منها لإني سبق و أخذت عليها قسيمه ..

التأمين الصحي مفيد لك حتى لو ما هو مهم بالنسبه للفيزا .. العلاج مكلف و لا تعرفي الظروف اللي يمكن تمري فيها خاصة و ان الأجواء بارده .. خذي تأمين طبي و تأكدي أنه للأمراض ما هو للحوادث .. الشركات اللي عندنا تجي عندهم تقول ابي تأمين طبي يقول ابشر من عيوني .. و لما تروح هناك تلاقيه تأمين إصابات حوادث ..

باقي الأسئله جاوب عليها مشرفنا

و رحله سعيده إن شاء الله

عزيزي

الاخوان ما قصروا !!

حبيت اعلق ان المبلغ للشخص الواحد تامسموح به 10000$


والرخصة اذا كانت مترجمة للانقليزية مقبولة والافضل انك تاخذ معاك دولية للاحتياط

اتمنى لك التوفيق

الله يستر عليكم ويونسكم في سفرتكم
تروحون وتردون بالسلامه

اختي الكريمة بخصوص حمل الكاش لمصاريف الرحلة كلها فأنا ضد هذا الأجراء لمصلحتكم لأن الكاش لو ضاع او انسرق لا قدر الله فصعب استرداده بعكس بطاقات الأئتمان أغلبها فيها حماية ضد السرقات والأستخدام غير المخول من قبلكم ولو فقدت تقدرون تبلغون فورا وتوقفونها عن العمل
ممكن عشان تخففون الكاش بحوزتكم انكم تحملون كاش للمصاريف الشخصية فقط مثل الأكل والبترول ولكن الفندق والسيارة أنصح بدفعها بالكارت مع ضرورة تسديد المبلغ فورا مع أول كشف حساب شهري عشان ما يحسبون عليكم فوائد أتوقع فرق العملة ما بيتعدى 1% عن السعر الرسمي وبيكون مقارب لو صرفتوا فلوسكم كاش
نسبة 6% التي ذكرتيها اتوقع تحتسب في حالة سحبتوا كاش من بطاقة الائتمان cash advance وليس من بطاقة البنك العادية debit card التي تحسب رسوم أقل بكثير في حالة السحب خارج الدولة ويمكن تستفسرون من البنك عن هذا الشيء

ردا على استفسارك على قوانين السواقة فالأمور سهلة إن شاء الله عليكم الالتزام بقواعد المرور الأساسية مثل حزام الأمان للسائق والجالس بجانبه , الالتزام بالسرعة المحددة ,استخدام الاشارت الجانبية عند الانعطاف او تغيير الحارة ,عدم التحدث بالهاتف اثناء السواقة إلا بسماعة الأذن وعند لوحات الوقوف STOP المنتشرة بكثرة داخل المدن والأحياء السكنية يجب أن يوقف السائق السيارة في مكانها لبضعة ثواني قبل ما يكمل سيره وليس كما يحصل في العالم العربي بكل اسف ونقطة أخيرة بخصوص الأطفال الرضع يجب أن يجلسوا مربوطين بالحزام في الكرسي الخاص لهم وليس في حضن شخص بالغ حتى لو جالسين في المقعد الخلفي

الجو في الكريسماس بيكون بارد جدا في الشمال مثل نيويورك وشيكاغو وواشنطن وممكن تكون في عواصف ثلجية فلو تبغون تستانسون بالجو والسواقة فركزوا رحلتكم على الجنوب مثل فلوريدا او جنوب كاليفورنيا
أما حجوزات السفر ممكن تنتظرون لغاية شهر 11 ممكن تحصلون عروض حلوة ولا تخافون الأسعار ما بتطير لين هذاك الوقت إن شاء الله

مشكور يا عزيزي على الردود الحلوه الي فدتني فيها
بس بالنسبه للحجوزات انا كنت محصله قبل اسبوع قيمه للتذاكر ما اتصدقها بس للاسف الحين التذاكر نار غلت عشان راس السنه وانا الحين حاولت ابعد اي حجز من حجوزاتي عن راس السنه لاهو من عوايدنا ولا سلكنا
فا ان شالله بحاول احجز على الايام هاذي التذاكر والفنادق اتكون ان شالله على الاسبوع الي ورا العيد
وعيدكم مبارك جميعا

أعتقد الشباب ما قصروا وياكم بالتوفيق ان شاء الله جاوبوا على كل الأسئله بس حبيت أضيف شغله البانزين اللي راح تعبونه لسياره الأجره اختاروا أرخص واحد لانه البانزين غالي عندهم أول مره حبيت أعبي فيها بانزين كنت في المحطه ومتوهق استعنت بالشخص اللي قاعد يعبي قدامي فساعدني جزاه الله ألف خير وقالي اذا سياره أجار فولها أرخص بانزين احسن علشان لا يطلع عليك وايد غالي لانك انت سائح بهالوقت أثبتلي هالمواطن الأمريكي انه انسان جدا محترم وما يحاول ينصب على أحد لانه مروا علي مثل هالانسان الطيب وايد ما يفرقون اذا اللي يكلمهم أمريكي والا عربي يساعدون الكل بشتى الطرق الله يعطيهم العافيه واتمنى لكم التوفيق