الموضوع: استقريت على هذا التخطيط وشرايكم ؟

السلام عليكم
بعد اطلاعي على كثير من المواضيع و بمساعده الاخوان و المشرفين استقريت على هذا التخطيط
و ابي رايكم فيه بصراحه و ايش التعديلات الي اقوم فيها او اي نصائح بانتظارها

الوصول الى نيوروك ونجلس في المطار 3 ساعات ثم ننطلق الى اورلاندو و نجلس فيها اسبوع ثم التوجه الى ميامي و نجلس يومين و بعدين رحله كروز بحريه 4 ليالي و ثم ميامي يومين و من بعد ميامي احتمال بلتمور واشنطن او اتلانتا او بوستن و ثم نيوروك 4 ايام و العوده الى ارض الوطن ؟ وشرايكم بالمخطط

بعض الملاحظات : هذه اول زياره لنا للولايات و متوجهين لمطار نيوروك وسمعت انهم دقيقين و شوي متعبين ! و انا رحلتي بتكون بعد 3 ساعات من وصولي الى نيوروك ف يا اخوان وش تشوفون شسوي ؟ لان لو غيرت جدولي سوف يتغير والله محتار يا اخوان !

و تقريبا تكلفه الرحله تذاكر ل5 اشخاص بالغين و فنادق = 3700 دينار اي ما يعادل

48,285 ريال

هذا المبلغ بدون اجار السياره و بدون المصروفات فقط تذاكر و فنادق

بانتظاركم

مواضيع عشوائيه ممكن تكون تعجبك اخترناها لك:

• رد من السفارة الاميركية عاجلة
• شقق 5600 Wilshire boulevard في لوس انجلوس
• تكفووون فزعتكم
• موظف الجوازات يحدد مدة اقامتك ؟
• لاس فيقاس
• تكفون يا شباب فيدوني سريييع وضروري طلب ارسال دعوة
• ابي اطلع رخصة قيادة ولاية كاليفورنيا
• تقرير بسيط عن نيويورك
• الفيزا السياحيه المدة
• هل الأرسال للسفاره للأستفسار أعن الفيزا امر عادي ؟؟
• اللي عنده معلومات عن سان فرانسيسكو وسان دييقو
• سكن في نيويورك والمواصلات من والى المطار و التايم سكوير
• سأقوم بحجز الطيران الداخلي الان فأرجووووكككمممم افيددوووننيي
• تجربتي في أورلاندو
• استفسار لأهل الخبرة في أورلاندو
• الورقه الصفراء
• مشرفنا الفاضل
• استفسار جديد واعذروني اشغلتكم بالاستفسارات
• شوية استفسارات عن نيويورك
• مساعدة عدة استفسارات عن عدة خربطات عن الفيزا السياحية

اخوي ثلاث ساعات بمطار نيويورك مااعتقد انها تكفيك انا نزلت بمطار دينفر وكنت لوحدي في التسجيل الخاص يعني الرحله كلها مالقوا الا انا يروح للتسجيل الخاص لانني العربي الوحيد وكانت رحلتي الداخليه بعد ثلاث ساعات ويادوب لحقت عليها فكيف بنيويورك واكيد انت مو لوحدك فنصيحتي اجلس كم يوم بنيويورك اذا ناوي تزورها او على الاقل خل رحلتك الداخليه بوقت كافي من 6 ساعات او اكثر مجرد رأي شخصي اما باقي التخطيط فماعندي معلومات والاخوان والاخوات مابيقصرون معك

اخوي انا بعطيك رأيي في الموضوع وإن شاء الله يعجبك

* رحلتك خلها على واشنطن ولما توصل ريح فيها لمدة يوم واحد

* ثاني يوم حرك لاورلاندو واقعد فيها اسبوع روح فيها الحدايق والملاهي وستانس ويا ربعك

* بعد ماتطلع من اورلاندو روح لميامي وستانس فيها يومين وبعدها اطلع لرحلة الكروز وان رديت روح مدينة تامبا ( مب بعيده عن اولاندو ) وتم فيها يوم

* عقبها اطلع بالطياره الى نيويورك واقعد فيها 3 او 4 ايام ومن عقبها لارض الوطن

__________________________________________________ ________________________________

الجدول الثاني ..

* احجز على البرتش كويت لندن اورلاندو هذي الرحلة على الاقل بترتاح فيها شوي !!

* اذا وصلت الى اورلاندو تم فيها اسبوع

* يومين في ميامي

* كروز بالايام الي في بالك

* تريح في تامبا او ميامي يوم

* 3 او 4 ايام في نيويورك و

وعقبها بالسلامه الى الكويت

نسيت اقولك ان البريطانية مسويه عروض اذا بتطلع من قطر واكيد الخليج للندن فا انت تقدر تحجز عليها وعقبها على نفس الخطوط او خطوط امريكيه تطلع من لندن الى اورلاندو

شكراا اخوي توني عملت شيك على البريطانيه طلعت على متعبه جدا و كمان مكلفه !
طيب ممكن اكمل على مخططي لكن انام ليله في نيوروك و بعدها انطلق الى اورلاندو كذا مو احسن ؟
طيب ايش احسن اسكن جنب المطار او في التام سكوير في هذا اليوم ؟

انا مابيك توصل على نيويورك اول شي لان المطار زحمه وفيه تدقيق وانتو توكم واصلين من رحلة طويلة مايسوى عليكم .. احسن شي من رأيي انكم تحجزون على واشنطن وتريحون فيها يوم من تعب الطياره وثاني يوم تروحون لاورلاندو ولاحقين على نيويورك في اخر الرحلة

الخطة ممتازة لاكن انا اشوف ان 6 ساعات ترانزيت في نيويورك افضل او اذاكثير عليكم تباتوا ليلة جنب المطار وتريحوا !!

بالتوفيق

اخي امباكت لم اجد رحله الا بعد 3 ساعات و هي اخر رحله الى اورلاندو ف مش عارف ايش نصيحتك اكمل او ابات ليله طيب ايش اقتراحك جنب المطار او جنب العالم في التايم سكوير ؟

شوف بما انك بتجلس بتجلس في نيوويرك خليها اولشي وريح الاربع ليالي !!

وبعدين وانت راجع يا تجي برحلة فيهااقل شي 4 ساعات وتكون شاحن الشناط الى ديرتك او 5 ساعات وما تكون شاحن شنطك !!

او تنام ليلة في نيويورك اذاتشوف عليك تعب المتابعة !!

وانت ادرى !!


بالتوفيق ياغالي

طيب و شرايك اذا نمت ليله وحده في نيويوك لان انا مضبط حجز الكروز
مش عارف والله طيب ياخوي وشرايك اريح ليله في نيوروك و بعدها اتوكل على الله الى اورلاندو و حصلت رحلتين وحده الساعه 8 الصبح و وحده 4 العصر
الساعه 8 نوصل 11 و شي
4 نوصل 7 و نص

و شرااايك و انا مفكر اسكن جنب المطار بس حسب ما قريت ان المنطقه ما فيها شي نهائيا و تندر المطاعم اخلصك يعني ما فيها حياه ! وش اسوي؟

عزيزي الكروز من وين ؟

اا من ميامي روح من نيويورك لميامي على طول والمدة في الي قبل في نيويورك !!
صحيح المنطقة جنب المطار مافيها شي لاكن ممكن تروح لمنهاتن بالمتروا وترجع بالتاكسي في الليل علشان تكون جنب المطار وما تتعب في الروحة !!


ارشح رحلة الصباح علشان تاخذ اليوم من اوله هناك !!

بالتوفيق