الموضوع: للأسف يافندق النخيل

سافرنا في اجازة منتصف الترم الى الكويت وتم اختيار هذا الفندق بناءا على مدح الاعضاءلكن للأسف تفاجأت اثنا جلوسي عند المسابح بطلبهم الغريب أني ماأجلس في هذي المكان ومشاهدة اطفالي وهم يسبحون طبعا رفضت لانه لا يوجد شئ اسمه ممنوع الجلوس عند المسبح وانا ادري ان السبب هو لبسي للعبايه وللأسف قالوها بكل وقاحه طبعا لما رفضت قال بيجيب المدير وجاب المدير وصارت مشكله طبعا انا ماسكت عن حقي جلست مع عيالي لحد لما خلصوا دخلت داخل عند الاداره وقابلت مدير الفندق وهزأته وقلت له بالحرف الواحد انا سافرت لعدة دول وجلست بعبايتي عند المسابح محد طلب مني هذا الطلب الغريب وهنا في الكويت دوله عربيه مسلمه تطلبون مني ماأجلس بس عشان ترضون هالمفاصيخ للأسف ان هذا الشي يصير في دوله عربيه مسلمه
اتمنى من كل السعوديين انهم يقاطعون هذا الفندق

مواضيع عشوائيه ممكن تكون تعجبك اخترناها لك:

• نكفوووون ,,,,,,,,احتاج ارقام مشاغل وخياطين حق مراييل المدرسة للبنات
• شقق الربيع
• أفضل مكتبة في الكويت
• فنادق
• كل الطرق البربهمن ارياض الى الكويتهنا
• زيـــــــارتـــــي للمهـــــلب بالصــــور
• حجزت على طيران الاتحاد من بو ظبي للكويت يومين
• استفسارات وتبي جواب؟؟؟؟؟
• ليلة في فندق المارينا
• فندق روتانا المنشر الفحاحيل وتجربة سكن فاشلة بعدسة عسل
• كيف احسب
• مانستغني عنكم ياأهل الكويت
• بخصوص الافنيوز موول
• معرض الكتاب في الكويت أين يقع وما أٌقرب الشقق له
• لذهاب الى الكويت الحبيبة
• فندق بالكويت
• كافيه
• اسفسار بسيط مع التحيه
• استفسار عن فندق الدولي بالسالمية؟؟؟
• تايم سكوير للشقق الفندقية

السلام عليكم

من حقكم ونص وزين تسوون فيهم وفعلا هالفندق في اللبس غير المحتشم وخلط وافضل شي انج اصريتي على رايج والله خايف علي مشاعر الاجانب هم لازم يحترمون مشاعر البلد اللي اهم فيه
وهم يتذمرون من العرب في بلدانهم ومعززين مكرمين في الخليج عندنا ّ!!!
يا غريب كن اديب لهم تقال بطبعا

زين ما تسون فيهم اختى قعدتى ما اهتميت فيهم ما بقى الى اهم يتحكمون

هذا الي قهرني انهم هم الغريبين ومراعيين مشاعرهم وهم مايراعون مشاعر البلد الي اهم فيه بلبسهم وقلة حياهم الاوربيات محترمات اكثر منهم لما تطلع من المسبح ماتمشي الا وهي لافه على نفسها شي وهم استغفر الله شي زايد عن الحد

لا هنتي علي الايضاح واعتبر تصرفك حكيم وكان ارسلتي لهم ايميل بعد يا سلام
يا أختي كنت في فرنسا العام الماضي وبمنتجع اغلب الموجودين مش فرنيسيين هولنديين وانجليز وفيه اذكر سعوديه بعباتها ونقابها جالسه تشوف عيالها وزوجها ولا أحد تكلم أو قال لها شيء ( طبعا قبل بلغي النقاب )

اه بس شفت في فرنسا محد قالها شي وهنا للاسف
مشكورين على الردود

شيء غريب
ام وجالسة تتابع عيالها وين المشكلة
لو كان المسبح خاص بالحريم ممكن يمنعون لبس العباية حتى تتأكد الموجودات بالمسبح ان الكل حريم
لكن المسبح عام وانتي جاية وجالسة مع عيالك يعني وش اللي حارقهم ومزعلهم
بس صراحة بردتي سبدي بتهزيئك للمدير وان صوتك وصل لهم
وممكن تجي غيرك وياصل صوتها للإدارة وبعدها ممكن يستحون ويلغون هالقرار اللي ما له داعي
مع انه هالأشكال شكلها ما تستحي ولا تعرف الحياء
لكن الأهم انكم إنبسطتوا ورجعتوا سالمين

أسمحيلي أختي ما أتوقع صح

بالأول الكويت مو بلد سياحي علشان نراضي الأجانب

بتوفير على الشواطئ والمسابح لبس غير لائق

ولا نوفر بفنادقنا ولا بالمطاعم خمور
والحمدالله ما يجون السواح الأجانب لأن بلدنا مو سياحي ويوفر لهم مقومات السياحية

الاخ الذيب مشكور على الرد
اما الاخ هدوء اتمنى انك تزور المسابح الخاصه بالنادي حتى تتأكد من مصداقية الكلام والي لابسين لبس غير لائق لبنانيات ساكنين بالكويت مو جايين سياحه للكويت

اختى شمس حياك الله فى بلدك الكويت ولاهنتى والله يسلمك من كل شر وماعليه لا تحترين ولا تزعلين

لانك انتى جزاك الله خير الى عطيتيهم دروس فى الدين والاخلاق ما راح ينسونها ابدا بارك الله فيك

اخويdjomdd مشكور وجزاك الله خير وماقصرت أتمنى بعد الي صار لي أنهم يغيرون هالقرار ويحترمون الي لابسه العبايه

المشاركة الأصلية كتبت بواسطة هدوء العالم
http://www.arabtravelersforum.com/tr...8/#post5186928

أسمحيلي أختي ما أتوقع صح

بالأول الكويت مو بلد سياحي علشان نراضي الأجانب

بتوفير على الشواطئ والمسابح لبس غير لائق

ولا نوفر بفنادقنا ولا بالمطاعم خمور

والحمدالله ما يجون السواح الأجانب لأن بلدنا مو سياحي ويوفر لهم مقومات السياحية

لا يليق بك التشكيك بكلام الاخت .. التصرفات الفردية ببعض الاماكن قد لا تعجب و لكن لا تعم على الكل


اما عن الوضع الي مريتي فيه لا تحسدين عليه و للاسف السياحة المحافظه بدات تصعب

اي والله للاسف
مشكور اخوي

فندق النخيل ، مسئوله معروف بقلة ادبه

وانا اكثر من مره متناجر مع مديره العام ، وبالنهايه حرمته من الكثير من الحجوزات واضعت عليه الاف الدنانير لقلة ادبه معانا رغم اننا كنا نقوم بارسال بعض الوفود الرسميه اليه بل قلة ادبه كانت مع الكثيرين من مرتاديه، ولكثرة الشكاوي عليه نقول... فندق لا انصح احد به رغم ان شكله العام ( جميل ) ولكن ادارته سيئة جدا ، وهو فندق يمتاز ( بقلة الادب فيه ) وله مرتادينه

قاطعووو الفندق مدام هذااسلوووبهم

اختي زين سويتي فيهم

معاج حق وكل الحق انج تجلسين تراعين عيالج

ومنا الى المسئولين يشوفون المشكله

وياهلا ومرحبا فيكم في بلدكم الثاني

شوفي انا كويتي

لكن الفندق هذا دشيته مره وحده

حدث ولا حرج

لدرجة انه بالليل احس اني في دوله اوربيه

وحنا نستنكر هذا الوضع

كفو عليك الي سويتيه فيهم

مو بكيفهم سوي يلي تبينه و قوليلهم روحو اشتكوو

لو السالفه وصلت مجلس الامه يتصكر الفندق اذا وصل عند النواب الاسلاميين كل الفنادق تمشي سيدا


الكويت دوله محافظه و الدين الاسلامي محد يمسه في الدوله مع ان عندنا حريه اديان مو لهدجره يمنعون اللبس الرسمي للمراءه الخليجيه العباه

يا ليت توصل للمجلس يسنعون الفندق هذا

و المصيبه اسمه النخيل اسم عربي المفروض العرب لهم هيبه و رزه فيه مو يذلونهم و يخلون الاجانب على كيفهم


و ترا هذا فندق واحد ما يمثل فنادق الكويت كلها

اخوكم ولد خمس نجوم

الله يجزاكم خير على ردودكم الي تثلج الصدر
وياليت هذا الكلام يوصل للنواب الاسلاميين
وطبعا هذا مايمثل فنادق الكويت الغاليه عندي الي دايم ازورها وسكنت باغلب فنادقها وماعمري احد ضايقني