المشاركة الأصلية كتبت بواسطة q8ya metnaqla
http://www.arabtravelersforum.com/tr...2/#post5097848
السلام عليكم ورحمة الله وبركآته
حيآآكم الله ويا هلآ والله وغلآ بكل من دخل موضوعـي
انا عضو جديد بهالمنتدى الاكثر من رائع ودايما ادخل كـ زائر واستفييد من مواضيعكم الرآقيه
لكني اليوم سجلت لأني بحاجه لكم ولمشورتكم ورآيكم
انا عآزم ان شاء الله اني اروح للكويت الاسبوع الجآي وهذي اول زيآآره لي
وحاولت اقرأ واجمع وبعد صكه رآس طلعت بهالبرنامج وابي رآيكم فيه،،
أولآآ ،،،،
رااح يكون الوصول لدوله الكويــت الساعه الثالثه ظهرا يوم الجمعه بإذن الله
حياك الله اول شي في المنتدى وثاني شي حياك الله في ديرتك ..
اول مانوصل سنتجه للفندق وسوف تكون الإقآمه بفندق ميرآآج ابي رآيكم بهالفندق ؟؟
هل هو نظيف لأني حجزت فيه من كلام وآحد من الربع لكن ما شفته
الفندق موقع ممتاز والناس يمدحونه ..
البــرنآآمج المقترح والقآآبــل للتعديل
اخوي العصيمي ماقصر وانا بحط بعض التعديلات ..
اليوم الأول الجمعه
زيآره للأبرآآج في الساعه الرابعه عصرا بإذن الله ثم سنذهب الى سوق شرق ونتعشى فيه لكن ابغى مطاعم حلوه بالسووق ولا بجنبه
الابراج اعتقد انها مسكره للصيانه ،، هذا كا في خبر حاطينه في المنتدى .. دامك بتروح سوق شرق اتمشى فيه المطاعم الموجوده تشيليز وابل بيز والفاست فود ومطاعم ووايده الخ اذا تحبون متاحف مقابل سوق السمج اللي عند سوق شرق متحف بيت ديكسون تقدرون اتروحون واتشوفونه ..
المطاعم القريبه من سوق شرق عندك مقابل قصر السيف مطاعم حلوه والقعده حلوه : سلايدر ستيشن ، واسابي (ياباني) ،بزيتا ايطالي ، برغر هب .. انصحك (سلايدر او واسابي اذا من محبين الياباني ) هذا بالنسبه لليوم الاول.
اليوم الثآآني السبت
الأفينوز ابسألكم نقدر نتغذى فيه ،، يعني متى يكون فاتح ومتى يسكر
ووش تنصحووني بمطآآعم بهالسوق سواء غذاء او عشاء
ثــم سنذهب لــحديقه الشعب
ابآخذ رآآيكم وش احسن نخلي السوق قبل ولا الحديقه؟؟ وابي مطاعم حلوه بالشعب او قريب منهــا
وشو رآآيكم اخلي الافينوز بيووم مستقل لحآآله او تكون معآآه الحديقه ؟؟؟
انا من رايي هاليوم اتروح مثلا المركز العلمي اهو اللي احواض السمج تروحون الصبح وبعدها تروحون المارينا اتمشون فيه واتغدون اهناك ودي اقولك فريج صويلح بس لا ما انصحك فريج صويلح وبعدها حديقه الشعب ماتقدر تلعب 
يعني في هاليوم خلك اكلك خفيف ممكن اتغدا في لونوتر (فرنسي) في المارينا وبعدها العصر تروح حديقه الشعب .. وعقب مااتخلصون اذا حسيتوا انكم يعتوا اتعشون في مطعم النوخذه (بحري) على طول يم الحديقه في مكان اسمه ملتقى الشهب اهو موجود .. هذا راي في هاليوم..
اذا على رايك فالافنيوز المحلات فاتحه من 10-10 والمطاعم لي 12 والسينما لي وقت متأخر .. المطاعم : نابكت (ايطالي) نينو (ايطالي) غاردن (ايراني) فرايديز (امريكي) رايس (شبه كويتي) اونو (اعتقد امريكي) فيلا فيروز (لبناني) ، انا من عشاق فيلا فيروز.. عقب ماتخلصون من الافنيوز يعني لو قلنا على 4 العصر تقدرون تروحون الشعب وتلعبون واتعشون في المكان اللي اسمه ملتقى الشعب واهي فاتحه لي ال 10 الحديقه وفيها سينما ..
اليووم الثــالث الأحــد
ودي ارووح المبآآركيه ادور فيهــا انا وزوجتي وودي اروح للعربيد حق الجلآبيآآت لكن ما أدري متى هالاسوآآق تكون فاتحه يعني ممكن الظهر تكون فاتحه او العصر؟؟ أفيدووووني
العشاء ودي اروح الأكوابارك اتمشى فيهــا
وابسألكم هل الأكوا بارك هي نفسهآ المدينه المآئيه اللي نقدر نشوف فيهآ الاسماك اللي تحت البحر وهل وقت بعد العشاء منآآسب لهــا ولا تسكر مبكره؟؟
بعد ابي مطعم حلو نتعشى فيه يكون قريب من هالمنطقه
هذا اليوم انصحك تروح الصبح الفراونيه لمجمع العربيد من 10 او قبلها احسن يعني اذا تطلعون على 9 او 9:30 لان الفروانيه زحمه واذا المدام بتشري يبيلها وقت انصحكم تروحون مبجر لي تقريبا 1 الظهر فاتحين وبعدها اتغدون في مغل محل (هندي)موجود في الفروانيه ترجعون الفندق على ال 4:30 تروحون المباركيه واتمشون واتسوقون فيها ومره وحده اتعشون فيها في المطاعم الشعبيه : مثل دلق سهيل ، السيخ البحريني والخ ..
الاكوا بارك مدينه مائيه للسباحه المركز العلمي اهو اللي فيه احواض السمج ..
اليووم الرآبــع والأخيــر الإثنين
ودي ارووح لــسردآب الشأيع اللي فيه تقليـد المآركآآت اللي دلتني علييه اختي رييم ومآقصرت معآي الله يعطيه العآفيه
بعد ودي ارووح لمحل بوظه وحلويات الكوآكب ابشتري رهش وحلويــآت هديه لأهلي
وودي نتعشى بمطعم قريب بس ما أدري شنو المطعم الحلو ابيكم تقترحون علي ........
اليوم هذا تقدر اتسويه كله في اليوم اللي قبله اليوم الثالث لان انت رايح المباركيه والمباركيه فيها السرداب ومحل كواكب بعد موجود في نفس المنطقه ،، بس انا انصحك في الشمالي احلى من كواكب والعشا عطيتك المطاعم في المباركيه ..
يعني اليوم الرابع ماعندك شي جذي يكون فاضي : تقدر تروح الصبح منطقه فحيحل واتمشون في مجمع المنشر والكوت وبعدها اتغدون في مكان اسمه spoons في ميس الغانم على الشريط الساحلي لمنطقه فحيحيل .. وترجع الفندق والعصر تروحون مول 360 في جنوب السره واايد حلووو اتمشون فيه وتقعدون في الكافيهات اللي فيه وانصحك في كافيه كاكاو ..
والعشا علشان ماتقول اختنا كويتيه ماعشتنا بنعشيك في فريج صويلح وبعدها سينما في المارينا وانتوا اللي رادين الفندق..
ووبسس هذا كل اللي عندي وان شاء الله قدرت افيدكم في هالجدول ..
ووبــــــــس هذا البرنآمج وابي رآآيكم فييه وهو قآآبل للتعديــل
وابسألكم هــل البرنآآمج المقترح يتنـآسب مع :
1- الموآقع : يعني اقصد هل الاماكن السيآحيه اللي بنزورهآ باليوم الوآحد قريبه من بعض لان مثل ماتعرفون ماودي يروح الوقت بالدورآن ابي كل يوم تكون زيارتنا لمنطقه معينه ونتعشى فيها او في مكىن قريب منهــا
المواقع تقريبا زينه مع بعضها ولا تحاتي الكويت واايد صغيره ترا ..
2- الوقــت :يعني هــل الوقت المخصص لكل مكان يكفي اننا ندوور به ونشوفه مثلا الافينوز مناسب نخلي معآه حديقه الشعب او نخلي له يووم لحآآله
ممكن اتخلي معاه الحديقه اذا ماكنتوا ناوين اتسوقون ..
3- وقت العمـل : يعني هل وقت الزيآره يتناسب مع وقت عمل المكآن ( متى يبطل ومتى يسكـر ،، مثلا الابراج يناسب نزورهـا عصر الجمعه او تكون مسكره بهاليوم)
الابراج لازم اتأكد لك اذا كانت مسكره ولا لا .. لان قايلين للصيانه ..
سؤآل عآبـر متى تسكر المجمعآت ومتى تفتح والمنتزهآت بعد ابي وقت فتحتها وتسكيرها
الكل من 10-10 المجمعات الكبيره المطاعم لي 12 اما المجمعات العاديه من 9-1 وبعدها من 4-تقريبا 10.
آخــر شي ،، ابي منكم خدمه
ادري طولتهـــا شوي بس اتمنى تتحملووونـي
امممممم
فيه مطآعم قريت عنهــا وودي اروح لهــا لكن ما ادري وين مكان كل مطعم وثل مايقولون اهل مكه ادرى بشعآبهـا فإذا ماعليكم كلافه ابيكم تحطون كل مطعم باليوم المناسب له
او اذا عندكم مطاعم حلووه غير اللي ابذكره عآآدي قولوها بس علموني وين مكانها
المطآعم:
1-فريج صويلح
2-ميس الغآنم
3-أيآمي
4-مطعم هندي أي مطعم يكون حلو واكله نظيف مثل مغل او أي مطعم تقترحونه علي
بعد ابي مطآعم حلووه بمجمع الشرق والافينوز او قريبه منهــا
حطيت لك المطاعم وان شاء الله يعجبونك
والله يعطيكم الف عآآآفيه
الله يعافييييك وحياكم الله بديرتكم
انتظر ردوودكم بفآآرغ الصبر ،، وأحتاج مشورتكم ورأيكم واقتراحآتكم فلا تحرموني منهــا واتمنى تتفآعلون معي بسررعه لأن الوقت قررب وماباقي شي على السفره !!!
مشكووووووووووووووووورين
العفـــــــــــــــــــــو
مشكوووووووووووووووووووووووووووووووووووووووور يالغــــــآآآلي
الله يبيض وجهك ويحرمك عن النــآآآر
مـــــآآآقصرت والله
عطيك الف عآفيه
رد مع اقتباس
المفضلات