الموضوع: استفسارات يروسي

السلام عليكم ورحمة الله وبركاته...

اخواني الاعزاء انا مسافر انا والعائله الاسبوع القادم للاندونيسيا ان شاءالله
وعندي كم استفسار ولا احد يبخل علي ولا بمعلومه بسيطه

1-هل لزم استخرج فيزا سياحيه للأندونسيا؟
2-انا سريت التذاكر من هنا ولكن ماحجزت السكن هل احجزه من هنا وانا في السعوديه ولا احجزه من هناك؟
3-هل لازم اخذ معي فلوس دولاات مثلا او روبيه ولا مايحتاج واسحب من هناك بالبطاقه؟
4- والريال السعودي كم يساوي روبيه بالضبط؟
5-وبالنسبه لتكاسي كيفية التعامل معه بمعنى من اين احصل على سائق ثقه وهل لازم اعرف انا الاماكن ولا يكفي ان السواق يوديني للامكان السياحيه؟

6-انا والعائله صراحه نتمنى نركب سفينه{يخت}هل يوجد هناك سفن للأيجار مثل اليخت او لا؟

7- انا امنيت حياتي اطب من فوق طياره ببراشوت
8-وهل صحيح ان في اندونسيا مافيه شي بعد المغرب؟ بمعنى انه بعد المغرب خلاص كل واحد يرجع للسكن؟
9-وبالنسبه لرمضان هل يمكنني البقاء هناك ولا ماينفع اذا كان كل شي ينتهي بعد المغرب؟ وياليت اللي راح للاندونسيا برمضان يعطينا تجربته
ختاما اعذورني على ركاكة الاسلوووووووووب
وانا منتظر اجاباتكم والله يعطيكم العافيه

مواضيع عشوائيه ممكن تكون تعجبك اخترناها لك:

• مسافر بكره العصر وابي فزعتكم
• الفندق طلبني أشياء لتأكيد الحجز هل أسويها ؟
• شهر عسل ل يوم
• سؤال عاجل عن فندق استون مارينا
• رحلتي ليلة العيد الي اندونيسيا
• الاستفسار عن شركة الطيران؟
• ياليت تفيدوني في السكن في باندونق
• استفسار بخصوص خطوط الطيران بأندونيسيا وماليزيا
• انتهينا بس بقي اهم شي
• أبغى مســـاعدتكم يا خبراء بلاد العمه
• افضل الاوقات لزيارة جاكرتا و بالي؟؟
• استفسار بخصوص تحويل اموال
• استفسار بالي بونشاك
• ارجو الرد ضروري وبشكل عاجل بخصوص حجز تذاكر من هذا الموقع
• الايجار في اندونيسيا
• فزعتكم يا أهل الخبرة في بلاد العمه
• السفر من جاكرتا الى بالي
• رأيك يهمني
• هل من نصائح لمن يبحث عن الاثاث المودرن الممتاز
• هل تنفع للعائلات الملتزمة ؟

ملاحظه:عددنا انا واهلي 5أشخاص بالغين وطفلتين من 6-12 سنوات
يعني 7أشخاص

أخوي مرحبا بك
انا عندي اجابات لبعض الاسئله
بالنسبة للفيزا فإنك تتطلعها من المطار ب 25 دولار مايعادل 120 ريال والافضل انك تصرفها روبية من السعودية لعدد الافراد
بالنسبة لحجز الفنادق فالجميع يؤيد مكتب كاها في المطار او في منطقة الاتريوم انا حجزت من مكتب الاتريوم كاها لفندق جديد ورائع جدا اسمه Merlyrnn Park Hotel بالنسبة للأسعار انا اخذت غرفه تقريبا 500000
بالنسبة للتحويل ففي المطار تكثر مكاتب التحويل سعر الصرف 2450
هذا الي اعرفه بصراحه بالنسبة للأسئله الثانية ان شاء الله الشباب مايقصرو
تقبل تحياتي

يعطيك العافيه اخوي
بس يالغلا انت تقول الفيزا 25 دولار اي مايعادل 94 ريال سعودي وانت كاتب 120 ريال!!
وبالنسبه لسعر الصرف 2450 هذي حقت ايش يالغلا؟
انا اللي ابي اعرفه الريال الواحد كم يساوي روبيه والدولار الواحد كم يساوي روبيه؟

طيب ياشباب انا اخذت لفه بالمنتدى واكثر الاعضاء يتكلم عن تحويل الدولارات ومدي ايش

يعني تنصحوني احول فلوسي كلها الي دولارات؟
ولا اسحب من هناك؟
يعني تقريبا معنا 20 الف ريال معقوله احولها كلها الي دولارات واحذها معي!!

هلا اخوي
تحويل العمله يختلف في الفيزا
اما بالنسبة 2450 فهي الريال الواحد يساوي 2450 اما الدولار الواحد يساوي 9000
حول نصها الى دولارات والباقي حوله من اندنوسيا
تحياتي

الفيزاء من المطار تاخذها اذا وصلت

السكن تلاقي بالمطار مكتب كاها حنا حجزنا منة

الفلوس حول دولارات وروبية وبعد تقدر تسحب من صرافتهم حنا سحبنا منها عادي

البراشوت فية بالجبل تقفز من اعلى الجبل مو من طيارة

المشاركة الأصلية كتبت بواسطة يروسيrrq
http://www.arabtravelersforum.com/tr...9/#post4030395

السلام عليكم ورحمة الله وبركاته...

اخواني الاعزاء انا مسافر انا والعائله الاسبوع القادم للاندونيسيا ان شاءالله
وعندي كم استفسار ولا احد يبخل علي ولا بمعلومه بسيطه

1-هل لزم استخرج فيزا سياحيه للأندونسيا؟
الفيزا من المطار25 دولار للشخص الواحد


2-انا سريت التذاكر من هنا ولكن ماحجزت السكن هل احجزه من هنا وانا في السعوديه ولا احجزه من هناك؟

اخوي الحجز من مكتب كاها احسن شي

3-هل لازم اخذ معي فلوس دولاات مثلا او روبيه ولا مايحتاج واسحب من هناك بالبطاقه؟
اخوي الكاش احسن شي دولارت اوسعودي

4- والريال السعودي كم يساوي روبيه بالضبط؟
الصرف كل يوم بسعر



5-وبالنسبه لتكاسي كيفية التعامل معه بمعنى من اين احصل على سائق ثقه وهل لازم اعرف انا الاماكن ولا يكفي ان السواق يوديني للامكان السياحيه؟

اليك رابط

http://www.arabtravelersforum.com/travel389407/

6-انا والعائله صراحه نتمنى نركب سفينه{يخت}هل يوجد هناك سفن للأيجار مثل اليخت او لا؟
توجد في شاطي انشول وانير

7- انا امنيت حياتي اطب من فوق طياره ببراشوت
البرشوات في الجبل (بونشاك)

8-وهل صحيح ان في اندونسيا مافيه شي بعد المغرب؟ بمعنى انه بعد المغرب خلاص كل واحد يرجع للسكن؟
توجد المولات حتى الساعه 9/30مساء

9-وبالنسبه لرمضان هل يمكنني البقاء هناك ولا ماينفع اذا كان كل شي ينتهي بعد المغرب؟ وياليت اللي راح للاندونسيا برمضان يعطينا تجربته
اخوي المزرات كلها في النهار والوضع جدآ سهل في رمضان

ختاما اعذورني على ركاكة الاسلوووووووووب
وانا منتظر اجاباتكم والله يعطيكم العافيه



اخوي العزيز نحن في الخدمه

الله يعطيكم العافيه ياشباب وربي ماقصرتم وجزاكم الله خير
ولكن ياشباب ماجاوبتوا على اهم سؤال
معنا 20الف ريال سعودي أحولها الى دولارات وأخذها معي يعني بالشنطه !!!

المشاركة الأصلية كتبت بواسطة يروسيrrq
http://www.arabtravelersforum.com/tr...6/#post4035566

الله يعطيكم العافيه ياشباب وربي ماقصرتم وجزاكم الله خير
ولكن ياشباب ماجاوبتوا على اهم سؤال
معنا 20الف ريال سعودي أحولها الى دولارات وأخذها معي يعني بالشنطه !!!



لاتحط بالشنطة اي مبالغ وحولوها الى دولارات وخذه معاك كلها اقل من خمسة الاف دولار يعنى سهل حملها

او تقاسموها بينكم كل واحد يشيل جزء

المشاركة الأصلية كتبت بواسطة يروسيrrq
http://www.arabtravelersforum.com/tr...4/#post4030514

ملاحظه:عددنا انا واهلي 5أشخاص بالغين وطفلتين من 6-12 سنوات
يعني 7أشخاص

الأفضل يكون معك سائق بيومية لأن عددكم ما شاء الله كبير والسائق يريحك
كثيراً من التكاسي .. بارك الله في الجميع فقد أفادوا وما قصروا .

المشاركة الأصلية كتبت بواسطة يروسيrrq
http://www.arabtravelersforum.com/tr...9/#post4030395

السلام عليكم ورحمة الله وبركاته...

اخواني الاعزاء انا مسافر انا والعائله الاسبوع القادم للاندونيسيا ان شاءالله
وعندي كم استفسار ولا احد يبخل علي ولا بمعلومه بسيطه

1-هل لزم استخرج فيزا سياحيه للأندونسيا؟
تستخرج الفيزا السياحية لمواطني دول مجلس التعاون من مطار جاكرتا. سعر الفيزا 25 دولار للشخص بمافيه الأطفال. تحتاج 25 × 7 =175 دولار.

2-انا سريت التذاكر من هنا ولكن ماحجزت السكن هل احجزه من هنا وانا في السعوديه ولا احجزه من هناك؟
تقدر تحجز عن طريق الانترنت لو حبيت. أنا مامريت لامكتب كاها ولا غيره وقد يختلف معي البعض في هذا. لكن بالنسبة لي أفضل أني اضمن الحجز وأختار الفندق اللي يناسبني بدلا من اني اوصل المطار واتفاجأ ان الفندق اللي مخطط عليه يكون مليان أو أني أضطر احجز بفندق مادري عنه او مايناسبني. حتى لو كانت فيه زيادة في السعر مع انه مأاتصور بيكون فرق كبير بالذات اذا كنت متمرس في البحث عن الفنادق بالانترنت بتحصل خصومات حلوة واسعار طيبة.

3-هل لازم اخذ معي فلوس دولاات مثلا او روبيه ولا مايحتاج واسحب من هناك بالبطاقه؟
تقدر تاخذ دولارات أو ريال سعودي. الدولار يصرف في أي مكان وكذلك الريال السعودي ماعدا بالي ماشفت اقبال عليه كبير.

4- والريال السعودي كم يساوي روبيه بالضبط؟
الريال السعودي شبه متعارف عليه 2300 روبية للريال.

5-وبالنسبه لتكاسي كيفية التعامل معه بمعنى من اين احصل على سائق ثقه وهل لازم اعرف انا الاماكن ولا يكفي ان السواق يوديني للامكان السياحيه؟
عددكم 7 بتحتاج 2 تاكسي للتنقل. للمعلومية التاكسي مفيد في جاكرتا فقط. لكن بقية المناطق بتحتاج سائق خاص مع سيارة. أرقام السائقين موجودة بالمنتديات وتقدر تكلمهم وتتفاصل معاهم على السعر و على نوع السيارة. السائقين عارفين السياح الخليجيين وين بفضلون لأنه تعامل مع عوائل كثيرة قبلك.

6-انا والعائله صراحه نتمنى نركب سفينه{يخت}هل يوجد هناك سفن للأيجار مثل اليخت او لا؟
اتصور موجودة بأنشول. بالي أكيد بتحصل رحلة يخوت اذا كانت لك نية بزيارتها.

7- انا امنيت حياتي اطب من فوق طياره ببراشوت
فيه البراشوت ببونشاك. لكن من طيارة يمكن ببالي تحصل.

8-وهل صحيح ان في اندونسيا مافيه شي بعد المغرب؟ بمعنى انه بعد المغرب خلاص كل واحد يرجع للسكن؟
في بونشاك يبدأ الهدوء مع الظلام. جاكرتا وبقية المكان الحياة مستمرة الى وقت متأخر من الليل. بالرغم اني ما أنصح بطلعات الليل لأسباب أمنية.

9-وبالنسبه لرمضان هل يمكنني البقاء هناك ولا ماينفع اذا كان كل شي ينتهي بعد المغرب؟ وياليت اللي راح للاندونسيا برمضان يعطينا تجربته
اللي جرب راح يفيدك ان شاء الله.
ختاما اعذورني على ركاكة الاسلوووووووووب
وانا منتظر اجاباتكم والله يعطيكم العافيه



أتمنى أكون أفدتك ببعض الإجابات

المشاركة الأصلية كتبت بواسطة al-mosbah
http://www.arabtravelersforum.com/tr...8/#post4035638

الأفضل يكون معك سائق بيومية لأن عددكم ما شاء الله كبير والسائق يريحك
كثيراً من التكاسي .. بارك الله في الجميع فقد أفادوا وما قصروا .

الله يعطيب وش رأيكم بمكاتب كاها استأجر من عندها سيارااات؟

الله يعطيك العافيه اخوي i_love919
وبقية الاخوان ماقصرتم وجزاكم الله خير

طيب شباب كم سعر التذكره من جاكرتا-بالي-جاكرتا
وهل تنصحوني ازور بالي ولا جاكرتا تكفي؟
وبالنسبه لسواق والسياره اخذ اي رقم من هنا بالمنتدى ولا كيف؟
يعني اتوقع انها صعبه شوي اتفق مع واحد ما اعرف عنه شي ولا اعرف وش الوضع في الدوله؟
ابي شي مضمون تكفون ياشباب
والله يعطيكم العافيه

وهل ياشباب تنصحوني اسافر لبالي بالطايره ولا بالباخره وكم الاسعار لاهنتوا؟
واذا كنت ابي اروح لسنغافوره كولاالمبور كم بتكون التفكله؟ كم تذكرتها بالطايره وكم بالباخره؟
وبالنسبه للفيزا اذا قصيت الفييزا 30يوم وحبييت اجلس اكثر من 30يوم هل فيه طريقه لتمديدها هناك ولا لزم اقصها من السعوديه اكثر من ثلاثين يوم؟

بالنسبة للسائق توجد أرقام السائقين في المواضيع المثبتة في القسم ويمكنك
اختيار السائق ويمكنك استخدام الإنترنت بالبحث عن أرقام السائقين في إندونيسيا
وضعها في ورقة معك وأجعل الحساب باليومية يعني نهاية اليوم حاسب السائق وإذا
ما ارتحت لسائق شف غيره وأعتذر للأخر ..
على العموم ما اتوقع تتعب مع السائق وبالذات العائلة وتراهم غالبيتهم محترمين ويبحثون
عن لقمة العيش وعندك الجداول والبرامج وأنت تحدد خط سيرك ..

بالنسبة للفيزا إما أن تأخذ فيزا لمدة شهرين من السفارة الإندونيسية في بلدك وليس
القنصلية الإندونيسية والحل الأخر الخروج من إندونيسيا لماليزيا مثلاً والعودة مرة أخرى
والحصول على تأشيرة شهر ..

بالي أعتقد من الصعب جداً الذهاب لها بالباخرة فالمسافة بعيدة جداً من جاكرتا والأفضل
الطائرة فقط ساعة ونصف تقريباً هي المسافة ..

أرجو أن يفيدك من له خبرة بالنسبة للاستفسارات الأخرى .. بالتوفيق أخي الكريم

السلام عليكم

شباب انا والعائله بنسافر الاسبوع هذا ان شاءالله لجاكرتا
وشفت صوره لبالي واعجبتني الصراحه
فوشرايكم هل ازور بالي انا والعائله ولاجاكرتا تكفي؟
وكم سعر التذكره من جاكرتا-بالي-جاكرتا؟


وبالنسبه لسواق والسياره اخذ اي رقم من هنا بالمنتدى ولا كيف؟
يعني اتوقع انها صعبه شوي اتفق مع واحد ما اعرف عنه شي ولا اعرف وش الوضع في الدوله؟ وكم اسعار السواقين؟
وكيف اعرف الاماكن السياحيه ولا هو يوديني ولا اخذ اسماء الاماكن السياحيه من المنتدى؟
ولا تنصحوني اخذ سياره وسواق من مكاتب( بلو بيرد } واللي قد تعامل مع هذي المكاتب كيف طريقتهم وكم اسعارهم وهل يكون معي طول اليوم ولا كيف؟
ابي شي مضمون تكفون ياشباب
والله يعطيكم العافيه

المشاركة الأصلية كتبت بواسطة يروسيrrq
http://www.arabtravelersforum.com/tr...4/#post4046734

السلام عليكم

شباب انا والعائله بنسافر الاسبوع هذا ان شاءالله لجاكرتا
وشفت صوره لبالي واعجبتني الصراحه
فوشرايكم هل ازور بالي انا والعائله ولاجاكرتا تكفي؟
وكم سعر التذكره من جاكرتا-بالي-جاكرتا؟


وبالنسبه لسواق والسياره اخذ اي رقم من هنا بالمنتدى ولا كيف؟
يعني اتوقع انها صعبه شوي اتفق مع واحد ما اعرف عنه شي ولا اعرف وش الوضع في الدوله؟ وكم اسعار السواقين؟
وكيف اعرف الاماكن السياحيه ولا هو يوديني ولا اخذ اسماء الاماكن السياحيه من المنتدى؟
ولا تنصحوني اخذ سياره وسواق من مكاتب( بلو بيرد } واللي قد تعامل مع هذي المكاتب كيف طريقتهم وكم اسعارهم وهل يكون معي طول اليوم ولا كيف؟
ابي شي مضمون تكفون ياشباب
والله يعطيكم العافيه




زي ماتفضلت أخوي بالي روعة وجميلة جدأ. انا لس راجع منها قبل أسبوع وبصراحة كانت بالي أجمل محطة في الرحلة لانها بكل بساطة كأنك مسافر دولة غير أندونيسبا فالتعامل راقي والفنادق جميلة وكل شئ رائع ولكن تأكد انك ماتغلط نفس غلطتي وتجعل بالي اول محطة لك عشان ماتفسد عليك الرحلة. أقصد اذا انت رحت بالي فلن يعجبك شيء بعدها. بالنسبة للتذكرة ان بصراحة غلطت غلطة ثانية في اني ماحجزت عن طريق النت بوقت كافي (بناءً على نصيحة أحد الاعضاء) وكانت التذاكر (4) وقتها ب 2500 ريال تقريبا, لما وصلت جاكرتا حاولت أحجز حصلت المبلغ وصل الى 4000 ريال بزيادة أكثر من 50% والمقاعد كانت محددودة وأغلب الرحلات قفلت لأكتمال العدد لانه كان فيه اجازة مدارس عندهم. ع العموم تأكد من انك تحجز من هنا وعن طريق النت أفضل بمراحل. وغالباً التذكرة بحوالي 150دولار.

كل السواقين الموجودة أسمأهم في المنتدى ثقة وتم وضع أسمأهم بناءً على تجربة من الاخوان وعدم وجود ملاحظات عليهم.فلا تقلق.وزي ماقالوا الاخوان او كما جرت العادة انك تحاسب السواق في نهاية اليوم, اذا عجبك تقوله تجيني بكرة واذا ماعجبك تقول توكل على الله وتشوف غيرة مع ملاحظة ان جميع السواقين الان مشغولين لكثرة الناس ونادر ماتلاقي واحد فاضي.

بالنسبة للفلوس خذ معك دولارات واصرف على قد مصروف يومين والباقي خله في مكان آمن. بالنسبة للسحب من الصراف ف خله للضرورة القصوى لان العملية الوحده يعطيك مليون و250 الف روبية اي مايعادل 500 ريال ماعدا سيتي بنك ف يعطيك مليون و500 ألف.

شكرا لكم ياشباب ماقصرتوا الله يعطيكم العافية بس انا حسب ما اتضح من مواضيع الشباب ان فيه زحام شديد في جاكرتا والحجوزات غير متوفره ياليت يفيدونا الشباب

ياخوان مكتب كاها الي في الاتريوم هل هوفي السوق او وين الموقع

الباهر
هذا مجمع الاتريوم يوجد جسر على نفس الشارع تلاحظه بعد التاكسي
الاصفر مكتب كاها بعد هذا الجسر على اليسار (مقابل للمجمع)

المشاركة الأصلية كتبت بواسطة يروسيrrq
http://www.arabtravelersforum.com/tr...4/#post4046734

السلام عليكم

شباب انا والعائله بنسافر الاسبوع هذا ان شاءالله لجاكرتا
وشفت صوره لبالي واعجبتني الصراحه
فوشرايكم هل ازور بالي انا والعائله ولاجاكرتا تكفي؟
وكم سعر التذكره من جاكرتا-بالي-جاكرتا؟


وبالنسبه لسواق والسياره اخذ اي رقم من هنا بالمنتدى ولا كيف؟
يعني اتوقع انها صعبه شوي اتفق مع واحد ما اعرف عنه شي ولا اعرف وش الوضع في الدوله؟ وكم اسعار السواقين؟
وكيف اعرف الاماكن السياحيه ولا هو يوديني ولا اخذ اسماء الاماكن السياحيه من المنتدى؟
ولا تنصحوني اخذ سياره وسواق من مكاتب( بلو بيرد } واللي قد تعامل مع هذي المكاتب كيف طريقتهم وكم اسعارهم وهل يكون معي طول اليوم ولا كيف؟
ابي شي مضمون تكفون ياشباب
والله يعطيكم العافيه



شاركت بالموضوع والرد على أستفسارك قبل ما اشاهد إجابة الرااااائع سفير البدو واكتفيت بمشاركته الرااااائعه

أتمنى لكم رحله سعيده وموفقه

انا حبيت انصحك نصيحه وحده بس لانى توى جاى والحقيقه هى الى عكرت مزاجى بالرحله
احرص انك تطلع الفيزه من السفاره بالرياض قبل لاتسافر علشان ماتلطع بمطار جاكرتا وخصوصا ان معك اطفال
انا جلست بالفيزه ثلاث ساعات والحقيقه تكدر مزاجى

طيب يالغلا بس رحتلي بكره ان شاءالله والسفاره بالرياض يبيلها اقل شي يومين؟

اجل الحمد لله على كل حال
واتمنى لكم رحله موفقه