الموضوع: استفسار عن متطلبات السفارة للدراسة

السلام عليكم ورحمة الله وبركاته

انا طالب سعودي رايح صف أول ثانوي

وناوي الوالد يسفرني أمريكا مع عمي في الصيف القادم -إن شاء الله -

طبعا الــ i-20 حقتي جاهزة- من جامعة فلوريدا العالمية- لكن أبي الأشياء اللي رح تطلبها السفارة ،، انا سويت موعد يوم 31 اوكتوبر 2009 بالظهران الساعة 9:30 صباحا
الله لا يهينكم أبي كل الأشياء اللي رح تطلبها السفارة مني

ـــــــــــــــــــ

ومن ناحية ثانية ،، أبي أعرف شنو النموذج اللي لازم أعبيه عشان السفارة بما اني رايح للدراسة ،، هل هو ds-156 أو ds-157 أو ds-158 بس الله لا يهينكم أبي المعلوومات أكييده لأن الوالد كبير بالسن ولا أبي أرووح ويأخروننا أو يأجلون الموعد لأن في شيء ناقص أو كذا ....

وعندي بعد استفساار ،، وهو : النماذج كلها مكتوب فيها فوق على اليمين تاريخ انتهاءها ،، لكن النموذج ds-158 تاريخ انهاءه 08/31/2009 يعني انتهى من قبل 10 ايام تقريبا ،، هذا وش معناه ؟؟

وشااكر لكم تعاونكم وآسف عــ الإطالة وأنتظر ردودكم في فارغ الصبر

أخوكم \ عمر عادل

مواضيع عشوائيه ممكن تكون تعجبك اخترناها لك:

• استفسار لمستشارة بوابة الولايات المتحدة الامريكية
• وصلت الفيزا
• شيكاغو ؟؟
• مساعده ضروريه وبسرعة لو سمحتم
• السلام عليكم سؤال من سنوات
• افضل مدينة للدراسة والسياحة
• ولاية نيوجيرسي من لديه معلومات عنها
• يا جماعة نبي سكن لـ اشخاص في شيكاغو
• نموذج ونموذج
• أودكم استشارتكم في جامعات أمريكا أيهم أراسل؟؟؟
• تكرماً رشحوا لي اهم المدن في شرق امريكا التي تستحق الزيارة
• بمناسبة العيد الأضحى
• شبااااااااااااااااب ممكن؟ضرررررررروري
• موعدي بعد اسبوع بالسفاره هل ناقص شيء ؟
• عاجل جدا خصوصا الاخ امباكت ماهو الفيدرال اكسبريس
• موعدي بالسفاره وبالتفصيل
• طـمـوح فـي ربـوع تـقـريـر بالـصـور م
• اريد اماكن في مونتريال
• مطلوب المساعدة من الاخوة المشرفين والاعضاء بتخطيط رحلتي لهذا الصيف
• استفسار عن فندق

عزيزي هذا الرابط فيه كل الي تحتاجة واذا فيه شي منت فاهمه اكتبلنا هنا وماراح نقصر معاك
http://www.arabtravelersforum.com/travel165542/

بالتوفيق

المشاركة الأصلية كتبت بواسطة Impact
http://www.arabtravelersforum.com/tr...6/#post3232036

عزيزي هذا الرابط فيه كل الي تحتاجة واذا فيه شي منت فاهمه اكتبلنا هنا وماراح نقصر معاك
http://www.arabtravelersforum.com/travel165542/

بالتوفيق

هلا فيك اخوووي

اي الله لا يهينك في أشياء مو فاهمها ،، طبعا أنا قرأت الموضوع قبل ما أكتب موضوعي

الشيء الأول : بما اني رايح للدراسة ،،، شالنموذج اللي لازم أعبيه انت كاتب في الموضوع انه DS-158 وهو مكتوب عندي في عضويتي بالموقع ان من الشروط :

ان تعبئة و طباعة وتوقيع استمارة DS-156 إلزامية لكل متقدم، بغض النظر عن العمر. يجب إصدار هذه الاستمارة بعد تحديد الموعد في موقع http://evisaforms.state.gov أو بالضغط على وصلة إصدار الاستمارة في صفحة بياناتي. ان إحضار نسخة مطبوعة عن الطلب الالكتروني أمر إلزامي ايضا. إذا أتيت إلى المقابلة بدون هذه الاستمارة الالكترونية معبأة وموقعة ؛ فلن تكتمل المعاملة، وقد يؤدي ذلك إلى تأخير المعاملة كلها بشكل كبير.


فما أدري أجيبهم اثنينهم ولا ايش أسوي ؟؟

ـــــــــــــــــ

والشيء الثاني : شالأسئلة اللي ممكن يسألني اياها في المقابلة ؟

ــــــــــــــــ

والشيء الثالث : انا موعدي السااعة 9:30 معناها ان المقابلة في ذا الوقت ولا لازم ننتظر ونمسك دووور ،،، ويعني تقريبا كم سااعة ننتظر ؟؟

ـــــــــــــــــ

وبس ،،، آسف عـ الاطالة

المشاركة الأصلية كتبت بواسطة عمر عادل
http://www.arabtravelersforum.com/tr...3/#post3233453

فما أدري أجيبهم اثنينهم ولا ايش أسوي ؟؟
عبها كلها الاستمارتين وخذها معك للسفارة .. إن ما نفعتك ماضرتك
ـــــــــــــــــ

والشيء الثاني : شالأسئلة اللي ممكن يسألني اياها في المقابلة ؟
ماذا ستدرس .. اسم الجامعة .. اي ولاية او مدينة .. كم مدة الدراسة
تقريبا ً هذه الاسئلة .. يعني معلومات عامة عن دراستك
ــــــــــــــــ

والشيء الثالث : انا موعدي السااعة 9:30 معناها ان المقابلة في ذا الوقت ولا لازم ننتظر ونمسك دووور ،،، ويعني تقريبا كم سااعة ننتظر ؟؟
قرأت عن مشاركة عضو يشرح قصته مع السفارة ويقول لازم الشخص يذهب على موعده
ويفضل تكون هناك قبل موعدك بنصف ساعه

والله يوفقك ويسهل عليك الفيزا إن شاءلله ،،

تعبي 3 نماذج مثل الرابط الي قلتلك عليه !!

156 157 158

والاسئلة تقريباص من الفورمات وامثلها برضوا في الربط !!

الموعد الحين خلاص موزي اول تكون في السفارة قبل موعدك بنصف ساعة !!

بالتوفيق

ما تقصر اخووي امباكت ،، لكن الموعد ما فهمت شنو تقصد فيه يليت توضح أكثر (هل يعني ان المقاابلة الساعة 9:30 ولا )

وثآنيا : سالفة sevis هذي ما فهمتها .. وشو أسوووي فيها ؟

أنتظر ردك

سلام

اذا موعدك الساعة 9:30 تكون في السفارة الساعة 9:00 !!

بالنسبة للsevis هو مبلغ تدفعه وتطبع الفورم اذا جا الــ i-20 !!

بالتوفيق

السلام عليكم

امباكت sevis اقدر ادفع كاش اذا وصلت السفاره 200 ؟

واذا لااا ، كيف اسدده عن طريق الفيزا وكم في و200 $ كم ريال سعودي

وما عليش اذا ثقلت عليك

لا للاسف !!

بس ممكن تدفعه من اي بطاقة مو شرط باسمك !!

بالتوفيق

طيب اذا كنت ما مرة رحت أمريكا من قبل

هل لازم أجيب الجواز القديم ؟؟

واذا لازم أجيبه ،،، هو مو عندي بدلته بواحد جديد ،، شأسوي ؟

المشاركة الأصلية كتبت بواسطة عمر عادل
http://www.arabtravelersforum.com/tr...0/#post3238530

طيب اذا كنت ما مرة رحت أمريكا من قبل

هل لازم أجيب الجواز القديم ؟؟

واذا لازم أجيبه ،،، هو مو عندي بدلته بواحد جديد ،، شأسوي ؟




هم ما يهمهم سفرات امريكا بس

هم يبغوا يعرفوا انت اخر عشرة سنوات وين رحت !!

اذا الجوازات القديمة مو موجودة انصحك تاخذ برنت من الجوازات احتياط !!

بالتوفيق

طيب انا جوازي القديم مع امي واخواني كلهم في جواز واحد

عادي ؟؟

طيب جوازي سحبووه خلاص ،، من وين أسوي له برنت ؟؟

يليت تسااعدني

آسف شكلي ثقلت عليك لكني ما أبي أروح ويرجعوني

جيب الجواز الي مع اهلك

والبرنت من الجوازات اطلبه !!

بالتويفق