قوقل ماب

**alifun** · 02-03-2015, 08:37 AM

السلام عليكم ورحمة الله وبركاته
مرحبا أعضاء المنتدى
بغيت حد يفهمني أو يعلمني كيف أستخدم قوقل ماب
لأن شفت الإحداثيات الموجودة كلها فيها أرقام
وقريت مشاركات من الأعضاء إذا حاب تتأكد من شي حطه في قوقل ماب وبيطلعلك
أنا ما عرف له وحابه أتعلمها لأن أفكر أستأجر سيارة في سويسرا واستخدم هالإحداثيات
ولكم جزيل الشكر والاحترام

مواضيع عشوائيه ممكن تكون تعجبك اخترناها لك:

**ahmedgaper** · 02-03-2015, 08:37 AM

السلام عليكم ورحمة الله وبركاته::

انت وصلت للمطلوب....للأرقام ...بسيطة .
الرقم اللي يسار الفاصلة باتجاه الشمال
واللي يمين الفاصلة باتجاه الشرق.

واذا كان ودك تدخلها في القارمن ..لازم تغير صيغة عرض الاحداثيات في القارمن عشان تتطابق مع قوقل ماب.

خذ مثال::
انترلكن
interlaken

روح للخرائط واكتب interlaken

يطلع لك في الشاشة خريطة انترلكن وعليها سهم احمر.

ضع المؤشر على السهم الاحمر ...واضغط بزر الفارة الايمن.
تطلع لك قائمة منسدلة :
واختار الخيار.......ماذا هنا؟
What's Here?

على طول راح تلقى مكان البحث اللي حطيت فيه انترلكن اول..تغير الى ارقام.
هذه الارقام تدخلها في القارمن.

---------------------
اذا كانت عندك الاحداثيات وتبغى تدخلها في قوقل ماب..
مثلا ::
n 46 40.383
e 007 51.482

انسخها عادي..وحطها في مكان البحث...وراح تطلع لك في الخريطة في اي مدينة واي دولة.

------------------

**ahmed2** · 02-03-2015, 08:37 AM

الإحداثيات ماراح تحتاجينها الا في اضيق الحدود

الاجدر بك تعلم الطريقة الصحيحة لاستخدام جهاز الملاحة

مهم اختي الفاضلة تعلم طريقة اختيار المكان من الجهاز

لأن اي جهاز ملاحة موجود فيه اصلا معظم الاماكن المهمة

الاحداثيات تستخدم للاماكن الغريبة والنادرة مثل موقف سيارة على جانب الطريق
مطل ومنظر عام ليس يوجد حوله اي معلم محدد

للاسف الكثير من السواح ادخل نفسه في مشاكل كبيرة هو في غنى عنها والسبب سوء استخدام للجهاز

وحتى لو كنتي حابة تضيفين مواقع حصلتيها في قوقل ماب او قوقل ايرث فوقتها استخدمي الطريقة الصحيحة لذلك

ربي يوفقكم ويسهل دربكم