الموضوع: امريكا بعد العيد؟؟

السلام عليكم
صراحة ابغي اشكركم من كل قلبي على هالمنتدى الاكثر من رااائع واللي خلاني اصير من المتابعين له بشكل يومي..

طبعا انا ذكرت في موضوع قبل ابغي خط سير او ترتيب رحلة لامريكا ونصحوني بالتقارير المصورة ورحت عليها اغلبها وبالذات للاخ امباكت

الحين جمعت فكرة عن ولايات امريكا بس للحين احس متشوشة ومترددة من كثر ماقريت وبصراحة موبعارفة بترتيب المناطق من اقدر اروحها قبل ومن بعد حسب خط الرحلة يعن يالاقرب لبعض علما باني ناوية ارتب الرحلة لبعد العيد بنكون انا وزوجي وبنتي 4 سنوات تقريبا

بالنسبة لي عندي خل نقول 20 يوم ممكن اكثر جم يوم عادي .. طبعا خاطري اروح نيويورك فجم يوم ممكن تكفيني وشنو المناطق اللي فيها ممكن اروحها مااقصد ملاهي ومطاعم لا اقصد مدن او شي فيها وهل استاجر سيارة لها

بعدين انا ابغي اروح ديزني فهل اروح فلوريدا او لوس انجلوس لان مابيمديني المكانين . ابفي لاس فيقس وسانديغو
هل ميامي والمكسيك ممكن تكون عالخط وتنصحون فيها او كاليفورنيا تراني مشوشة ومب عارفة شنو المناطق اللي صوب بعض عشان لااضيع الوقت واللي تناسب معانا طفلة وامنه وهل تنصحون بمكان ثاني

يعني هل اروح نيويورك بعدها طيران لوس انجلوس والا شالسالفة وياريت تفيدوني عن الطيران انا بقلع من البحرين لازم ترانزيت او دايركت ممكن احصل لنيويورك وشنو تنصحون بالدايركت اريح او الترانزيت

مسامحة عالاطالة ولحد يقولي روحي التقارير للاعضاء مريتها اغلبها وهالمناطق اللي عجبتني وانا للحين مابغي فنادق او رحلات ومطاعم ان في المرحلة الاولى ابغي اقرر الوجهات وعدد الايام لكل وجهة

وتسلمووووووووون:106:

مواضيع عشوائيه ممكن تكون تعجبك اخترناها لك:

• انا ضايع و اريد حل من اهل الخبرة مع السفارة الامريكية
• استفسار عن
• سؤال بسيط و ياليت رد
• انا الان في امريكا واحتاج تجديد للأقامة؟؟
• عندي خط من تي موبايل من شهر فبراير
• النماذج المستخدمة
• واشنطن وما حولها أسئلة تنتظر اجاباتكم
• كيفية تغيير المواعيد
• مطاعم أورلاندو العربيه للي راح يصومون رمضان
• الدراسة بامريكا للعرب السوريين
• إلى كل شخص يهتم بمساعدتي في مشكلة السكن
• ضرورى اخوى امباكت تكفى
• مساعدة بخصوص السكن في امريكا
• سؤال لخبراء لوس انجليس ولاس فيقاس
• أفضل الأسواق في أورلاندو وميامي
• كم نأخذ وقت بالطيارة
• احد يعرف عن هالموقع شي
• هل التعريف بالراتب ضروري؟؟؟
• صلاحية الفيزا للسفر الى امريكا ،،
• اورلاندوا والسيارة

اتمنى لك اجازه سعيده يارب وتنبسطي هناك انتي ومن معك لأن أمريكا بشكل عام كبلد جميله جدا وكشعب جداً ودود
وطيب وشعب متعاطف جدا وانا احبهم لأخلاقهم كثير واتوقع راح تنبسطي كثير وكخبره لي أنا ماعرف نيويورك
كثير لكن لما نزور أمريكا نبات ليله ونسكن بالتايم سكوير وهي تعتبر افضل مناطق نيويورك وفيها برامج سياحه
باص ياخذك تور بالمدينه يعني لفه عالماشي وعلى تمثال الحريه وجسر بروكلين وكذا شارع من الشوارع اللي فيها محلات مشهوره صراحه هذا شي عالماشي تقريبا اعرفه مع انه عندي تحفظ على العشرين يوم اللي راح تجلسيها وبتزوري كذا ولاية لأنه بالنسبة لي كوجهة نظر أشوفها ماتكفي لبلد زي أمريكا يعني عالأقل قولي شهر ولاراح
تشبعي منها كجو وكطبيعة مختلفه من ولاية لولاية وكناس وانا بعد رايح يوم 26 سبتمبر اذا الله اراد.

[read]

حاولو تاخذو معكم قارمن بيسهل عليكم اشياء كثيره مره.

[/read]

عموما بالنسبة لفلوريدا ودزني لاند انا بحياتي مازرت فلوريدا بحكم حبي وتطرفي ل كليفورنيا اللي فيها كل شي وانواع الملاهي والألعاب المائية وبما انك بتزوري لاس فيقس وسان دييقو ( لاتنسي تزوري السي وورلد والداون تاون ولاهويا بيش سان دييقو) .... اقترح عليك كرأي تجلسي كم يوم ب نيويورك ولاتكثري عشان ماتصرفي كثير وبعدين تطلعي لوس انجلس لأنها عن لاس فيقس تقريبا اربع ساعات وأقل وعن سان دييقو ساعه وعن سان فراسيسكو 5 ساعات طبعا بالسياره وتسكني بمدينه مو بعيده عن لوس انجلس اكثر من نص ساعه واسمها ايرفاين فيه عندهم فنادق حليله ومناسب اسعارها وفيها كذا مول مثل ساوث كوست بلازا

وفاشن أيلاند وسبيكترم ولايفوتكم سبيكترم وللصغير بالذات وفيها منطقة انهايم مجموعة مطاعم عربيه وفيه مكان اسمه بالبوا فيها بيش حلو نيوبورت بيش قوارب وجتيكسي وحركات وتمشيات حلوه بعد وفيه ملاهي اسمها سيكس فلاقس تنفع للولد كثير بس كلها مسابح وزحلايق وانشالله تنبسطوا هناك هذا بمدينة ايرفاين ومجرد عالسريع ولا لو تسوي بحث بتلقي اكثر من كذا كترفيه واماكن تمشية
طبعا لوس انجلس فيها شارع اسمه سن سيت لايفوتكم فيه كذا مطعم حلو وفيه مول اسمه سنشري بيعجبكم ...سانتا مونيكا والثيرد ستريت والشاطي هناك مررره حلو طبعا لايفوتكم يونوفيرسل ستوديوس وبفيرلي هيلز وماليبو فيها بيوت للفنانين وشارع الووك اف فيموس .
وتروحي وترجعوا بالسلامه اسف عالاطاله واذا حابه تاخذي فكره اكثر فيه مواضيع بالمنتدى كثير تسهلك اشيا كثيره.

تحياتي

اختي الكريمة

نيويورك يكفيها 4 ليالي

ارشح لكم في البداية فلوريدا بما انكم مهتمين في دزني لانها اكبر بكثيرمن لوسانجلس واجمل بمراااااااحل
وفلوريدا فيهامن الحدائق الكثير والاجمل من لوس انجلس والاكبر !!

التنقل الكثير بين الشرق والغرب بيكون متعب وانتم معكم اطفال المسافة بين اورلاندوا مثلاً وفيقس بالطائرة 5 ساعات!!
ارشح انكم تاخذوا الشرق في البداية والرحلة القادمة باذنالله تكون للغرب !!

نيويورك 4 ليالي

اورلاندوا 12 ليلة تتمشواافيها وفي حدائقها والمدن القريبة بالسيارة وترجعوا غب نفس اليوم !!
من المدن القريبة تامبا وديتونا بيتش وبورت كرنفال !!

ومنها بالسيارة 4 ليالي ميامي


بالتوفيق

الف شكر العضوين لوف وامباكت

بصراحة تحيرت وصدمتني يا امباكت يوم قلت لي 5 ساعات من اورلاندو لفيقس.. انزين سؤال ثاني انا لما بطلع من البحرين لاي مطار اقدر اوصل لوس انجلس ونيويورك بس اللي دايركت والا شلون ؟؟ عشان لما بروح الغربي انزل على لوس انجلوس ولو بروح الشرق انزل في مطار نيويورك

بس زوجي يقول بما انا هي رحلة من العمر واحتمال ماتتكر او مو حاليا وانا بصراحة خاطري في فيقس وفيه بديل لديزني عن اورلاندو في لوس انجلوس فاقتراحة نروح الغربي لوس انجلوس وضواحيها
السالفة ومافيها نقدر نزيد المدة لشهر مثلا لاني حتى لو ابغي لوس انجلوس وضواحيها في نفس الوقت خاطري امر نيويورك اول شي فكل الحالات راح تصير شرق وغرب لو مثلا عندي شهر هل كفاية:
5 ايام نيويورك
10 اورلاندو وكم المسافة من نيويورك لفلوريدا بالطائرة او ممكن بالسيارة؟؟
5 لوس انجلوس
5 فيقس
2 ساندييقو
وهل في اقتراحات ثانية لخط الرحلة ترتيب الاماكن او منطاطق ثانية ماتتفوت؟ظ وهل الخبيرين ينصحون بمنطقة واحدة فقط اي قصدي شرق او غرب لايصلح الاثنين معاااا وهل راح تكون اذا شرق وغرب اكثر مكلفة يعني من نيويورك الى لوس انجلوس بكم سعر التذكرة؟؟

بالنسبة لنا رحنا هونج كونج ديزني لاند هي صج اصغر وحدة بس مالعبت ولاشي انا وزوجي خوافييييين بس كنا نتمشى بس بدون لعب
سوؤال بعد هل لوس انجلوس هي اكبر ديزني بعد اورلاندو او اليابان او فرنسا اكبر؟؟

تسلمو

والله سفرتكم اجل بتصير تنقلاتها كثير !!

على العموم ممكن تروحوا على ااماراتية توصلكم الى نيويورك وترجعوا من لوس انجلس !!

والمسافة من نيويورك الى اورلاندوا بالطائرة حوالي 3 ساعات !!

لكن حرام توصلوا الغرب وما تزوروا كل مناطق كاليفورنيا االرائعة !!

لان لوس انجلس كبيرة جداً وهذا موضوع عنها والسكن فيها والمسافات : http://www.arabtravelersforum.com/travel292781/

دزني مع ان هي الاصل لوس انجلس من اصغرها !!

بالتوفيق

New York:(1Night) (26-9-2009) To (27-9-2009
San Francisco:(4Nights) (27-9-2009) To (1-10-2009
Monterey:(1Nights) (1-10-2009) To (2-10-2009
Irvine:(8Nights) (2-10-2009) To (10-10-2009
Las Vegas:(3Nights) (10-10-2009) To (13-10-2009
New York:(4Nights) (13-10-2009) To (17-10-2009
Back To Saudi Arabia: (17-10-2009

اهلين اختي
انا ناوي اطلع بعد العيد مباشرة وصارلي فترة اخطط
هذا خط سيري
اذا حابة خذي فكرة وان شالله تستفيدين منه
تحياتي

انا طالع على الخطوط السعودية دايركت الى نيويورك
وبالنسبة للسيارة رح اخذها اخر يوم في سان فرانسسكو وبتظل معي وراح اسلمها انشالله في اول يوم في فيقس يعني بتكون معي 9 ايام ونصف

تبين نصحيتي؟
اذا عندكم خيارين بين شرق امريكا او غربها .. لا تترددين في اختيار غربها لاس فيقاس وكاليفورنيا وتشمل لوس انجلوس ، ارفاين ، سان ديغو ، سان فرانسيسكو ... الخ
وفيه رحلات مباشره الى لوس انجلوس مثل الاماراتيه من دبي او اليونايتد من الكويت او رحلات ترانزيت عن طريق اوروبا وغيرها ..
صعبه جدا تجمعون الشرق مع الغرب في سفره مدتها 20 يوم .. ممكن توقفون في نيوريوك وتجلسون ليلتين او 3 وبعدها على كاليفورنيا
بالتوفيق

المشاركة الأصلية كتبت بواسطة المسافرة81
http://www.arabtravelersforum.com/tr...2/#post3218264


بس زوجي يقول بما انا هي رحلة من العمر واحتمال ماتتكر او مو حاليا وانا بصراحة خاطري في فيقس وفيه بديل لديزني عن اورلاندو في لوس انجلوس فاقتراحة نروح الغربي لوس انجلوس وضواحيها
السالفة ومافيها نقدر نزيد المدة لشهر مثلا لاني حتى لو ابغي لوس انجلوس وضواحيها في نفس الوقت خاطري امر نيويورك اول شي فكل الحالات راح تصير شرق وغرب




دام المده شهر و ما معاكم الا طقل واحد بإمكانكم تجمعون ما بين شرق أمريكا و غربها بكل سهوله

نيويورك 4 أيام

أورلاندو 10 أيام

لاس فيغاس 3 أو 4 أيام

سان دييغو 3 أو 4 أيام

لوس انجلوس 8 أو 10 أيام موزعه بين شمالها و جنوبها







المشاركة الأصلية كتبت بواسطة المسافرة81
http://www.arabtravelersforum.com/tr...2/#post3218264

بالنسبة لنا رحنا هونج كونج ديزني لاند هي صج اصغر وحدة بس مالعبت ولاشي انا وزوجي خوافييييين بس كنا نتمشى بس بدون لعب
سوؤال بعد هل لوس انجلوس هي اكبر ديزني بعد اورلاندو او اليابان او فرنسا اكبر؟؟

تسلمو



:114::114:
ما دام وضعكم كذا أشوف إنها waste of time تزورون أورلاندو

ممكن تستبدلونها بمدن ثانيه و الخيارات كثيره شيكاغو سان فرانسيسكو سياتل شلالات نياغرا من جهة كندا ( لو معاكم فيزا كنديه)

مشكورين العضاء ماقصرتو
احس اني قدرت اقرر السفر لجهة الغرب مبدئية خاصة ان اورلاندو ممكن احصل في لوس انجلوس الاماكن السايحية اللي فيها يعني فيه البديل
وممكن امر بس نيويورك 4 ليالي (احتمال)

فلو عندي هال20-25 يوم مثلا شلون اوزعها على جهة الغرب