مساء الخير وصباح الخير
وكل واحد بوقته يرد عالخير
شلونكم يالطيبين والطيبات .. عسى حالكم ماشي ؟؟
من زمان مارحت الخيران صارلي جم سنه قلت عاد هالسنه بروح وبشوف شكو ماكو شنو صار يديد افتحوا شغلات يديده والا نفس ما اهي فشفت ولله الحمد شوية تغيير عالبحر وزادوا شاليهات يديده يسمونها الفلل ولله الحمد شي طيب الصراحه
المهم توجهنا ولله الحمد وبرفقة اللي برفقته الى منتزه الخيران الدولي واللي كل مره نقول نفس هالسالفه يقعد في جنوب الكويت فحياكم
هذا مدخل المنتزه ... ياهلا ياهلا بالخيران اشتقنا الصراحه
وبدايتن (يعني تنوين) واحنا في طريقنا الى التجول في المنتزه
مرات جذي اتحس بهدوء وسكينه ودك تفتر بروحك بسيارتك مالك شغل في احد وتتمتع في الخيران
بس وين بعض هالشباب الله يهديهم مايخلون احد بحاله .. ادارة المنتزه ماقصروا امنعوا دخول الشباب اللي من بره بس مسموح حق اللي مع عوايلهم وهم ماكو فايده
هم بعض البنات الله يهديهم اي وخروا عن الشارع حاطين لكم شارع جانبي يعني الا تمشون بوسط الشارع ؟؟
ويقولون واي قطع الشباب مأذينا
على مسيري على مسيري الا بسم الله الرحمن
على مسيري على مسيري ولاموذي ولاشيطان
اطربني ضغطوا هني يالله ^_^
نروح نشوف الحين الطيبه هذي ذات الرداء السماوي اللي مادري شفيها قاعده على كبوت السياره وتفتر بالخيران .. عسى ماشر يبا ؟؟
شنو ماكو مكان بالسياره عشان تقعدين على الكبوت ؟؟ اي ليش يعني ليش ممكن احد يقول لنا تفسير مهم حق هالسالفه يعني ؟
لا والمشكله انه اللي تسوق كل شوي تطق بريك تبي تطيحها .. يا اخرطي بس
وخّر انت الثاني عن الشارع خلنا نشوف طريجنا بس
كفو كفو يالقدساوي يازين هاللون
خل ندش مسبح كبر .. عاد يقولون عليه دوس .. تدرون اول مره ادشه العاده امر عليه مرور الكرام وامشي عنه
عاشوا الشباب واليهال
وخر ياصبي وخر عن رفيجك لايطيرلك سلايت على بطنك
يالله نطلع من المسبح كافي عاد .. خل نتمشى ونسولف ونحكّي ^_^
الأجواء جميله وممتعه بالخيران وانت قاعد على الكرسي وتشوف الرايح والراد
شتبي انت ؟؟
يابطتي يانديه روحي لخلي هديه
لاحول ولاقوة الا بالله ... قتل البيئه على ضفاف المنتزه ... زين ليش يعني اللي صادها حذفها هني اي ليش تقتلها من الاساس ياالمجرم
يالله نكمل
ياعيني على جمال الخيران بس لو مو الحر الزايد هالجم يوم والا جان اهيه اوكي ...
عاد انا عندي اقتراح ودي اطرحه يمكن يلاقي الصدا الزين يحطون مرشات ماي على طول الطرق اللي في الخيران يعني وانت تمشي على القار وانت تمشي صوب البحر المرشات فوقك ترفرف من هالرذاذ ويبرد عليك حرارة الجو ... شرايكم مو اوكي ؟
على ضفاف البحر
يبيله بسطه ومطارة هالحليب والدرابيل يمك وتبلع بستين عافيه
وين رايح بايساب .. تو النهار توه توه ... تو النهاااااااار لاتبتعد عني ويلاه
خلك قريب مني ويلااااه
واللي تبيــــــــــه سوّه سوه وتو النهار توه
كيفك ان شاءالله تقط روحك بالبحر محد درا عنك وماتشوف شر من الأساس
عاشوا الكوماندوز امهيتين اليهال على صوووب وقاعدين فوق التلـّه ويتبادلون اطراف الحديث
وكومار ياي وبابو رايح ... وهات ياتضبط مع هالهنود والبنغاليه ... واخرتها طايحين عليها معازيبها تتحجى مع كومار وبابو وربعه
===============
عاش الزير حسنين وين رايح .. رايح حق الفلل ها ؟؟
يالله خلنا نروح يالله
يالله خلنا نروح يالله ... يالله خلنا نروح يم نجمه وقمر
سيقانك بو الشباب
وصلنا الى الفلل
ياعيني على المناظر القتاله الصراحه شي يفتح النفس وطيب بنفس الوقت
هذيل سلمكم الله الفلل اليديده اللي توهم مسوينهم يعطيهم العافيه ادارة المنتزه خوش شي
شوايات وحديقه خاصه فيك امام الشاليه محد يناشبك فيها وقعدات طيبه ولعب جنجفه
بس عاد نشوف الجهه المقابله والا ربع الجتات ... وليــــه اخلصوا من هذاك الصوب يو هالصوب ... اي مو يقولك هذا توه يديد هذاك عتج صار قديم
اهي طراريد تنزل .. جتات تصعد ... واطردي مع خفر السواحل الله يعطيهم العافيه الخفر يوخرونهم والجتات يعاندون ... والله ابتلشوا فيكم
حطوا حاجز الخيران وهم ماكو فايده ههههههههه اييون صوب الحاجز ويغرقون الاوادم بهالماي
شكله يقول عندهم قومه في البحر بين هالجتين
سلامات يالطيب ... ماعليه ماي مالح بس اللي دش بعيونك
اختلط الحابل بالنابل ... ورايحين ورادين وسوالف ووناسه
مو شي الواحد يسوي روحه فنان ويعرف يسوق واخرتها يقلب
هوبااا الحمدالله على السلامه ... يالله كمل مشوارك
عاشوا المنقذين
اي هذا الشغل الحلو مالهم شغل في احد بروحهم ومايسوون شي للاوادم
يالله خلاص بس كافي بحر
هالزرعتين طالعين بالغلط
ذكروني بملاهي الزهره القديمه بيــــه شاخباري
عند الاشاره تكون الساعه الثانيه عشره مساءا ومادري جم الصراحه وخمسين ثانيه
اهم شي بقاري العايله انه فيه ليتات وماتشب اشحقه حاطينهم الله اعلم
انزين بس ليش يسمونه قاري العايله ... عشان اللي يركبون فيه اكثر من واحد مثلا والا شنو بالضبط ؟
زين فرضا اللي يركبونه كلهم شباب ... وين مسمى العايله في هالحاله ؟؟
ترى اللي حاذف البطل يعني منهم ... اقصاه باربيكان يالطيب فشلتنا الله يلوع جبدك
ايابااااه ودي احد يعلمني شلون العب ترى ماعرف منو يعلمني واكون له شاكرا وممتن
شكله عصب على رفيجه اللي يلعب وياه وحذفها عليه
فمان الله اشوفكم في مواضيع يديده صيفيه ان شاءالله
الى اللقاء
منقولمواضيع عشوائيه ممكن تكون تعجبك اخترناها لك:
- الفيزبالكويت
- طيارو الكويتية «طاروا ساعة متصلة
- بشرى سارهشركة طيران كويتيه جديده
- مريديان تاور يفتتح في قلب مدينة الكويت
- بالله عليكم ساعدوني بكروت الأفراح في جوانزو
- استفار من اهل الكويت عن الاحداث السياحيه
- سأزور الكويت في هلا فبراير ما هيا الشقق الجديدة التي ينصح بها
- كل عام وأنتم بخير الفزعة يأهل الكويت الكرام
- منتــزه مــرح لانـــد
- استفسار عاجل
- ارجو ابداء الراي
- أماكن لازم تزورونها بالكويت
- مطعم العصيرات هذا ، أما زال موجوداً في الكويت أم أُغلق ؟
- عروض المدينه الترفيهيه
- صور زيارتي ل مطعم أبو شقرة
- بزور الكويت ثالث يوم بالعيد
- رآيكم بهذه آلفنآدق
- ازياء سهره
- سعر التذكرة الى الكويت
- عااجل مين يعرف رقم تلفون اثينا بلازا
رد مع اقتباس
المشاركة الأصلية كتبت بواسطة محمد ولد الخيرا
المفضلات