الموضوع: اريدة زيارة مجمع الكوت والفروانيه العربيد ومول 360 وسوق شرق والمركز العلمي

حياكم الله ببلدكم الثاني الكويت
بالنسبة للمولات انا اقولكم كالتالي
الفروانية: مجمع الصيفي, العربيد, الحمرا مول, مترو, واخرى كثيرة كلها يم بعض بس قولو حق التاكسي ابي اسواق الفروانية واهو يدليكم وقريبة من فندق الهوليداي ان
واما الافنيوز فهو موجود بالري على الدائري الخامس واهو سوق عود وفيه كل الماركات ومطاعم وقهاوي يا كثرهم.
واما في الديرة بتلاقون سوق المباركية وحواليه محلات وايدة مختلفة وفي مطعم الشهد ماكولات ايرانية جدا لذيذة صوب الفرضة مالت المباركية سالو اي واحد عنه ويدليكم لان في مثلة مطاعم وايد بس مو من مستواه. وفي بعد سوق البلوكات ايضا يم المباركية كله محلات خام مختلفة رجال ونساء . واللي يسال ما يتيه.
ولي طلعتو من المباركية على شارع الخليج العربي صوب من بعد المسجد الكبير وخليتوه عاليمين :
ملاحظة خلكم على طريق البحر يكون طريقكم صح بالنسبة للاتي:
سوق شرق عاليسار والمستشفى الاميري عاليمين ولي كملتو جدام بتحصلون مطعم ميس الغانم عاليمين, وروحو جدام اشوي بتحصلون الابراج والاكوا بارك يساركم , طلعو جام بتلاقون مطعم شيليز عاليسار وجدامة بشوي مطعم عبدالوهاب للماكولات اللبنانية وكملو جدام شوي بتلاقون مطاعم الوجبات السريعة عاليسار على امتداد الطريق لغاية المارينا مول على اليمين وقبالة عالبحر القهاوي وفندق المارينا , كملو جدام شوي بتحصلون المركز العلمي وتذكرتة ب 3,5 للشخص الواحد
والباقي بتشوفونة بعينكم وحياكم الله بينا

^^^^^^^^^

لآخلآ ولآعدم أخوي ماكسيماس

ألف شكر لك لإفآدتنآ بمعلومآتك ،

وألف شكر لصآحب الموضوع أخوي لعوزتوني ،

رحلة ممتعة بإذنه تعآلى

سلمت يمناك اخوي ماكسيماس استفدت منك كثير و
يعطيك العافيه الغزال الاشقر

وفي انتظار آراء البقية..

منطقة الفحيحيل منطقة تجاريه يعني مجمعات واسواق شعبيه يبيلها نص يوم لزيارتها

مجمع المنشر ( وفيه محلات وكافيهات ومطاعم وفيه فندق روتانا المنشر ) شارع بين المنشر والكوت

مجمع الكوت ( وفيه محلات وكافيهات عند النافوره مكان وايد حلو ومطاعم وسينما وفيه ممشى على البحر )

مجمع الدبوس - مجمع العنود - مجمع اجيال - سنتر بوينت كلهم قريبين من بعض تروحون لهم مشي

اسواق شعبيه بالعشرات كلهم قراب من بعض

بعدين 7 دقايق وانتوا في ابو حليفه في مجمع كويت ماجيك على البحر وفيه محلات ومطاعم والعاب داخليه وخارجيه وبنفس الشارع اربع مجمعات مطاعم على امتداد الطريق الساحلي

ما قصرت اخوي كويتي وهذ ا المعتاد منكم يعطيك العافيه..

المشاركة الأصلية كتبت بواسطة لعوزتوني
http://www.arabtravelersforum.com/tr...6/#post4819660

تحية طيبة عامة للجميع وخاصه لاهل الكويت /

حياكم الله في ديرتكم الثانيه..


قررنا زيارة الكويت الحبيبة لمدة ثلاتة أيام وأخذت جوله في البوابة واستفدت منها كثير

ووضعت برنامج وفيه زيارة مجمع الكوت والفروانيه (العربيد) ومول 360 وسوق شرق والمركز العلمي

وسوق المباركية وافنيوز وفريج صويلح وميس الغانم وهل هذا المطعم يفتح يوميا

مثلا نقول يوم تروحون ( مجمع الكوت منطقه الفحيحيل الصبح وتمشون فيها واسواقها لي العصر تروحون 360 في منطقه جنوب السره على الدائري السادس وواتعشون فيه )

اليوم الثاني ( الصبح تروحون الفروانيه مجمع العربيد الظهر وعلى 1 الظهر تروحون سوق شرق وبعده اتغدون في ميس الغانم منطقه شرق وبعدين المركز العلمي )

اليوم الثال( الصبح سوق المباركيه والظهر اتغدون في فريج صويلح على شارع الخليج العربي يم مارينا مول والعصر تروحون الافنيوز )

هذيل خلصنا ال 3 ايام وان شاء الله تستانسوون ، فريج صويلح فاتح كل يوم ميس الغانم اجازه يوم الاحد..


المطلوب جزاكم الله خير ترتيب هذه الأماكن بحسب قربها من بعض ووصف موقعها

بالنسبه للسكن حصلنا فقط عند فندق سويس بل للازا وفندق سفير جنب الابراج أيهما أفضل؟؟

السكن ان شاءالله الشباب يردون عليكم
الله يعافيكم لاتتأخرون علي انتظركم بفارغ الصبر..



الله يعافيك وحياكم الله

q8ya عطيتني الزبدة يعطيك الف عافيه بس ذا الحين المشكلة في الحجز مافي كلا فل وش السواة؟؟؟؟

ما تخبر شقق نظيفة وسعرها معقول؟؟؟ أدري زودتها اسمح لي اخوي..

المشاركة الأصلية كتبت بواسطة لعوزتوني
http://www.arabtravelersforum.com/tr...4/#post4823264

q8ya عطيتني الزبدة يعطيك الف عافيه بس ذا الحين المشكلة في الحجز مافي كلا فل وش السواة؟؟؟؟

ما تخبر شقق نظيفة وسعرها معقول؟؟؟ أدري زودتها اسمح لي اخوي..



بصراحه ما عندي خبره بس بسأل واحاول وان شاء الله احصلكم ،، بس انتوا جم شخص ومن اي تاريخ ؟

يا هلا و يا مرحبا

ممكن تشوف حجز بموقع بوكنق

و انشالله تلاقي

حنا عايله من ست اشخاص وثلاث اطفال وان شالله بنجي في 4فبراير يوم الجمعه لمدة ثلاث ايام

وانا صراحه حصلت بالفنطاس بس ودي بمنطقة اقرب لسالمية وجزااااااااااااااااااااك الله خير

اسفه ماحصلت شي السايتات كلهم مافي .. خلكم على اللي انتوا فيه وامركم لله ..
وان شاء الله احد من الشباب يفيدكم

شوف بموقع بوكينق رؤووم ان للشقق المفروشة بشارع المطاعم مقابل بودل للشقق المفروشة جديد ونظيف

تم الحجز ماااااااااااااااااااااااااقصرتوا وفي موازين اعمالكم عفاكم الله..

الله يعافيك واي خدمة بالكويت لا تتردد بين اهلك واخوانك وتشرفونا بديرتكم