الموضوع: عاونوني يرحم والديكم

السلام عليكم ورحمة الله وبركاته
اشكركم على هالمنتدى الطيب اللي اتمنى انكم تقبلوووني عضو جديد خفيف الضل معاكم

ما اتمناه منكم اخواني انكم تساعدوني بإتخاذ قراري وه اني بالصيف ودي اسافر سياحه ولغه انا وعيالي اخترنا اولاندو مبدئيا
اللي ابيه منكم ابي هل هالمدينه
ممتازه للسياحه خصوصا بشهر 7 لاني فترة السفره 5 اسابيع بدايتاا من شهر 7
هل فيه سكن بيت ممتاز ومجرب
هل فيه مصداقيه عند التعامل مع شعب هالمدينه بالانتر نت والدفع طبعا والا لا
من الاخر تصلح والا لا مع شي من التفصيل

شكر

مواضيع عشوائيه ممكن تكون تعجبك اخترناها لك:

• وش الحل مع سفارة الرياض؟ انا بأمريكا حالياً وماني قادر آخذ موعد لزوجتي عجزت
• الفززززعة ياهل الخبرة للدراسة في بريطانيا
• البعثات الخارجية في دولة الامارات
• خطيبتي لم يخرج اسمها من ضمن الأسماء فماذا أفعل ؟؟
• ممكن طلب يالطيبين ؟
• استفسار عن التجارة الالكترونية في امريكا، ارجو المساعده من الخبراء
• فرصة ابتعاث جديدة
• الله يعفيكم اريد الافاده عاجل
• الفيزا طلبوا مني اعبي الإستمارة من الموقع عطونا موقع السفارة علشان اطبع الإستمارة
• استفسار عن معهد في برايتون
• افيدوني يا اخواني ولكم التحية؟؟؟؟
• قبول طلاب لبرنامج الابتعاث لسنغافورة بالخطأ
• استفسار عن دراسه اللغه
• خطأ في الشهادة الحروف الإنجلزية
• هل الفبزا البريطانية تمكنك من دخول باقي دول اوروبا اذا كان بلد الوصول بريطانيا
• فزعتكم يابنات
• تكفوووون يا شباب افيدوني
• استفسار معهد
• اخيرا قدرت اخذ موعد مع السفاره
• بليز احد يساعدنيابغي قبول مشروط

اهلا بك ياغالي معنا في البوابة الامريكية ,,

عزيزي

ياريت توضع انت ودك تروح اورلاندوا باذن الله مع العائلة في شهر 7

طيب ايش المطلوب غير انك تسال عن المدينة ؟

المدينة رائعة وسياحية من الدرجة الاولى لاكن يعيبها في فترة الصيف الحرارة والرطوبة فقط !!

الامريكان محترمين وملتزمين بكلامهم لكن اكيد لكل قاعدة شواذ لاكن اغلب الامريكان عسل !!

عطنا استفساراتك في نقاط لكي نساعدك عليها واتمنى منك زيارة التقارير المصورة في البوابة ان شاء الله بتفيدك

اتمنى لكم التوفيق

مشكور اخوي على الرد والاهتمام وعلى التوقيع اللي يعكس اهتمامك بالتجديد دائما
اخوي انا بالضبط ودي اروح سياحه ودراسه لغه بنفس الوقت لمدة 5 اسابيع يعني ودي اعرف الله لا يهينك
1 ارخص واحسن طيران
2 ابي بيت لي ولعائلتي مع العلم اني راسلت كذا بيت وارخص واحد كان 2300 المده كامله طبعا البيت مفروش والعجيب ان فيه حمام سباحه
3 هل فيه معاهد بأورلاندو تسوي لدراسه اللغه
5 بالنسبه لاجار السيارات ابي نصيحتك بعد
6 اذا واكل وشارب بالبيت هل المصروف اليومي 50 دولار كافي

اوه تعبت ......
اتمنى منك تحملني ومشكور

نسيتوني ادري وين كرم شباب منتدى امريكا تكفون لا تخلوون خويكم

عزيزي

بما ان طلبك عن الدراسة فتم نقل موضوعك الى بوابة الدراسة فس امريكا !!

ان شاء الله الاخوان ماراح يقصروا !!

بالتوفيق

بس ما اتوقع احد يرد عمي هناك

مو قلت ماراح احد يرد

اخوي اولاندو بفلوريدا !! مدينه جدا جميله وهي سياحية ( بها ديزني ورد و السي ورد ) وتبعد عن ميامي حوالي 4 ساعات بالسيارة انا زرتها في الصيف الماضي مع اسرتي وقصيت فيها عشره ايام ممتعه
وبخصوص السكن شوي مرتفع مقارنه بالمدينه الى انا ساكن فيها في ولايه ثانيه - تتراوح اسعار الشقق ما بين 800 الى 1100 دولار شهريا - والفنادق على حسب مستوى الفندق _كم نجمة
اما بخصوص التعامل عن طريق الانترنت - انا وجميع زملائي السعوديين نقوم بعمل حجوزاتنا _فنادق,طيران,اي خدمات اخرى _ عن طريق الانترنت بكل سهوله وامان
ارجوا ني افدتك ولو بالقليل
وموفق باذن لله

جزاك الله خير اخوي ابو خالد و كافي اهتمامك و ردك بس بعد و دي اعرف اكثر عن المعاهد اجر السيارات المصرف كل هذا ما عرفت عنه شيء عاد مو الهقوه برواد المنتدى انا اعرف انهم ما يقصرون نبي ننطر ميخالف بس نطلع بنتيجه

اخوي فايز انا اعطيك المعلومات الي عندي حسب خبرتي السبيطة في التنقل بين ولايتنين
المعهد السابقة(ولاية لويزيانا) ELS تكلفة اللفل الواحد تقريبا 1400دولار ومدتة شهر ,,لكن المعهد تجاري بحت يهمة الربح اكثر من مستوى الجودة المقدمة للطلاب ,,المعهد الي تخرجت منه(ولاية كانساس) معهد تابع للجامعه نظام فصل دراسي ينقسم الى قسمين كل قسم مدته شهرين (اللفل الواحد شهرين ) تكلفة الدراسة خلال الفصل الواحد 4600دولار وتقدر تدرس لفل واحد لمدة شهرين بتكلفة 2400دولار ومستوى المعهد ممتاز ... اجار السيارات : على حسب النوع والموديل والرخصة في اماكن تاجر بالرخصة السعودية الجديده (عربي - انجليزي ) وفي اماكن ما تاجر الا برخصة امريكيه وطبعا حتدفع تامين على السياره ., مثلا اذا بغيت تستاجر سيارة صغيره زي الهوندا سفك او فورد فوكس التكلفة مع التامين تقريبا اليوم 60دولار واذا سياره اكبر يزداد السعر شوف الموقع هذا لتاجير السيارات http://www.happytoursusa.com/en/outr...FZNL2god-HJjTQ
وهذا موقع اخر تقدر تستاجر منه فنادق وسيارات وتحجز تذاكر طيران وخلافة http://www.hotwire.com/
اما بالنسبة للمعيشه على حسب صرفك اذا طبيخ في البيت تقدر تشتري المقاضي من اشهر هايبر ماركت في امريكا اسمه well mart يبيعون فيه كل شئ كل شئ من خضار ومعلبات وقطع غيار السيارات وادوات سباكة ادوات كهربائية مفروشات ....الخ (بسوي لهم دعاية خخخخخ) تقدر تاخذ اغراضك من عندهم يعني اذا اسره متوسطة 200دولار تكفي مقاضي اسبوع (ارجع و اقول على حسب الشخص ),,, طبعا انت رايح مدينه سياحية فالزم تعمل حساب الترفيه يعني تاخذ ميزانية طيبه على شان دزني لاند والسي ورد والمطاعم و غيره ...
انا عندي سؤال لك انت طالع فيزا سائح او طالب -لانه على حسب علمي المتواضع فيزا طالبهو الوحيد الى يقدر يدرس بنظام الفل تايم ,,, والافضل انك تسال السفارة وهم يجاوبنك على النقطه هذي .. لا تواخذني يا خوك اذا لغتك الانجليزية مهي قوية تقدر ترسل ايميل بالعربي وهم يردون عليك وهذا عنوان المراسله mailto:[email protected] (قبل ما تراسل اي معهد وتدفع لهم )
هذي بعض الاجوبة ارجوا انها تكون مفيدة لك واي سؤال اخر انا حاضر
و بالتوفيق

هلا بو خالد مشكور يالغالي والله انك ما قصرت من الاخر بو خالد هل 6,419.04 usd تكلفه كافيه تسكن + سياره + معهد + مصروف يومي ومقاضي جمعيه وغيره من الامور هل هي كافيه
واذا فيه زياده عني تقريبا 200 دولار الى 400 دولار فوق هالمبلغ مع العلم اني معاي عايلتي انا وزوجتي وعيالي 3 + خدامه وعيال شارعنا
ههههههههههههههههههههه
لا اتغشمر تكفا ابى الاجابه

مشكور

والله اخوي المبلغ موه بالقد لمدةقرب 37 يوم وانا انصحك انك تحاول تزيده لحد 10 الاف دولار له لانة السكن قرب 1000$ والمعهد قد 1400$ ومصروف السيارة بالاجار يوصل تقريبا 70$ يوميا يعني قريب 2000$خلال شهر واغرض البقاله 1200$ باقي الاماكن السياحية تكلف مبلغ ؟؟؟ مطاعم ؟؟؟؟ هذة الميزانية على اقل تقدير ولا تنسى انك جاي بلاد غربه وبعيدة واذا الله لا يقدر اذا احد منكم مرض لو مرض انفلونزه عادية مع تغير الجو (العلاج بيكون مكلف اذا ماعندك تامين طبي)
وبنصحك لوجه لله لا تجيب معك الشغاله لان القانون هنا يجبرك انك تعاملها وفق انظمة العمل في امريكا =يعني دوام 8 ساعات يوميا واجازه في نهاية الاسبوع غير موضوع الراتب والله ثم والله لو انه اي احد قالها عن النظام الامريكي واشتك الله لايقدر بتورط ورطه كبيره معها ولو انها فكرت انها تنحاش مثل عندنا في دول الخليخ حتتعرض انت للمسائلة القانونيه

وموفقين باذن لله

مشكووور الله يجزاك خير على هالتفصيل وشكلي باحول الوجه الى مكان ثاني على الميزانيه
لاهنت يالغالي