الموضوع: استفسارات ــ فصل الخريف

العنوان واضح

كيف وضع النت هناك في البلد

عائله وبسكن في منتجع ..

هل يتوفر النت في المنتجعات السكنيه

وهل يتوفر مقاهي نت هناك مفتوحه 24 ساعه ؟

انا ابي النت شغال معاي هناك ..

ابي حل من اصحاب الخبره في الوضع هناك

مواضيع عشوائيه ممكن تكون تعجبك اخترناها لك:

• أستفسار بخصوص فنادق بونشاك
• رحلتي على السنغافورية اكتوبر لوحدي
• استفسارات متعددة العضوة
• فزعتكم لمن قرب يودع العزوبية
• سؤال وبي فزعتكم
• مساعده بترتيب جدول سياحي عائلي باندونيسيا . جزيتم خيرا
• ماهي الاوقات التي يحسن فيها الزياره لبلاد الاندومي
• ارغب المساعدة
• جزيرة بالي ندمت من اول دقيقة نزلت فيها المطار
• لأنوي الذهاب الى بالي وأبحث عن شاطئ مناسب
• افضل سواق باندونيسيا
• امساعدة يااخوان
• اصبحنا ثلاثة؟؟؟؟؟
• أبغي فندق حلو وفي مكان حلو وبسعر حلو ، فاهم ياحلو ؟
• هل تستحق مدينة زيارتنا لها ؟
• استفسارات متفرقه والفزعه يا شباب السعوديه
• مخطط سفري آراءكم ومقترحاتكم جاكرتا بونتشاك وبالي
• نبي الفزعه مسافر جديد وابي فيلا في بونشاك
• سؤال عن البوردنق
• فندق هاريس بالى

اخي العزيز حدد المدينة او المكان

الفنادق اغلبها فيها نت
انا سكنت في فندق في جاكرتا وكان النت شغال ميه على ميه

المشاركة الأصلية كتبت بواسطة m e d a n
http://www.arabtravelersforum.com/tr...1/#post3938841

اخي العزيز حدد المدينة او المكان



بالعاصمه جاكرتا لكن للحين مادري وين بالضبط لكن الاكيد انه فيه مجمع مدري منتجع زي كذا
مو فندق يعني

اغلب فنادق جاكرتا يوجد فيها النت
هنا موضوع ان شاء الله يفيدك رحله موفقه

http://www.arabtravelersforum.com/tr...4/#post3064727

ابوعبدالله افاد الله ينور

بسم الله الرحمن الرحيم


السلام عليكم ورحمة الله وبركاته



الوالد الله يطول بعمره

قال نبي نسكن بمكان اسمه

مجمع توقا بونقا ( اضن اسمه كذا )

يقول بوسط جبل جباناس


--

اللي ابغاه

هل فيه صور لهالمجمع من سكن ومن اي شي يتواجد داخله المجمع


برضو ابغى اسماء اسواق وملاهي واشياء حلوه ( للـعـوائـــــل ) يعني نروح لها ونتمشى فيها


وبرضو فيه هناك مقاهي نت ولا وشلون ؟

واذا مافيه ..

هل فيه مقاهي نت قريبه من الموقع

--

وهل المجمع حي ونشط وفيه سياح كثُر - لاني ما احب اسكن بمكان اخر الليل ما تسمع الا صدى صوتك هههه كذا تطق معي وانقهر

يعني هل المكان فيه سياح كثر وهل هو شغال 24 ساعه



وبرضو معليش اسئلتي كثيره لكن تحملوني هل هو مجمع عائلي او عزاب او كيف وضعه ؟؟؟

انا طالع للعمه ب 22 يوليو ان شاء الله وبجلس فيها 3 اسابيع تنصحوني استمر في المجمع طول المده وهل هو يستاهل او التغيير افضل ؟

انتظر الاجابات والافاده منكم وادري انكم تبي تعطوني الصور الواضحه وهذا اللي تعودته منكم

يعطيكم العافيه لكل من يرد ويوضح

اخوي العزيز المجمع في الليل جدآ كئيب وموحش

في مكان تريدالاسواق والملاهي

بالجبل روحو سيروني احسن

و ترى غرفه كبيره و تصلح للعوايل

و لا هو موحش ولا شي ,,

و نصيحه ,, اندونيسيا بالذات :

تنام بعد صلاة العشاء و تصحى من صلاة الفجر - حسب السنه -

لأن جمالها بالطبيعه ,, و الوقت المناسب للأستمتاع بها بالنهار



يالتوفيق

,,

على فكره مجمع كوتا بونقا

حسب صور التقارير ,, انها كشخه من الخارج فقط

اما من الداخل عاديه

حرام بالسفر الكل وده يستانس طالما دفع

مو يشكك بالفرش و النظافه و الامان

,,

,

وعليكم السلام ورحمه الله وبركاته
مجمع كوتا بنقا قريب من حديقـــة الزهــــور ومنتـــــــــزه تشيبــــو داس
وكذلك بالقرب من تشيبناز المجمع كبير جداً ونيس بالنهار وكائيب بالليل
من الافضل أخي العزيز
فيلا خاصه بالجبل بالقرب من البقالة السعوديه لوجود جميع متطلبات السائح
بهذه المنطقه واقرب الاسواق للجبل هي اسواق مدينة بوقور ومو معقول ثلاثه
اسابيع تأخذها بمكان واحد يجب التنقل لعدة مدن .
خذ كم لفه لتقارير الاعضاء وجمع معلومات وحدد المدن التي ترغب الزيارة لها
وبعد ذلك اسدح اسئلتك والجميع هنا رهن الاشاره
تحياتي يالغالي

يعطيكم العافيه


المشكله الوالد مساكه معاه يسكن بذا المكان ولا لي حيله


ربك يعين ونشوف وش الخيره فيه

دلوني على منطقه قريبه من الناس والخدمات والاسواق

يعني مثلا اقدر اطلع اتمشى برجولي واشوف الناس والعالم رايحه جايه

ليل نهار

ابي المكان يكون نشط 24 ساعه

ويصلح للعوايل

ابي الاماكن السياحيه بتوقا بونقا


- الالعاب المائيه والملاهي
- الاسواق
- المقاهي وصالات البلياردو والنت
- الحدائق
- وغيرها
هل يتواجد بتوقا بونقا هذي الحاجات ولالا ؟
اذا فيه حددو لي بالاسم الشي الحلو للعوايل والممتاز عشان نروح لها


وفلل بتوقا بونقا هل يتواجد فيها المسابح ولالا ؟







[[ والله اني متشائم من هذي المنطقه وخايف انها ماتلبى احتياجي انا والاهل - لان المشكله الوالد ملزم على توقا بونقا ]]
[[ طمنوني تكفون ب اسئلتي بالاجوبه الكافيه ]]

لاني اشوف الناس كلها تتكلم عن ---- باندوق وعن بالي وبانشوك ! ومافيه احد يتكلم عن توقا بونقا

انتظركم ماقصرتم

كوتا بونقا


في ناس وايد مدحته ومدحت السكن فيه وهو جميل يعني اذا انتوا عايله كبيرة ان شاء الله بتستانسون وهو منتزه كامل

فيه بحيرة فينيسيا وفي العاب عيبها تفتح بالويك اند فقط...اذا الوالد معزم توكلوا على الله ولا تخلون بخاطره شي الله

يعطيه الصحة والعافية...

^

ماقصرتي اختي






وين الردود وين الردود وين الافاده

المشاركة الأصلية كتبت بواسطة فصل الخريف
http://www.arabtravelersforum.com/tr...3/#post3964173

^

ماقصرتي اختي






وين الردود وين الردود وين الافاده



اخي العــزيز المــكتوب فوق ايش تسميه !!

السلام عليكم



كوتا بونقا علمت من بعض الشباب بانها في اعلى الجبل ...
صحيح هذا الكلام ولالا ؟
وسمعت انها تبعد عن مقهى ابو عبدالله ممكن 20 دقيقه بالتاكسي
صحيح هذا الكلام ولالا ؟


وايضا سمعت ان الجبل يتقسم ل ثلاث اجزاء


وكوتا بونقا يقع في القسم الاعلى للجبل وهو خاص للعوايل

لكن اول الجبل ووسط الجبل وش يكون فيه



وانا باخذ كونكت من السعوديه هنا موبايلي وشريحة موبايلي واشتراك لمدة شهر ب 250 ريال اشتراك مفتوح

تنصحوني اسوي هذي الطريقه او فيه طريقه افضل ممن لديهم الخبره وجربو ؟


؟

كوتا بونقا في شيباناس - اعلي الجبل المنطقه الشرقيه منه
مقهي ابو عبدالله في قلب البونشاك منطقه بونشاك رايا
اول الجبل وغربه يدعي سيسرواه

بخصوص النت الافضل تاخذ قطعه باند لوكس معك وتاخذ لها شريحه من هناك والافضل حسب تجارب الاخوان اندو سات لشريحه البيانات
بخصوص موبايلي هناك من سيجيبك افضل مني بخصوصها اتمني تجد اجابه شافيه كافيه عنها

^

اخوي انا ابسكن في كوتا بونقا

كم يبعد عن مقهى ابو عبدالله بالضبط بالتاكسي ..؟

وهل مقهى ابو عبدالله يفتح 24 ساعه ؟

لاالمقهي ما يفتح 24 ساعه حسب علمي ومو متاكد بس بنسبه 99% لا
المسافه تمت الاجابه عنها بدون زحام وخاصه ليلا ربع ساعه الي ثلث ساعه بالكثير بحسب السواق اللي معك
لا يوجد تكاسي في المنطقه الافضل يكون معك سائق او وسيله نقل اخري كدباب يوديك ويجيبك ان كنت منتب ماخذ سياره معك
مادمت ستسكن في كوتا بونقا الافضل يكون معك سائق ملازم لك

^

الله يعطيك العافيه على اجوبتك الوافيه صراحه تعطيني الافاده بشكل ممتاز الله يرضى عليك



نعم نعم اخوي لدينا سائق خاص وسنستخدمه في الذهاب والعوده في اي مكان


سؤال اخر معليش مقهى ابو عبدالله هل يتواجد فيه المحرمات من المشروبات وغيره وهل يتواجد بجانبه الملاهي والاشياء المحرمه
لاني سأذهب انا واخوي الصغير ولا اريد اخوي الصغير ان يشاهد هذه الاشياء ..

لا اخوي حسب زيارتي له هو مقهي يرتاده اهل التعميره ولا اعلم تغير ولالا بعدي
المشروبات الكحوليه لا اعلم اهو يمنعها ام لا اتمني تكون ممنوعه عنده اما الملاهي وخلافه فلا يوجد بقربه اي شيء من هالامور وليته يحول مقهاه الي مطعم عربي يكون انفع له وافود من الشيشه ومضارها

ابوخالد افاد الله ينور عليك

المشاركة الأصلية كتبت بواسطة jaka
http://www.arabtravelersforum.com/tr...7/#post3990807

لا اخوي حسب زيارتي له هو مقهي يرتاده اهل التعميره ولا اعلم تغير ولالا بعدي
المشروبات الكحوليه لا اعلم اهو يمنعها ام لا اتمني تكون ممنوعه عنده اما الملاهي وخلافه فلا يوجد بقربه اي شيء من هالامور وليته يحول مقهاه الي مطعم عربي يكون انفع له وافود من الشيشه ومضارها



الله يعطيك العافيه

والله يكفي شر مايغضب الله

ماقصرت

لو سمحتو الفلل في كوتا بونقا هل يتواجد فيها الانترنت ولالا


واذا مافيه


هل يتواجد مقاهي انترنت بالقرب من مجمع كوتا بونقا في الجبل ؟؟

ومعليش سوال ثاني


مطار جاكرتا كم يبعد عن الجبل منتجع كوتا بونقا