الموضوع: جايينكم ان شاء الله وناخينكم

السلام عليكم ورحمة الله وبركاتة


كيفكم يا النشاما ؟؟


بصراحة قررنا انا والعائلة انه بعد ما نعطل ان شاء الله نزور الكويت الحبيبة

وهذي اول زيارة لنا

فحابه الله يسعدكم تساعدوني بشوية امور

اول شيء ابي اتاكد

الدخول للكويت يحتاج جوازات والا بطاقة العائلة تكفي

احنا من السعودية

ثاني شي احنا ان شاء الله بنتواجد في 7 فبراير

وبنقعد للاسف بس ثلاث ايام لان الدراسة بتبدي

فحابة اننا نحضر مسرحيات وخاصة لحبيب قلبنا (طارق العلي ) والامورة هيا الشعيبي

فابغى اعرف ايش المسرحيات اللي راح تكون موجودة بهاذيك الفترة؟؟

والسينما بعد ايش الافلام ؟؟

وايش تنصحوني بالاماكن الكويسة مرة لان زي ما انتو شايفين المدة قصيرة وما ابي نروح الا واحنا

زايريين كل شيء

وايش المهرجانات والبرامج اللي بتكون في فبراير

سامحوني طولت عليكم

واي احد حاب اي مساعدة من الرياض انا تحت امركم

مواضيع عشوائيه ممكن تكون تعجبك اخترناها لك:

• العيش والاستقرار في الكويت هل هو ممكن ؟
• حبيبات قلبي بنات الكوووويت
• صورة الأمير تجوب سماء البلاد في العيد الوطني المقبل هديه من أخوانا بالأمارات
• أريد طريق الخبر الكويت لو سمحتوا
• إستفسار عن السفر ببطاقة الأحوال الجديده
• الى اخواني الكويتيين عطوني رايكم
• ديوانية الكويت
• حبيبتي الكويت ساعدوني لو تكرمتوا
• كم استفسار يا اهل الكرم والطيب
• الكويت عروس الخليج
• المركز العلمي يستحق الزياره
• شقق بودل يا اهل الكويت
• ساعدوني بـ المخطط سياحي لعائلة الرد سرييع الله يووفقكم
• فندق المارينا ودي اجربه مع العايلة شلونه؟
• استفسار عن جـــــو الكويتــ
• الدراعات الكويتيه
• اماكن الشقق المفروشة
• استفسااااااااااااااااااااااااار
• ماهي الفعاليات الموجودة في العيد
• استئجار سيارة في

وينكم يــــــــــــــــــــــا اهل الكـــــــــــــــــــرم

حياكم الله وتنورون الديره



بالنسبه للمسرحيه مادري والله اذا خلصت مسرحيته ولا لا

المشاركة الأصلية كتبت بواسطة amoon sweet
http://www.arabtravelersforum.com/tr...2/#post4766504

السلام عليكم ورحمة الله وبركاتة
عليكم السلام ورحمة الله وبركاته

كيفكم يا النشاما ؟؟

بخير دامكم بخير

بصراحة قررنا انا والعائلة انه بعد ما نعطل ان شاء الله نزور الكويت الحبيبة

وهذي اول زيارة لنا

حياكم الله وان شاء الله ماتكون اخر مره

فحابه الله يسعدكم تساعدوني بشوية امور
احنا بخدمتكم


اول شيء ابي اتاكد

الدخول للكويت يحتاج جوازات والا بطاقة العائلة تكفي

احنا من السعودية

اي الحين السفر بين الكويت والسعوديه بالبطاقات مايحتاج جوازات

ثاني شي احنا ان شاء الله بنتواجد في 7 فبراير

وبنقعد للاسف بس ثلاث ايام لان الدراسة بتبدي

فحابة اننا نحضر مسرحيات وخاصة لحبيب قلبنا (طارق العلي ) والامورة هيا الشعيبي

فابغى اعرف ايش المسرحيات اللي راح تكون موجودة بهاذيك الفترة؟؟

للحين ما اعلنوا عن عرض المسرحيه بفبراير

والسينما بعد ايش الافلام ؟؟

السينما مو جوده بكل المجمعات تقريبا وهذا موقعهم شوفوا الافلام
http://webserver2.kncc.com/index.php

وايش تنصحوني بالاماكن الكويسة مرة لان زي ما انتو شايفين المدة قصيرة وما ابي نروح الا واحنا

زايريين كل شيء

وايش المهرجانات والبرامج اللي بتكون في فبراير

الاماكن السياحيه

المركز العلمي
ابراج الكويت
سوق المباركيه ( تسوق ومشاهدة السوق التراثي الشعبي القديم مكان حلو كل زوار الكويت يجونه )
صالة التزلج
المدينه الترفيهيه
منتزه الشعب
حديقة الحيوان

المجمعات
مارينا مول ( قريب من المركز العلمي ومن مطعم فريج صويلح )
سوق شرق ( قريب من الابراج ومن سوق المباركيه )
الافنيوز ( مجمع جديد وكبير يبيله يوم كامل محلات مطاعم كافيهات )
360 مجمع جديد وصغير

منطقة الفحيحيل
مجمع المنشر
مجمع الكوت
كويت ماجيك ( 10 دقايق من الفحيحيل )
مجمع البيرق ( 10 دقايق من كويت ماجيك )


سامحوني طولت عليكم

بالعكس تامرون امر
واي احد حاب اي مساعدة من الرياض انا تحت امركم
نبي سلامتكم تجون وترجعون بالسلامه ان شاء الله





حاضرين لاي استفسار ثاني

وعليكم السلام حياكم اللة بالكويت

بخصوص المسرحية موجودة طارق العلى وستبدأ بشهر فبراير

بخصوص البطاقة العالية لاتنفع الا بالبطاقة الشخصية لكل شخص وليس العائلية

بخصوص العروض بفبراير فى عروض كثيرة يوجد حفلات غنائية وشعرية ودينية ستبدأ 1فبراير

بخصوص السينمات /مجمع الافنيوز _ سوق شرق _ المرينا _ المهلب _ 360 / افضل مجمعات بداخلهم سينمات

بخصوص الاماكن:

حديقة الشعب

مدينة الترفيهية

حولى بارك

المركز العلمى

ابراج الكويت

يوم البحار

المباركية


اى سؤال ثانى حاضرين

ترى ٣ ايام مره قليله
اللي اعرفه لازم البطاقة الممغنطة الجديدة ترا القديمه ماتنفع
السينما ادخلي على سينماسكيب وراح تلاقين الافلام واوقاتها واماكن عرضها
الاماكن
ماقصروا الاخوان
بس الملاهي شيليها تاخذ عليك وقت ومو شي واو عندي المباركيه اوسع صدر واحلى

الماسة الكويتية & كويتي 1968 & بيت الكويتي & حمامة الرياض
ووه بـــــــــــــس
احبكــــــــــــــــــــــــــــــــــم مره

ما قصرتو الله لا يقصر بعمركم

وهذا مب غريب عليكم

حمستووووووووووووني

شكــــــــــــــــــــرا

ماسوينا شي احنا بخدمتكم

تحمسي واسألي واحنا حاضرين

أولا حياكم الله في ديرتكم الثانيه الكويت وراح تنورونا بوجودكم وانشالله تستمتعون بوقتكم عندنا. أما بالنسبه للأماكن الي تقدرين تروحين لها:

أول يوم تقدرين تقضينه في مجمع الأفنيوز ( أكبر مجمع بالكويت وفيه تشكيله كبيره من المحلات والمطاعم وألعاب للأطفال في مدينه مصغره وفيه 11 سينما فيها أحدث الأفلام الأجنيه والعربيه)

ثاني يوم تروحون الصبح النادي العلمي وتستمتعون في الجو أهناك وفيه الأكواريوم رووعه والسينما ثلاثيه الأبعاد رهيبه. أما الظهر تتغدون في ميس الغانم وبعدها على المباركيه واذا في وقت تمرون على سوق شرق (كل هاذي الأماكن قريبه من بعض من حيث الموقع).

ثالث يوم تروحون منطقة الفحيحيل فيها مطاعم ومقاهي عديده. في مطعم رووعه لبناني اسمه السوليدير موجود في أبراج غاليه وعاليه على في العقيله قريبه من الفحيحيل.

يعطيك العااااااااااااااافية
http://www.arabtravelersforum.com/user175129/

اعجبني مرة الجدول حقك

الله يسعدك يارب

بس بسالك ما تدر فيه مسرحية لطارق العلي والا لا ؟؟

لانو مرة متحمسين له

والله يسعدكم صرااااحة اهل الكويت

ذوووووووووووووووق

الله لا يخلينا منكم