السلام عليكم ورحمة الله وبركاته
كيفكم ياأخواني وأخواتي إنشالله طيبين
بداية أشكر جميع القائمين على المنتدى الرائع إلي يقدم معلومات كثيره للمسافرين وأنا شخصيا أستفدت منكم كثير والله يوفقكم
بسم الله نبدأ
أخواني أنا صار لي 6 سنوات منقطعه عن دراستي الثانوية بسبب الزواج وأنا باقي لي أخر سنتين ثانوي أناكنت درست ثاني ثانوي علمي بس الفصل الأول بس أنسحبت لظروف الحمل والحين بعد هالسنين للي عنده معلومه كيف راح تكون دراستي يعني منازل ولا نحو أمية لأني هذا الي سمعته ومن ناحية محتاره مابين علمي ولا أدبي والكل ينصحني أدرس أدبي لأنه أسهل لظروفي وانا ودي أكمل وأدرس دراستي الجامعية في الخارج وأقرب شي لي بريطانيا ممكن تخبروني إيش أحسن دراسة أدرسها لأني متردده مابين هندسة معمارية أو هندسة ديكور (لأني أحب الرسم والألوان ) أو إدراة أعمال (لأن لي أعمال خاصه ) أو لغات (أنا أمي أجنبية وأتقن 4 لغات 2 أساسي) وأحسن جامعة حتى لو على حسابي لأن طموحي أكمل في جامعة كبيره
وثانيا أنا لي ولدين (الله يخليهم لي ) الكبير الحين صار بعمر المدرسة وأنامن خلال الجرايد لقيت له مدرسه عالمية مناهجها بريطانية وتعلم الفرنسي وكل ميزاتها كويسه بس المشكلة إن الكل يقول لي إني راح أتعب لأنها صعبة وإني مراح أقدر أدرسهم يعني أنا بنفسي اراجع دروسهم والواجبات وأنا أبغى دراستهم على مناهجهم عشان حتى لو سافرت ماأتعب معهم شو رأيكم وسؤال ثالث (أدري تعبتكم معي )مثلا في الخارج نسمع من الأهل إنهم يخططو لأولادهم من هم صغار ويهيئوهم عشان يدخلو جامعات كبيره في بريطانيا ولا أمريكا طيب إيش هي الأشياء إلي أعلمها لودي وأهيئه لشي زي كده
أعرف إني طولت بس أنا إنسانه عانيت وأبغى أولادي يدرسو أحسن دراسة لأننا كلنا نعرف إن هذا زمن الشهادة

مواضيع عشوائيه ممكن تكون تعجبك اخترناها لك: