الموضوع: السياره والقطارات في رحلتنا استشاره

اخواني .. اخواتي

احتاج رايكم في موضوع المواصلات في رحلتي انا وزوجي ..

اولاً .. الخطه كالتالي :

3 ايام باريس

يومين آنسي

4 ايام انتر لاكن

3 ايام لوقانو

يوم ميلان

ومن ميلان العوده الى الرياض

يعني المجموع 13 يوم ,

في فترة بقائنا في انترلاكن ولوقانو افضل انها تكون معنا السياره للتجول على القرى المحيطه وباقي المدن نفضل القطار .. وودي نستأجر السياره ونرجعها من نفس الدوله عشان تكون اوفر بالسعر ..
اما فترة باريس وآنسي ما افضل السياره ..

السؤال الأول :
هل يوجد رحله مباشره على القطار من باريس الى آنسي ؟

السؤال الثاني
ماهي افضل شركة قطارات من حيث الاسعار ؟

السؤال الثالث :
ودي نخصص يوم من فترة لوقانو نطلع فيه لفنيسيا ونرجع في نفس اليوم .. وش رايكم في الفكره ؟ هل هي متعبه ؟

السؤال الرابع :
بالنسبه لآنسي .. اذا بغيت اطلع منها لجنيف وش الافضل ؟ قطار واللا سياره ؟


السؤال الخامس :
في انترلاكن رح تكون معنا السياره ان شاء الله واهم رحله عندي هي قمة اليونفرا .. ف وش افضل وسيله للوصول لها ..القطار ؟ او السياره ؟

السؤال السادس :
وش افضل واقرب مصنع تشوكلت للمدن اللي رح نزورها .. وما هي افضل وسيله للوصول له ؟ قطار واللا سياره ؟

السؤال الاخير :
على كذا وش افضل واوفر نوع تذكرة قطارات آخذها ؟

اعذروني على كثرة اسئلتي بس افكاري متلخبطه وخبرتي بسيطه ..

اشكركم ..

مواضيع عشوائيه ممكن تكون تعجبك اخترناها لك:

• بعض الاستفسارات حول رحلتي إلى سويسرا
• الي حفظه الله استفسار
• الرجاء مساعدتي لتخطيط جولتي في أوروبا 🌸
• ندااااء ابو عزيز و كل من يعرف اجواء انترلاكن في اكتوبر
• رأيكم في برنامجي يوم لا تحرموني من اقتراحاتكم
• خبراء سويسرا بالشتاء ياليت تساعدوني
• رحلة ايام في انترلاكن ارجو المساعدة
• الفــــــزعه يالمطـــــــــــــــــــانــيـــــــــــخ
• استفسار مهم جزيتم الجنه
• السكن في المناطق الخالية من السيارات
• تقرير مصور في قرية Spiez
• الى خبراء سويسرا الرجاء المساعدة في ترتيب جدول الرحلة
• مساعدتكم بشقه عائلية
• ساعدوني بمخطط زياره ل سويسرا
• مخطط لرحلة حول أوروبا بريطانيا فرنسا سويسرا النمسا ألمانيا يوم
• استفسار بخصوص انترلاكن ولوزان
• استفساراتي عن سويسرا
• محتار بين مونتيرو او انترلاكن للاسترخاء في سويسرا ارائكم تهمني
• انسي انترلاكن زيورخ باريس
• مسافر من فرانكفورت الى سويسرا غريندلوالد

ولا رد

بنجور
المخطط جميل
انسي لا تسكنين فيها الا اذا كنتي ناوية ما تطلعين منها
القطار ايه فيه مباشر من باريس الى انسي مدته 3 ساعات و45 دقيقة تقريبا رحلة مباشرة في اليوم تنتطلق عند الساعة 6 فجرا والسعر بحدود 110 يورو والحجز اجباري
وطبعا ماعندك خيارات لانها شركة واحدة tgv

نصيحتي انكم تاخذون القطار من باريس الى جنيف
تستاجرون السيارة وتسكنون في ديفون 3 ليالي ومنها تزورون انسي ومجيف وشامونيه
بعدها انترلاكن وفي الطريق تتوقفوت لزيارة مصنع الشوكولا وقرية غريير
بعدها لوقانو تسلمون السيارة فيها اول ماتوصولون وتجلسون ليلتين
ثم الانتقال بالقطار الى ميلانو

شكراً ااخوي ابو عزيز ..

انا ما اقدر اخير في الخطه لأننا حجزنا الفنادق خلاص وما عاد ودي ادخل في حوسة الفنادق مره ثانيه.. والشي الثاني ما فهمت قصدك لما قلت لا تسكنون آنسي اللا اذا كنتوا ما رح تطلعون منها ..ليش وش الفرق ؟

وسؤال ثاني لو سمحت .. الساعه 6 الفجر بدري مرره ف وش رايك لو نطلع من باريس الى جنيف ومن جنيف الى آنسي على الساعه 10 الصباح ..

وهل تنصحني اطلع من لوقانو لفنيسيا نقضي فيها نهار كامل ونرجع الليل ؟ واللا صعبه ؟

وسؤال اخير وش افضل نوع قطارات لنا ؟ هل آخذ الهاف فير باس ؟ واللا اليورال باس حق ال 3 دول ؟ مع العلم اننا بنستأجر سياره في انتر لاكن ..

وانا قريت في تقريرك حق السيارات ان المواقف المجانيه ما تتعدى ساعه وحده .. يعني على كذا بتستهلك السياره حدود 90 فرنك في اليوم للمواقف وفوق هذا البنزين وفوق هذا كله اجار السياره في حدود 500 ريال في اليوم...ومع هذا اغلب الناس تقول السياره اوفر .. معقوله لهالدرجه السياره تكلف واللا انا فاهمه شي غلط ؟

وضح لي اخوي لو سمحت .. واعذرني على كثرة اسألتي .

طيب ممكن احد ثاني يساعدني ؟