الموضوع: ابي احد يرتب لى السفره

ابي اندنوسيا 10 ايام

عدد الاشخاص 3 انا وزوجى ولدي عمره 3سنوات

كم تكلفت الرحله ..

تكفيني غرفه ..

ابيه في عيدالاضحي زين الجو ولا لا

ياليت تعطوني التسعيره بريال


شنو احسن المناطق الموجوده ...

والله يجزيه خير من يساعدنى ,..

مواضيع عشوائيه ممكن تكون تعجبك اخترناها لك:

• قررت السفر بس متاخر
• بخصوص بونشاك
• متى تكون التذاكر رخيصه
• استفسار لغير السعودين
• خبراء مكاتب الاستقدام باندونسيا ساعدوني وبسرعه
• لمعرفة درجات الحرارة المتوقعة تفضل هنا
• عدة استفسارت بخصوص السفر ارجو الدخول والأفاده
• استفسار مسافر للمرة الاولي الى بلاد الاندومي بالي
• استفسارات عن شقق جاكرتا
• تشبوداي
• فندق سيروني
• من يعرف شركة شحن من جاكرتا للرياض وليس العكس۔ ؟؟
• استفسار عن تذكرتي
• استفسار عن فنادق جاكرتا وباندونق
• الفزعة ياأخواني الكرام
• حجزت على الخطوط الاماراتيه عن طريق الانترنت
• أرخص خطوط لجاكرتا
• طيران ليون جدة
• رحلتي لأول مره
• استفسار بخصوص السفر الى اندونيسيا

10 ايام في عيد الاضحي بتكلفكم سكن وسائق ومعيشه تقريبا 200 دولار يعني 800 ريال في 10 ايام 8000 الاف طبعا


اتمنى لكم التوفيق

رحله سعيده

اتوقع يكفيك من 10 - 12 الف ريال سعودي بدون التذاكر

اندونيسيا بلد ما تتفوت , و تستاهل العنوه و كل قرش يندفع راجع عليك وناسه و تمشيه

و 10 ايام اشوف تقسمينها

يوم الوصول جاكرتا

4 - 5 ايام الجبل

4 - 5 جاكرتا

و تكفيكم غرفه وحده بالراااااااااااحه



دعواتك

,,

باختصار أعلم أن الجو في أندونيسيا واحد .. ففي منتصف شهر 11 و12 و1 و2 وأول شهر 3 ..أجواء ممطرة دائماً ...
ففي كل عام هناك أربعة أشهر ممطرة .. وباقي السنة يكون الجو واحد ويختلف من منطقة لمنطقة .. فمثلاً منطقة بنشاك وجبناس يكون بارد وعليل وفي اليل تزيدالبروده .. ولا يكون حار أبداً ..
واما جاكرتا وشربون وبالي .. فتكون حارة الى متوسطة ومناسبة .. أغلب أيام السنة

مبلغ 10000 ريال كافي بدون التذاكر الدولية للطيران

كما تفضلت أختنا الكريمة أم عزيز7 ... ورحلة موفقة بأذن

الله تعالى ... وياليت تضعون مبلغ 1500 ريال كأحتياط للطوارئ

لاقدر الله ...

وجهة نظري انه 10000 ريال كافيه جداا وزود بعد
اولا : جاكرتا
بعد الوصول لابد من الراحه فيها لمدة يوم ولنفترض المبلغ للسكن 800000/2400=333 ريال
الاكل والسواق ليوم واحد تقريبا 720000 روبيه تقريبا 300 ريال
انصحك بالسكن في استون مارينا
633 ريال فقط ليوم
ثانيا:الجبل ( بونشاك )5 ايام
السكن في احدى الفلل تقريبا 750000/2400=312.50 ريال
312.50*5=1562.5 ريال لمدة خمس ايام
السواق 500000/2400*5=1041.67 ريال لمدة خمس ايام
الاكل والوناسه لنفترض 800000/2400*5=1666.67 ريال لمدة خمس ايام
تكاليف الجبل لخمسة ايام =4270.84 ريال
ثالثا : باندونق يومان
وارجو الاطلاع على مواضيع المعري لانه اسرف بالتحدث فيها
وارى ان 400 دولار كافية ليومين باندونق 400*3.75=1500 ريال
ومن ثم الرجوع عن طريق القطار لجاكرتا
يوميان لتمشية والتقضي والتسوق يكفي لهما 2000 ريال
المتوقع للتكلفة = 2000+1500+4270.84+633 ريال
التكلفة الاجمالية =8403.84 ريال
والباقي من 10000 ريال هدية لي عشاني تعبت هع هع هع
اتغشمر والله
ربي يسعدكم وترجعون ان شا الله بالسلامه

انت تقول عشرة ايام وفيه اخوان يقولون تكفيك 10000ـ12000 بدون قيمة التذاكراعتقد فيه مبالغة كبيرة في الصرف يعني في اليوم يبي يصرف اكثر من الف ريال !!بعدين عشرة ايام والله ماتستاهل شوية مره اقل شي خمس عشرة يوم يوم في جاكرتا بعدين اربعه في الجبل واربعه في باندوق ومنها طيران الى بالي اربعه ايام والعوده طيران الى جاكرتا اخر يومين . وعندك المواضيع في النت كثيره بالنسبة للمواقع والاماكن التي تستحق الزياره في كل منطقه . بالنسبة للتسوق افضل شي باندوق اتمنى تعيد النظر في مدة السفرة والصرف اعتقد يكفيك من 500 الى 600 ريال في اليوم .افضل ان تسكن في فنادق في الجبل خاصة واذا تبي الراحه تعامل مع سائق في بداية الرحله لانه يريحك كثير عن التكاسي حتى تعرف الوضع هناك وتحول على التكاسي في تنقلاتك.

هلابك اختي

انا اقولك 10000 ريال ان شاء الله راح تكفي وزود وماتحتاجي اكثر من غرفه غرفه وحده كافيه

بالنسبه لعشر ايام ماهي كافيه جدا وزي مايقولون الفرص ماتتكرر مو كل يوم والثاني انتوا رايحين هناك مادام رحتوا حللوا روحتكم وتذاكركم وبعطيكي التقسيم التالي ل 12 يوم عالاقل

يومين جاكرتا _ 4 الجبل _ 5 بالي _ يوم باندونق

او

يومين جاكرتا _ 4 ايام الجبل _ 5 ايام بالي _ يوم جاكرتا

تقبلي تحياتي ومروري .... واي استفسار انا حاضر

هذا رابط تقريري لبالي اللي لسى ماانتهيت منه يمكن يغير رايك

http://www.arabtravelersforum.com/travel381276/