الموضوع: بنت تبي تدرس لغة في بريطانيا

السلام عليكم ورحمة الله وبركاته

كيف حالكم جميعا ؟


أنا طالبة جامعية تخرجت من شهرين
وناوية أستغل وقتي -بما إن مافي أشغال- أروح أدرس كورس لغة في بريطانيا !

بس المشكلة إني بكون لوحدي محد من الأهل معاي..


فالسؤال

ماهو أحسن معهد أقدر أدرس فيه حتى لو كان غالي ويكون في منطقة آمنه ؟؟

وهل لو فكرت أسكن مع عائلة بكون في أمان _ أنا بصراحة متخوفه من الفكرة بس أحس بستفيد من هالتجربة.. اشرايكم؟

وهل صحيح إن في بريطانيا وايد تفرقه عنصرية على حسب ما سمعت !!! كوني مسلمة ومتحجبة وملتزمة!



أتمنى الرد على استفساراتي وأكون شاكرة لكم ..

مواضيع عشوائيه ممكن تكون تعجبك اخترناها لك:

• ماهي الخطوة مابعد قرار الابتعاث وقص التذاكر؟؟؟؟
• بخصوص الشقق في دمشق
• الأخ ملبورن و الاخت حبيبة زوجها واي خبير بمانشستر يا ليت يدخل
• لمن يريد الإستفسار عن الولايات والمدن والمعيشة بالولايات المتحدة
• سلام من فضلكم أملك بعض الإستفسارات
• تــــعليمات هــــامــــة للـــطــالـب المــبـتـعـث للـدراسـة بـأمـريـكــا
• امتحان الجنسيه الامريكيه الجديد
• معهد يوروسنتر برايتون
• استفسار عن الدراسة في بريطانيا
• وش رايكم بمعهد بكامبردج
• كليات التمريض في الولايات المتحدة
• محاسبه ؟؟؟ شرايك
• الفرق بين استراليا وأمريكا إسأل مجرب
• ياااليت تعطوني معلومات عن ولاية نبراسكا
• لييش مانشستر اكادمي ساااحب علي
• هل يمكن الحصول على قبول جامعه بدون ضمان مالي؟؟هل يوجد مكتب لذلك؟
• اللي عنده معلومه اكيده عن الملحقيه بواشنطن يساعدني تكفوووووووووووون
• قصة طالب سعودي بأمريكا
• الفرق بين من تقدم لامريكا او استراليا
• استشارات شباب بريطانيا

والله يا اختي هم ينصحون في الشمال اكثر من الجنوب وفي مدينة ادنبراه بالذات وفيه بنات سعوديات اللهم البرد المشكله الوحيده بس كلغه انا نصحك في الشمال.
وبالنسبه للعوايل فهم امنين اذا كانت العائله من زوجين كبار في السن بدون ابناء لان الشعب هناك طيب بشكل عام

جزاك الله خير (( عندي طموح))


مشكوور عالرد ..

بس طيب ما تعرف اسم معهد معتمد تقترحه علي ؟!!

تسلمين أختى على حرصك واهتمامك بالحجاب

بس أختي ما فكرتي بالناحية الشرعية للسفر بدون محرم
ترى ديننا ورضى ربنا أهم بكثير من تعلم اللغة

أسأل الله لك التوفيق والسداد

انا بعد أفكر أخذ كورس من شهرين الى ثلاث شهور ببريطانيا ..
مع العلم اني هالسنه بتخرج من الثانوي ..

دخلت ع معهد بالنت مدري هو كويس ولالا ؟
اسمه ..

LONDON EMOIRE ACADEMY


الي جرب ذا المعهد ياليت يفيدني
ووين موقعه بالضبط ..! واذا في معاهد مجربه وتفيد المبتدئين بفتره قصيره ..
وش تنصوحني اسكن بسكن او مع عائله ..
واحتمال يجي معي اخوي الي اصغر من بسنتين ..

ومثل ماقالت اختي منطقه آمنه وكوني متحجبه وملتزمه ..

الله يجزاكم خير ..

أختي أنا أنصح بالجنوب (( وعن تجربة ))

وأخوي الطموح الظاهر متلخبط لأنه الكل ينصح بالجنوب علشان اللغة
الشمال معروفين بلهجتهم الصعبه

أنا الآن ببريطانيا وبالجنوب إذا شفت أحد من الشمال لايمكن أفهم عليه لكن أللي من الجنوب أسهل بواجد

== أنا رايح أدرس لغة بس .

مشكور أخ ((smsh1408))


طيب خبرنا عن المعهد إللي تدرس فيه ؟ وفي أي منطقة !!

أنا بمنطقة kent بمدينة MARGATE

لي موضوع بالمنتدى هنا في كل المعلومات أللي تبيها
وفيه معلومات كاملة عن المدينة والمدرسة في الرابط الموجود في توقيعي .

انا رحت في الصيف شهر 7 ادرس لمدة شهر واحد لغة في بريطانيا .. بالتحديد في مدينة شيفيلد التكلفة رخيضة مقارنة بـ لندن
ومن ناحيتي انا عشت مع عائلة والحمدلله متفهمين الوضع والاسلام وعادي .. بالعكس تحسين يسألونج عن دينج ويحبون يستفسرون
المدينة واايد آمنه وكل شي فيها منظم .. التكاليف ماعرف بالضبط شكثر بس ماتعدت لمدة شهر 1000 دينار بحريني "مع التذكرة-السكن -المعهد-المواصلات(بالباص)"

اسم الجامعه sheffield hallam university ومادري اذا يسون كورسات بالهفترة انا كل الي اعرفه ان الكورس كان بالصيف

http://www.shu.ac.uk/
موقع الجامعه


وسوري ذي الي قدرت افيدج فيه .. اي سؤال ثاني عن المدينة انا حاضرة

مرحبا مريم ياليت تفيدنا اكثر استفدتي في هالشهر او لا

وكيف حجزتي بالمعهد عن طريق المعهد مباشرة ولا شلون

مساء الخير اختي
انا حاجز لمعهد بـ ويمبلدون يقولون أنها في جنوب لندن تقريبا 20 دقيقه هي مدينه للطبقه المتوسطه في بريطانيا وفيه مساجد وامان
راح اسكن مع عائله متقاعدين ولديهم بنت تأتيهم بالويكند
راح اجرب الوضع من اول الايام واقولك اذا ممكن تسكني بما أنك بنت
للعلم المعهد يعتبر من اغلي المعاهد تقريبا الدراسه بالاسبوع 195 باوند والعائله 149 باوند ( سكن -فطور- عشاء )

انا بصراحة طالع بإبريل 3 اشهر والتكلفة تقريبا 24000 ريال السكن والمعهد

حاب اقول انو افضل مناطق لندن هي مناطق الجنوب وهي تبعد عن وسط لندن من 20 الى 30 دقيقه بالاندرقراوند(قطار الانفاق) والي عنده اي سؤال عن المعاهد الموجوده والحياه والامان يتفضل يسئل ((وطبعا فيه نسبة من السعوديات في تلك المنطقه.....

وش افضل منطقة اخوي

ماشاء الله تباارك الله
الله يوفقكم
ياليت اقدر اكمل دراستي
حسبي الله ونعم الوكيل على من حطمني
الله يعووض علي زواجي والله يعوض علي حياااتي

أهلن اختي

بالنسبة للمعاهد مثل ماقال أحد الآخوه الجنوب أفضل من الشمال

أدنمبره مدينه رائعه ,, شعبها معروف انه طيب ومن اطيب الشعوب في بريطانيا

ايضاً شيفيلد مثل ماذكرت احد الخوات انها حلوه وفيها نسبة يمنيه وهنود كبيره ,, يعني عارفين عن الآسلام وكل شي

طبعاً بالنسبه للعائله , لو حصلتي عائله عجوز لحالها ,, ولا مع بنتها بيكون شئ جميل
وتقدرين تنسفين هالشئ مع المعهد قبل قدومك , وتعطينهم شروط بأن يكون مثلا العائله تكون بس حريم ,, وماعندهم حيوانات وكذا , وهي دائماً ماتكون حظوظ العوائل والله يسهل عليك .



اي استفسار انا حاضر

بالتوفيق لكِ اختي ... وانا قاعد ابحث عن معهد وسكن .. يمكنك التواصل معي بعد يومين .. اكون سويت جدول

لبحثى .. تحياتي ..

اختي الديما الله يوفقج وانشاءالله تقدرين تكملين دراستج
والله عورتي قلبي