الموضوع: سؤال ينتظر إجابتكم

السلام عليكم ورحمة الله وبركاته....امابعد

اخواني انا ان شاء الله رايح الكويت بعد فتره
والي شدني اليها زايده كلام الأعضاء وعن اهل الكويت الطيبين
الله يوفقهم لما يحبه ويرضاه


لكن عندي كم سؤال

س1- انا ان شاء الله ابروح بالسيارة وانا اعبي بالسعودية بنزين 91
فأتمنى الي راح الكويت بسيارته وكان يعبي بنزين 91 في السعودية
وش يعبي بنزين في الكويت اتمنى السؤال يكون واضح

س2- هل شقق بودل زينه ولا لا (لاني اشوف كلام بعض الأعضاء يتكلمون عن سوؤ خدمتهم ونظافتهم)


تقبلوا خالص تحياتي المتألق

مواضيع عشوائيه ممكن تكون تعجبك اخترناها لك:

• جاي للكويت اربعة ايامايش افضل شريحة للاتصالات لي ولزوجتي
• ارجوكم يا خبراء الكويت استفسار عاجل عن فندق
• ياريت حد من الاخوه او الاخوات بالمنتدي يطمني
• استفسار عن المعارض السيارات
• اماكن الشقق المفروشة
• اريد معلومات عن مجمع العوضي
• الطقس في الكويت حر غبار رطوبة
• انا مسافر الكويت اليوم
• الأخوة السعوديون اللي بيغادرون الكويت اليوم الجمعه ممكن نتفق لا هنتو
• مشروع الخبارى
• عااااااجل مطلوب شقق فندقية بالكويت
• لـ عشاق الـ
• تكفووون يا أهل الكويت
• ملابس بالجمله
• مرحباااا واكمل الاسئله الكثييير
• حبايبي اهل الكويت وش رأيكم بهالفندق ؟
• جايكم ياهل الكويت من الرياض وافديتكم
• نبغى نسافر أنا وأهلي بعيد الأضحى للكويت
• فعاليات الكويت بالعيد
• استفسارات بخصوص السفر إلى الكويت في رمضان

حياك الله اخوى فى الكويت:

البنزين رقم 91 اوكتين يسمى فى محطات الكويت البنزين الممتاز وهو موجود فى جميع المحطات


اما بخصوص بودل للشقق الفندقية فهو يعتبر واحد من افضل الشقق الفندقية فى الكويت والسلام عليكم .

مشكور اخوي على جاوبك

كفيت ووفيت يالغالي

اخى الكريم كم حدودك بالدفع فى فنادق افضل بكثير من بودل

السلام عليكم ورحمة الله وبركاته...أمابعد

اخوي بيت الكويتي آسف على التأخير ......

حدي الله يسلمك 500 ريال

يعني يطلع بالدينار الكويتي 37.520

افى وينكم يا اهل الكويت

البانزين لا تحاتي .. عندنا 91 ... اما حدود سعرك فان بووودل مناسب لك خصوصا ان موقعه حلووو في منطقة السالميه قريب من شارع سالم المبارك اللي متروس مجمعات للتسوق


حياك الله

الله يعطيك الف عافية اخوي Q8i_Cute

كفيت ووفيت يالغالي

وهذي ماهي أول مره يكون فيها أهل الكويت اهل طيب وكرم

بارك الله فيكم

تقبلوا خالص تحياتي المتألق

اخى 91 اسمة مماز بالكويت

اما سعر 37 نوعا ما جيد ولكن كم عدد الاسرة ومتى التاريخ

عدد الأسره 6

والتاريخ بعيد الأضحى

ومشكورين
والله يوفق اهل الكويت لما يحبه الله ويرضاه

أخوي المتألق توني ذكرت شقق حلوه تصلح للعائله وجديده وموقعها حلووو جدا .. اسمها ( امبريال ) فيه 2 جمب بعض اللي انصح فيه هو البرج الجديد وكلهم بمنطقة بنيد القار وهي منظقه قريبه جدا من البحر وشارع الخليج ونفس الوقت قريبه من المناظق الحيويه وسهل عليك التنقل والرجوع للفندق ... اذكر ان سعرهم كان مناسب لكن ما اذكر كم .. ونفس الوقت اذكر اني لما مريت عليه مره وكنت ادور حجز لشخص صديق لقيت كل البرج من اخواننا السعوديين عوائل طبعا وبصراحه عجبني نظامه ونظافته ومواقف السيارات اللي موجوده عنده بالسرداب .. لكن الغرف ما شفتها بعيني لانه كان فل ومتروس بس سألت ولد سعودي باللوبي الغرف نظيفه قالي : ايه . على ذمته واتوقع كلامه صحيح

اذا تبي رقم تليفونهم اجيبه لك

ايه الله يعطيك الف عافية ياليت تجيبلي الرقم ومشكور

وهذي ما هي اول مره نشوف الكرم من اخوانا الكويتين

حياك الله يا المتألق بديرتك الثانية الكويت

الله يحييك

ومشكور على كرمك يالغالي

تامر امر يالغالي

غرفتين وصاله وحمامين ب 45 د.ك بالعيد 50 د.ك
غرفة وصاله وحمام ب 30 د.ك وبالعيد 35 د.ك
ت / 22528766

فتح الخط 00965

مشكور والله يعطيك الف عافية

كفييت ووفيت يالغالي