الموضوع: ممكن وصف منطقة البلوكات

السلام عليكم
اخواني انا حاليا بالكويت ساكن ببودل شارع المطاعم
وزوجتي تبغى درايع وقرات بالنت عن البلوكات وين موقعها بالضبط لاني ماادل

مواضيع عشوائيه ممكن تكون تعجبك اخترناها لك:

• مؤتمرات الكويت
• أين أجد شنط في الكويت؟
• انا بالكويت ابي محلات الكمبيوتر
• هل تذكرة طيران الجزيرة ممكن ارجاعها او تبديل التاريخ؟؟
• رحلتي القصيره إلى دولة الكويت الحبيبه الأكوآريوممطعم مركز سلطآنرحله بحريه
• بزوركم ليومين فقط
• لمن يهمة الأمر
• أستفسار عن فندق
• صور من رحلتي الى جزيرة فيلكا
• رحلتي المختصرة لمنتجع هيلتون الكويت
• عراقيه زوجه خليجي
• تقرير عن المدينة الترفيهية مع صور
• الــهـــرم الـــرابـــع
• كم سؤال جزاكم الله الف خير
• رشحولي دكتور لعملية الليزك
• رايح زيارة الكويت ومش عارف اية المطلوب منى الرجاء الرد السريع
• جائزة «إنتركونتيننتال لـ كراون بلازا الكويت
• مطاعم المطار
• هدايا الكويت المميزه
• يا أهل الكرم ممكن طلب

وعليكم السلام
شوف عزيزي

اطلع من الفندق باتجاه البحر ( شارع البلاجات ) خل ويهك جنوب وبتزا هت يسارك باتجاه الدوار ، وخذ من عند الدوار يمين هذا الدائري الخامس خلك كله سيدة سييييييييييدة هذا خط سريع وعلامته الليتات البرتقالية

سيدة لين تكون منطقة قرطبة يمينك و منطقة جنوب السرة يسارك روح لطريق الملك فيصل ( يسمونه طريق الرياض أو طريق المطار ) وخذه شمال باتجاه الديرة ( العاصمة ) مو باتجاه مطار الكويت الدولي الي راح يكون جنوبك .

إذا مسك طريق الملك فيصل شمال باتجاه الديرة خلك ماسك الخط لين تجيك إشارة خذها وكمل سيدة راح تدش نفق بجانب برج التحرير خذها وكمل سيدة ، راح تجيك إشارة بجانب مسجد وبرج بيتك خذها وخلك سيدة ، راح تييك إشاره سوق المباركية خذها وخلك سيدة لين تشوف ماكدولنالز يمينك راح تشوف إشارة لا تآخذها ، خذ فرعي يمين وكمل شوي راح تشوف البلوكات يمينك مع مواقفها

وموفقين إن شاء الله

الله يعطيك العافية اخ طلحة
انا بحط طريج ثاني بعد يمكن ينفع

من اول الطريج نفس اخوي طلحة من تاخذ دورا البدع يمين كمل سيييييده لما تصير الجابرية يمينك وبيان يسارك اخذ يمين او من تشوف ساعة التحكم اللي فيها درجة الحرارة اخذ يمين خط الملك فهد الخط السريع لوحتين مدينة الكويت يمين ويسار الاحمدي انت تاخذ يمين وكمل سيييييييييده كلة سيده لما توصل اشاره بين المنصورية وضاحية عبدالله السالم تطوف الاشاره بعد سييده يصادفك دوار اخذه سيده وبعدين اتصادفك اشاره ودار بنصة مسجد اتكمل الدوار سيد راح يكون جدامك المباركية انت من تشوف المباركية واشارتها قبلها تقريبا بي 300 متر لفة يمين على طول انت في البلوكات اعتقد بوك 9 واللي قال عنه اخوي طلحة بلوك 10 من ورا ..

ان شاء الله قدرت اوصف عدل

يسمحولي الاخوان أنا عندي طريق سهل علي أخونا مشعل
أولا تاخذ شارع الخليج بأتجاه الشمال يعني البحر علي يمينك والبنايات يسارك وتكمل سيدا راح يجيك ابراج الكويت و سوق شرق علي يمينك وتكمل علي نفس شارع الخليج لين يجيك دوار (دوار قصر السيف) تاخذ يسار من الدوار بعد ثاني أشاره راح تشوف البلوكات علي يمينك

سلموا على الكويت واهلها خوش ديرة

عاشو الخبراء ماقصرو على الفزعه

تسلمون يااخوان ماقصرتم

المهاجر اسهل طريق موفق اخوي مشعل بس عاد لا تنسى تطلع على الافنيو مول وتعزم المدام على ملفيه بكوفي لورنزو واذا ما عرفت الكافيه كراسيها بيضاء اطلب ملفيه لك ولها وتحياتي لكم